|
البارت السادس .................................................. ...... كانت تصفف ملابسه الخاصه بالعمل فخرج بعد الاستحمام وهو يخفي جزءه السفلي من جسمه ناصر بن فيصل:وضحه عطيني هدومي وضحه بنت محمدوهي تعطيه ملبسه الداخليه و بغضب وعينان تهربان من منظره المخجل:انا بفهم انت ليه ماتلبس في غرفة التبديل ناصر(من احدى زوايا الغرفه ) وقد علم بخجلها الذي يلازمها دائماً والذي يعشقه:ليه شفيها لوابدل هنيا ماعندي الا مرتي وش استحي منه وضحه ولازالت هاربه بنظرها وتمثل تصفيف الملابس بعصبيه:حتى لو.....عيب تطلع كذا وانت متمصلخ ثم اردفت بيأس غاضب:اصلاً انت مايهناك الا تفصخ عندي ناصر وهو يخفي ابتسامته:ليه انا قد جيتش سلط ملط وضحه بصدمه:هههئ عشان اقطع وجهك من وجهي ناصر:ههههههههههههههه الله واكبر تقطعين وجهش من وجهي عشاني متفصخ وضحه وقد بدأ الغضب يسيطر عليها وبدأت تتحدث بعصبيه وتحرك يديها يميناً وشمالاً تعبيراً عن غضبها:ثاني مره لاعاد تشوفك عيني ظاهر(ن) الا وانت لابس ملابسك كلها مايصير كذا حنا ليه حاطين غرفة تبديل الاعشا................... قاطع سردها لحديثها كفه الذي احاط وجهها وعيناه التي غرقت في بحر عينيها ناصر بصوت هامس:تدرين انه وحشني حياش الا طواني الشوق عليش كلش وضحه بهمس مماثل:ناصر انا تحت الاختبار حيــــــــنـــــــــــــها ابعدها عنه بقوه لأنه عرف انها لم تقل الذي قالته الا لتهدم عرش تواصلهما الروحي:حسبتش انسانه سويه قبل اليوم وضحه بصدمه:انا مانيب سويه ياناصر انا ناصر وهو يرتدي (ثوبه):وغبيه وغبي اللي يقعد معش بعد(وخرج تاركاً وضحه خلفه التي جلست على السرير بانهيار وصدمه لأنها لم تتوقع هذه الكلمه منه هو بالاخص) وضحه وقد عادت لخطتها:معليه ياناصر هذا اول الخير مابعد شفت شي اجل انا ماعاد لي مكان في قلبك وانا اللي تعرس علي مرتين وانا معطيتك القلب والروح وماحوا جالها (ماحوا جالها=تعني بها كل شيئ) .................................................. ....... اما في بقعة كانت هي تصارع الموت شاهه زقد وصلت آخر( الشبك ) و تنظر له وهو يقترب منها:دنا موتي دنا موتي ....لحظه انا قد شفت ذا الشيفه وشفتهم وش سوو به(كل ذلك لم يستغرق منها سوى جزء من ثانيه) بدأت تتلفت باحثةً عن اي شيئ يمكنه ان يساعدها في خلاصها من هذا الفحل الحاقد.....رأتها فركضت نحوها وتأخذها وتقف امامه ظانةً انها تستطيع ان تواجه ذلك المتوحش.................... رفعت يدها التي تحوي العصا لتضربه على (قاذعته) لكن ........(قاذعته=مفصل الرأس والرقبه) سقط الاثنين باركين ...................... ......................................لكن الجمل اكمل رحلة السقوط ليعود لما خلق منه فيتناثر دمه ويلطخ حتى وجهها الذي يحمل من الجمال مايسلب الالباب................ شاهه بصوت خافت وكانها تحادثه:كسرت عظمك مثل ماكسر ولدك عظمه اذهبت روحك مثل ماذهبت روحي بين الحياه والموت وهو ملازم فراشه ذبحتني اول وذبحتك تالي ..........بصوته الخشن:وليه ذبحتيه شاهه وهي مخفيةً وجهها الذي انكشف بعد صراعها مع ذاك البغيض:ومن قالك اني ذبحته هو وهو يستدير ليركب سيارته لكي لايراه احد بالقرب منها:مانيب خابرش تكذبين صمتت لحين سمعت صوت محرك سيارته فأجابت لنفسها:ذبحته عشانك .................................................. قبل ذلك بثواني في قعدة الجد واللي معه ام سعد:ياابو سعد ذا البعير آذانا برغيه هو في شي ابو سعد وهو يمد فنجاله لثمينه لتسكب له من القهوه:انه وقت هياجه جعله القوم(فقد اصاب الجميع صمت الخجل)(الهياج=وقت التزاوج لدى الجمال) ثمينه وهي تمد الفنجال:سم يبه ابو سعد وهو يأخذ الفنجال منها:سم الله عدوش عليا:ها يبه من اغلى الفحول عندك لذا الحين ابو سعد مبتسماً:كلهم غالين بس( نوماس) له الزويده حصه:يبه والله ان كل الابل وحده ابوسعد:يابيش من هواها عرفها نوره:ماشاءالله عليك يبه انا مااعرف الا(نوماس) عشان وسمه وعشانك مجلله(مجلل=مزينه بقطعة قماش تغطي جنبها مع سنامها) ام نهار:من عرفت ابي وهو مايحب الا بيرق اب نوماس وعقبه نوماس والظاهر ان كحيلان بيلحقهم ابو سعد:يابيش انهم اطيب فحولي وكل ناقةٍ طيبه وفحلٍ طيب هم عوال بيرق ونوماس وكحيلان اقبلت عليهم وقد بدا عليها التعب والهلاك ام نهار بقلق:يابنات انطحن اختكن شوفن شفيها لم تكمل كلامها حتى ذهبن كلهن لها ثمينه وهي تسند شاهه:شاهه شفيش حصه برعب:هههئئئئ ثمينه ملابسها كلها دم نوره بخوف:شاهه شفيش شاهه بصوت سيطر عليه التعب:مافيني شي الله يهديكن عليا بصوت حازم:بالعون مالش حاجه في المراح وصلن لمكان تجمعهم فابعدتهم عنها وذهبت حتى وصلت عند جدها فجلست امامه وركبتها على ركبته ......فانحنت وقبلت يديه:بيح مني يبه ابو سعد وقد رأى الدم :بايح منش لو تاخذين الروح شاهه وهي مخفضةً راسها:انا ذبحت نوماس يبه صعق الجميع ووقف الجد على قدميه:اخو ناصر الجده بصدمه:ليه يامش شاهه بصوت منخفض:مادون الحلق الا الايدين يمه ابوسعد بألم:اجل فاديٍ عمرش وانا ابيش ام لطام بقلق:وانتي يامش ارب مافيش شي شاهه وهي تكشف عن بديع صنع الرحمن لتغسل وجهها من الدم المتناثر:مافيني الا العافيه ياخاله ام نهار وهي تقترب منها بهلع :وين العافيه ووجهش كله دم شاهه وهي تغسل وجهها:هذا دمه اللي تناثر علي الجد:شلون ذبحتيه شاهه وهي حزينه لحزن جدها الذي كانت هي سبب ولادته:ضربته على قاذعته بعصا الجد بألم:لاحول ولاقوة الابالله ليه ضربتيه شاهه وهي تسترجع كل مامرت به:ممن يوم دخلت الشبك وهو يرغي وعينه علي يوم هنا جيت عند(الفاخره)ابحلبها وهو يقوم يشل بعمره ويخبط لين شلع المركابه من القاع وجاني يجري ولاعينت حولي الا عصا وضربته بها والظاهر اني اثقلت ايدي شوي الجد بتشفي:اجل يستاهل ماجاه والحمدلله على سلامة راسش الجده:اي واله الحمد لله على سلامة راسش الجد:يالله اجهزو عشان نعود للخيام شاهه وهو تلبس برقعها:والله ماتعودون انا ماعاد فيني الا