لڪَي ٺٺمڪَن من آلمشآرڪَة معنآ عليڪَ آلٺسجيل من هنآ

يمنع وضع الصور النسائية والأغاني والنغمات

http://www.x2z2.com/up/uploads/13328416481.png

الإهداءات

« آخـــر الــمــواضــيــع »
         :: ‎عمل القبول للعاشقين والحبيب 00201003304443 (آخر رد :ام الحكيم)       :: شيخ روحاني لعلاج جميع انواع السحر (آخر رد :ام الحكيم)       :: المحبة بين الزوجين 00201003304443 (آخر رد :ام الحكيم)       :: خدمة جلب الحبيب للزواج 00201003304443 (آخر رد :ام الحكيم)       :: فك السحر 00201003304443 (آخر رد :ام الحكيم)       :: اقوي معالج بالدمام (آخر رد :ام الحكيم)       :: علاج التلبس (آخر رد :ام الحكيم)       :: لسحر المتعلق بالزمان 00201003304443 (آخر رد :ام الحكيم)       :: ‎خدمة لــ رد المطلقة و الكشف عن مكان الغائب و رده 00201003304443 (آخر رد :ام الحكيم)       :: ‎ اكبر شيخ روحاني, لجلب الحبيب 00201003304443 (آخر رد :ام الحكيم)      


 
العودة   منتديات شمس الحب > «®™§¤§ منتديات شمس الحب الأدبية §¤§™®» > قصص - روايات - حكايات
 

قصص - روايات - حكايات لطرح القصص والروايات الخيالية و الحقيقه و الكتابات الخاصة " ذات العبرة و الفائدة ", القصص والروايات قصص واقعية و روايات - قصص واقعية، قصص عربية، قصص أطفال، قصص حب، قصص غراميه، قصة قصيره، قصة طويلة قصص روايات ادربيه طويله قصص واقعيه قصص روايات قصص حب قصص رومانسيه روايات رومنسيه قصص واقعيه قصص و روايات حب ,

 
 
 
LinkBack أدوات الموضوع إبحث في الموضوع انواع عرض الموضوع
قديم منذ /02-11-2012, 02:21 AM   #1

mody30 غير متواجد حالياً

 رقم العضوية : 61731
 تاريخ التسجيل : 10 - 2 - 2012
 المشاركات : 435
 الحكمة المفضلة : Egypt
 SMS :

Male

افتراضي روايات 2012 علموه اني احبه علموه اني هويته

أنا : mody30





روايات 2012 حكايات 2012 قصص 2012 روايات روعة روايات رومانسية
روايات ادب انجليزى روايات متنوعة 2012
قصص رومانسية روايات عربية حكايات 2012
روايات خليجية روايات سعودية 2012

قصه رومنسيه ومؤثره جدا...كتبتها في لحظه حزن.....
كتبتها واتمنى تدخل قلوبكم قبل عقولكم.....
كتبتها واهديها لكل انثى مكافحه في حياتها.....


.... بدايه اعرفكم بالعايلات....


......عايله ابو سالم.....

ابوسالم::: رجل طيب وحنون على عياله واهل بيته,وفاتح شركه عالميه وداخل شراكه مع اخوانه.
ام سالم:::مره حليوه وطيبه, وصارمه عند الامور الحازمه.
سالم::::: 34سنه ويشتغل بمنصب عالي في شركتهم,متزوج بنت عمه سلمى وعليه "علي 8سنوات""لطيفه 6سنوات""حنان 4سنوات"
سعود:::31 سنه اعزب ومتخرج من جامعه قطر ادراه اعمال ويشتغل في شركه العايله..
عبدالله::: 28 سنه. ويشتغل فالشرطه,ومتزوج بنت عمه فهد عائشه صار لهم 6سنين وللحين ماحملت.

مها:::26 سنه متزوجه عبدالرحمن ولد عمها محمد وعليها"محمد 4سنين""فهد سنتين" والحين حامل.
عهود::24 سنه متخرجه من جامعه قطر وتخصصها لغه عربيه ومقدمه عمدرسه بمنطقتهم وللحين ماردوا.
محمد::21 سنه يدرس في كليه شمال الاطلنطي في السنه الثالثه.
دانه:: 19 سنه وتدرس بالجامعه اداره واقتصاد سنه ثانيه.
خالد:: اخر العنقود واصغر منهم بواجد 13 سنه بصف ثاني اعدادي. ودلوع البيت.


.....عايله ابو عبدالرحمن.....

ابو عبدالرحمن:: الاخ الثاني لبو سالم ويشتغل معه بالشركه...
ام عبدالرحمن:: مره طيبه وعلى نياتها وعلاقتها بام سالم قويه وكنهم خوات.
عبدالرحمن::: 30سنه وهو توم لسعود وين ماراح مايتفارقون ويشتغل معهم وماخذ مها بنت عمه ودمه خفيف وقاهر عيال عمه بمزوحه ومقالبه.
سلمى::: 27 سنه وهي مرت سالم.
فيصل::25 سنه ترك الدراسه ودخل الجيش لان الشيبان مايوضفون غير الجامعين ففنش من الجيش وكمل دراسته الجاميعيه عشان يشتغل مع هله وعلى وجه تخرج وقارع عهود بنت عمه,
ريم:::: 21سنه وتدرس بالجامعه سنه ثالثه لغه عربيه"تخصص سهل ومضمون"وهي ودانه مع بعض دايم ب تخصصاتهم غير ويتلاقون في مواد متطلبات الجامعه..
جواهر:: 18 سنه وبالثانويه العامه وهي دايم لازقه بدانه وريم بس مو قد عشقها لساره بنت عمها فهد.
ناصر ::: 15سنه وبثالث اعدادي ومفوتينه سنه من قبل.



