ــــــــــــــــــــــــــــــــــــــــــــــ
(( العصر )).........
ندى : هههههههههه حلوه حلوه
فواز شعندك أنتِ وياها ....... لكم ساعة تضحكون ....
ندى : وأنت شيخصك
ريم : أسرار بنات
فواز : ههههههههههه مالت عليكم وعلى أسراركم
دخل عليهم محمد : السلام
الكل : وعليكم السلام ...<< راح وقعد جنب فواز >>
فواز : وين فيصل
محمد : كنت عنده الحين يجي
ما كمل كلمته ألا وفيصل داخل عليهم بابتسامه عذبه زادت من حلاوته : السلام عليكم
الكل : وعليكم السلام
فواز : أنت وينك ما تنشاف ...ز( " راح فيصل وقعد بكنبه منعزله عن محمد وفواز.. وريم وندى " )
فيصل : كاني معاك
فواز : يوم من شهر .. أنت وش قصتك
فيصل : الشغل.. النوم .. السهر .. التعب
محمد : خلك من هالسهر اللي مايودي ولا يجيب
فيصل : والله ما أدري وش فيني حالتي منعفسه فوق تحت
فواز : نظم وقتك
فيصل رفع حاجبه : شفيه وقتي ..؟! مو عاجبك ... ولا تبيني أصير مثلك كله نوم
فواز شهق : الحين أنا كله نوم .. الله يسامحك
محمد : خلونا من هالسالفة الحين
ريم وندى : هههههههههههههه
فيصل ألتفت لهم وباهتمام : شفيكــــم
فواز مقهور منهم : قليلين أدب لهم ساعتين يضحكون وموب راضيين يقولون لي ...
فيصل : أحقرهم .. المهم الليلة الشباب بيروحون المقهى ..تروح ؟؟
فواز : خويلد بيروح طبعا
فيصل : ايه مكلمه وقالي بيروح
فواز : أوكي نروح وشورانا
فيصل يوجه الكلام لمحمد : وأنت
محمد : لا الليلة بروح لشذى
فيصل : طيب
فواز : يعني ما بنشوفك ألا الفجر
محمد : يعني أنتو اللي رح تجون مبكرا أكيد رح تتأخرون مثلي
فواز : لا أنت حالة أستثنائية
ريم : فيصل ممكن طلب
فواز : ما عليك منها أحقرها
فيصل يطالع ريم ولا كأنه سمع فواز : قولي وش تبين
ريم : أبي أروح المجمع ......اللي قلت لك عنه
فيصل تذكر : ايه .. أنا الليلة مشغول ماأقدر
ريم : عادي خلها بكره
فيصل : لين فضيت
فواز : لحضه .. لحضه .. أول شي تقول على أيش كانت تضحك
ريم حاطه ايدينها على خصرها : ماني قايله وبعدين أنا ما طلبت منك
محمد : طيب ليش ما طلبتي مني
ريم : أنت الليلة مع شذى وبكره أكيد مو فاضي لي وفوازوووه مستحيـــــل مستحيـــــل يوديني وفيصل أهو الوحيد اللي ما يردني بعد قلبي " وتعطيه بوسه بالهوا "
فيصل : ياعمري أنتِ
محمد : ليش ما تخلين السايق ... حاطينه زينه
ريم : بالأول كان يوديني أنا وندى أي مكان بس الحين دايم مع أبوي أبوي قال بيحط لنا سايق ثاني ...
ــــــــــــــــــــــــــــــــــــــــــــــــ
شذى كانت واقفة بوسط غرفتها وحاطه بدلتين على السرير وطالع فيهم محتاره وش تلبس لمحمد ؟؟....." دخلت عليها أمل "
أمل : شفيك واقفة .....!!!
شذى : جيتي والله جابك
أمل فهمتها : أهاااا .... مادام بتقعدون لبسي له التنورة
شذى : بس ممكن نطلع
أمل : مو مشكلة غيري ملابسك لين جيتوا تطلعون
شذى : يعني التنوره
أمل : ايه
شذى هزت راسها بأقتناع وأتجهت للحمام تاخذ شاور وتبدأ بوضع الميكأب ...........
