bom

فكرة التوصيل المنزلي عندنا بالسعودية معاناة ومطبقة بشكل غلط

والحلول سهلة وبسيطة وبتطبيقها بتخلي المندوب يوصل ما بين 100 الى 200 شحنة او اكثر في 5 الى 8 ساعات بالكثير .. اول عائق للحلول هم هيئة الاتصالات والبريد السعودي وبوضح ليش

اولا المشاكل وش هي
المندوب يتواصل معك الصباح واتساب .. يسأل عن الموقع .. تعطيه الموقع .. وخلاص انتظر الوقت المجهول
فجأة واتساب منه يقول لك انا برى ... انت من كثر الانتظار مليت طلعت انشغلت نمت او تصلي .. وما رديت عليه .. خلاص راحت عليك الشحنة وراح المندوب .. وانتظر مندوب ثاني في يوم ثاني.

مشكلة ثانية
المندوب ياخذ الشحنة من المستودع على اساس يوصلها لك .. ومن كثر العملاء وتأخرهم بالرد .. يتأخر المندوب بتوصيل الشحنات .. وينتهي دوامه .. ويسحب عليك .. تصير كثير.

الطرق السابقة غير عملية وغير احترافية وما يليق بأي دولة متقدمة

في امريكا وبريطانيا واغلب الدول اذا جيت تكتب عنوانك في الموقع علطول الموقع يكمل اكمال تلقائي ويعطيك مقترحات للعنوان عشان يسهل عليك لا تغلط واذا كتبته غلط يؤكد عليك يقول ترى العنوان فيه شيء غلط بعد ما يرجع لقاعدة البيانات.. وبكذا شركات الشحن تجي للعنوان المكتوب على الشحنة بدون تواصل يطق الباب ويسلمها ويمشي وبعض الاحيان اذا المكان آمن يحطها عند الباب ويمشي ...

مثال امازون الامريكي لما كتبت اول 3 ارقام من رقم مبنى في امريكا علطول اقترح لي عدة عناوين يتشابه فيها رقم المبنى




طبعا في كل العناوين لا يمكن يتشابه رقم المبنى مع الرمز البريدي


طيب وش الحلول ... الحلول سهلة جدا بس تحتاج لفته قوية من هيئة الاتصالات والبريد السعودي وفرضه على شركات الشحن واخيرا المتسوق طلب وحيد منه



الحلول
العنوان الوطني سهل جدا بس نفهمه .. ويفهمونه الشركات عندنا .. تراه نفس طريقة العناوين في امريكا ودول العالم المتقدم .. ويطلع معك في قوقل ماب بمجرد ما تكتب رقم المبنى والرمز البريدي والمدينة مباشرة يطلع
والرمز البريدي فيه رهييب جدا وبيسهل توزيع الشحنات على المناديب بحيث كل مندوب يعرف الرموز البريدي اللي ما سكها .. لأن الرمز البريدي اللي بالعنوان الوطني يمثل مربع داخل حي وكل حي يكون فيه عدة رموز بريدية وبرضو تطلع في قوقل ماب

اكتب الان في قوقل ماب (الرياض 12244) راح يحدد لك مربع في حي السليمانية
يعني بعد ما تكتب رقم المبنى والمدينة والرمز البريدي مباشرة يتحدد المكان بدقة عالية

شوف الصورة من قوقل ماب بعد ما كتبت الرمز البريدي والمدينة



وهذا عنوان بعد ما كتبت رقم المبنى والشارع والرمز البريدي


وش تفاصيل العنوان اللي فوق بالصورة ؟؟!!
انا اقولك
كل العناوين الوطنية بالسعودية عبارة عن 4 ارقام وهذي تعني رقم المبنى
وخانة اخرى فيها 5 ارقام هذا معناه الرمز البريدي
الباقي ما يحتاج سؤال وهم الشارع والحي والمدينة
باقي 4 ارقام اخرى هذا غالبا غير مهم ويسمى الرقم الإضافي

اوضح بهذا العنوان كالتالي

7712 ابن النميس، العليا
الرياض 12244 2675

التوضيح هو
7712 هذا رقم المبنى ودايم اللي بعده الشارع واذا ما فيه اسم شارع يكون الحي ثم المدينة
ودايم بعد المدينة الرمز البريدي وهو ينعرف بأنه مكون من 5 ارقام بدون ما تشاور
فيه رقم اخير مكون من 4 ارقام وهذا دايم يكون جنب الرمز البريدي وهو يعني الرقم الاضافي وغالبا ما تحتاجة بس للإحتياط تكتبه



المطلوب من هيئة الاتصالات والبريد السعودي
يعني بالتنسيق مع البريد السعودي يقدر يزود الشركات بنظام يسهل عليهم تحديد العناوين بطريقة معينة بدلا من كتابتها يدويا لأنه هو اللي مسوي العنونة البريدية وبكذا بنظام موحد تفرضة هيئة الاتصالات على كل المتاجر الالكترونية وشركات الشحن بحيث من اول ما اكتب عنواني في المتجر الالكتروني ينطبع على الشحنة ومعه باركود يقراه كل الاجهزة والجوالات بتطبيقات خاصة بالشركات والمندوبين

وايضا النظام اللي تسويه الشركات بيوفر عليهم امور كثير اولها فرز الشحنات بيكون اسرع
ثانيا توزيعها على المناديب كلن والحي اللي يناسبة بدون ما يقعد ينقي الشحنات المناسبة
يعني كل مندوب يمسك له 10 او 20 رمز بريدي وخلاص لأنه يعرف وين تتبع وبكذا يستلم كل الشحنات اللي فيها هذا الرمز وبالتطبيق الخاص بشركة الشحن يسوي له مسار يمشي عليه ويسلم الشحنات بدون قليل واتصالات ورد وما رد

الباقي على المتسوق اذا انطلب منه عنوانه يكتب العنوان الوطني بطريقة احترافية مثل اللي فوق والشيء الثاني انه يكتب رقم المبنى حق عنوانه الوطني على بيته بشكل واضح عشان المندوب يسلم الشحنه لنفس البيت

طبعا رقم المبنى يخص مبنى كامل ممكن يكون فله وممكن يكون لعمارة كاملة
وللتفريق بين كل شقة وشقة فيه شيء يسمى رقم الوحدة يضيفها المتسوق بالعنوان وخلاص

هذا الموضوع منقول من :: موقع البوابة الرقمية :: يمكنك زيارته في اي وقت للاطلاع على مواضيعه
كما يمكنك زيارة اقسام مواقعنا مثل
التجارة الإلكترونية او أقسام الآيفون والآيباد والسيديا او قسم الأندرويد وأجهزة سامسونج الذكية او قسم الجيل الرابع للإتصال بالانترنت STC او أقسام PlayStation والترفيه او شاشات التلفزيون والمسرح المنزلي او أخبار شركات الإتصالات او الأخبار التقنية او

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

hgj,wdg hglk.gd & hgj[hvm hghg;jv,kdm av;hj hgapk % pg,g sigm ?