.... عايله ابو سعيد....

ابوسعيد:: الاخ الثالث لهم ومتزوج وحده من برا وتقاطع سنين مع اخوانه بسبب مشاكل زوجته بس الحمدلله قدر يحل كل شي ويتصالح مع اخوانه بس له حياته الخاصه ويشتغل وساكن في دخان الصناعيه وعنده عزبه ومعطيها كل وقته..
ام سعيد:: مره قاسيه وتكره كل شي يتعلق باهل رجالها وتحاول قد ماتقدر ماتحتك فيهم وتبعد عيالها عنهم بس بعد الصلحه عيالها عشقوا عمومتهم وتقربوا منهم.
سعيد::: 29سنه وهو ايضا من اعضاء الشركه وانسان بطبعه هادي واخذ جميله بنت عمته عاليه وعليهم ولد واحد"" فهد سنه ونص"".
جاسم::: 26سنه يدرس بالجامعه ماجستير قانون...
عائشه:: 25 سنه متزوجه ولد عمها بعد ماخلصت الثانويه.
زايد::: 22سنه يدرس مع محمد ولد عمه في كليه شمال الاطلنطي.
ساره:: 18سنه وبالثانويه العامه وهي جواهر توام روح.


...العمه عاليه....

عمتهم الكل يحبها ويحط لها الف حساب ولازم كل جمعه اخوانها وعيالهم يتغدون عندها سمك..
متزوجه ولد عمها الله يرحمه وعليها منه ولد وبنت ومات وهم صغار وربوهم خوالهم..
خليفه وساكن معها ومتزوج بنت جيرانهم منيره وعليهم بنتين"عاليه 4سنين""غاليه سنتين"...
وجميله ماخذه ولد خالها سعيد..


ووووووووو بعض الشخصيات بتطلع بعدين اثناء الاحداث..........
الجزء الاول.......

<< فبيت ابو عبد الرحمن فالدفنه>>

ريم :: جواهر صدق تكلمين؟؟؟
ريم ومستغربه محد كلمها فالموضوع.
جواهر::والله اني صادقه سمعت فيصل تحت يعلم امي بالسالفه وامي معصبه حدها.
ريم بضيق::وليه عسى ماشر معصبه ؟؟ ولا بس تبي الفكه مني وبس؟؟؟؟
جواهر ::لا يا غبيه مهوب كذا قصدها بس تبغيش توفقين وماتبي عيال عمي يعترضون طريقش هي قالت كذا..
ريم بتنهيده خفيفه"ياربي مهم براضين ينسون ذا السالفه حشى الى متى وانا وذا الموضوع معا؟؟؟؟؟؟؟؟؟؟؟؟؟؟...............
جواهر حست بضيقه اختها:: ريم اشفيش زعلتي؟؟امي تبي مصلحتش, لا تضايقين روحش خلاص عيال عمي قرعوش عليهم وراحوا الخطاب..
ريم براحه:: جزاهم الله الف خير, وفروا علي رفضاني وازعاج امي وابي وليه رافضه؟ ومدري ايش..........
جواهر بمكر:: ماتبين تعرفين منهم اللي خطبوش؟؟؟؟؟؟؟؟؟؟؟؟؟؟
ريم بضيق:: مشكوره حبيبتي و احتفظي فيهم لنفسش يام العلوم...(( جواهر تموت على الاخبار وكل خبر او علم جديد لازم يكون عندها))
جواهر بخبث:: طيب ماراح اقول.... وانسدحت على سريرها :: آآآ ه ياحليله سعود فيه الخير والله.. ولفت بعينها تشوف رد فعل اختها...
ريم ودق قلبها يوم سمعت اسمه بس وشدخله فالموضوع ولفت على جواهر::: وشدخل سعود فالسالفه؟؟؟؟؟..وكانها متوقعه وش بيكون رد جواهر وبدى قلبها يرجف..
جواهر واستانست ان ريم اهتمت لكلامها وعلومها على ماقالت:: وشلون وشدخله حبيبتي ؟؟ هو اللي قارعش وقال لهم انا خاطبها وانا اولى فيها والله ماحد ياخذها غيري... طبعا الكلام الاخير من عند جواهرزايدته..
ريم باحباط::ياربي عفوك ساعدني..اطلع من شي يجيني شي ثاني, انا ناقصه الحين..
جواهر وانصدمت ماتوقعت رد فعل ريم كذا توقعت انها بتستانس بس ماتوقعت ابد ان ريم تزعل كذا:: ريمي شفيش وش قلت عشان تزعلين كذا؟؟؟
ريم بحزن:: مافيني شي, ولو سمحتي اطلعي وخليني بروحي..
جواهر بعصبيه:: هيه انتي ,لا يكون مصدقه انها غرفتش بروحش تراها غرفتي بعد...
سكتت شوي وشافت ريم ضايقه من جدها حزنت من اختها وقالت وهي طالعه:: خلاص اصلا انا بروح تحت جوعانه باكل لي شي وبارجع باي. طلعت وسكرت الباب وراها..................