ـــــــــــــــــــــــــــــــــــــــــــ
خالد كشخ بالثوب والشماغ ونزل تحت : مساء الخير
الكل : مساء النور
خالد : هاا شرايكم فيني
أم فهد : قمر ماشألله...
مها : ليش وين رايح .....
خالد : نسيتي أنا اليوم قايل لك ... المقهى مع الشباب
مها : ياحظك
خالد : ههههههههه تروحين معاااي
مها : تنكت
خالد بجد : لا صدق قاعد أتكلم
مها بلا مبالاة : مكشوف مكشوف ( دخل علهم أبوفهد )
أم فهد : تبي العشا الحين
أبو فهد : لا خلنا نشوف الأخبار بالأول
" رن التلفون " مها كانت أقرب وحده له فردت
مها : الوو
وصلها صوت أخوها فهد : الوو هلا مهاااوي شخبارك
مها وقفت من الفرحة : هلا فهد شخبارك كلنا بخير
فهد : الحمدالله أنا بخير أمي وأبوي و خالد شخبارهم
مها : أمي كاهي (عطت أمهاالتلفون اللي متلهفة لسماع صوت ولدها )
أم فهد : هلا وليدي شخبارك وش هالغيبه
فهد : هههههه هلا والله بالغالية أنا الحمدالله ... وكلها أيام وجايكم
أم فهد : متى انشالله
فهد : نهاية الشهر رح أكون عندكم انشالله
أم فهد : انشالله ...... وش أخبار منال << منال زوجته
فهد : الحمدالله بخير .. وتسلم عليك
أـم فهد : سلمليّ عليها
فهد : هههههه يوصل انشالله ........
ــــــــــــــــــــــــــــــــــــ
فيصل : يالله يافواز
فواز : كاني عندك
" طلعوا وركبوا السيارة "
فواز : شرايك نمرعلى خويلد
فيصل : دق عليه شوفه طلع ولا لسه
ــــــــــــــــــــــــــــــــــــــــــــــ
خالد : يالله فمان الله (( طلع بعد ماأخذ أخبار أخوه وعلومه )) ...... رن جواله ........
خالد : هلا والله
فواز : طلعت
خالد : كاني عند السيارة
فواز : أنتظر بنمر عليك أنا وفيصل الحين
خالد : ليش
فواز : أحسن .. وياويلك أن شفتك بسيارتك سمعت
خالد : هههههههه أوكي بس لاتتأخرون الله يخليكم
ــــــــــــــــــــــــــــــــــــــــــــ
وصلوا الشباب المقهى اللي صار فيه الضجة والضحك أنقسموا الشباب فيه جزء يلعب بلياردو واللي واقف يشجع وجزء قاعد عالطاولة الكبيرة اللي حجزوها
(( عالطاولة .......
كان فيصل قاعد على واحد من كراسي الطاولة وعينه على كاس العصير اللي قدامه وسحان وباله مشغول
بـ...... << أكيد عرفتوا ((( مها ))) شاغله باله وتفكيره ومسيطره عليه مع أن اللي صار معااه موقف عادي ويصير الى أي أحد بس هالموقف اللي صار معااه مو أي موقف بالنسبه له .......<< قاعد يتردد بباله >> قطع حبل أفكاره صوت أحد الشباب
سعود : وين وصلت
فيصل بابتسامه ذبلانه : والله ما أدري وين
سعود : خير شصاير
..فيصل حس أنه يبي أحد يشاركه بالي يفكر فيه يبي يفضفض يبي أحد يفهمه ...
سعود : فيصــــــل
التفت فيصل : نعم
سعود : شفيك متغير مو من عوايدك .. علمني .. صاير معك شي
فيصل : كنت حاسه شي عادي بس ما أدري شصار فيني
سعود : وش ذا اللي تتكلم عنه .....؟؟!