العافيه تكدرون راحتكم ووناستكم ليه عليا وهي تحتضن شاهه:قولي والله مافيش شي شاهه وهي تشدها لصدرها اكثر:والله مافيني شي غير الخلعه(الخلعه=الخوف) الجد:هابصركم اقترب منها بعد ان اتى من رحلةً على(الرحول) مع الراعي:ســـاهه ســــاهه احتضنته بحب:لبيه ضيدان بفرحه طفوليه:لكبت على الوحس ومسى مسى مسى فيني وااااادد ثمينه:بدا حكي المجانين الكل:هههههههههههه الجد:كم قد عمره ياشاهه شاهه وهي تضم ضيدان لصدرها:اربع سنين الجد:قده رجال وذا حكيه شاهه مبرره:لاوالله يبه صغير توه على كلمة رجال ضيدان بعصبيه وهو يمسك بوجه شاهه:بلى انا ردال الكل:هههههههههههههههههه شاهه:ايه انت رجال وشيخ الرياجيل .............................................. في بيت الشعر ابولطام:ياجماعه ترا عمي ناصر منوم اكفهرت وجوههم لحساسية هذا الموضوع ابونهار:افا ارب مهب شي(ن)كايد ابولطام:الله يشفيه جايته جلطه ابونهار:يسين عليه ابو فيصل ابولطام:جعله يحيا رجال(ن)حار وصلف وجسمه ماعاد يتحمل ابونهار لم يعجبه هذا الصمت:شفيكم ساكتين ابوضيدان وهو يتلهى بفنجاله:انتو بتزورونه ابونهار وقد وصل مربط الفرس:ايه انشاء الله بنزوره ابوضيدان:مالك لوا مانيب خويكم ابولطام بنرفزه:ابوضيدان اللي راح راح ابوضيدان:انا مشغول ابونهار بعصبيه بدت واضحه:ناصر هذي ماهيب علوم رياجيل ابولطام بغضب:حنا ماحنا بنسوان نتحمس على بعض(نتحمس=نزعل) ابوضيدان بغضب يحاول اخفائه احتراماً لأخوته الكبار:اللي بيننا كسر ماينتجبر لطام بقمة الهدوء:مالنا حاجه فيهم ابولطام بغضب:عاد انت جاتك على ماتشتهي ابوضيدان:يابن الحلال لطام ماله شغل انا مابي الافرقى ذولاك العرب ابولطام وقد اشتد غضبه:اخو صيته قدهم عرب ابونهار:حنا وياهم دم ولحم هذا عمك وذولا عواله لطام ببرود:ابعدو الحطب من النار ويكفي ماجرا قبل ابولطام بعصبيه اكثر:انت البخ والله انك راس الحيه ياموسى لطام اقبل على والده وقبل رأسه:اعذرني يبه نهار الصامت احتراماً لحديث من يكبرونه سنناً:ياجماعه اذكرو الله وصلو على النبي الكل:لاأله الاالله الف صلي وسلم على محمد نهار:خلاص اتركو ذا السالفه اللي ماوراها الكدر ولاعودنا الدوحه يحلها الف حلال فلاح ملطفاً لجو:لاعودنا الدوحه تممون خطبتي واتملك ابولطام وقد هدأت اعصابه بعد ذكر الله:هاجاكم المطيور ابوضيدان مبتسماً:ابشر اول مانعود نتمم كل شي .................................................. .......... .. هاهو يجلس مع امه ليتناول معها قهوة الصباح:يمه ترا وضحه فوق ام ناصر وهي تضع فنجالها امامها وتهتف بفرح غامر:انت صادق ناصر بفرح لفرح امه:اي بلله صادق ام ناصر بفرحه:هذا والله الصباح المبارك دخلت وضحه وجواهر:السلام عليكم ناصر وامه:وعليكم السلام ناصر وهو يقبل رأس عمته:صباحها ورد وضحه بحب:صباح السعاده جواهر بمرح:وانا مالي شي ناصر وهو يقبلها:صباح الكاكاو الابيض يالبهيصه جواهر:هههههههه وش ذنبي اذا انت واخيك سودان ناصر:تشمتين ياجويهر قاطع حديثهم دخولها الخجل وهي تحمل نقابها وجلالها بيدها:السلامعليكم الكل بمفاجأه باستثناء ام ناصر:وعليكم السلام فألحقتها ام ناصر وام شاهه:كللللللللللللللللللللللللللللللللللللللللوش انحنت وضحه لتقبل رأس ام ناصر:صباح الخير يمه ام ناصر بحب وفرحه:صباح النور يامي وضحه وهي تقبل رأس ام شاهه:صباح الخير يمه (ثم اتجهت لتسلم على جواهر الفرحه) ام شاهه بفرحه:صباح النور وش ذا الصباح المبارك وليه ماعلمتونا ناصر:بغيناها مفاجأه ولاحبينا نكدر نومكم جواهر:دلول الخبله امس انا مكلمتها ماقالت لي شي وضحه:انها ماتدري اني بعود الا الساعه 12 ام ناصر:هذا المره اللي تبرد الكبد وهذا المحوال اللي يشرح الصدر ناصر وقد فهم قصدها:مافهمت يامك ام ناصر:يعني جعل والله وضحه بعد نسوانك اللي خذيتهن نظرت له وضحه بتشفي ناصر:ليه وش فرقها عليهن ام شاهه:فرقها عليهن واجد بنت محمد ناصر بمزح:انا ماشوف به فرق كلهن سوا بنات آدم نظرت له بغضب مماجعله يضحك بصوت عالي:هههههههههههههههههه وقف ليذهب لعمله:هونا هونا ثم اردف:يالله تامرون على شي الكل:سلامتك .................................................. . في البيت الملاصق ام وضحه:كوماري كوماري:نأم ماما ام وضحه:قومتي دلول كوماري:ماما انا قوم دلول بس دلول سوي جنجال ام وضحه:عطيني التلفون الله يعيني على ذا البنت(اخذت التلفون من الخادمه واتصلت برقم دلول) دلول بصوتها المبحوح بأثر النوم:الــو ام وضحه:الو هايادلول وينش ماحولتي دلال:شوي ونازله يمه ام وضحه:يالله اعجلي دلال:ابشري بعد دقائق يطل وجهها المرح دلال وهي تقبل امها: ياصباح النور والنوير على احلى السوري ام وضحه:صباح الرضا يامي دلال وهي تسكب لأمها فنجال ولنفسها كذلك:كيف اصبحتي ام وضحه:بكل خير بفضل ربي دلال:شعندش مقومتني مبكر اكيد عندش شي يالسوري ام وضحه:ابيش تكلمين جواهر تنشدينها من وضحه لأني والله مستحيةٍ ادق ذا الحزه على العرب دلال:وبس ابشري الحين ادق عليها ام وضحه:الله يرضا عليش يابنتي اتصلت بجواهر التي كانت جالسه تتحدث مع عمتها ووضحه وامها:الو دلال:الو صباح الخير جواهر:هلا صباح النور دلال:اقول جويهر ماشفتي لنا غزيل عندكم جواهر:هههههه والله هذا حنا متحاوطينه دلال:ياحظكم كلكلم مجتمعين الا انا ثم اردفت بعجل:عطيني..عطيني عمتي جواهر:هههه ان شاءالله .......يمه وضحه هاش دلول تبيش ام شاهه:عطيني اياها.....الو دلول:يابووووي على ذا الصوت ام شاهه:هههههه شلونش يامي دلال:طيبه انتي شلونش وشلون اللي عندش كلهم ام شاهه:كلنا طيبين يقولون طالبتني دلال:اجل يرضيش ياوضوح كلكلم مجتمعين الا انا ام شاهه:لا مايرضيني عشان كذا عطيني امش دلال بفضول:ليه شعندش انتي وياها ام شاهه:مالش شغل عطيني اياها وبس دلال:انزين هاش اياها ام وضحه:الو ام شاهه:الو صبحش بالخير ام وضحه:صباح النور هلا ام شاهه: شلونش عساش طيبه ام وضحه:طيبةٍ جعلش طيبه ام شاهه:ام وضحه ام وضحه:لبيه ام شاهه:لبيتي حاجه ترا عشاكم الليله عندنا لمعواد وضحه على ناصر ام وضحه:جعلكم على القوه وجعلكم مدهال دايم ام شاهه:بس انا طالبتش تخلين دلول تاتينا عقب شوي وتروح معش لاعودتي ام وضحه بخجل:ياختش عندكم رياجيل ولايجوز تقعد عندكم ام شاهه:ماعليش بقعد ان وياها والبنات في شقتي الين تاتين ام وضحه باقتناع:خلاص عقب صلاة الظهر تاتيكم ان شاء الله ام شاهه:خلاص صار هايالله فمان الله ام وضحه:حافظش ربي وانهتا المكالمه والتفتت ام وضحه لدلال ام وضحه:خلاص لاجا عقب الصلاه اوصلش عندهم دلال بفرحه:ههههههههيه وذهبت تجري لغرفتها ام وضحه:بنتي شلونها دلال وهي على الدرج:قاعده تسولف معهم ام وضحه:الله يخلف علي في خبالش |