قعدت ريم وراها بروحها ضايق خاطرها "ياربي انا ناقصه هم وغم هذا وقته ياسعود قارعني الحين,, الحين بيبتدي الموال من جديد,,آآآآآآآآآآآآآآه وينك يا سعود قبل لما كنت بموت وانت موب حاس الحين جاي بعد ايش؟؟؟بعد مامات قلبي واندفن بعد ما شفيت من حبك واقنعت نفسي ان مابينا نصيب ,بعد ماعانيت عشان انساك, جيت الحين؟
لكن لا والف لا وهذي فرصتي الحين ارفضه, واخليه يعيش شوي من اللي عشته,
وانا مستحيل اتزوج بعد اللي صار.....
انسدحت ريم وراسها مصدع من التفكير ورجعت فيها الذكريات لورا شوي يوم كانت قاعده في غرفتها ودخل عليها ابوها وقعد معها وهي استغربت ساعتها شعنده طالع لغرفتي شالسالفه وبدى قلبها يدق,, وصدمها ابوها ذاك اليوم لما قالها ان ولد خالتها خاطبها وهو خوش رجال وماينعاب وانه استشار عمانها وهم موافقين..
تنهدت ريم وتذكرت كيف حست روحها بتطلع خطبه ومو سعود اللي خاطبها لا وعمانها موافقين بعد وهو ياترى درى ولا مادرى؟؟؟ومن الصدمه ماردت على ابوها اللي قالها فكري زين والله يكتب اللي فيه الخير ............
وطلع وتركها وهي ساكته وحزينه وودها تبكي,,, معقوله مادرى؟؟بس ابي يقول عمانش موافقين,,أي بس ماقال عيال عمش ياااااااااااربي بموت من التفكير...
كانت ريم بذاك اليوم بعالم ثاني كانت تنتضر حد يبشرها بقرعان سعود لها وقالت بتاخر فالرد على ابوي اعطي سعود فرصه يمكن مادرى بالسالفه ياربي...
قطع تفكير ريم اذان المغرب اللي في وقته انتشلها من الذكريات الماضيه الحزينه


بمكان ثاني تحت بالصاله ام عبدالرحمن تحاكي ولدها فيصل....

ام عبدالرحمن بعصبيه:: قم قم ياولدي ادع اخوانك والحق الصلاه واذا جيت بنتفاهم...
فيصل وحس بضيقه امه:: طيب يمه فديتش لا تزعلين ترا سعود من جده يبغي ريم ماقرعها الا انه يبغيها...
ام عبدالرحمن:: هو قال لكم شي ؟ او جاب لكم طاري؟؟..
فيصل:: لا يمه بس ماقال شي بس اكيد , سعود رجال وماسوى الشي وهو بيهون منه..
ام عبدالرحمن وكانت عارفه الاجابه.:: انت قم الحين والحق الصلاه, ترا المغرب ماله وقت قصير ويصير خير.
حب فيصل راس امه وطله خذ اخيه ناصر من المجلس وراحوا يصلون
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,

<< فبيت ابو سالم بالريان>>

ابوسالم توه راجع من المسجد مشي لانه قريب جنب بيتهم..
جا وقعد فالصاله معه سالم وولده علوي وخالد....
ابو سالم وسالم قعدوا وعلوي قعد جنب ابيه وخالد دخل معهم بس ماقعد يبغي يروح للمجلس يكمل الدوري.....
ابو سالم:: شبلاك واقف ؟اقعد صب القهوه تعلم سلوم الرياجيل..
ام سالم وتوها داخله سمعت ابو سالم يلاغي خلود عنقودها.
ام سالم:: السلام عليكم, وشبلاك على ولدي ؟ خلود ازين واشيخ الرياجيل كلهم.
سالم ابتسم:: الله يهداك يبه ولا حكيت الا على دخلتها,, عند خلود الوالده تذبح العرب كلهم.
ابو سالم بعصبيه:: ازين الرياجيل ما يمديلي اسلم من الصلاه الا واشوفه قاحص من جنبي للبيت مستعجل على السوني وعلى الكوره....
سالم يغايض امه زياده:: أي والله وش مستعجل عليه, شوفو ولدي شحليله قاعد جنبي لين جيت ولا تحرك..
ام سالم:: يووه امس علي بس , بدل ماطفي النار تحرقها زياده غير اكثر واحد مدلع عياله ومخربهم انت مالك لسان كلكم اجتمعتوا على ذا المسكين وخير اذا لعب سوني وشي مشريه له زينه.. وسكتت وهي معصبه.
خالد يصب القهوه ومتشقق من دفاع امه عنه"" آآه فديت امي""....
سالم وحزن من امه قام وحب راسها:: افا والله يالغاليه ولا تزعلين وتكدرين خاطرش, نضحك عليش, وخلود مهوب اخي الا ولدي اللي انا مربيه...
علي انقهر من دفاع ابوه عن عمه دايم بينه وبين عمه نحاسات لانهم متقاربين بالعمر
علي:: لا يبه ماعندك الا ولد واحد بس انا ...
خالد يرد عليه:: احسن بموت انا الحمدلله انك منت باخي ولا كان رحت فيها, وجزلك منت بلاعب معي بعد شوي سعود شرا لي شريط ( درايفر)( شريط سباق سيارات سرقت اسمه من عند اخواني الصغار) ..
علي بندم:: لا لا خلاص اضحك عليك اخذ ابي مابغيه بس خلني العب معك تكفى..
ابو سالم وامسالم وسالم:: هههههههههههههههههههههههههه....
خالد:: زين سامحتك دامك قلت تكفى بس اخر مره تطول لسانك علي وقم حب خشمي..
وقام علي وحب خشم عمه واستانس سالم زين اتفقوا فاقعين كبدي بمشاكلهم..
ابوسالم:: خويلد قم يابوك ذاكر والسوني لاحق عليها..
خويلد انقهر بكره السبت اجازه ليه اذاكر بس اذا رد كذا بيروح فيها..
خالد:: انشاله يبه...
استاذن سالم وطلع راح لبيته ياخذ مرته يوديها لاهلها وبعدها بيروح عنده اشغال
(سالم ساكن في بيت جنب هله ابوهم شاري خمس اراضي لكل واحد ارض يبني فيها بيته, ومحد بنى بيته غير سالم وعبداله وبقى سعود ومحمد).
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,
<< فغرفه عهود فوق>>

