صوحابي سلام عليكم صلوا على النبي كمان زيدوه صلاه واترضوا على اله وصحابته الكرام وبالزات ابو بكر وعمر وعثمان وعلي وكمانا اترضوا على امهاتنا الابرار المطهرات وبالزات امنا واحب نساء رسولنا عائشه
شوفوا نخوش في الموضوع ووووو خوش سريع سريع وربنا اقفل اللباب ههههههههههههه حبايبي هناك استراتيجيات كتيير في ادارة المحفظه والكلام فيها يطول لكن المهم اليوم هوا انوه اللي يعنيني كيف امزج بين التحليل وبين الاداره النفسيه للمضارب وللامانه هادي الاستراتيجيه بتخوص وتهم المضاربين المغامرين اللي بيستخدموا مايعرف التحليل الفني الاستقرائي لحركة المضارب او الاسهم
شفوا عشان اوضحها اكتر انا عندي صاحبين الاول شلنطح مبدأه انوه بينتظر تكون الشكل الفني ونجاح الاختراق او وصول المؤشرات الفنيه الى مناطق التخمه والتشبع او حدوث اختراق وبزخم عالي لمناطق مقاومه استمرت بتعاند وتعاند وتعاند لحد ما هلكت وطهقت ورفعت الرايه البضاء شلطنح هادا يقولك انا ماعندي مشكله ان اشتري الدجاجه وانتف ريشها واخسر الوقت والجهد لكن في المقابل معليش كولوه ولا اني امشي على حبل وانا بترنح وكول شويا اقول روحت فيها ياشلنطح وانخرب بيت محفظتك
صاحبي التاني فلنطح هادا شعاره في السوق هو المغامره وانوه في اوقات الازمات بتتعاظم ال لكن مو اي مغامره مغامره مرتكزه على اداوت فنيه مو شختك بختك ودائما الله يرجه بيقول ومن يهب صعود الدرج ويبقى في الببدروم عمره ما يتونس بهوا السطوح هو بيقول الوقت عندي ثمين وابغا الدوجاجه زلط ملط على طول ارميها في القدر وااطبخ وما عندي مشكله انوه امشي على الحبل لكن بشرط تكون عندي عصا تزبط توازني وتخليني اتخذ القرار المناسب لما الطيحه تقرب واتشعبط باي نيله واحمي حالي من التجبيس والتربيط طبعا محفظته يقصد تعديل وتخفيض متوسطات شراء وخلافه
طيب ياصوحابي هنا نيجي للتطبيق
التشارت ادناه
هو للمصافي الفاصل اليومي السهم اخر قمه هابطه ليهو هيا عند مستوى 72.25 حتى ارتطم بقاعه عند 56
شلنطح حيقول ماراح اخوش لحد مالسهم يخترق حاجز ال 62.25 واللي وبيشكل مستوى مقاومه كلاسيكي وايضا مستوى دعم قوي سبق كسره على الفيبو
طيب نيجي للمغامر فلنطح استراتيجته هو المغامره لكن كيف بتكون ركزوا كتيير هنا يابهوات لانوه الكلام هنا حيكون هو شروط التوصيه فلنطح يقول اقتراب السعر من حاجز القاع الاخير عند 56 فوريره وهوا راح اقوش ليه قولتي ليه لانه في هادي الحاله راح اكون امام نموذج دبل بوتوم قاعين مزدوجين وايضا لانه ال 56 بتمثل دعم توقف عنده الاسهم عن النزول وايضا مع ربط هذه المغامره الفنيه المبكره مع بعض المؤشرات وامهما السيوله والا ستوكاتستك والقوه النسبيه والاخير تقاطعات العجوز الماكد هههههههههه وفي حالة كانت نظرتي زي زرقاء اليمامه ههههههه حيكون اول هدف ليا وحسب مستويات الفيبو عند 62.25 تقريبا 10% خير وبركه لو تجاوزها حيروح ل 64 و 66 والقناعه هنا مهمه لانه ساعات السهم بيتوقف او يريح بين المستويات والسوق ظروفه ماتضمن
المواضيع المتشابهه 
استرايجية ..الحبل والدوجاجه المنتوفه..بين شلنطح وفلنطح..المصافي 10% بشرط 
العرض الشجري
