ارسل لي عالواتس زميل لي وقال بمرك بعد نص ساعة نبي نتمشى شوي ... ألبس ثوب وشماغ وسكر الياقه يابرنس ..
انا مااحب الكشخه الزايدة والكتمة ... يازين التهبهب والانجضاعة على المرتبة بدون تكلف ومطــــ......ـــــة
مرني الرجال بسيارته الفارهه .. وطلعنا لاماكن فخمه ... انا راكب معه وكل الانظار علينا .. كأننا نجوم مشاهير .. لايمكن تمر الا والعيون تراقبك وتمشي معك الى ان تبتعد ...
من غير النظرات الخاطفة والسريعة ... والنظرات المنحرجه والخجولة .. ولا اذكر اني ناظرت بأحد الا ويشيل نظرة بسرعة ..
ماعدا النساء ... عيونهم قوية .. يناظرن ويتميعن ويتبسمن ... نظرات اول مرة اشوفها .. وكأنها تقول خذني معك لا اصير جسم بلا روح .. انا والله اللي صرت اشيل عيني بسرعة وانحرج ... على قولة هذاك اللي بالمقطع (( يالله ويش ذاااا ))
وتعال شوف الابتسامات والتواضع من اللبنانيين والشوام اللي نشوفهم دايم رافعين خشومهم ولايناظرون بأحد .. اللي مسوين انفسهم طبقة راقية وغير شكل ههههه
طلعوا كلاب مال .. مثل ماسماهم زميلي .. بعد ماشاف مقاطع كلاب المال في امريكا ...
طبعا انا مشواري هذا مآخذه للتفكر والتدبر ودراسة الناس والمجتمع .. والله مادورت حريم ولا مظاهر ولادريت عنهم .. اني اخاف الله رب العالمين ..
لكن آلمني شيء واحد ... هم السكرتيه .. اذا وصلنا لمكان ممنوع الدخول .. يلف وجهه للجهة الثانية يسوي نفسه يكلم واحد .. علشان يتحاشنا ولايحتك فينا .. وندخل لهالمكان ..
المواضيع المتشابهه 
عندما ركبت سيارة رولزرويس قوست .. رأيت الوجه الآخر للناس 
العرض الشجري
