بقايا عشق

حميدان الشويعر احد الشعراء الذين عاشو في نجد قبل اكثر من
200سنه قال اشعار كثيره فيها المدح والذم والحث على الكرم
والشجاعه لكن با اسلوب يجذب المستمع والقاري ويجعله يحفطه
بسرعه السوال هل اشعارعه هذه تسمى شعر ساخر .اورجز

تفضلو فيه عينه من شعره اوردهالكم . وفيه شاعر جديد اسمه سعود

سلك طريقة حميدان في الشعر سا اورد بعضا من اشعاره

( عينه من اشعار حميدان الشويعر)




ظهرت من الحزم اللي به ** سيد السادات من العشرة -1-

حطيت سنــام باليمنى ** ووردت الرقعي من ظـــهره

ولقيت الجــوع ابوموسى ** باني لـه بيــــت بالحجره

عليه قطيـــعة دسـمـال ** وبشيت منبقـر ظـهـــــره

وحاكانـي وحاكيــــتــــه ** وعطاني علـمٍ له ثـمــــره

ما يرخص عندي مضمونه ** واقول بعلمــه وخـبـــره

(الزلفي) فيه ازغيـويـــّه ** أوي دحـــوش بجـز ره-2-

واهل (مغيره) مابهم خيره ** وأميــرهم ذيّـاك القذره

ومن قابل (خشم العرنيّه ) ** فالخاطر منقول خطـــره -3-

ومن قال انا مثل سليمان ** كرم السامـــع ياكل بعــره

و(الخيس) بويليدٍ مسـقى ** اضبيبٍ لاجيٍ له بوعـره-4-

(والفيحا) ديــــرة عثمــان ** مقابلــها ديـار الزّيــــــره -5-

واهل (جلاجل) نعيميّــــه ** ورا البـــاب مامن ظـهـره -6-

واهل (التويم ) راس الحيّـه ** من وطـــاها ينقل خـطـره

واهل( الداخــلة) النـواصـر ** خاطرهم مقطوع ظـهره-7-

(ابن ماضي ) راعى ( الروضة) ** ياخذ منهم ربـع الثمـره-8-

و(ابن نحيط ) راعى (الحصون) ** الدّاشـــر رضّـاع البقـره -9

واهل ( الحوطة) وقصراهم ** ,,,,,,,,,,,,,,,,,,,,,,,,,,,,,-10-

واهل (العطّــــار) ( عرينات) ** الله يقطع ذيك الشـجـره -11

واهل ( العـودة) عند الندوة ** عــدّ اوخـيّـك وعد اعشره

واهل (عشيره) منيعــــات ** أوي رجــال بذيك ..الظهـره

واهـل (تمير ) قريريـشــه ** ماشال العــير شال ظـهـره



( عينه من اشعار الشاعر الجديد سعود)





أعجبني هذا الشاعر لما في شعره من واقعيه وخفه نفس ،،
له بعض القصص الفاكاهيه والابيات الثمينه منها :
في يوم من الايام وهو بالمسجد بعد ماسلم الإمام قام شحاذ
يشتكي أموره على المصلين لعلهم يساعدونه
وهو يتشكى كان مركز بعيونه على سعود ..
قال له سعود هالأبيات :


يا ابن الحلال اللي تشكى علينا=حنّا لنا بوضع على الله مشاكيـه
كانك تحرى للعطا مـن يدينـا=عزالله إنك عندنا ما أنت لاقيـه
ماهو ردى بس أرثع الوقت فينا=ماعندنا ماناكلـه دون نعطيـه

وفي قصه ثانيه كان طالع من المسجد ولقى بنت تشحذ ورافعه
يدها الى الناس .. فقال :

يابنت ياللي بالمساجد تطوفيـن=كفي يدينك قبل نأخـذ ريالـك
حنـا ترانـا كلنـا مستحقيـن=ماهو أنتي اللي مستحقة لحالك
لو لا الحيا شفتي وزانك ثلاثين=أحد يمين منك وأحـدٍ شمالـك
مرفعيـن إيديننـا ومتقاعيـن=الموجب إن أحوالنا مثل حالك

وله هذا الموقف مع صرافة البنك :

