اللي يقفل موضوعي من الاشراف بدون سبب مقنع عسى الله يمنعه من خير الدنيا والاخرة
وخاصه المشرف اللي يحط نقاط ويقفل الموضوع مادري هو ما يعرف يرد ولا وش وضعه
عموماً موضوعي فقط نقاش لا اكثر ولا قلت شي غلط ولا جلست اقول كلام غير واقعي
واذا انا غلطان عطوني غلطي ومستعد للاعتذار وفوق كذا مستعد للايقاف
ولا اذا تبون ننطم وننثبر وناكل تبن هذا شي ثاني ياليت توضحون اذا هذا خياركم
خلونا نعبر ما في قلوبنا بحدود لعلى يصل صوتنا
وموضوعي يتعذر من قبول مشاركات المنافقين اللي يجي يطقطق على راسنا وهو تحصله بطران وولد نعمه
وعايش احلى عيشه وساكن في بيت ملك ومتوظف براتب وقدره ويجي يقول يكفي الامن والامان واذا حشرته بالرد سحب سيفون
تذكرون الحرب الاخيرة في غزة قبل سنوات
المهم الحكومة وقتها قررت في بناء حي كامل في فلسطين وسموه الفلسطينيين حي الملك عبدالله ( ولا بقلبهم اسم ثاني للحي )
المهم الحكومة تكفلت في بناء الحي كامل من سكن للفلسطينيين
والحي كبير جداً حتى في مسجد قد يكون من اكبر مساجد فلسطيين
وكما تعرفون يوم توفى الملك عبدالله الله يرحمه وفي احد مساجد فلسطيين رفضوا الصلاة الميت عليه !!!
هذا جزاء الاحسان
واليوم السعودية رغم الازمه اللي يقولون عنها واللي عانينا منها احنا من رفع اسعار البنزين والمعيشه والكهرباء والماء وضعف الرواتب
نسمع اليوم استكمال للخبر السابق وهو ان السعودية سلمت اكثر من 40 وحدة سكنيه للفلسطيين !!!!!
مادري ليش دولتنا تتعامل معنا كذا تبي تقهرنا ولا وشو بالضط
واحنا هنا ذل ما بعده ذل في الاسكان وقرعه وتموت ولا جاء اسمك
وفوق كذا 70% من الشعب ساكن في الايجارات وحالته حاله وقروض عليه من فوق لتحت
يا عالم ليش كذا حالنا
ما اذكر دولة خليجيه تتعامل زي كذا مع مواطنيها ولا في دعمها للخارج بهذا الشكل المبالغ على حساب شعبها
عموماً اختم كلامي في خبر قريته في احد الصحف وفي الصفحه الاولى
السعودية تدعم المنكوبين بالعالم بـ 4.5 مليار !!!!!
هل لدينا ازمه اقتصاديه ولا ازمه فكر وتخطيط
والله وبالله وتالله ما ينفعكم بكرا الا المواطن اللي ملعون والديه وخاصه اللي يحمونكم بالحدود وبرواتبهم الطفسه
اما ربعكم اللي تدعمونهم بالخارج وحتى بالداخل لاسمح الله في أي ازمه تمر هنا تشوفهم او الخارجين من البلد وفوق كذا يتكلمون عنا بالذم
حسبي الله ونعم الوكيل
المواضيع المتشابهه 
يا عالم انتحر ولا انجن ولا كيف .. ربعنا يبنون اسكان في فلسطين وساحبين علينا .! 
العرض الشجري