فيصل أنتبه لنفسه وللكلام اللي قاله : هااا سلامتك
سعود : قوم معاااي
فيصل : وين
سعود : علشان تقول لي
فيصل : ما أدري وش سوت فيني
سعود قعد يسمعه بترقب : من هي
فيصل : ماأبيك تقول لأحد
سعود ضرب على صدره : أفااا عليك سرك ببير
فيصل :..........................
ـــــــــــــــــــــــــــــــــــــــــــــــــ
في بيت أبو وليد..... أندق الجرس .........
وليد كان موجود فطلع يشوف من اللي عند الباب
وليد : هلا والله
محمد : أهلين شخبارك
وليد : الحمدالله ....... تفضل (( دخل معاه المجلس وبعدها دخل ينادي شذى اللي نزلت بكامل زينتها
وليد قعد يصفر لمن شافها : وااااااااااو
شذى : شفيك
وليد : اللي يشوفك يقول جايين يخطبونك .. وش ذا الزين
شذى : ليش ما تبيني أتكشخ وأتعدل لخطيبي
وليد : روحي له بس .. قاعد ينتظرك على نار( ومشى )
(( أحمر وجها خجل )) راح وليد الى أمل بالصالة
........................................
دخلت شذى وشافته حاط رجل على رجل ومستند بظهره وماسك الجوال أنتبه لها وأبتسم أبتسامه خلاها تذوب بمكانها
شذى وأهي تشابك بيدينها : السلام .. "ما قدرت تكمل "
قام محمد ووقف لها بدوره : وعليكم السلام .. شخبارك حبيبتي
شذى والحيا ذابحها خلالالاص : الحمدالله " راحت وجلست بجنبه "
محمد تأملها وهمس لها : وحشتيني
شذى : وأنت بعد
محمد : هههههههه وأنا وشو
شذى : هههههههه وحشتني
ـــــــــــــــــــــــــــــــــــــــــــ
سعود : هههههههههههههه
فيصل : هذا اللي صار .. وبعدين ليش تضحك لهدرجة السالفة تضحك
سعود : أسفين .. بس مبين عليك
فيصل : وشو !!!!!!
سعود : أن بالك مشغول و....و..... ههههههههههههه
فيصل عصب منه : وبعدين معاك
سعود يبي يغير الموضوع : يعني أخت خالد
فيصل : ايه أخته
سعود : ماعرفت أسمها
فيصل : لأ .. ولا أبي أعرفه زين
سعود : هههههههه أتحداااااااااااااك أتحدااااااااااك ... سمعت
فيصل جا بيرد لكن فواز دخل عليهم عرض
فواز : سمعت سعود يضحك قلت خلني أجي أضحك معاااه
فيصل : والله أنك فاضي مثل هالكاس << يأشر على كأس سعود >>
فواز وسعود ماتوا ضحك : هههههههههههههههههههههه
ــــــــــــــــــــــــــــــــــــــ
بعد ماقعدوا شذى ومحمد مثل ما توقعت شذى طلعوا يتمشون بشوارع الرياض
ـــــــــــــــــــــــــــــــــــــــــ
دخل فيصل مع فواز البيت الساعة وحده ونص
فيصل راح لغرفته بينما فواز راح للمطبخ يشرب كأس ماء وبعدها راح لغرفته الي هي جنب غرفة فيصل
دخل محمد البيت وهو يكلم شذى عالجوال " الساعة 2"
محمد : ههههههه تصدقين عاااد وحشتيني
شذى : توك معاااي
محمد : لا تلوميني
شذى : ...............
محمد يبي يحرجها : آآآآآآآآآخ متى بس متى ..... ههههههههه يالله حبيبتي مأبي أطول عليك ... تصبحين عالخير ................ (( سكر وراح غرفته ))
ــــــــــــــــــــــــــــــــــــــــــــــ
(((يوم الخميس ........