البارت السابع .................................................. .......... نوره وهي تنظر الى من اتى نوره:يبه الابل جات من المعشى ابو سعد وهو يقف:هايالله انا بروح للبل وانتو لاجا عقب شوي ركبن اغراضكن عشان نمشي ....(ثم التفت لشاهه)هاتدخلين معي مثلش دايم ولاكرهش نوماس فالابل شاهه وهي تعدل برقعها وجلالها:الا بروح معك عليا قفزت برعب:انتي ماتبتي شاهه وتبتعد مع جدها:ماحدٍ ميت الا بيومه ثمينه بغضب:ذا البنت مافيها عقل ام لطام محاولةًطمأنتها:يابنتي دام جدها معها ماعليها خلاف ثمينه:الله يستر بس ...................................... كانت تقف بجانب جدها ابوسعد وهو ينظر لمكان دم (نوماس)فقال مازحاً:يا والله اللي خذيتي حقش منه يابيش شاهه وهي مخفضه رأسها خجلاً:الروح حلوه يبه ابو سعد وهو يضم كتفيها:اضحك عليش يابيش ولا الصدق روحي من دون روحش فدوه شاهه بحب لهذا الشخص الذي يحمل الكثير من الحب للجميع:جعل ربي يخليك لي يبه ابوسعد:شاهه يابيش روحي ابعدي ردي علي المقهور(المقهور=هي صغار الجمل والتي يبعدونها من امهاتها كنوع من الفرز) شاهه وهي متجهه ل(المقهور):ابشر يبه كانت تبعد الصغار عن امهاتها لكن ظهرت قامته الطويله من بين الجمال فانتبه لها فاقترب لها ولكنها قد اتجهت لجدها لخجلها منه لطام وهو ينزل ثوبه بعد ان كان عاقده حول خصره:السلام عليكم الجد:وعليكم السلام هلا لطام:شلونش يابنت ناصر شاهه بصوت هامس وواثق بنفس الوقت:طيبه جعلك طيب لطام بصوته المتمرد:هايبه وينك اليوم ابطيت ماجيت دايم تدخل الشبك قبل تاتي البل ابوسعد:انت ساج اني جايب جدتك وبناتها اليوم لطام:سجيت والله ....ثم عاد ليربط ثوبه.........انا بروح اقيد الركاب(وذهب ليربط الجمال)(الركاب=فحول الابل) تبعثر نظر الجد في(الشبك) باحثاً عنها فوجدها تدخل(المقهور) في حضيره صغيره خاصه بهم اقتربت منه وهي تثبت (جلالها وبرقعها):هايبه تبي شي انا ادخلت المقهور تبـــ....قاطع حديثهم صوته الطفولي وهو يقفز ممسكاً بالسياج ضيدان وهو يصرخ:ســـاهه ســـاهه ابي ادحل ابوسعد مبتسماً لجمال روح ذلك الطفل الذي يبعث الفرح في نفوسهم:روحي ياشاهه دخليه شاهه بخوف:تكفى يبه اخاف يجيه شي ابوسعد:روحي جيبيه ماهوب جايه شي الا اللي الله كاتبه ذهبت متجهه لأخيها المدلل لتفتح الباب له وتمنعه عن المشي على قدميه بحملها له رغم انه ذو الاربعة اعوام ضيدان وهو يمسك برقبتها بخوف:ساهه انا حايف شاهه وهي تبتسم رغم خوفها عليه:الرجال مايخاف ضيدان وهو يحرر عنقها الممتد المعبر عن شموخ لامثيل له:حلاص حلاص انا موحايف شاهه بتشجيع:بعدي ابوي اللي مايخاف(وصلا لجدهما ) ابوسعد بأمر:نزليه لايوجعش(انزلته رغماً عنها ورغم وضوح الخوف في عينيه تارةً تنظر يميناً وتارةً شمالاً ترقباً لتلك العمالقه التي تحيط به) اكمل ابوسعد:ضيدان ضيدان:ابيه ابوسعد:لبى روحك تبيني اركبك على الرحول ضيدان وقد بدا عليه الرعب:بعدين اتيح ابوسعد:ههههه لا ماتطيح الراعي قومان معك(قومان هو راعيهم اللي يقود الرحول) شاهه:لايبه خله عندي ابوسعد:هو مره عشان اخليه عندش ترا كذا تاخذين قلبه(تاخذين قلبه=ترعبينه) شاهه:اجل خلك معه يبه ابوسعد وهو يبحث عن ضيدان:ان شاء الله بس هو وينه شاهه بهلع:وين بيــ....انبترت جملتها وهي ترى (كحيلان) يقترب من صغيرها الذي كان ينظر لصغار الابل ركضت لعصاها التي كانت اداتها في قتل ابيه فتوجهت له رغم صراخ جدها الذي كان يلحق بها فرفعت يدها لتضربه ضربتها القاتله ولكنه سبقها ليضرب (كحيلان) ضربه خاصه تفقده وعيه دون ان تقتله فوقع الجمل على ركبتيه فاقداً الوعي وقفت وهي تنظر لما جرى امامها ما ان صقط الجمل حتى ذهبت تركض لتحمل ذلك الصغير الذي قد تسابقت دموعه خوفاً مما جرى اما هو اقترب منها ليهمس لها قبل ان يقترب جدها ويسمعه:لاتهقين اني بخليش تذبحينه مثل ماذبحتي ابيه شاهه وهي تدفن صغيرها في صدرها:يستاهل الموت دامه بغى يذبح ضيدان تركها خلفه بعد ان اقترب جدها ليطمأن على ضيدان ويهدأ من روعها ................................................ دخلت منزل عمها بهدوء على غير عادتها فتهمس لنفسها:وين العرب جواهر من خلفها:العرب وراش استدارت برعب لتقول:جعل القوم ياخذونش جواهر:ههههههههههه ياحليلش يادلول اول مره اشوفش ذاله دلال وهي تقرأ على نفسها:صدق الله العظيم....قطعتي صيبي(صيبي=اطفالي) جواهر وهي تضمها:اسم الله عليش وعلى صيبش اتى صوتها الساحر:استحي على وجهش انتي وياها توجهت لها دلال لتضمها بعنف:يافديت ميس آل ناصر بادلتها الاحضان:يامرحبا والله اني صادقه اتت وضحه بنت محمد:هين ياوضوح حتى انا يوم شفتيني ما سويتي بي كذا دلال وهي تبتعد عن عمتها:متى بتفهمون ان انا غير عنكن وضحه بنت محمد وهي تسلم على اختها:من زينش انتي ووجهش يا العبده دلال وهي تزيح نقابها عن وجهها:ياحبيتي قالها عنتر ان كنت اسمراً فالمسك لوني بعدين انا احسن منش يالمصريه وضحه بنت محمد:ياويلش على البياض كلنا بيضان الاانتي عبده جواهر وهي تريد ان تثير اعصابها:ايه صدق دلول ليه حنا كلنا بيضان الاانتي سودا دلال بدلع مصطنع:لأني دايماً غير جواهر:الله يعينش على السواد دلال بقهر:يممممه شوفيهم ام شاهه مبتسمه:اسم عليش كليتيتهن دلال وهي تتدلع على عمتها:يمه انا عبده ام شاهه:............. دلال بحيره:انا بفهم من هو الاسمر عندنا حتى ابي ناصر الشايب ابيض كانه انجليزي ........:ابيش لطام اسمر وانتي غديتي له صمت ...