شخص من القصيم واشغلني يقول لازم تروح معي لديرة حول حايل
يقول ابي اخطب بنت احد الشيوخ
قلت ابشر لكن
يقول المثل لازم تعرف مخراج رجلك قبل مداخلها
وحنا بنقابل رجال اجناب مانعرف اسلومهم ولازم نخطط ونعرف محابيل الرجال حتى نصيدهم مايصيدوننا
قبل نجيهم لازم نشغل قوقل ماب ونحدد بيت الشيخ
وبعده ندور حول البيت مرتين
ونشوف البيت من جميع الجهات يمكن فيه ميول والا التلييس ماهو كويس
اذا شفنا بيته مضبوط نعرف ان الشيخ هذا ماينلعب عليه لكن لو شفنا البيت فيه اخطاء معماريه ناخذ لفه ثالثه حتى نشوف مدخل الرجال ومدخل النساء ثم نقلط
ونسلم على الشيخ ونجلس بجنبه وخل وجهك يناظر قدام وعيونك تناظر في الشيخ لا تنزل عنه مره
واذا صب القهوه لاتشرب الفنجال
نزله على الارض وقل ياطويل العمر حنا من عرب الشيخ عقاب بن صقر وهذا هو قدامك وجايينكم من القصيم واهل القصيم معروفين اهل الكرم والنخوه والشجاعه والشهامه مايحتاج عنهم تعريف ونبي نطلب رجل عفوا يد بنتكم لي طال عمرك وعندي واسطه انقلها من اسمكم الي اسمي بدون فحص زواج
وش قلت ياشيخنا الفاضل
وانا ابي اعزز لك وابي اقول انا اشهدله وان بغيت اجيبلك تزكيه تحت توقعي وختمي انا حاضر لو فيها مسؤليه لكن لااجل عين تكرم مدينه ياشيخ
وش رايكم هل سوف يوافق الشيخ ام لا.
المواضيع المتشابهه 
شخص من القصيم واشغلني يقول لازم تروح معي لديرة حول حايل 
العرض الشجري