ندى : صباح الخير
الكل : صباح النور
ندى : وااااو أحلى يوم
فواز : مستانسه
ندى : الا باطير من الوناسه
فواز : أجل قومي طيري وفكينا منك
ندى برطمت : مالت عليك
ريم : أقول ندى وش رايك نطلب من المطعم موب أحسن من أنه نزحم روحنا
ندى : أحسن شي
ريم : ونسوي كم شغله من أيدينا
ندى : أنا ما عندي مانع
فيصل مستغرب من كلامهم : شعندكم
ريم : عزيمه خاصة بالبنات ....... بنات عمك وعمتك
هز فيصل رأسه وهو يحس بشعور غريب طاغي عليه
(( هل رح يشوفها ولا لأ ..........؟؟؟؟؟؟))
ريم : فصوووول حبيبي طلب تكفى
فيصل : أنا وعدتك مشوار واحد
ريم : يالله مافي مشكلة .. واحد .. واحد ..
فيصل : وين
ريم : أبي كيكة شوكولا عجيبة .. وصيت عليها من قبل
فواز : هههههههه أبي قطعة منها مو تنسون روحكم فيها
ريم : هي خلها توصل بالأول
ندى : مايستاهل مايودينا مكان
فواز عطى أخته نظرة : أنتِ سكري فمك ولا كلمة .. سمعتي
ندى تستهبل : تكلمني
فواز حقرها ودار لأخوه فيصل يكلمه : بتروح الليلة المقهى ...؟
فيصل : لا الليلة بروح النادي
فواز : منو معاك هناك ... يمكن أروح بدل هالقعدة الفاضية
فيصل : كل اللي تحبهم واللي يرتاح قلبك لهم .. تروح ؟
فواز : أشوف
ـــــــــــــــــــــــــــــــــــــــــــــ
مها : اليوم يمه بروح بيت عمي .. أذكرك
أم خالد : تصدقين نسيت
مها : زين أني قلت لك
نزل خالد وهو لابس بنطلون جنز أزرق قاتم مع بلوزه بيضه شيك فيها كتايب وغيره من الرسومات الأكشن
خالد : السلام عليكم
الكل : وعليكم السلام
خالد : وين أبوي
أم فهد : راح لشغله من قبل دقايق
خالد وهو يقعد بجنب أمه : آآآآخ متضايق
أم فهد : شفيك يمه من وشو متضايق ... أحد مزعلك
خالد : لا تخافين بس ملان
أم فهد : حتى وجهك مو عاجبني ... فيك شي
خالد : انا لله وأنا اليه لراجعون .. ماصارت يالغالية كلمة قلناها بالغلط
ألتفت لهم مها اللي كانت متابعة التلفزيون : خالد
خالد رفع راسه من كتف أمه : نعم
مها : اليوم لا تنسى أنت الثاني
خالد : لاتخافين ذاكر ....... العزيمة
مها : عن أذنكم
أم فهد : ليكون بتتجهزين من هالحين
مها : لأ... بس بروح أشوف وش بلبس للعزيمة .. عن أذنكم
ــــــــــــــــــــــــــــــــــــــــــــــــــ ـ
ريم : 4بيتزا وصحنين مقبلات و 2صحن مشويات كبير.............
ندى : جعــــــت
ريم : هههههههه يالله عاد قولي وش نسوي
ندى : بشاميل من أيدينك الحلوة و ورق عنب
ريم : حلو والحلا بروح مع فيصل نجيبه الساعة خمس
ندى : وأنــــا
ريم : وأنتِ وشو
ندى : أنا بروح معاكم
ريم : خليك مكانك وش ذي اللقافه
ندى : أنـــا ملقوفة يالغبيه
ريم : بلا مصاخه عليّ الحين
ندى : أنزين
ريم : الحين الساعة كم
ندى : 2ونص
ريم : أجل قومي نجهز اللي بنسويه في المطبخ
"نزلوا من غرفة ندى وراحوا للمطبخ "
ندى : أجل وين أمي
فواز من الصالة : في بيت خالتي
ندى : بسم الله من وين طلعت
فواز قام وراح لهم وأخذ له تفاحة من السلة اللي على الطاولة وقعد وحط يده الثانية على الطاولة : ليش وش تبون فيها
ريم : يالله ما أدري وين حاطه العلبة
ندى : دوريها زين
فواز وده يقتلهم : وأنتو كله حاقريني
ألتفت له الريم : أسفين بس قاعدة أدور علبة ورق العنب .. موب لاقيتها
فواز : هههههههههه (راح فواز ووقف جنبها وقدام الكبت المفتوح ) وهاذي وشـــــــو
ريم : هااا .. صدق عميه " راحت وحطتها على الطاولة وبدت تحضر الحشو بنفس حلوه .. وندى أستلمت جزء من البشاميل لأنها ماتعرف له زين وريم هي اللي بتكمله .......................