فرح.....صدمه ام شاهه وهي تضم والدها:الحمد لله على السلامه يالغالي ابوفيصل:الله يسلمش يابيش اقبلت وضحه بنت محمد وقبلت رأسه وانفه:الحمد لله على السلامه يبه ابوفيصل: الله يسلمش تو مانور البيت يابنت محمد وضحه بخجل:منور بأهله اقبلت جواهر وهي تمسح دمعتها كالعاده:يامرحبا والله الحمد لله على السلامه وحشتني ابوفيصل وهو يشدها لصدره فهي صغيرته التي لم تغب عن ناظره ابداً:يالبى ام دميعه اشهد اني ولهت عليش ردت عليه وهي تقبل خده كعادتها:ليه ماعلمتونا انك بتطلع اليوم ابوناصر من خلف والده:نبيها مفاجأه على قولتكم ابعد جواهر ليحتضن تلك الخجله:ظاهر(ن )من الشر ان شاء الله ابوفيصل:الشر مايجيش ...يالله حي امي(يناديها بأمه لأنها تشبه امه كثيراً الا ان امه ذات بشره بيضاء وهذه الصغيره تحمل السمار في بشرتها وقد اخذت هذه الصفه من اخيه لطام) دلال بخجل لأن جدها سمع حديثها مع عمتها وأخواتها:الله يحيك يبه احتضن كتفيها وهو يتجه للصاله ويتبعه الجميع:ها يادلول يعيرونش بالسودا اخفضت رأسها خجلاً منه:........ ابوفيصل وهو يجلس على الاريكه:لاقال(ن) لش يالسودا قولي انا ابرك منكن عندي ربي وجدي جواهر بدلع وهي تحتضن عضده:ابرك مني عندك ابوفيصل:كلكن غاليات بس دلول غير هذي امي جواهر وهي تقبل عضده:تراني بزعل ابوفيصل:ازعلي وانا ارضيش وضحه بنت محمد:وانا وين رحت ابوفيصل:انتي عطيتش من الغلا اللي ماعطيته لأحد الين خذاش ناصر صمتت وضحه بخجل:...... ابوفيصل:وانتي ياوضوح ماتبين تعرفين غلاش ام شاهه:غلاي اعرفه من غير ماتعلمني يابعدي دلال وقد عادت لمرحها المعتاد الذي لايختبئ حتى امام جدها:يبه قدها مره وام عوال وانت تصوت لها وضوح ابوفيصل:والين اموت وهي عندي وضوح هتف الجميع بأصوات خافته:عقب عمر(ن) طويل ابوفيصل وهو يتلفت:وين ام ناصر .....:يامرحبا تقوله ام ناصر ابوفيصل:المرحب باقي يابنت نايف ام ناصر وهي تقبل رأسه:غدى الشر ان شاءالله ابوفيصل:ان شاء الله انتي شلونش يابيش ام ناصر:طيبه جعلك طيب جواهر:عاد اليوم كنا بنجيك حنا النسوان بس انت سبقتنا ونورت البيت ام شاهه:جواهر قومي جيبي القهوه جواهر وهي تقف:ابشري(وذهبت لتحضر القهوه) .................................................. ...... عاد الجميع بعد رحلةً كانت مرعبه شاهه وهي تنزل من السياره وصغيرها بين يديها:حصوص نزلي الاغراض والله ماعاد فيني حيل عقب ذاالروعه حصه بصوتها الذي لازال مبتلاً اثر بكائها منذ معرفة ماحدث لضيدان:ابشري انتي بس روحي ارتاحي ام نهار بصوت منخفض كي لاتسمعها شاهه:ياجنينتي بردت عظامها من الخلعه ام لطام:نحمد اللي احياه وهو ماله حياه نوره:اي والله الحمد الله ثمينه:والله اني قلتلها غار جعلها تحيا ماعليها من احد ماشيةٍ على دربها عليا التي كانت تنزل الاغراض مع الآخرين وهي صامته طوال فترة الرحله أثر غضبها من اختها الذي لاتود ان تكشفه امام الجميع:انا اللي برويش فيها الجده وهي تنزل بصعوبه بمساعدة ام نهار:يابناتي اللي صار مقدر ومكتوب حتى لو تقعدنها بيصير اللي الله كاتبه نوره:بس يايمه توقا ياعبدي وانا آقاك مهب تحذف عمرها في التهلكه(توقا=اتخذ الحذر)(آقاك=احميك) الجده:يابنتي والله ان شاهه تدخل مع جدها الشبك من كبر ضيدان ثمينه:هو اللي خلصنا ماعاد به مدخال في الشبك وبس حنا ماحنا بعايفينها الجده وهب تتجه للخيمه:جعل ربي مايفجعني في حداكم التفتت نوره لأم لطام:يمه والله ماعاد تلمسين شي لاانتي ولاامي بروحكن تعبانات زوحن ارتاحن في الخيمه ام لطام:يابنتي مابه تعب خليــ ثمينه وهي تنزل مافي يدي امها من اغراض:وبعدين معكن يالله روحن ارتاحن اصلاً مابه شغل ذالك حاله كلها خمس دقايق ونخلص حصه وهي تدفع عمتها بلطف:ياللله روحي ارتاحي وذهبن ام نهار وام لطام للخيمه ليرتاحن بعد رحلة الرعب .................................................. ..... بعد ان اوصلهن للمخيم ذهب مباشرةً لبيت الشعر بصمت ابوسعد:السلام عليكم الكل:وعليكم السلام(واتجه الجميع لتقبيل رأسه) بعد ان عاد الجميع لمكانه ابولطام:عسى ماشر عودتو بسرعه ابوسعد بتعب:قونا اليوم الامحق اتضحت نظرة الرعب في عيون الجميع ابونهار:ارب مهب في احد منكم ابوسعد:الاوالله ابوضيدان:وش الجاري ابوسعد:بغى يروح ضيدان اليوم(ماأن اكمل جملته حتى قفز اباضيدان دون تفكير فيجري رغم مرور العديد من السنين على جسده الذي في ثواني اكتسب كم هائل من الطاقه التي اعانته على الجري) ابولطام:اربه ماجاه شي ابوسعد:لاان شاء الله بس انه مات من الذل ابونهار:ليه وش صار ابوسعد:بغى يهبده كحيلان نهار:وهو وش مدخله الشبك ابوسعد:والله ان اخته قالت لاتدخله يبه غار انا اللي لزمت انه يدخل عساف:الحمد لله اللي عدت على خير الكل:الحمد لله ابوسعد ببرود:ترا نوماس مات قبيلا الكل:؟؟؟؟؟؟؟ ابو لطام:افا ليه ابوسعد:يوم الله كاتب(ن) له موت ابونهار بحميه:ابشر بالعوض يبه ابوسعد:العوض في راسك ابونهار:والله اني صادق ابشر والله بالفحل اللي يبرد كبدك ابولطام:ومني واحد ياابوسعد ابوسعد:ياعوالي لاتخسرون هذا ولده عندي وبيكفيني في الحاجه ابونهار:انا حلفت يبه عطني بس شهر عقب مانرجع وتبشر به باركٍ عند بابك ابولطام:وانا بالمثل ابوسعد:الله لايخليني من الكل والجميع .................................................. اما هو فقد وصل عند باب الخيمه ابوضيدان:احم احم ياولد وبعد ثواني سمع صوت والدته:ادخل يابوي انت ابوضيدان وهو يتلفت:السلام عليكم الكل:وعليكم السلام(نهضن الفتيات وام نهار لتقبيل رأسه وأنفه) وبعد ان قبل رأس والدته:الا وين ضيدان وشاهه ام سعد: في خيمتهم عقب اللي جرى ماعاد شاهه بطيبه والصبي راقد ابوضيدان:ارب مافيه شي ام نهار:لا ان شاء الله لاهو ولااخته مافيهم الا العافيه ابوضيدان وقد بانت على وجهه الصدمه رغم بروده الظاهري:وش فيها اخته ام سعد:اجل انت مادريت ابوضيدان:اللي ادري به ان ضيدان مستاجع بس اني ماادري ليه بس ام سعد:ضيدان بغى يهبده كحيلان وشاهــ قاطعها قائلاً:ابن لطام .....