السلام عليكم
اخواني مابي اطيل عليكم و بكتب بلهجتنا العاميه ، صديق لي من ايام الطفوله و يشهد الله اني اعتبره اخ لي لإنه رجل بكل ماتحمله الكلمه من معنى ، من شهر رجب وهو تعبان مدري وش فيه وديته لكل المستشفيات و سويت له كل الفحوصات وكلها سليمه و لله الحمد ، في يوم 26 رمضان كلمتني امه تبكي و قالت فلان تعبان و انت في حسبة ولدي تكفى لا تخلي اخوك و رحت له البيت اول ماشافني جلس يبكي و يقول انا بمووت حضنته و قلت له مافيك الا العافيه ان شاء الله و اخذته و وديته مطوع اعرفه من جماعتنا وقراء عليه وقال فيه عين لازم يستمر بالرقيه الشرعيه و فعلآ استمر على الرقيه و الزيت المقري فيه و كنت اوديه يوميآ للمطوع و اسئله تحسنت ويقول لا ، من جد احترت مدري وش اسوي تقطع قلبي وانا اشوفه في ذا الحال ، الاعراض اللي يعاني منها حسب وصفه ( صداع و ضعف في التركيز و لوعه و حراره في صدره و ألم في جنبه الايسر جهة القلب و تحت الضلوع و مايحس للدنيا طعم ) هل هذي اعراض عين ولا حسد ولا سحر !؟؟ وش تنصحوني فيه ، ما استغني عن مشورتكم ، الله يشفيه و يشفي كل مسلم
المواضيع المتشابهه 
معاناة صديق الطفوله ، ارجوا الله ان اجد له حل 
العرض العادي