عهود باستغراب:: قسم بالله منتي صاحيه كل ذا الرقص عشانه قرعها عجل وشبتسوين لا تزوجواااا؟؟؟
دانه وهي ترقص من الفرحه قعدت جنب اختها:: يااااااااااااااااي بسوي لهم عرس مااستوى بعزم القريب والبعيد,, وبسويه في افخم صالات الدوحه كلها, وبخلي كل هل قطر كلهم يحكون عنه....
عهود:: ههههه على هونش شوي لا تطيرين,, وبعدين وشدراش يمكن ما يصير بينهم نصيب, من يدري لا تشوقين جدا وبعدين تنصدمين...
دانه بعصبيه:: فال الله ولا فالش, لا انشالله بيصير وبنفرح كلنا وبنستانس
لاعز اثنين, آآ ه خاطري اكلم ميمي اشوف شعورها وشو, اكيد الحين طايره من الفرحه
الحمدلله ان ربي عوض صبرها ورزقها اللي تمناه اشكرك واحمدك يارب...
عهود:: اسكتي بس اسكتي اللي يشوفش يقول انتي العروس مهيب هي,,
وبعدين دنو ترا حب ريم لسعود كان مراهقه وراحت, وما اظن الحين تحس فيه نفس اول, الدليل انها انخطبت ووافقت تذكرين, يعني لو تحبه صدق كان رفضت, صح ولا لا؟؟
دانه في خاطرها"" اييه ماتدرين ياعهود وش جاها ثم, محد حس فيها غيري اخي الخبل هو اللي ماقرعها,ولا هي تنتضره, بس معقوله ميمي تكون كرهته ونست حبها له, لا مستحيل مستحيل يارب لا....
عهود حزنت حست انها خربت فرحه اختها بس هي ماتبغيها تنصدم بعدين:: دنو هييي وين سرحتي؟؟عموما هو قرعها وبنشوف اذا خطبها وانشالله بتوافق اذا صدق تحبه..
دانه ورجع لها حماسها: غصب عنها توافق, وان ما وافقت بمسكها بشوشتها وبدخلها عليه.. وتكمل وهي واقفه بتطلع:: ويالله بااي بروح لمامي تحت...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,
نرجع تحت لابو سالم وام سالم اللي توه سعود داخل عليهم جاااي من برا,
دخل وسلم وحب روسهم..
ام سالم:: هلا سعود وينك ياولدي اكلمك ماترد علي؟ تغديت؟؟..
سعود ابتسم صاروا شيبان وامهم تحاتيهم تغدوا ولا لا:: أي يمه تغديت عند واحد من اخوياي عازمني على الغدا, وبعدها رحت الدوحه عندي اشغال, وسجيت من جوالي في الموتر...
ابو سالم:: طيب ياسعود, وش ناوي تسوي مع بنت عمك؟؟؟..
سعود واسغرب سؤال ابوه:: وش بسوي من ناحيه ايش طال عمرك؟؟؟..
ابو سالم بعصبيه:: وش من ناحيه ايش؟؟ انت ماقرعتها خلاص وش تنطر اخطبها رسمي ولا بتقرعها وتخليها؟؟؟؟؟...
سعود:: لا يبه ماني مخليها, بس منا بخاطبها الحين تو الناس....
ام سالم تتدخل:: أي تو الناس ياولدي, ماعدك بصغير قدك ماشالله في الثلاثين
واللي مثلك عيالهم يخبون جنبهم,,وريم قدها عروس وش ناقصكم؟؟؟؟....
ابو سالم:: اسكتي انتي بس,, وانت وش تقول؟؟ مثل ما قرعتها تروح وتخطبها واليوم قبل بكره وش تنطر؟؟؟
سعود حس ان ابوه مافهمه:: مانطر شي بس..... وقاطعه ابوه:: لا بس ولا شي بنروح بكره نخطبها من عند عمك,, وبعدين انتوا بنفسكم حددوا العرس بس اهم شي تملكون....
سعود وحس ان مافيه مفر:: انشالله يبه على امرك...
ام سالم:: الله يوفقك ياولدي..
خلاهم سعود وراح لغرفته فووق عشان يبدل ويرتاح شوي, وهو طالع قابل دانه:: هلاااااا بالمعرس, مبروك ياخي مابغيت تحرك..
سعود وهو مهوب فاهم قصدها:: الله يبارك فيش..
ماحب يزيد فالحكي طلع ودخل غرفته.............................
دانه نزلت تحت عند امها وابوها وقعدت تسولف معهم....
-----------------------------------------------------------------------------------------------
<< فبيت ابو عبدالرحمن>>

