bom

بسم الله الرحمن الرحيم

السلام عليكم ورحمة الله وبركاته


انا اشتري من علي اكسبرس من قبل خدمة الدايركت ومن ايام 2013 تقريبًا يوم كان البريد السنغافوري اسرع شي عندهم

وبعد خدمة الدايركت انبسطت كثير لأن صار فيه تجميع شحنات وتوصيل سريع ايضًا وكانت بالبداية الشحنات توصل مع ارامكس

بعدين صارت مع CQS وناقل، مو متأكد من اسم الاولى صراحة

المهم اني قبل فترة طلبت وشحنوا لي الطلب مع شركة غريبة اسمها imile وسألت عنها الي حولي وبعضهم اكدوا لي ان شي ان تستخدمها احيانًا

عمومًا تطمنت شوي لما قالوا لي كذا

وطلبي كان عبارة عن 7 اشياء، 3 مختلفة و4 حبات من نوع واحد

الثلاث اشياء المختلفة حجمها جدًا صغير والاربع اشياء كانت عبارة عن المظلة اللي تستخدم كـشماسة داخل السيارة

وصلتني الشحنة بكيس كبير، الكيس شبه فاضي واستغربت انه كذا لأن المظلات مستحيل ماتاخذ مساحة خاصة وانها 4 حبات

بالاضافة الى انه فيه شريط لاصق على الشحنة يعني مفتوحة ومعاد اغلاقها بشريط لاصق

فتحت الكيس ومثل ماتوقعت، 3 شحنات صغيرة موجودة والاربعة الباقية غير موجودة وتواصلت مع الشركة على رقمهم وفتحت شكوى

وكانوا يقولون انهم بيتأكدون اذا الموضوع من المندوب بيعوضوني واذا من الجمارك او شيء ثاني بيعلموني

ماادري كيف الجمارك تصادر شيء والشركة ضايعة ماتدري ولا تعطيني خبر حتى !

ولا ادري كيف ممكن تنفتح الشحنة بدون مااعرف اي شيء عنها !

بعد 4 ايام من الشكوى اتصلوا علي وقالوا لي تأكد من موقع علي اكسبرس يمكن ماسلمونا الاربع اشياء الناقصة

قلت الكيس كبير ومكتوب على الستكر كل شيء مستحيل يكونون ماسلموكم !

طبعًا الموظف الي يكلمني ويتابع الشكوى معاي هندي وهذا اغرب شي شفته

بالاخير غسلت يدي منهم وتوجهت الى هيئة الاتصالات برفع فيهم شكوى واستغربت ان الشركة غير موجودة،

رحت لحسابهم بتويتر ومنشنت هيئة الاتصالات وقلت برفع شكوى عليهم وهذا كان رد الهيئة





تجربة كانت في قمة السوء صراحة وراح احدث الموضوع اذا تغير شيء

هذا الموضوع منقول من :: موقع البوابة الرقمية :: يمكنك زيارته في اي وقت للاطلاع على مواضيعه
كما يمكنك زيارة اقسام مواقعنا مثل
التجارة الإلكترونية او أقسام الآيفون والآيباد والسيديا او قسم الأندرويد وأجهزة سامسونج الذكية او قسم الجيل الرابع للإتصال بالانترنت STC او أقسام PlayStation والترفيه او شاشات التلفزيون والمسرح المنزلي او أخبار شركات الإتصالات او الأخبار التقنية او

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

j[vfjd hgsdzm lu AliExpress Direct uk 'vdr imile