يشهد الله علي ماجعلني اكتب الا لتقديم النصيحه فقط
ولا لي علاقه او فائده بمعرض او وكاله
موضوعي يتعلق بممارسات حاصله في المعارض هالايام بعضها بدعم من الوكالات وبعضها من المعارض نفسهم وهي كالتالي
1- اغلب السيارات اخليجيه لا تدخل الضمان لدى الوكيل الا بشروط لا يوفرها المعرض والوكالات اصبحت تفرض شروط مثلا دفع مبلغ 4000 لفتح ملف ضمان وغيرها من الامور التي لا يوضحها لك اصحاب المعارض و ممكن يعلن لك انها تدخل الضمان وهو كذاب وللامانه فيه معارض الان ماقصرت وصارت تقول مالنا علاقه بالضمان نبيع سياره فقط ضمان خذ رقم الشاص ورح تاكد مالنا دخل وبعضهم طبعا يحلف ويوعد كذب.......
2- اغلب السيارات 2017م هي في الاساس المتبقي من موديل 2016 م
وتباع على انها 2017م وهذا غش وتدليس ومن الامثله
يوكن وال التاهو وطبعا لازم تتاكد ولها فروقات بينهم بسيطه الاغلب لاينتبه ( ممكن شخص يقول الفرق بسيط بينهم بس اقولك بس حرام تدفع مبلغ على انها 17 وهي 16 والمفترض تقل قيمتها اكثر من 10 الالاف ريال ) وعاى قولة مصري في معرض يبيع يوكن وتاهو بعد نقاش بخصوص ال 17 و 16 اعترف وقال لي انت الوحيد الي قاعد يدقق الاغلب يشوفون الورقه معلقه انها 17 ويشتري مايدقق لون الطبلون ازرق او احمر هذا 17 او 16 )
3- بعض المعارض هدانا الله وياهم يبيع لاندكروزر خليجي بعرض خاص وتخفيض وهو للاسف قيمة في الامارات اقل ب 30 و 40 الف
ببساطه بعض المعارض اصبحت تشتري جيب لاندكروزر 2017م نوع gx فتحه او gxr 1 وتعدل عليه وتبيعه على انه gxr3 يعني غير منطقي جيب 2017م جي اكس ار ب 209 الف بدون شاشه مركب مسجل يارس ويقولك خليجي ..... اذا تبي خليجي رح اشتر من الخليج اوفر لك واضمن لك ... وسهل وبسيط ( بس جب فاتوره شراء وكتيب ضمان مختوم وتدخل باذن الله الضمان) وطبعا تاكد واسال الوكيل في السعوديه عن الشروط قبل
4- الان وقريبا راح تنتشر موضه جديده للسيارات الخليجية الي هي ضمان شركات يعني تشتري جيب او جمس خليجي يعطيك المعرض ورقه ضمان من موسسه مو وكاله تضمن لك الموتر ( على فكره الورقه هذي تنباع ب 1300 ريال ) وهذي الورقه عشان يمشون السيارات الخليجيه المتكدسه في المعارض عندهم اعتقد الشعب اصبح اكثر وعي من هذي الطرق الملتويه .... طبعا الشريطيه شغالين مدح في الخليجي انه مواصفات وخرابيط وهي كذب ودجل اغلبها مركبها في الغرابي و في دبي ...
5- نصيحه رح للوكالات قبل المعارض لان الاسعار في الوكالات ارخص من المعارض .... بعض السيارات وليس الكل ..
6- يجب التاكد من الموديل بعض السيارات موديلها 2015م وتباع انها 2016 م ونفسها في 2017م في تكدس في المعارض والمستودعات كبير... لكن مازالو يقاومون نزول السعر بهذي الحيل ....
هذي النقاط يعلم الله كتبتها للعلم والحذر من الي صاير في المعارض
والله لست مستفيد لا من شراء الخليجي او السعودي
انازشخصيا كنت مع السيارات الخليجيه قبل ثلاث سنوات لكن حاليا اصبحت المعارض تغش فيها بهدف الربح الكبير جداااا ..
المواضيع المتشابهه 
الحذر ياخوان من الغش في معارض السيارات بسبب العروض ...ملاحظات جديره بالاهتمام 
العرض العادي