فيصل توه جااي من المسجد مع نصور شاف سالم ولد عمه في سيارته عند الباب..
اسرع بمشيته صوب سالم اللي شافه ونزل يسلم عليه وسلم على ناصر اللي عطول دخل عارف بالهجوم على اغراضه..
فيصل:: هلا ومرحبا يابو علي..
سالم:: والبقى وشحالك عساك طيب؟؟؟..
فيصل:: والله سرك الحال, حول اقلط للقهوه..
سالم::تقهوا عندك العافيه , والله عجل بروح مره ثانيه انشالله...
فيصل:: مايسير يا رجال, فنجان قهوه بس , من زمان ماقعدنا معك..
سالم:: والله اني عجل وبروح المره الجايه .
فيصل::طيب براحتك المره ذي مسموح, وعقبها لا..
سالم:: تامر امر يالنسيب, يالله لا تعقبنا خلاف.
فيصل:: ولا واجهك.
راح سالم ودخل فيصل داخل يسلم على اخته عينها قاعده فالصاله مع امه وجواهر.
فيصل :: السلاااااااااااام عليكم...
سلمى وهي توقف:: وعليكم السلام مرحبا ومسهلا في ذمتي.
سلم فيصل على سلمى وقعد جنبها..
فيصل:: الله يرحب بش , اخبارش سلامي وش ذا الغيبه عنا؟؟..
سلمى:: موجوده ياخي , بس مشغوله مع عيالي ومدارسهم ملعوزيني..
فيصل::الله يكون بالعون, الا وين حنونتي؟؟؟..
جواهر بنغزه:: وش عندك ما تسال الا عليها؟؟ ولا عشانها تشبه بعض الناس؟؟..
ام عبدالرحمن:: هي استحي على وجهش تحاكين اخيش كذا...
فيصل:: هههه خليها يمه خليها هي ميته تبغي حد يحبها كذا...
سلمى:: ههه الله يقطع بليسش ياجوجو روحي بلا هذره, وجيبي حنون وادعي علوي ولطوف يسلمون على خالهم....
جواهر:: طيب زين حشا , ماشافو خير عيالش ساعة يجون يروحون بسرعه غرفه نويصر ماكان عندهم سوني في بيتهم...
سلمى:: وانتي شعليش منهم خليهم يستانسون وروحي يالله ادعيهم..
فيصل:: ريم وينهي ماشفتها اليوم؟؟؟؟...
سلمى:: أي والله الخايسه ولا جات تسلم علي ولا شي...
ام عبدالرحمن:: صح من عقب ماتغدت طلعت ولا عاد شفتها, لا يكون تعبانه؟؟؟..
جواهر تفشلت وفي خاطرهاياويلي لا يدرون اني علمتها , حسبي الله عليها ذي بتفضحنا خلني اروح ادعيها احسن..
جواهر وهي قايمه:: لا مهيب تعبانه: مافيها شي بس عندها امتحان بكره وتذاكر له.ز
سلمى باستغراب:: أي بكره الله يهديش مضيعه بكره السبت اجازه..
جواهر وتداركت نفسها::أي ادري بس في دكاتره يحطونه بالسبت..
سلمى:: بكيتهم هم واختراعاتهم روحي ادعيها بس...
ام عبدالرحمن:: لا لا تدعينها, عندها امتحان خليها تذاكر...
فيصل:: معليه تقعد معنا شوي وعقب تروح تذاكر مايصير حابسه نفسها كذا...
جواهر:: طيب..
وراحت فوق تدعي ريم وتنزل عيال سلمى يسلمون على فيصل..