ــــــــــــــــــــــــــــــــــــــــــ
طلعت أمل من الحمام بعد ما أخذت دوش ... فكت شعرها المبلل ...........
دخلت عليها شذى : خلصتي " تقصد من الدوش "
أمل : ايه الحين بجفف شعري
فتحت شذى كبت أمل : وش رح تلبسين
أمل : بنطلون وبلوزه وأنتِ
شذى : بلبس بنطلوني اللي أشتريته الأسبوع اللي راح مع بلوزه
أمل : ألبسي التنورة البيج
شذى : نفسي بالبنطلون << شذى مجنونة بناطلين
أمل : زين روحي وفكيني منك
شذى : الله يسامحك
أمل : شــــــذى
شذى طلعت من غرفة أمل وودها تقتلها كله تصارخ بوجها
ــــــــــــــــــــــــــــــــــــــــــــ
(( في الصالة .......بعد مرور ساعة ونصف.....
ريم: وأخيرا خلصنا
ندى: باقي الكيك والحلويات
ريم :رح أدق على فيصل اللحين
فواز نازل من الدرج: فيصل مع أمي في بيت خالتي
ريم : شيسوي ما قلت لنا أنه معاهااا
فواز: من شوي دقيت عليه وقال لي أنه رايح يجيبها
ندى: أهااا يعني جايين
فواز: أيه........................(ما كمل كلمته الا وأم محمد داخله بوحدها...)
ريم: يمه وين فيصل
أم محمد: بالسيارة قال لي أناديك
ريم : okبروح ألبس عباتي
((راحت ولبست عباتها ونزلت تحت ......
طلعت من الباب الرئيسي الخارجي ولقت أخوها فيصل في السيارة بس كان معاه واحد ما قدرت تشوفه لأن السيارة متقدمة شوي عن البيت راحت وركبت السيارة))
ريم :....... <<ساكته
فيصل: ما تسلمي
ريم : هااا......السلام .. <<ما قدرت تكمل لأنها عرفت بأن الشخص اللي مع فيصل أهو ولد خالتها مشاري
فيصل ومشاري: وعليكم السلام
أنطلقت السيارة للمكان المقصود
ريم وهي نازله من السياره: فيصل مارح تنزل معااااااي
فيصل : روحي وأخذي راحتك حنا ناطرينك هنا
ريم: ما تشوف الزحمه بالمحل
فيصل مصرعلى رايه: ريم خلصي شغلك وتعالي ..شفيك
سكرت ريم باب السيارة و ودها تقتله ودخلت وعلى ماقدرت تمرمن بين الناس .. كلمتهم عن اللي وصتهم عليه وقالوا لها أنه جاهز طبعا <<لأنها موصيتهم عليه من أمس
مشاري من وراها : كلمتيهم
ريم أنصاعت هذا وش جابه اللحين أنا أراويك يا فيصل :أيه كلمتهم (راح ووقف جنبها)
مشاري يبي يزيد بالكلام معاها:يعني أللحين يوصل
ريم : أيه ...... وين فيصل
مشاري يأشربيده وراه: ورانا
دارت ريم وأرتاحت لمن شافته بس كان ودها تقتله على أسلوبه معاها
مشاري :فيصل
ألتفت له : نعم ... خلصتوا
مشاري : تعال
راح لهم فيصل:شصاير
مشاري : ولا شي .. بس أختك تسأل عنك
فيصل يطالع في ريم : خير
(دارت ريم عنه ووصل الطلب وأستغرب فيصل ومشاري من تصرفها )
أخذت الكيكه مع سلة حلويات مشكله وأخذت عصيرات ومشروبات مشكله <<بيبسي .. سفن أب .. شاني.....