وهو وش قربه من الركاب الجده بغضب وعتب:ابيك الله يهديه لزم انه يدخل حتى وشاهه معيه ابوضيدان:وأرب مافيه شي ام سعد:لا الحمد لله كلهم طيبين هو واخته ابوضيدان:واخته شفيها ومن هي منهن ام سعد:شاهه اليوم ذبحت نوماس يوم اقبل بها على الموت ابوضيدان وهو يقف:هم وينهم عليا:في خيمتنا ابوضيدان وهو يتجه لقطعتان من قلبه ولكن اوقفه صوتها عند الباب:يبه ترا شاهه ماسوت شي ابوضيدان وهو يخفي المه لأنه يعلم ان شاهه لم تبكي يعني انها في اقصى درجات الهلع والحزن كعادتها:ماعليش ياحصه انا رايح(ن) لها وذهب متجهاً لهما ......................................... كانت مستلقيه على فراشها الارضي وصغيرها في أحضانها وكانت تسترجع ماحدث ففي كل مقطع مخيف تراه تزيد من احتضان الصغير النائم الذي يعتبر ابنها .....:شاهه فزت بسرعه احتراماً لوالدها:هلا يبه(وضعت الصغير وذهبت لتقبل والدها) ماأن اقتربت منه حتى احتضنها بكل مايملك من قوه وهي كذلك كي تأخذ منه القوه كعادتها حين تشعر بخوف او الم:ارب مافيش شي شاهه وهي تبتعد عنه بعد ان اخذت مايكفيها من طاقه لتسترجع قوتها:والله مافينا الا العافيه ابوضيدان ينظر لعينيها بكل حنان ويتلمس وجهها الذي يذكره بوالدتها:جعل ربي يخليكم لي ياأربعه شاهه:وجعل ربي يخليك لنا ستر على روسنا انا وخواتي وظهر(ن) لأخي ابو ضيدان وهو يبحث عن ابنه:هو وينه السلوقي شاهه وهي تبتسم وتشير له على الفراش:هذا هو راقد اقترب منه وقبل كل جسده ووجهه وحتى يديه الصغيره جداً على سنه بسبب ضآلته المتوارثه من آبائه الذين كانوا يحملونها في صغرهم شاهه:يبه ابوضيدان وقد عاد لخشونة تعامله:نعم لم تستغرب شاهه ذلك لأنها عاده فيهالاوهي التناقض بين الحنان والقسوه:تراني ذبحت نوماس ابوضيدان:سرش ومقرش ان امش ذباحة الرياجيل اخفضت رأسها الماً لم يعانيه احد سواه لم لا وهو ينعت امها بقاتله:يبه تكفى والله امي مستحيه من ابي لطام ابوضيدان وهو يتركها ويتجه للباب:او انش صادقه كان ماذبحتيه من اول عادت لتجلس على فراشها بعد ان اختفى عن انظارها لتهمس لنفسها:ماعقب الضيق الا الفرج ......................................... كان يجلس امام النار في وقت مغيب الشمس وينظر ل(كحيلان) فيهمس بينه وبين نفسه:ليه ذبحت ابيه ليه انا سامعها تقول بذبحك مثل ماذبحتني ........جعله يسقى يوم مابيني وبينها الا لسانها حسبي الله على امها .............استغفر الله انا وش قومي تهيضت على شي يكسرني كل ماذكرته.....لا انا مايكسرني الا اللي خلقني ثم نهض ليذهب للأشراف على عملية تقديم الطعام للأبل ليتناسى جرح لم تدمله الايام ............................................ بعيد قليلاً عن المخيم جلس هو وعساف .....:تهقى ليه ابي ناصر طلقها عساف بحيره:الا قول ليه هي خلت بناتها بداح:انا حاس انه وراهم بلى عساف:وش بيكون ذا الشي الله يخلي ابي ناصر يطلق خالتي وضحه وياخذ بناتها منها بداح مغيراً محور الحديث:الاتعال علمني متى بتعرس انا قدني ابي العرس وعلى قولتهم ابي الاستقرار عساف:هههههههه حلوه الاستقرار ذي بعدين انا مارديتك من العرس اعرس بداح:ايا الخاين ماحنا متفقين نعرس سوا عساف:هههه انا هونت بداح:ان ماعرست معي ترا.... عساف:هههههههه ها وش بتسوي بتجوزني غصب بداح:ههههههه الله يدبل كبدك من الحره ماعاد عرفت وش اقول عساف:والله مايردني من عرسٍ معك الا الموت ان شاء الله بداح:ايه ياابن الحلال ريحتني عساف وبداح:ههههههه ........................................ في بيت ابو ناصر كانت تقف بكامل اناقتها المبالغه لما لا وهذه الحفله على شرفها وضحه بنت محمد:خلااااص كذا كل شي اوكي ........:واحسن من الاوكي التفتت له بصدمه وخوف:انت من متى وانت هنيا وهو يقترب منها:من ساعة قلتي اوكي وضحه وهي بارتباك:ناصر تبي شي انا نازله ناصربن فيصل:وضحه انتي عادش حمسانه(حمسانه=زعلانه) وضحه وهي تتهرب:انا جهزت هدومك واغراضك واذا بغيت شي دق علي انا تحت ناصر وهو يمسك بعضديها:لاتهربين مني (قبل رأسها بكل خفه وكانه يخاف ان تصاب بخدش من اثر قبلته) ثم اردف:الكلام اللي ظهر مني كان في لحظة غضب ولاكنت قاصده وانتي ادرى فيني وضحه وهي تقاوم عبراتها المتتاليه:ناصر تكفى ابعد عنب تراها ضايقةٍ بي الوسيعه ناصر وهو يحتضنها بشده رغبه في ادخالها بين ضلوعه العوج:لاتضيق بش الوسيعه وانا عندش صدق ان بينا اتفاق بس لاتنسين اني سندش ولو اني زعلان عليش وضحه وهي تخاطب نفسها وهي بين يديه:والله ان اخليك تعرف معنى الاتفاق عدل اني لأخليك تبيع الاتفاق وشروطه ياناصر ابتعدت عنه:الحكي اللي يظهر في ضيق هو الحكي الصحيح(وتركته خلفها بصدمه لجهله من تلك الانثى التي تدعى وضحه) ................................... في المجلس ابونهار:يبه ابوسعد:نعم ابونهار بترقب وتوجس:يبه ترا ابي ناصر تعبان ومرقد في الطبيب ابوسعد وهو ينتهض:افا ياذا العلم وليه ماعلمتوني ابولطام:حنا مادرينا الا تو ابوسعد بأمر:ابو سعد......جهزوا اغراضكم ترا معوادنا للدوحه بكره ان شاء الله ابولطام:ابشر ابوسعد:ياسين يابوفيصل يااسم الله عليك من الوجع ليته في عظمي ياولد امي وابي ولاهوب في عظمك ثم التفت على ابنائه:ترانا بنوصل العرب بكره لبيوتهم وعقبه تجهزون عشان نزوره واردف بتحذير:من اكبركم انا الى اصغركم ضيدان كلنا بنروح له فلاح باستعجال:يبه انا كلمت نايف وقالي انه طيــــ لكزه فهاد وهمس له:الله يعطيك الطرم ولكنه قد فات الاةان فقد حلت الصدمه على وجوه الحاضرين فكيف له ان يتواصل مع ابناءهم رغم انقطاع العلاقات بينهم |