<<فغرفه ريم>>
ريم بعد ماصلت المغرب قعدت تقرا قرآن وبعدها قعدت تذاكر بس مالها خاطر فالمذاكره,وبعد بكره عندها امتحان للثقافه الاسلاميه صح هو سهل ,كله صح وخطا وفراغات, بس بعد لازم اقرا عشان احفظ والله مالي نفس في شي وقطع تفكيرها اتصال من صديقتها الرح بالروح من ايام الابتدائي فاطمه, ابتسمت ريم فديت فطوم اتصالها جا فوقته( فاطمه متزوجه ولد عمها راشد وحياتها معه متزعزه من مشكله في مشكله الله يعينها وعندها ولدين بندر وبدر وحامل بالثالث)..
ريم :: الوووووووو...
فاطمه بعصبيه:: ماكان رديتي احسن , ساعه لين تردين؟؟؟...
ريم:: ههههههههه, فديت التعصيب توش داقه....
فاطمه:: لا والله تدرين انا احب اللي اكلمهم يردون من الرنه الاولى...
ريم:: هههههه طيب ولا يهمش,, اخبارش انتي واخبار حبايبي فديتهم؟؟..
فاطمه:: والله طيبه, وحبايبش مجننيني خصوصا خطيبش هذا,مرويني الويل مع ذا المدرسه, وبدير يقلده في كل شي..؟؟؟؟( فطوم دايم تقول لريم بزوجش بندر, وعشان كذا تسميه خطيبها وريم بعد تموت فيه)..
ريم بابتسامه:: هههههه فديت المدرسه انا, الله الله في خطيبي ذاكري له عدل...
فاطمه:: لا والله ماكنش بتتزوجين وتخلينه, المهم علومش واخبارش شي جديد ماعندنا فيه؟؟؟
ريم اضحكت دايم فطوم تحس فيها اذا تضايقت او زعلت, كانت دايم معها في كل شي حتى لما تزوجت كانت معها وما انشغلت منها,, قالت لها ريم كل السالفه من الى وفطوم كانت تدري بحب ريم له من الثانويه....
فطوم بوناسه:: الله واخيرا ريمي حبيبتي تستاهلين كل خير.. وحست فاطمه بحزن في صوت ريم:: بس ريمي احسش مو مستانسه ابي اعرف وش مزعلش؟؟؟
ريم بتنهيده:: اللي مزعلني انتي تدرين ياما نطرته ولا قرعني يوم خطبني نايف والحين قرعني ويبي يتزوج وش اللي غيره؟؟وش مانعه ما يسوي نفس نايف؟؟..
فاطمه:: الله يقطها من سيره, تقارنين بين التافه الخايس بولد عمش , الفرق حبيبتي ان سعود شاريش ومستحيل يفرط في بنت عمه هذي مهيب سلومنا وماظن انه كذا ويمكن ثم ماكان مستعد والحين حس انه مستعد وتقدم, وياريم حبيبتي لا تخلين الماضي ياثر فيش, عيشي يومش, وتذكري من يكون سعود اذا كنتي نسيتي انا ما نسيت, معقوله كل هذا يروح لما ربي حقق امنيتش,ههه تذكرين الحب والهواء والاكسجين هههههههههه...
ريم ضحكت وتذكرت يوم كانوا اول ثانوي في حصه العربي وطلبت الابله من فاطمه تكتب جمله وريم تعربها.. وكتبت فاطمه جمله خطف سعود قلب ريم..
وتفشلت ريم واعربيت كلمه خطف وسرح خيالها مع الاسم ,, وقالت لها الابله كملي اعربي كلمه سعود تنهدت ريم وقالت لا شعوريا:: الحب والهواء والاكسجين.. وماتوا ضحك عليها بنات الصف والابله وقفتها طول اليوم.. وصار البنات يعلقون عليها بالجمله هذي..
ريم:: ههههههههههههههههههههه, يالخايسه ذكرتيني هههه, وبعدين تعالي تعالي هذا قولش مو انتي اللي دايم تقولين لا تاخذين ولد عمش تراهم كذا وتراهم كذا شاللي غيرش ولا راضيه على راشد اليوم؟؟...
فاطمه وتمسح دموعها من الضحك:: مالت عليه لا والله منا براضي بس مو عيال العم كلهم مثل ولد عمي.
ريم:: هههههه, والله راشد مافيه منه حليو وطيب...
فاطمه:: ههههه تعالي عيشي معه عشان تطقين صدق...
دخلت جواهر على ريم وهي تضحك....
جواهر:: اكيد ذي فطيم محد يضحكش كذا مثلها...
ريم وتبعد التلفون:: أي هي شعندش؟؟؟...
جواهر:: كل خير سلمى تحت وتقول تعالي سلمي عليها....
ريم:: امانه مرحبا فيها.. وترد التلفون لاذنها:: فطوم يالله اخليش سلوم اختي هنا وبرح لها...
فطوم:: طيب باي وقولي للدبه جوجو تقول ماشالله لا تعطينا عين, وريمي حياتي فكري زين ولا تتخذين قرار تندمين عليه بعدين......
ريم::: هههههه طيب مع السلامه...
سكرت ريم وطلعت مع جواهر لغرفه نصور ياخذون عيال سلمى وينزلون تحت..

تحت وبعد ماطلعت جواهر التفتت سلمى ولقتها فرصه تكلم امها وفيصل...

