فيه نزول بسيط بالأسواق وياعساه مايضر اصحاب الحلال مساكين يترزقون الله ويالله توفي معهم
اكثر شيباننا هي تجارتهم ويكدون على عيالهم منها اللي يروح لمناطق المملكه للشمال والجنوب يعرف كلامي اكثر الهجر والقرى على الله ثم هالحلال
نصيحتي لكم ياللي تبي تضحون ان تختارو مكانتكم بين البشر وترفعوها عاليا مع الكرماء فالكرم صفة حثنا عليها الاسلام كن اخي شهما رجلا عزيزاوترفع عن ذكر الفروقات البسيطه في الاسعار فانت دون وجهك تدفع ولا تبالي وتطلب وترجو من الرحمن الرحيم ان يتقيل عملك ويجعله خالصا لوجهه وسوف تؤجر على نيتك وصبرك
الأسعار بمتناول الجميع كل شخص يعرف نفسه وقدرته الماليه وستجد مايسرك ويرضيك اول وتالي ادع الله القبول
لاتركب هالموجه مع اللي كذبو وطلعو اشاعات برخص الأسعار وسعو لكسر اسعار الحلال حسبي الله عليهم بوسائل التواصل الاجتماعي هالصرمايات اللي ماتخاف الله يدورون ارخص اللحم لو يحصل لهم لحمة ...........الله يكرمكم ماتوانو عن اكلها اهم شي ياكلون لحم رخيص
وهم نفسهم ماتغيرو مع هالنزول بالاسعار مايقدرون يشترون ذبايح وهرافي جبره لازالو يدورون سواكن وبرابر ماتشيلهم ركبهم يشرون بلدي مشحم وصنفو انفسهم من اراذل وصرمايات المجتمع لايخافون دعوة مظلوم ويتمنون خسارة غيرهم من اجل ان يقمون في بطونهم وبطون آل بيوتهم لحما رخيصا
لست بحاجه ان تكون بوقا لأرذل خلق الله للأسف بالدول الاجنبيه باوروبا وغيرها عندهم لحم خم وطري بس مكرمين انفسهم ياكلون اللحم الطيب لحم باتيللو ومخلين اللحم الرخيص تلقاه باقصى ثلاجاتهم لحم الخنازير اجلكم الله لأرذل الخلق عندهم يدرون ان اللحم الوسخ الرخيص يجيب الدياثه لهم ولحريمهم وبناتهم وعيالهم
لو اقتدينا بالرسل عليهم السلام لبحثنا عن اطيب الطعام اجدادنا كانو يعتبرون المكاسر بسعر الاضحيه عيب وخلل في تقواك وطلع لنا جيل يبي يضحي بسعر نقانق ودجاج
المواضيع المتشابهه 
ياللي تبي تضحون نصيحتي لكم........................تقبل الله منا ومنكم صالح الأعمال 
العرض الشجري
