اخواني اعضاء منتدى هوامير الكرام يعلم الله انني لم اكتب هذا الموضوع الا للفائدة من اي شخص منكم ينورني برأي استفيد منه لانني محتار وودي احد من الاخوان ممن لديه خبره يفيدني
دخلت الاسهم قبل 2006 بقرض 200 الف ريال وراحت
وقبل سنه ونص بعت ارض خارج مدينة الرياض وراح نصفها في سهم معفن اللي هو جيزان الزراعيه
والان الارض اللي مابقى عندي الا هي واللي مقدم فيها بالصندوق العقاري وباقي تقريبا اربع اشهر وينزل اسمي بعتها وكنت ناوي اشتري بيت اذا نزل القرض وقام الشيطان يلعب براسي للدخول مره ثالثه لسوق الاسهم يعني السالفه ادمان وانا ادري انه محرقه للاموال ونسبة الخساره اكثر من الربح لكن هالمره فكرت في اربع اسهم احط فلوسي في واحد منها لتكون استثمار كأي مشروع تجاري لان فيها توزيعات نقديه
سابك ....سافكو ....جرير....المراعي
اتقبل النصيحه بصدر رحب منكم مع اني حاليا في سكن حكومي ولست مستأجر يعني الفلوس للاستثمار لمدة سنه او سنتين
ولا اتعوذ من الشيطان وأخلي فلوسي عندي
هـل قـراري صـائب ولا مـن جـنـبـها 
العرض العادي