سلمى بوناسه:: يمه اكيد عرفتي ان سعود قرع ريم...؟؟؟
ام عبدالرحمن:: أي قاللي فيصل ان حماش قرعها بس ماجاب طاري خطبه يعني بس كذا قرع عليها وبيخليها..
سلمى بصدمه:: من يقول ذا الكلام سعود ماقرعها الا يبغيها, وانشالله بكره بيجون يخطبونها رسمي...
ام عبدالرحمن:: صدق يا بنيتي الله يبشرش بالخير ويوفقهم انشالله...
فيصل:: صدق سلمى ومن متى ذا الكلام غريبه مادرينا فيه؟؟؟؟....
سلمى:: والله مدري وحن جايين فالطريق عمي كلم سالم وقاله على انهم يجون بكره واكيد بيكلم ابي وبيقوله, وانشالله ربي يجيب اللي فيه الخير..
فيصل بتردد:: والله سعود رجال ومافي منه, بس مايصلح للعرس..
ام عبدالرحمن بخوف:: وشلون مايصلح للعرس مهوب رجال , مهوب زين ياولدي تقول الكلام كذا على ولد عمك, اهم انه رجال والناس كلهم يحبونه ويتمنون قربه..
فيصل:: يمه الله يهداش وانا قلت شي, رجال وستين رجال فامور الرياجيل بس فالعرس ماظن سعود صارم ودمه حار عكس ريم اللي ماتحمل شي منا ابدا, فما بالش برجال حار وصدقيني يمه ريم مابتلاقي مثله وانا متاكد انه بيسعدها ولاهو مقصر معها في شي ابد, واللي اقصده انها لازم تعرف طبعه ولا تعامله مثل ماتعاملنا عشان ماتنصدم..
سلمى :: صح صادق فيصل بس احسن نترك ريم تكتشف الشي هذا يعني مانبي نخوفها من اولتها وبعدين هي تستحي جدا وما اظن انها بتعامل معه مثلكم..
ام عبدالرحمن:: والله انكم ماعندكم سالفه انت وياها, اتركوا خرابيطكم دامه رجال ومو مقصر معها وشعاد لو كان دمه حار مافيها سي تسعده وتبعد عن زعله, ووش كنا عليه من اول نقوم على ضرب العصا وننام عليها وهذا حن عايشين وانتو ماتحملون حتى الكلمه تمر عليكم...
فيصل بعصبيه:: لا وربي اللي خلق لا يسويها ان يسبح فدمه انا اختي تنضرب بعصا وين قاعدين؟؟ وبعدين يمه زمنكم غير عن زمنا, ومااعتقد الظلم اللي مريتي فيه تخلين بنتش تعيشه.
فيصل احزن امه بالكلام هذا لانه صدق وخلاها تدعي فخاطرها ان ربي يحفظ بنتها ولا يرويها اللي شافته من ظيم ايام اول...
سلمى وحبت تغير الموضوع:: اعوذ بالله تونا فالحمد وجيتوا طاري عصا وماعصا,, لا انشالله سعود بيسعد ريم وبيحطها في عيونه ويسكر عليها ولا تحاتون انا عندها وهذا ولد عمها وبعدين تاخر بالعرس عشان يختار شريكه حياته يعني ماراح يفرط فيها ابد زود على انها بنت عمه لحمه ودمه لا تحاتين يمه ويكفي ان سالم بروحه متشقق وميت من الوناسه...
وعلى آخر كلمه الا وجواهر وريم داخلين الصاله ومعهم علوي ولطوف وحنان اللي راحت بسرعه لحضن خالها اللي دايما يشتري لها حلاوه ..
حنان وهي تضم خالها:: االي وين الاوتي..(خال وين حلاوتي).. حنان عمرها 4سنين بس للحين مانطقت عدل واكثر كلامها بحرف الدال وهذا اللي مخليها مجننه الناس فيها..
فيصل:: لبيها مادريت انكم بتجون بس بكلم الدكان يجيب لش احلى حلاوه .. ويقلدها فيصل:: ديييين؟؟
حنان تهز راسها:: دين دوله بأد يديب تيكل..( زين قله بعد يجيب سيكل)..
فيصل سوى روحه منصدم: سيكل مره وحده انا قلت حلاوه وش وداش فوق..
سلمى بعد ماسلمت على ريم وقعدت وهي تضحك:: ههههه يمه حنان احلمي على قدش خليش على حلاوا ريالين لا تطلعين فوق اخي ومنا بمستغنيه عنه...
جواهر:: ههههههه بين على روحك يابخيل,, وتلتفت لسلمى:: صح قبل لا انسى وشو اللي سالم مستانس عليه....
سلمى:: موب شغلش .. وتلتفت لريم:: ريم اخبارش واخبار الدراسه معش؟؟؟..
ريم:: الحمد لله ماشي حالها امتحاني بعد بكره..
ام عبدالرحمن:: وجواهر تقول بكره.....
ريم التفتت على جواهر اللي تفشلت وقالت:: أي يمه كان بكره بس اجله الدكتور لين بعد بكره...
فيصل:: وانشالله الدروس معش سهله, ترى انا فالخدمه حاضر اذا تبين شي من البحوث او الواجبات قوليلي...
ريم:: مشكور ماتقصر,, والحمدلله سهله جدا..
لطيفه:: خالي انا كان عندي امتحان امس وحليته كله صح...
علاوي:: ههههههه,, امحق امتحان خرابيط امتحاناتكم سهله..
لطيفه بعصبيه:: وجع موب خرابيط يالدبه....
جواهر:: هههه حمدلله والشكر انطموا بس ويالله روحوا فوق العبوا سوني...
وبعد ماطلعوا العيال الصغار التفتت جواهر لفيصل:: طيب فصول فديتك يوم بكره ريم ماعندها امتحان طلعنا مشنا...
فيصل:: اذا ماعندها بكره عندها اللي بعده, ولازم تذاكر ولا شلون ياريم..فيصل متعود ريم تايده بكلامه بس هالمره غير..
ريم وهي تبتسم:: عادي فيصل الماده سهله نقدر نروح نتمشى واذا جيت اذاكر...
جواهر وهي تشوف وجه فيصل:: هههههههههه حلو ميمو فديتش ها شفت مالك عذر...
فيصل:: طيب امري لله وين تبون تروحون؟؟؟؟.....
جواهر على طول:: الستي سنتر صديقاتي يمدحون جلابيات جديده جايبها السلطانه..
فيصل:: انتي تبين تمشين ولا تسوقين؟؟؟؟؟...
جواهر:: كلها وحده التسوق كنه تمشيه , تمشي بين المحلات وتروح تغدا وعقب السينما...
فيصل بعصبيه:: انقلعي بس انتي وجهش ماناقص الا ذا الستي بكره لا زحمه وعالم...
جواهر:: الطيب المول ولا اللاند مارك..
فيصل:: اختاري شي غير الاسواق...
جواهر:: وانت كل شي عندك لا..
سلمى:: بس خلاص ازعجتيني بكره سالم بيحطني والعيال في جنغل زوون تعالوا معي هناك..
فيصل وامه تفكروا في بعض مستغربين سلمى نست ان بكره خطوبه ريم..
جواهر:: وانا شسوي في جنغل زون وهي كلها العاب بزران..
سلمى:: عادي انا ذيك المره.. والتفتت بخوف لامها وفيصل مفتحين عيونهم عالاخر بس هي لحقت عمرها وكملت:: شفت بنات في سنش يلعبون عادي( هي كانت بتقول انا ركبت القفزه المجنونه بس هي مو بايعه عمرها عشان تقول كذا قدام امها وفيصل)..
فيصل:: وانشالله متصاغره جواهر عشان تركب وبعدين هناك بعد زحمه ورياجيل لا تروحون مو وقته.. ويغمز لسلمى عشان تفهم...
جواهر بعصبيه:: يعني انت منت مودينا ولا مخلي حد يودينا...
فيصل:: مهوب شغلي بروحكم منتوا راييحين وبكلم سالم الحين..
جواهر:: وانت على كيفك تحكم بالرجال....
سلمى وتقاطع فيصل:: انت من جدك سالم بيخلينا بروحنا باخذ خويلد ونويصر معي,, وبعدين عادي اذا رحنا بكره مافيها شي..وتحاول تبين لفيصل انها فاهمته..
ريم::احسن بعد نويصر من زمان ماطلع مكان وخلي دانو وعهود يجون بعد...
ام عبدالرحمن:: مسوين خير والله اربه يستانس من زمان واعدته وما وديته..
وقعدوا يسولفون فيصل استاذن وطلع وجا ابو عبدالرحمن وتعشوا جميع وبعدها راحت سلمى لبيتها...
الموضوع الأصلي: روايات 2012 علموه اني احبه علموه اني هويته || الكاتب: mody30 || المصدر: منتديات

