ياليت كل واحد يكتب برنامجه ايام العيد وهذا برنامجي:
بعد صلاة العيد ذبحت الاضحية بنفسي مع الاولاد بالحوش واصبح كل الحوش دم من ذبيحة وحدة وصلخناه انا والعيال وكثير من اللحم طار مع الجلد ورمينا الكرشة والمصران والرأس والكرعان بصناديق الزبالة. وسوينا الكبدة وافطرنا عليها ونتهينا الساعة العاشرة والنصف. ثم ذهبت للوالد وعايدناه ثم عايدنا الاخوات والاخوان. ثم صلينا الظهر وتعايدنا بمسجد الحارة كل جاب عيده ونتهينا الساعة ا لثانية. بعدها نمنا الى العصر .
بعدين قمت وسويت مجموعات اسماء بالجوال كل عشرة تقرييا من المعارف والزملاء الاصدقاء وطلعت باستراحة بمزرعة خاصة بالوالد ارسلت كل عشرة زملاء ادعوهم للفهوة والمعايدة بعد صلاة العصر وبعد المغرب ثم من ثاني يوم العيد سويت بالمثل
وسويت لهم قهوة خولانية سويتها بدله ثم صفيتها بدلة ثانية ثم زليتها بالمبهرة بهيل هندي اصلي فواح وسويت لهم شاهي بالبخار اي شاي تركي وشاي تلقيمة مخدر على النار . وفعلا الشباب جو والشياب جو وتعايدنا وقال الوالد تبي الناس تجي لمك افتح بابك والا الناس ماتجي وهذا طبعنا وحنا صغار الى هلحين وصار عيدنا وناسة حنا وعيالنا صرنا نكرم الضيوف ونرحب بهم .
ياالله هاتو انتو وشسويتو بالعيد؟