البارت الثامن ......................................... ابو ضيدان:وانت شلون تحكي مع عوالهم ابوسعد بحزم:ناصر.......عوالهم هم عوالنا ثم اردف بابتسامه نادر مابانت على وجه هذا الشيخ:بعدي والله ولدي اللي مايقطع في اهله قدك ابركنا كلنا ابوضيدان بعصبيه يحاول تخفيفها:هذا بدال ماتنزره فاتح بضيق:انا مانيب بزر عشان ينزرني وهقوتي اني ماسويت حرام ولاعيب عشان ذا الخناق كله يبه ابوضيدان بعصبيه موجهه لفلاح:وترادنني بعد ابولطام بحزم:فلاح احشم عمك ابوضيدان بحيره وعصبيه:انتو ليه متهاونين في الموضوع ابوسعد وقد وصل ذروة غضبه:وش تبينا نسوي نذبحه عشانه يحكي مع ولد عمه ابوضيدان بغضب موجه لفلاح:قسم بالله لو دريت انك تحكي مع واحد من عوالهم انـــ.............قاطع فلاح حديثه فلاح بهدوء:يبه لاتحلف علي والله مااخلي نايف الين ياخذني الموت ابتسم الجد برضا واخفض رأسه .........:من نايف ذا ابوضيدان وقد بان له من يناصره:نايف بن فيصل بن ناصر لطام وهو يجلس في مكانه المعتاد بعيداً عن جلستهم وأجاب بهدوء:من متى وانت تعرفه فلاح بعدم رضا على هذا الاستجواب:من زمان لطام وهو يتمدد على فراشه البعيد عنهم:الله يهنيك بهم صدمه للجميع ردة فعل هذا الغامض ابوضيدان وهو يقف ليتجه للخارج:عز الله ماعاد حشمه وقدر لي بينكم(وذهب للخارج) ابوسعد براحه:خلاص مثل ماقلت لكم عند الصبح ممشانا ان شاء الله فلاح وهويكلم فهاد بصوت هامس:تهقى ابي ناصر زعل فهاد بتأنيب:تستاهل مامسكت العلم كانك مره تبثبث العلوم فلاح:ياحيوان انا مره فهاد:ايه مره والدليل اللي صار فلاح:تدري وش انا ذال منه فهاد:وش؟ فلاح:خوفي ان ابي ناصر مايجوزني بنته فهاد بقليل من الغضب:فلاح انت تحب البنت؟ فلاح برتباك:لاوش احبها الله يهديك هذي بنت عمي مثل اختي بس اني ودي اني آخذ من بنات عمي فهاد براحه:اشوا والله اني بغيت اذبحك فلاح:انا والله هاقي ان ابي ناصر يعيي فهاد:لا ماعليك ابي ناصر مايخلط الامور فلاح بتوتر:بس انت تدري ان ذا الموضوع غير عن كل المواضيع فهاد:يابن الحلال مالك الا الصبر فلاح:الله يستر .................................................. .......... .. وصلت الى آخر السلم اخذت نفس عميق ورسمت على فمها اجمل ابتسامه ماأن انتبهت لها ام ناصر فرحبت بصوت مرتفع ليعلم كل المعازيم بأن نجمة الحفل قد بانت:يامرحبا كللللللللللللللللللللللللللللللللللللللللللللللللل للوش(وكررن بقية النساء مافعلته ام ناصر وبعد الصمت بدأت تسلم عليهن بالترتيب) وبعد النتهاء من السلام فتقدمت لها ام ناصروسحبتها لتجلسها بجانبها حتى تكون واضحه لكل من اراد رؤيتها جلست جواهر بجانبها بعد ان عدن النساء لحديثهن:وش ذا الزين يابنت وضحه بنت محمد:والله ان قلبي يرجف من الربكه جواهر باستغراب:ربكه من ويش وضحه:ماتشوفين النسوان شلون يشبحن فين(يشبحن=ينظرن) جواهر:ماعليش منهن يغني ماتعرفينهن هذي سواتهن دايم تقولين مابعد شافن مره من قبل دلال وهي تجلس بجانب جواهر:شفيكن تساسرن جواهر:اختش ذابحها الذل من النسوان دلال بطنازه:ليه بياكلنها.....(ثم اقتربت من شقيقتها رغم وجود جواهر بينهن) ها وضيحه اول مره تشوفين نسوان وضحه لجواهر:انتي ليه علمتيها(تقصد دلال)والله ان تشهر فيني جواهر وهي تحاول كتم ضحكتها:ايه عاد دلول فضيحه دلول بصدمه مصطنعه:انا فضيحه يابخور السوق انتي وهي جواهر وهي تضربها على خفيف على يدها:طالعه على بنت عمي دلول وهي تتجه (للدلال):اصلاً انا الغلطانه اللي جايه اقعد معكن اروح اكمل شغلي ابرك وضحه:جويهر قومي صبي ماعليش مني جواهر وهي تعدل فستانها:كيفش اجل بروح اعاون دلول(وذهبت لتكمل عملها في تقديم القهوه والحلويات للحضور) .................................................. .......... عليا بحزن:ياقطعا بالبيت والله ان ذا القعده ازين من مقعادٍ في البيت ثمينه وهي ترتب اغراضها في حقيبتها:والله انها ذابحتني الضيقه من يوم علمونا حصه وهي تحتضن ضيدان الذي وضعته شاهه عندها لتلاحظه:حتى ضيدان طخ ثمينه:مدري وش عندهم على ذا المسرا عليا:اكيد ابي لطام هو اللي قايله دخلت نوره التي تحمل ملابسهم المغسوله الجافه:يالله كل وحده تاخذ هدومها(وبدأن بالفرز) دخلت ام نهار:ها ماخلصتن نوره:شوي لايمه شوي بس شاهه خلصت شنطتها هي وضيدان وشنطة جدتي ام نهار بحب:ياجعل ربي يرزقها حظٍيبرد كبدها عليا:وحنا ليه لأ ام نهار بمزح:لأنكن رفل زلاهي اسم لله عليها زينت شناطها وقدها ذا الحين تظهر اغراض المطبخ ثمينه:يمه صيته ام نهار:لبيه ثمينه:يمه ليه بنسري الليله ام نهار بحيره وقلق:والله مدري يقولون ابي ملزم ان حنا نعود الليله دخلت الجده:انتن ماخلصتن عليا:دقايق ونخلص الجده بقليل من العصبيه:اعجلن العوال قدهم يحملون الاغراض .................................................. ........ كانت تخرج كل مافي المطبخ بعد ان وضعت كل شي في حقيبه خاصه له دخلت عليها جدتها عائدةً من البنات:ها يامي خلصتي شاهه وهي تعمل بجهد:ايه ان شاء الله اني خلصت بس اهد الخيمه الجده بصدمه:لاوالله ماتهدين الخيمه شاهه:استغفري يمه الجده بغضب لأستهتار هذه الصغيره:انتي خبل والله ان يجيش مشع ولا شي قوي شاهه:يايمه هد الخيمه ماهوب ذابحني الجده بيأس:بصرش(وذهبت لتشرف على البقيه) انتهت شاهه من عملها وبدأت بهدم الخيمه .................................................. ....... انتهى الرجال من تحميل الشناط عادوا لجمع الخيام التي صدموا من لمها وترتيبها عساف باستغراب:من منكم هد الخيام وجمعها فهاد:ماحد فينا هد الخيام كلنا كنا نحمل الشناط بداح:اجل من اللي سوى ذا كله الجده من خلفهم:وحده من البنات اخلصو بس وحطو الخيام في السيارات الشباب:؟؟؟؟؟؟؟؟؟؟؟؟؟؟؟؟ نهار:من هي منهن الجده:ماعليكم منها اخلصو بس ثم اردفت:وين لطام ماشوفه فلاح:يزين بيت الشعر الجده:ها ياالله كملو شغلكم جعلكم على القوه الكل:الله يقويش وبدأ الجميع بالعمل .................................................. اما في قطر جواهر وهي تجلس على الغنفه بتعب:آآآه احس رجيلي تكسرت من ذا الكعب ام شاهه وهي تنزع برقعها:انش لابسةٍ لش عمود مهوب كعب وضحه بنت محمد:اني والله قلت لها انه عالي حيل بس هي الله يهديها ام شاهه لجواهر:انتي تدرين انه الكعب الطويل يجيب دسك في الظهر جواهر:ياربي شسوي اذا ماالبس كعب مااحس اني محتفله ام ناصر وهي تتجه لهم بعد ارعطاء الخدم التعليمات الخاصه بالتنظيف والمتبقي من الاكل:جعله ينقطع صيب ابي الخبلان الزم ماعليش عمرش جواهر:خلاص والله بحاول مع اني مااعرف امشي من غير كعب احس اني امشي على القاع دخل بحضوره الطاغي:السلام عليكم الكل:وعليكم السلام تقدم ليقبل رأس والدته:ها شلون عشاكم الليله ام ناصر بفرحه صادقه:دام بنت محمد شمعته اكيد انه الزين كله ناصر بمزح:وش فرقت هو هو نفس العشا تكررونه كل ماخذيت مره كانت تجلس بهدوء ولكن بعد ان قال جملته بان احمرار وجهها رغم وجود العديد من كميات المكياج ام ناصر:ياولدي مره عن مره تفرق ووضحه مهي مثل اللي خذيتهن ناصر وهو يتعمد اغاظتها:يايمه النسوان كلهن واحد يعني بتقنعيني انه وضحه غير عن لطيفه وموضي ام ناصر بصدمه:وضحه مثل لطوف ومويضي؟ تعقب انت وهن وضحه غير عن النسوان كلهن ام شاهه:يامك اللي مثلك يحب ايده وجه وقفا اللي الله حط وضوح في حظنك زاد احمرار وجهها خجلاً وغيظاً جواهر وهي تقف:يالله انا بروح غرفتي تبون شي الكل:سلامتش جواهر:يالله تصبحون على خير الكل:وانتي من اهله(ذهبت لغرفتها بتعب شديد) اما ناصر فااستئذن منهم:يالله تمسون على خير انا بعد هلكان ادور الفراش ثم اردف وهو ينظر لوضحه:يالله وضحه سرينا فأجابته لتصدمه:لاروح انا بعاون خالتي بعدين بجي نظر لها بنظره لايعرفها احداً غيرها هي نظرة العتب المختلطه بعزة نفس ولامبالاه وتكبر:بصرش(ثم اتجه للسلم ذاهبا لغرفته باحثاً عن الراحه التي يفقدها بقربها) ام ناصر بنصح:كان رحتي معه يامش وضحه وهي تخلع احذيتها استعداداً للعمل:شوي وبروح فوق .................................................. ...... بعد ثلاث ساعات متواصله كان يتقلب فيها على نار هادئه ويتوعدها دخلت وهي تحمل حذائها في يدها:السلام غليكم ناصر وهي يعدل وضعيته ليجلس:وعليكم السلام ثم اردف:ممكن اعرف وش اللي صار تحت وضحه ببرود قاتل:وش صار ناصر بغيض:انا اسألش لاتردين علي بسؤال وضحه:اللي صار اني كنت قاعده اعاون خالتي مااشوف انه صار شي غير مألوف يعني ناصر:وضحه انا لما اقولش شي ماتقولين الاابشر وحاضر وضحه بعناد:لا ناصر بغضب عاصف:وضحه وضحه:ناصر انا ماراح اوافق الا على اللي انا ابيه مهوب انت الـــ اسكتها صفعه حاره قد استلمها ذات الخد قبل عام ناصر:انا عطيتش شي ماانتي بكفو له خرج وترك تنعى حباًتظن انه مات في قلب ناصر وزاد في قلبها اما هو بعد ان ركب سيارته ناصر في نفسه:وش سويت ليه ضربتها بس هي تستاهل لأنها تدري اني مااحب كلمة لا وهي قالتها في وجهي غمٍ لي عاد لغرفته ليراضي صغيرته الطائشه التي لاتحسب لمشاعره اي حساب .................................................. ... اما في اطلال المخيم الجد:ها الكل جاهز الجده:ايه يبه جاهزين الجد يالله ياعيال كلاً يركب سيارته اتجه الجميع للسيارات الاهي كانت قد ذهبت لتحضر احد اغراضها التي نستها نهار:فلوح فلاح:نعم نهار:سوق سيارتي انا بروح الخلا وبعدين بركب مع لطام في سيارته فلاح:ماشي بس احرص ترا لطام فيه فقدان ذاكره يعني ممكن يروح ويخليك عقبه تموت من البرد والجوع وبعدين انا اقعد ابكي عليك ويخف مصروف البيت....... قاطعه نهار بضحكه:انت في كل حزه تمزح والله انك فاضي (فتركه وذهب) التفتت لمكان السيارات وهي تحمل اغراضها فتصعق بتحرك كل السيارات ركضت لتلحق بهم لكن لاجدوى ................ فنهارت على الارض صامته .......:معقوله نسوني وش السواة ....لا لا ماراح ابكي ان بكيت ضعت فوق ماالله مضيعني كان متجهاً لسيارة لطام الذي ينتظره لكن لفت انتباهه كومة قماش اسود فااقترب منها كانت جالسه مصعوقه وتردد بصوت عالي :يارب يارب نهار:من هناك هي وقد انكمشت خوفاً:من انت نهار وقد بدات حالة الهلوسه منذ سمع صوتها فهمس بصوت منخفض وهو يغمض عينيه:يالبى صوتش ثم اردف بصوت عالي مطمئن ومهدي لروعها:انتي ثمينه ثمينه بصدمه لمعرفة هذا الغريب صوتها:من انت نهار:انا نهار انتي ليه قاعده مارحتي معهم ثمينه بقوه ظاهريه وراحه عميقه:نهار ياختك العرب سجو مني ولاعليك امر دق عليهم خلهم يعودون نهار:امشي امشي لطام هنا مابعد راح شهقت صدمه لتكمل بخوف:والله ان درى اني قاعده هنا والعرب قد راحو ان يذبحني نهار وقد بدا صوته مرهقاً لها:يابنت الحلال انتي في وجهي امشوبس ثمينه وهي تحمل اغراضها:ان شاء الله وذهبت معه وهي تسير خلفه وهو يردد في نفسه :يابعد من سار على القاع والله مايمسش شر وانا معش لكنه لعشقه المجنون قد غاب عنه عواقب رؤية اخيها لها معه لوحدهما على عكسها هي التي كانت تسير خلفه وتهمس في نفسها:ياترى وش بيسوي لاشافنا لطام .....يوووه انا اتكلت على الله ثم عليه |
البارت التاسع .............................................. اثناء اتجاههم للطام ................وقف مفجوع وقد صحى من غيبوبة عشقها المذيب لأحشائه وكذلك عقله نهار بعصبيه لعظم خطأه الذي كان سسيدمر الكثير منهم شرفها الغالي :لحظه وقفت بذهول بعد ان كانت تتبعه بهدوء وأمان:هلا نهار وقد فقد السيطره على نفسه بسبب صوتها المعشوق:ان رحنا لأخيش ذبحش اصبري شوي اخرج تلفونه وبدا بالضغط على عدة ارقم ثم وضعه على اذنه مترقباً ومتأملاً بعد ثواني:الو الطرف الاخر:هلا نهار نهار:النوري لاتبينين للي عندش حاولي تخلينهم يعودون بتقولين ليه بقولش بعدين اعلمش بس بسرعه نوره بخوف:ابشر واغلقت هاتفها لتتساءل والدتها باستغراب من اتصال نهار:النوري اخيش وش يبي نوره بتدارك للأمر:يووووه يمه يقول عودو سجيتو من اغراض هناك فلاح وهو يغير وجهته وقد بدت على ملامحه العصبيه:وش انا قايل ؟