شمس الحب



تستطيع المشاركة هنا والرد على الموضوع ومشاركة رأيك عبر حسابك في الفيس بوك




v,hdhj 2012 ugl,i hkd hpfi i,dji hoji








آخــر مواضيعـى » أبوي جبرني فيك و كسر عنادي بس ما دريت إنك صرت كل هلي و ناسي
» روايات 2012 رواية تحمل جنوني وضمني حيل لصدرك للكاتبه شايفه نفسي ويحقلي
» رواية زوجوني منك غصب و حببوني فيك غصب
» روايات سعودية 2012 ترى ما يهمني لا أهلي ولا غيرهم والله لا أثبتلك
» رواية رضيت بقدري و حبيتك
  رد مع اقتباس
 
 

مواقع النشر (المفضلة)

الكلمات الدلالية (Tags)
2012, اخته, روايات, علموه, هويته


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
روايات 2012 روايات خليجية 2012 بـعّض آلَموآقف تِـجـي mody30 قصص - روايات - حكايات 0 02-11-2012 02:17 AM
روايات 2012 روايات سعودية غابت شمس المحبة وطرى طيفك في بالي mody30 قصص - روايات - حكايات 0 02-11-2012 02:15 AM
روايات 2012 قصص 2012 صور المثقف -إدوارد سعيد mody30 قصص - روايات - حكايات 0 02-11-2012 02:08 AM
روايات 2012 قصص 2012 ثلاثية فلسطين نبيل الخوري- mody30 قصص - روايات - حكايات 0 02-11-2012 02:07 AM
روايات 2012 قصص 2012 (3) عيون البنفسج mody30 قصص - روايات - حكايات 0 02-11-2012 02:04 AM

Facebook Comments by: ABDU_GO - شركة الإبداع الرقمية

الإعلانات النصية


الساعة الآن 07:35 AM بتوقيت مسقط


Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO 3.6.0 Designed & TranZ By Almuhajir
Adsense Management by Losha
جميع الحقوق محفوظة لمنتديات شمس الحب
ما يُكتب على منتديات شمس الحب من قِبل الاعضاء لا يُمثل بالضرورة وجهة نظر الإدارة وانما تُمثل وجهة نظر صاحبها .إلاإذا صدر من ادراة الموقع .

Sitemap

PageRank Checking Icon
Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%B4%D9%85%D8%B3-%D8%A7%D9%84%D8%AD%D8%A8 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live
Add to Feedage RSS Alerts Add To Fwicki

 
Web Counters
Emergency Cash Loan Michigan
إنظم لمتابعينا بتويتر ...

أو إنظم لمعجبينا في الفيس بوك ...