البارت_7_

بعد اسبوعين من اهم الاحداث الي صارت خطبت مروه رسمي ووافقو ومي اخيراا نجحت وفك السجن عنها
ميار مبسوطه بين اخوانها وهبالهم وتقابل البنات بين كل فتره
غلا حالتها سيئه سديم وميار يحاولون يهدونها ميار مافتحتها بموضوع طارق علشان نفسيتها بالرغم من الحاح طارق المتكرر لميار بأنها تقول لها وتسألها بسرعه
رزان هيمانه بحبها بمروان
مروه تفكر بتركي كثير وتهتم لاخباره وتركي نفس الشي لاكنه مابطل حركاته من المغازل والسهرات وغيره
راشد يحاول ينصحه بس هو يقول لسى بدري علينا
بندر يفكر بمدى شاغله كل تفكيره وهي بعد مافارقها خياله وطاريه
ميار اشتغل تفكيرها فيصل وهو بعد ماغابت عن عينه ويقلقها اتصالات
رامي عليها المتكرره رغم انها ماترد عليه


$$$$$$

ميار:يلا انا جهزت
مازن:اخيرااا
طلعو كلهم السياره الا طارق ومحمد كانو رايحين البحرمن قبل
وصلو ونزلو
طارق بسيارته:اقول ياشيخ مافيها احراج ولا شي تعال بس
فيصل:والله اخاف احرج الاهل ماياخذون راحتهم
طارق:وش دعوه انت منا وفينا
فيصل:اوكي خلاص نص ساعه وانا عندك

.......

ميار:ياااااه ياحلو البحر يجنن
مازن وهو يسبح:تعالي اسبحي
ميار:هههه اخاف اسوي زحمه في البحر
بندريرش عليها مويا:لاتكفين لاتزحمينا
نوره تناظر فيهم وتضحك
ميار:طارق وين راح بروح اشوفه

......

طارق:اخيرا جيت
فيصل:ههه اتغلى
طارق:انا رايح اشوف الاهل وجاي اللحين
فيصل:خذ راحتك

......

ميار تناظر"وين اختفى طرووق وشافته جالس بسيارته يطقطق بالجوال
راحت له ركبت السياره بأندفاع:وش جالس تسوي هنا؟!!!
ناظر فيها عرفها من صوتها
ميار انصدمت:فيــــصـــل!!!!
فيصل رافع حاجبه:ليه ماجيتي علشاني؟
ميار:وليه اجي علشانك فكرتك طارق
فيصل ابتسم
ميار بتفتح الباب تطلع قفل الابواب كلها من عنده
ميار ارتبكت:ليه قفلتها افتحها بطلع؟!!
فيصل ينظر فيها بعباطه:لا
ميار:خير ليه وانفجعت اكثر"حرك السياره وبيمشي
ميار:انت مجنون وقف
فيصل مبتسم ومطنش
ميار:قلت لك وقف والله لاقول لطارق يشوف وش مصاحب
فيصل مارد عليها"وقف بمكان قدام البحر منظره روعه"
ناظر فيها والتقت عيونهم ببعض
فيصل بدون شعور:احبك
غمضت عيونها وقلبها يرقص تحس كل خليه بجسمها وقفت عقلها انشل بس يردد ويعيد الكلمه الي سمعتها
"احبـــــــــك"
فيصل رفع راسها:ميار والله اني احبك من يوم ماشفتك شي شدني عليك مارحتي من بالي ولا لحضه آآه ميار احبك بكل مافيني
ميار ترجف مسك يدها:ردي علي لو بكلمه لما اشوفك اقول كلام واتصرف اشياء بدون مااحس بنفسي اتوه اضيع لما انظر بعيونك
رن جوال ميار:هذا طارق
ردت بخوف:هلا طارق
طارق:انتي وينك؟
ميار:انا اتمشى على البحر شوي الحين جايه
طارق:لاتتأخري
فيصل:ليه ماقلتيله مو قلتيلي قبل شوي انك بتعلميه علي ولا غيرتي رايك
ميار:انا كنت آآآ بس
فيصل:مايحتاج تقولي شي عيونك فاضحتك اشوف نفسي بعينك احس فيك
وصلها نزلت من دون ما احد يلاحظ راحتلهم وهي مبسوطه طايره من الوناسه فرحه بحبه بجرائته بجنونه
"أأه شفت بعينه كل معنى كلمه جنون وحب وعشق وغرام معقوله الانسان
الي حبيته طلع يحبني مثل ماانا احبه بس ليه ماقلتله اني احبه بس انا
لالايمكن يلعب علي وبيفهمني حسيت بشعوره الصادق حسيت كلامه طلع من قلبه ياه يامحلى الحب"
ميار:تأخرت عليكم اكيد اشتقتولي
مازن:مره اشتقتلك حتى حاولت انتحر اغرق بالمويا بس دموع امي رجعتني
ميار ترش عليه مويا:تتريق انت ووجهك
مازن طلع من المويا وشعره مبلل ولابس بس شورت ابيض وبيمسكها وهي تركض اتخبت ورا امها نوره
مازن وقف قدامها
ميار:ماما نوره شوفيه"قالتها بدلع علشان تقهره"
نوره:مازن اعقل وبعد عنها
مازن:افا يمه انا المسها كنت بس بحاول يمسكها وتركض عنه شافت طارق بتروح له ولما شافت فيصل واقف معاه وقفت وصارت بين مازن وبين طارق وفيصل
فيصل"ياحلو برائتها وطفولتها"
مازن عرف ان ميار مستحيه من فيصل ومارح تروح لطارق فراح لها وقف قبالها
ميار:مزون اخوي حبيبي
مازن:لا الحين صرت حبيبك!!
ميار:طول عمرك حبيبي
مازن:بوسي راسي وتأسفي
ميار:لاوالله مافي
ماز:قدها
ميار:اي
مازن شالها وميلها على البحر وميار تصرخ
عيون فيصل تراقبهم
مازن:ارميك بالبحر ولا
ميار تصرخ:طارق طارق
مازن:طارق مابيسمعك تأسفي
ميار:مازن بطيح بالبحر نزلني
مازن :مافي
ميار:بلا بياخه
مازن يقربها من المويا
ميار:لاا خلاص انا اسفه
مازن:ماسمعت
ميار:اسفه
مازن نزلها:اي خليك شطوره كذا
ميار تعدل عبايتها:انا اوريك يالدوب
وجلست جنب امهاا
طارق جاهم وجلس جنب ميار:ميور
ميار:هلا
طارق:ماكلمتي غلا؟
ميار بتردد:لا
طارق:ليه ياميار كل يوم اذكرك ليه ماقلتيلها
ميار:مالقيت الوقت المناسب
طارق:لايكون تحب واحد غيري
ميار:لاماتحب ولافي احد ببالها
طارق:اليوم قوليلها
ميار:اوكي هي اليوم بتجيني بقولها
طارق:موتنسي ياويلك اذا ماسألتي
ميار:ان شاء الله