((عند المحاسبه))
فيصل: هاتي أنا بحمله تبي تفشلينا وحنا موجودين
حقرته وسبقتهم الى السيارة....... فيصل حمل الأكياس ومشاري حمل الكيكه وهم جايين ناحية السيارة لمحتهم يسولفون ويضحكون .. ركبوا السيارة
فيصل: والله رح تستانس كثيررر
مشاري : متى......؟
فيصل: بكره الكل بيروح
أخذ فيصل الكيكه من مشاري وحطها بالمقعد اللي وراه جنب أخته ريم ..... تحركت السيارة متجهة الى بيت أبو محمد ...... وصل أخته وبعدها وده مشاري بيتهم
ــــــــــــــــــــــــــــــــــــــــــــــــــ ـــ
نزلت ندى بكامل زينتها كانت لابسه تنوره ورديه توصل لين الركبه مع بلوزه بيضه فيها بعض التشكيلات الناعمه مع صندل أبيض وفاكه شعرها على كتوفها بشكل رهيب وحاطه مكياج ناعم جدااا زاد جمالها.
فواز شافها وشهق: ندوووووه
ندى : نعم
فواز :من وين طالعه
ندى : يعني حلوه
فواز : قمـــــــر
ندى : ههههههههههههههه لأول مره فواز يمدحني
أم محمد : عقبال ما أشوفك عروس
ندى أستحت من كلام أمها :يمـــــــه << قالتها بدلع
فواز مات من الضحك على شكل أخته: هههههههه لايق
دخلت ريم ومعاها علبة الكيك والأكياس
ريم تشهق: يالخاينه كان نطرتيني أجي
ندى : مليت وأنا قاعده فاضيه
ريم : أنزين أخذي الأغراض و وديهم المطبخ أنا بروح أتجهز ............<< الساعه 8
ـــــــــــــــــــــــــــــــــــــــــــــــ
شذى: يالله أمل
أمل : كاني جيت يالله مشينا
((أتجهوا الى بيت خالهم أبو محمد بقيادة أخوهم وليد ))
ـــــــــــــــــــــــــــــــــــــــــــــــ
مها الوضع عندها كان غير شكل كانت أكثر من روعة قاعدة تحط الميك أب بكل دقة تمزج الألوان وتضيفها بطريقتها الخاصة <<أساسا مها ماخذه دورة مكياج قبل >>......... لففت شعرها البني القاتم وحطت أكسسوارات بحيث أنها رفعت جزء من شعرها من جنب ونزلته بالأكسسواره ونزلته مع باقي شعرها كانت لابسها تنوره باللون الأسود وأطرافها مشكوكه بشك أحمر قصيره توصل للركبة مع بلوزه باللون الأحمر مرسوم بوسطها قلوب متداخلة بالشك الأحمر مع بوت أسود طويل للركبة ذو كعب ضعيف وأنيق لبست شيلتها مع العباءة ونزلت وهي حامله شنطتها ..كانت تمشي بخطوات هادية لأن الكعب عالي شوي
خالد : ما صارت عزيمة
مها : عيب ولا حرام
خالد : أنا ما قلت كذا بس وش هالمبالغة
مها : تفتكر بس أنا اللي متزينه كذا كل البنات متزينين وأكثر مني بعد ...........
