السلام عليكم ورحمة الله وبركاته حبيت انقل لكم هالموقفين للفائده مثل ما انا استفدت منهاالموقف الاول كلمني المدير في الشركة ان اجري مقابله واعمل تقيمم لموظف باكستاني سوف يشتغل معنا مساعد لنا .اللغة الموحده لجميع الجنسيات الانجليزية والشغل بالشركه يتطلب شخص قادر لانه شاق. الموهم حضر الباكستاني عمره فوق الخمسين ولايجيد سوى لغة بلده وعربي مكسر. بلغت المدير قلت له دور له شغل غير هذا عندنا.قال لي المدير هذي امانه نحاسب انا وانت عليها لازم نسرحه وارحم لهذا الشخص وليس ذنبنا ذنب من احضره.ذهبت اليه وكلمته اخفف عنه وشرحت له الوضع عندنا. فرد علي برد لا انساه(قال مومهم شغل مو مهم انجليزي اهم شي انا اعرف واردد سبحان الله والحمدلله ولا اله الا الله والله اكبر)تذكرت قول الله تعالى(المال والبنون زينة الحياة الدنيا والباقيات الصالحات خير ثوابا عند ربك وخير املا)الموقف الثاني يوجد بحارتنا شخص قريب لي كان لايصلي بالمسجد ويدخن .كلموني اشخاص ان اكلمه وانصحه كانوا يشوفون انفسهم انهم افضل منه وهو المفسد. رحت للشخص وشرحت له فضل الصلاة .رد علي قال( شايف كل من يظن فيني كذا ماهموني لو كل العالم انتقدتني ماهزت شعره من شعر راسي اهم شي امي ماتنام الا وهي تضحك وماتصبح الا وفطورها انا مجهزه لها وانا مااصلي بالمسجد لاني مصاب بامراض نفسيه ومن ضمنها الرهاب الاجتماعي مما يصعب علي الصلاه بالمسجد وراتبي الفين الف لامي وخمسمائه اشرطة ونصائح دعويه لبعض ممن يظن فيني الفساد اوزعها لبيوتهم بطريقتي الخاصه.المهم انه تعالج من هالمرض وهو يصلي الان بالمسجد جماعة ولله الحمد الفائده لازم نحسن الظن اولا بالله وثانيا بالناس حتى لوكان صاحب معصيه ننكر معصيته لكن لانظن اننا افضل منه عند الله يمكن يكون له عمل يقربه من الله اكثر مننا
المواضيع المتشابهه 
موقفين وقفت عليها ذهبت اواسيهم فواسيت نفسي 
العرض المتطور