.........


مي:يااااه وناااسه
مروه:وميور حسافه
رؤى:والله لو تدري تذبحنا
ام مروه:اذا تبغى تجي معنا
مروه:بس هي ماخذه راحتها لانو بالعاده مانسافر هالوقت
مي:ياحلو ايطاليا والله
رؤى:احلى شي انو كلنا نروح
مي:يعني بعد اربع ايام بهالوقت احنا بأيطاليا
رن جوال رؤى وراحت غرفتها
رؤى:هلا حبي
.....:اهلين بعمري وروحي
رؤى وردت خدودها:اخبارك اليوم؟
.....:بعدماسمعت صوتك صرت فوق الغيوم
رؤى:........
....:حبي لازم اشوفك
رؤى تفكر بالسفر انها ماراح تقدر تشوفه بهالفتره:بس حبيبي مو بدري لسى قبل ثلاث اسابيع متعرفه عليك
......:ليه ماتثقي فيني والله اني احبك
دخلت مروه الغرفه
رؤى تأشر لها:اووص حبي مو قصه ثقه انت تعرف ان اثق فيك ثقه عميا
.....:طيب مافي سبب يخليكي ترفضي
رؤى:افكر وارد عليك اوي حبي
......:مو تطولين علي استناك على احر من الجمر
رؤى:اوكي يلا بعدين اكلمك لازم اسكر
.....:باي
مروه بعصبيه:الى متى بتستمر هالمهزله؟
رؤى:اي مهزله الحب صار عندك مهزله؟
مروه:الحب له بابه وهو معروف
رؤى:مو كل حب يجي نفسك انتي وتركي
مروه:انا ما اكلم تركي وهو خطيبي وانتي تكلمي هذا على اي اساس
رؤى:على اساس انو حبيبي وراح يخطبني وراح تشوفي
مروه:انا اقول هالكلاملاني خايفه عليك انا اشوفك متعلقه فيه حيل وهوالله يستر منه
رؤى:لاتخافين علي هويحبني وانا متأكده
مروه:اهم شي يخطبك وماتطور العلاقه اكثر من اتصال

..........


ميار:هلاوالله غلا اخيرا طلعتي من البيت
غلا:هلا فيك والله لومااصرتي ماطلعت
ميار:وليه تحبسي نفسك
وجلسو بالصاله
ميار:اخبارك الحين؟
غلا مثل ماانتي شايفه مافي شي جديد
ميار متوتره تبغى تفاتحها :غلا
غلا:هلا
ميار متردده:لوتقدملك واحد بتوافقي
غلا:طبعا لا
ميار:ليه بصراحه غلا
طارق كان طالع ولما سمع ميار تتكلم وقف يسمع
:اخوي طارق يحبك ويبغى يتقدم لك
غلا انصدمت:مستحيل اوافق
"صدمــــــــــــه طارق كأن احد كب عليه مويا بارده تجمد كل شي فيه ليه ماتحبني تحب احد غيري ولا ليه؟؟؟
ميار:ليه ياغلا
غلا:انا مو رافضه اخوك طارق صدقيني
"طارق خمدت جروحه شوي"
انا رافضه المبدأ كله مستحيل اتزوج بعد الي صار معاي
طارق"وش فيها وش صاير معها"
ميار:بس انتي مو
ميار:بس انتي مو
غلا قاطعتها:خلاص ميار تكفين قفلي على الموضوع
طارق طلع وراح لفيصل
ركب طارق:سلام
فيصل:وعليكم السلام وش فيك متضايق؟
طارق:ولا شي
فيصل:افا ولا شي هذا كله وتقول ولا شي
طارق:البنت الي حبيتها
فيصل:وش فيها؟!!
طارق قالها بقهر:رفضتني
فيصل:افــــا ليه هي ماتشوف ترفضك
طارق:هي ماتبي الزواج
فيصل:يمكن تبغي تكمل دراستها ولا شي ماتعرف دلع البنات
طارق:لا مو كذا حسيت فيها شي ولازم اعرفه

........


ميار جالسه مع امها يتابعون الtv
ميار تفكر"ياربي وش اقول لطارق اكيد بيتحطم لازم اقوله علشان ينساها هي شايله فكره الزواج من بالها

........

طلعت غلا من عند ميار"ياربي انا ليه قلتلها كذا انا احبه بس كيف
بيقبل فيني وانا كذا لازم ينساني"
برب