ـــــــــــــــــــــــــــــــــــــــــــــ
ربع ساعة وفضت الصالة وأمل وندى صاروا جاهزين لأستقبال الضيوف اللي عازمينهم
" أندق الجرس "
ندى وقفت : أكيد هم بروح أشوفهم
دخل عليهم فيصل ميت من الضحك :هههههههههههههه
ريم : هذا أنت
فيصل :أســــف بس حبيت ألعب باعصابكم وين أمــي
ريم : تعبانه راحت تنام تقول قاعده من الصبح
فيصل : وين بتقعدون
ندى : وأنت شكو
فيصل : رح أجي البيت بعد ساعة
ريم : ليش
فيصل : بغير ملابسي للنادي
ريم : أهاا .. أوكي حنا رح نقعد بالصالة شوي وبعدها بنتعشى وما أدري يمكن نرد نقعد بالصالة أو نروح فوق على حسب ألأتفاق
فيصل : طيب يالله ... أنا طالع فمان الله
ريم وندى : في أمان الكريم
.. طلع فيصل ولقى ثنتين داخلين (( عند مدخل البيت ))
شذى : شلونك فيصل
فيصل عرف الصوت : هلا والله بخير الحمدالله أنتو شخباركم
شذى : حنا تمام
فيصل : تفضلوا البيت بيتكم
طلع فيصل وشاف وليد توه بيمشي وعطاه حركه بيدينه ورجع وليد
فتح وليد النافذة : أخبارك
فيصل : أسأل عنك يالحبيب << سند أيدينه على السيارة ورخى رأسه الى وليد >>
فيصل : الا قولي .......... " قطع كلامه صوت سيارة توقف ورا سيارة وليد رفع راسه وشاف خالد ومعاه وحده عرف أنها أخته نزل خالد وتقدم له
خالد وهو يبتسم : أخباركم
فيصل و وليد : الحمدالله
ألتفت فيصل الى اللي نزلت من السيارة ورجع يطالع في خالد علشان ما يلاحظ شي
في نفس الحظه مها لفت أنتباها الشخص اللي واقف قدام أخوها .... أهو .. أهو نفسه اللي شافها بديك الليلة
طالعها بنظرة مافهمت معناها وبسرعة غيرت نظرتها ودخلت البيت
فيصل : بكره لاتنسى
خالد : المقهى .. جايكم لاتخاف هااا الوليد جاي
وليد من داخل السيارة : أشوف نفسي أذا فاضي جيتكم
خالد : الروحة ماتتفتوت
فيصل : مشاري رح يجي
خالد : والله أنه هالولد وحشني
وليد : بعطيكم خبر... يالله ســــــــلام
خالد و فيصل : وعليكم السلام
(ظل خالد وفيصل بوحدهم
خالد : يالله أنا ماشي تامر بشي
فيصل أبتسم : ســــلامتك
راح خالد للسيارته وتحرك مكان ماهو قاصد ونفس الشي ركب فيصل سيارته وقعد يطالع مكان ما كانت مها وضحك على نفسه ومشى ...
ــــــــــــــــــــــــــــــــــــــــــــــــــ ــــ
مها : السلام عليكم
الكل : وعليكم السلام
راحت مها بدورها وسلمت على الجالسين وقعدت جنب ندى
ندى : أخبارك وحشتيني من زمان عنك
مها : تبين كل يوم أجيك
ندى : واااااو ياليت كان ما أخليكِ تطلعين من بيتنا
مها بنبره بين المزح والجد : بكيفك أهو .........
الكل : ههههههههههههههه
البيت كان فاضي ففصخوا البنات عباياتهم وقعدت كل وحده تمدح في الثانية خاصة مها اللي طالعة اليوم غير
..... سوالف ... ضحك ......
