يحدثني احد الاشخاص عن قصه حصلت في قديم الزمان لرجل يسكن في الحاضره ومهايطي طبعا الهياط اثره قديم ماهو جديد ياجماعة الربع
المهم
الرجال هذا فسقان وتوه متزوج من حضريه
وفي ليلة من الليالي وهو عند زوجته قام يهايط ويقول انا سويت وفعلت وغزيت وذبحت البدو واخذت حلالهم والحرمه مصدقته
والرجل تاجر عقار واسمه ابو عماره وكان معه حماره تسوى جيب لكزس 2018 في ايامنا هذي يعني كأنه بن سعيدان او الموسى الخ... من تجار العقار
المهم
في يوم من الايام قالت الحرمه انت تحدثني عن غزواتك للبدو ولاشفت شيء
قال ماطلبتي شيء وانا ابو عماره ابشري طال عمرك بمن يذهب مخاليل البدو كلهم ويجيب لك حلالهم
قالت وش تبي تغزيهم عليه قال على الحماره هذي اللي اسرع من الخيل
قالت تكفى يابو عماره لايذبحونك البدو وانت مابعد جبت ولد ثم ينقطع نسلك وانت نسلك طيب وياخذون الحماره
اللي نستخدمها للمزرعه ونروح عليها ونجي
قال لاماعليك انا دايم اغزيهم ماهو اول مره
ذهب ابو عماره على الحماره وكان له دقن
وعندما
ابتعد عن الديره طاح في حنشل ونزلوه من الحماره واخذوها واحلقو دقنه واخذو ملابسه
وقالو نبي ناخذه معنا نبيعه
واثناء نومهم هرب ابو عماره ودخل في جحر حصني حتى طلع النهار وطلع راسه ماشاف احد وهرب الى ديرته وعندما جاء بالليل الا ابو عماره يطق الباب على زوجته
قالت من انت قال انا ابو عماره قالت لا ماهو بانت ابو عماره له دقن ومعه حماره
قال انا ابو عماره محلوق الدقن ماخوذ الحماره
القصه
تحكي عن احوال العقاريين اليوم لو كانو على وقت اجدادنا لفعلو بهم مثل مافعلو بابو عماره
المواضيع المتشابهه 
في قديم الزمان وسالف العصر والاوان كان هناك حضري مهايطي 
العرض الشجري
