السلام عليكم ورحمة الله وبركاته
أمس أتصل بي أحدالاصدقاء وقال الله يحيك بعد صلاة العشاء عندي ضيوف
المهم دقيت الشماغ والكمبودي ورحت له
دخلت وسلمت عليهم كانوا 4 وهو الخامس وأنا السادس
تقهوينا وتشهوينا وتنعنعنا
وجاءت ساعه الصفر
وقال أقلطوا الله يحيكم قمنا جميعاً وكان فيه
صحن أرز عليه نصف ذبيحة تقريباً مقطعة + صحنين فاكهه وماء
تعشينا وكان العشاء طبخ منزلي وماشاء الله لذيذ
وعزمت ضيوفه للعشاء وأعتذروا بيسافرون الصباح
رجعنا بعد العشاء للمجلس وتناولنا الشاهي الأخضر
وأستأذنوا ومشوا الأربعه
جلست أسولف معاه ويوم جيت بأمشي قال دقيقة وراح أحضر كيس فيه علب
وركب معي في السيارة ووزعها على العمالة
وأحنا راجعين قلت يابو ............ ماتخاف أن ضيوفك يزعلون أذا ماشافوا مفطح
وخصوصاً أثنين منهم تجاوزوا الـ 50 سنه
قال أنا مشتري ذبيحة لهم أحط ‘للي بياكلونه والباقي أحطه في الثلاجة
ليش أحط مفطح وماراح ياكلونه . وأهم شي ترضي ربك لاتنتظر رضا عبادة عنك
ولو تشوف الاكل زاد ولكن صرفته لاني لو حطيته في برميل النفايات أنبني ضميري
المواضيع المتشابهه 
البارح عزمني أحد الأصدقاء 
العرض الشجري