أنـا لقيـت البنـك مثـل اخويايـه=مايقضي الحاجة إلى جـاه محتـاج
أمس الضحى مريـت كـل زملايـه=وكلٍ عطـى لـه بالمعاذيـر منهـاج
وضنيت باقي فـي رصيـدي بقايـه=وحركت ناصٍ حارس البنك هجـاج
ودقيت رقمـي صـح مابـه روايـه=طلع على الشاشة : لا داعي للإزعاج

ويقول عن البنك في قصيده له شهيره :

يا أهل الوظايف قولوا الحمـدلله=على معوشتكم ولو رزقها ضنـك
أنا وجنسي رزقنا لـو وصفنـاه=حوذ الحنك مافيه زودٍ عن الحنك
ماطاح قرشٍ في يدينـا قرشنـاه=ودايم طفارى الله يجيرك ويامنك
البنـك لـولا لوحتـه ماعرفنـاه=من قل ماندخل على موظف البنك
ماغيـر نقـرا لوحتـه ونتعـداه=وإن قيل هذا البنك قلنا اتركه عنك
لاوا هنيـك يالغنـاوي هنـيـاه=ترقـد وحنـا بالدراهـم نمونـك
نفرح إلى من المعـاش استلمنـاه=ويهـج منـا قرشنـا ويتزبـنـك
والله يالوتصرف ربع ماصرفنـاه=ليصيبك السكر مع الضغط والتنك
ولولا جهدنا وجهدنا اللي بذلنـاه=ماتنفخ ذروبك وتمـلأ مخازنـك
مير المقدر مالنا غيـر نرضـاه=مرزقك منا وسقمة أرقابنا منـك

وله قصيده مشهوره أيضا :

لاصار جدك ماترك لـك ملاييـن=ماهوب لازم تشتري لـه ضحيـه
قل له ياجدي جعلك من المناجيـن=والله ماتسـوى قيمـة البربـريـه
عقبتني للديـن ومصـارع البيـن=ومن زين طبعك كاتبٍ لك وصيـه؟
لو أنت ما أخذ لك من الخد حوشين=يوم الأراض بلاش وسـط العليـه
إن كان تلقاني من أهـل الدكاكيـن=مطنطـخٍ هالحيـن ميـة بمـيـه
لكـن ياجـدي ضحيتـك بعـديـن=إن سهـل المولـى ثمنهـا عليـه
حنا بوقتٍ شين وأشين من الشيـن=فيه الخـوي ماعـاد ياثـق خويـه

سعود والريال :

البارح أمسى اتلى معاشي بجيبي=ريال وأحرمني لك الله من النـوم
مغير غادٍ لـه صيـاح ونحيبـي=يقول ذا شـي مقـدر ومقسـوم
لولا إنـي ريـالٍ رديٍ نصيبـي=إن كان ماني وسط جيبك من اليوم
وش بك من التجار ماتشتري بـي=حاجة ولومالك بها أيات ملـزوم
أدخل على الله فكني وش تبيبـي=مادام جنسي في مخابيك معـدوم
أنته تخبر إنـي سـواة الغريبـي=في مجلسٍ عندك مضايق ومظلوم
وأنا الذي شرواك مايعتنـي بـي=بغضه بقلبي زارعه دايـم الـدوم
أبي الذي لاشدنـي يلتـوي بـي=مايفكني لو تظرب إيـده بقـدوم
إما يهوجس في وإلا يحكي بـي=وغير السوالف فيّ ماعنده علـوم


سوق الخضار والتوهيقه :

يالله يارب سعود تطلق وساره=من شغلة حده زمانـه عليهـا
لولا الزمان اللي تعاقب دماره=لوقلت خذها قلت والله ما أبيها
لكن يوم الوقت قنبـع غبـاره=والناس عيا ربهـا لا يهديهـا
سير على جلابهـا واستشـاره=وقال الحظيظ من العرب يقتنيها
ترانزيت من الفقـر للتجـارة=ولا رابح إلا واحـد يشتريهـا
ماهي دشارة بس مثل الدشاره=الله لايبلـى الأجاويـد فيـهـا
الشغل فيها مثل وطي الجحاره=من لاتعداها يبي يـروح فيهـا
وبها الربح واجد لكن الخساره=كم واحد مثلي قبـل يشتكيهـا

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

pld]hk hga,duv l]vd ,da dsln auvi td hggyi ig i, v[. h, shov