دخلت عليهم رنـا
رنا : السلام عليكم
الكل : وعليكم السلام
راحت ريم وحضنتها بقوووة : توقعتك مارح تجين
رنا : وأنتِ صدقتي
سلمت رنا على البنات وقعدت مابين أمل وريم
ريم : يالله بنات العشا جاهز
قاموا البنات مع التعليقات الجانبية والمزح والضحك وأتجهوا الى غرفة الطعام أخدت كل وحده المكان اللي تبيه
شذى : وش ذا كله
ريم : هذا كله أكل يعني وش شايفه قدامك
شذى : هههههههه ... واااو بشاميل
قامت ندى : أنا بحط لك
شذى : لا حبيبتي تسلمين ...قريب مني << تقصد البشاميل
قامت شذى وقطعت لها جزء وحطته بصحنها
أمل : مها عطيني كاس
مها : تفضلي ياقلبي
أمل : مشكورة حياتي
ندى : وش ذا الكلام أنتِ وياها ااا
أمل : أنا أتعامل معاهااا بهالمصطلحات تبيني أتعامل معك أبهم
ندى : ههههههه ... نبدأ
مها : لا لا هالكلام لي أنا وحدي
أمل : هــــــي أنتي ويااهاا وش شايفيني
ندى : شايفينك أحلى بنت ......هههههههه
مها بنظرة خبث : ليش ماتكون أحلى ...... بحكم الكلام اللي تقوله
رنا : كلامك صح
أمل تفوررر وتفوررر من كلامهم : تأدبي أنتي وياهاا زودتوها
الثلاثي : ههههههههههههههههه
شذى : شفيكم
أمل : أغبياء
الثلاثي ماتوا من الضحك على شكلها : ههههههههههههه
(( خلصوا عشا وركبو ندى وشذى ورنا وأمل فوق علشان يشبكون عالنت وظلت مها مع ريم يشيلوا الصحون الباقيه
ريم : خلاص روحي أسبقيني فوووق
مها : أوكي لا تطولين
ريم أنشالله
طلعت مها من المطبخ وراحت تركب الدرج سمعت صوت باب ينفتح وراها وصوت مفاتيح < فيصل > قاعد يلعب بالمفاتيح راح أهو الثاني بيركب الدرج بس شاف وحده واقفه وعاطيتنه ظهرها ... تحمحم لأنه عرف أنها مو وحده من خواته
فيصل : أحم أحم
سمعت مها الصوت وأنصاعت .. ومن الربكة ألتفتت أليه والمصيبة الأعظم أنه كان أهو نفسه .. شفيه دايم يطلع لي بوجهي ليش أنا بالذات ليش يصيرلي هالموقف المحرج للمره الثانية ومع هالأنسان نفسه << كانت بدون عباءة >> راحت بخطوات سريعه لغرفة ندى
..أما فيصل اللي راح فيها من شاف نظرات اللوم والربكة بعيونها حس بربكة وبعدم توازن وكأن الأرض بتنشق وبتبتلعه ..............نبهه صوت وراه ..........
ريم : فيصل متى جيت
فيصل : توا الحين داخل < يبي يبعد الشبها >
مع أن ريم ما حست بشي : طيب روح سو اللي تبيه ليش واقف
فيصل أستوعب : أيه صح " راح يصعد الدرج بخطوات مرتبكة "
ـــــــــــــــــــــــــــــــــــــــــــــــ
مها اللي دخلت الغرفة والدمعة بعيونها ورأسها بالأرض ومسنده ظهرها على الباب ...........
ألتفتوا اليها ندى وشذى بعد ما كانت عينهم بشاشة الكمبيوتر
ندى : شفيكِ .!!!!!!
مها غطت وجها بيدينها :..................
قربت منها شذى : مها فيه شي
مها مازالت ساكته ماتدري وش صابها بديك الحظه
شذى وأهي حاطة يدها على كتف مها : مهااااوي
شذى الوحيدة اللي صارت تسمع شهقاتها من قريب
همست لها : مها شفيكِ
باعدت مها أيدينها وبانت دموعها : ...........
شذى : ليش تبكين
مها وأخيرا : ولا شي
جاتهم ندى : وشو اللي ولا شي
مها : خلاص لاتهمون بالكم
أمل من بعيد : وش ذا الكلام
رنا أنظمت لهم : مها شفيك
مها أبتعدت عنهم : بصراحة
الكل : أيــــه
مها أحمر وجها : أخوكِ شافني
ندى : ههههههههههههههههههههه .. نشفتي ريقي وأخر شي هاذي سالفتك .. هههههههههههههههههه
مها رفعت رأسها : ليش تضحكين.. ؟؟؟؟؟؟؟.......
ندى : عليكِ .... أقول يا بخت أخوي تلاقينه رايح فيها الحين
........... يتبــــــــع .......................