ماقلت لاتخلون شي ام نهار تحاول تهدئته:يامك اغراضنا واجد ولازم ان حنا بنسج من بعضها بعدين يامك حنا مابعد ابعدنا فلاح وهو يحاول ان يخفي غضبه عن والدته:اعوذ بالله من الشيطان الرجيم اما الطرف الثالث كانت صامته بترقب وخوف .................................................. .. كانت قد انهارت بعد استيعابها الكارثه وفقدها الامان بعد المكالمه التي اجراها على مسامعها نهار بوجع مكتوم هدوء ظاهري:يابنت الحلال اذكري ربش مابه الا العافيه ثمينه وهي تحاول معاندة عبراتها التي تمنعها من الحديث:والله ان درو اهلي ان يذبحوني انا وش قردني وخلاني انزل آخذ الاغراض نهار في نفسه:اسم الله عليش من القراده.........والله لاما تسكت ان اروح واحطها بين ضلوعي ثم هتف بصوت ظاهر:استغفر الله استغفر الله لم تكن تسمعه ولاتسمع سوى صوت والدها واخوتها الغاضبين حين معرفتهم بالامر انتبهت للضوء القوي القادم فقال هو لها:قومي بسرعه تعالي وراي(نهضت بسرعه لتفعل ماقال لها) من حسن الحظ ان فلاح وقف بجانب سيارة لطام المتملل من انتظار نهار لاحظ نوره التي نزلت من السيارة لتأتيه تركض نوره بقلق وهي تقف اماه:نهار وش فيك لم يجيبها ولكن صعقها خروج ثمينه من خلفه نوره بصدمه:ثمينه وش تسوين هنيا اجابها بكاء ثمينه الموجع نهار باستعجال:اخذيها ذاالحين وبعدين هي بتعلمش بس لاتخلين احد يشوفها نوره وهي تمسك بيد ثمينه وتحمل الاغراض:ان شاء الله(وذهبتا وهو ينظر لأحدهما بعشق) نوره:بس ياثمينه اسطتي عشان مااحد يدري صمتت ثمينه وصلا ألى مؤخرة(الجيب) دون ان يراهما احد بسبب اغلاق اضواء السيارات منعاً للتكشف على نوره.......وضعت الاغراض واشارت لثمينه ان تركب وتختبئ اثناء ماهي تجيب والدتها التي تتساءل عن الاغراض المنسيه اغلقت الباب ثم توجهت للباب المؤدي لمقعدها ام نهار بعد ان ركبت ابنتها فتحت النافذه:فلاح يالله يامك فلاح الذي كان يتحاور مع لطام التفت لوالدته:خلصتو ام نهار:ايه يابوي اتجه فلاح لسيارته ليركب بجانب والدته بعد ان وادع لطام..............اما نوره فكانت صامته اثر الصدمه ومن كانت تقطن في آخر السياره فكانت منهاره وتبكي بهستيريه ولكن في عالم الصمت .................................................. ........ اقبل نهار على لطام الذي شك بأن نهاراً قد اصابه مكروه لطام:وينك فيه نهار بحزن:في الخلا الله يكرمك وشفت اغراض اهلي ودقيت عليهم يعودون ياخذونها لطام وهو يتوجه لبابه:يالله يالله ترانا تأخرنا على العرب نهار بحزن:يالله ......................وركب الاثنين متجهين للشارع الرئيسي .................................................. اما في الدوحه فتح باب غرفته الخاصه بالنوم فاستغرب هدوءها لأنها بالعاده ماأن يتشاجرا حتى تبدأ بالصراخ والشتم اما الان هي هادئه هدوءاً مخيف التفتت له وهي تنزع طقمها الذهب الذي اهداه لها هذا الصباح بمناسبة عودتها:زين انك عودت دايم لاتخانقنا تطق مني (تطق=تهرب) اغلق فكيه على بعضهما بغضب:الواحد يثمن حكيه اللي يظهر من ثمه فبدأت بعاصفتها التي طمأنته بطبيعية صغيرته المجنونه:ذاالحين انت هاجدني تالي ذا الليل عشان تهادني اخفى ابتسامته وهو يتجه للحمام:انتي اللي فيش بلا الليله استخرجت ملابسه بعصبيه ووضعتها على السرير واتجهت الى صالة جناحها حاملةً وساده و غطاء بعد مرور نصف خرج من الحمام ليجد الغرفة خاليه ارتدى ملابسه بعجله وخرج للصاله ليجدها ممسكه بجهاز التحكم الخاص بالتلفاز وتتمدد بشكل مائل فاقترب منها ليقف بينها وبين التلفاز نظرت له بعصبيه:خير تبي شي ناصر ببرود:لما اكلمش وقفي وانتي تحاكيني وقفت لتواجهه:نعم ناصر:ممكن تفسرين لي تهربش مني وضحه بتوتر نافي:انا اتهرب منك! يتراوالك ناصر وهو يمسك بيدها ويهمس لها بحنان رجولي:وضحه شفيش صعقته بانهيارها الباكي ضمها لصدره برعب:وضحه شفيش زاد بكاءها وهي تهمس في نفسها:وضحه ...وضحه ياناصر عقب ماكنت حبيتك ابعدته عنها بعنف وهي تقول بصوتها الباكي:وخر عني(وذهبت لغرفتها لتكمل ماتبقى من حزنها) اما هو فكان يجلس في الصاله مبهوت ويتساءل في نفسه:اهذه طفلتي وابنتي وصديقتي التي كانت تنير حياتي في جميع مراحلها عندما وُلدت كنت والدها وصديقها وعندما اصبحت امرأه كنت زوجها وعشيقها ......فمابها الآن هل اصبحت تكرهني ....نفض رأسه مبعداً هذه الافكار التي لايمكنه ان يتخيلها ............................................. توقفت السيارات في احدى الاستراحات لأداء صلاة الفجر اثناء نزول الجميع من السيارات اتجهت نوره لمؤخرة السياره لتنزل ثمينه المختبئه بين اكوام الاغراض نوره وهي تفتح الدبه بخوف:ثمينه ....ثمينه اجابت بصوتها الابح اثر البكاء لساعتين متتاليتين:نعم نوره وهي تلفت:يالله انزلي بسرعه نزلت ثمينه وتبعت نوره المتوجهه للأستراحه حين دخلتا كانت ام لطام امامهم خارجه من المام بعد ان توضئت فسألتهما باستغراب:وين كنتن نوره بتوتر:سجيت من شنطة ايدي في السياره واستوحشت اروح لحالي خذيت ثمينه معي ام لطام وهي تتجه للصاله لتصلي:معليه بس ثمينه ترا ابيش يقول اركبي معنا لاقد حنا رايحين عشان حنا ماحنا موقفين الا عند بيوتنا نوره وهي تمسك بثمينه المنهاره الصامته لتقول لها بغضب:ذاالحين تعلميني بالسالفه كامله ثمينه وهي تبكي بانهيار:................. نوره تسحبها لغرفه جانبيه لتخفيها عن العيون نوره بصوت هامس غاضب:اقصري صوتش لايسمعش احد ويدري والله ان ياتي علم(ن) مهوب ذا ثمينه وهي تحاول ان تصمت وتهدى:والله يانوره مابه بيني وبين نهار ردى نوره بعصبيه وقهر لما سيلوث سمعة ابنة عمها لو علم الناس بما حدث:اجل فهميني وش اللي انا شفته ثمينه بصوتها الباكي:يوم قد حنا بنمشي حولت من السياره اجيب اغراض................ .......................................... اما لدى تلك الباكيه كانت تسترجع كل ماكان سبباً في هذا الضياع كانت تدخل لجناحها بعد حفلة عرس صاخبه كانت هي محط الانظار فيها وذلك لأنها كانت عروساً لم يتم على حبسها في القفص الذهبي سوى شهرين وضحه بنت محمد بتوتر:السلام عليكم ناصر وهو يقف امامها بغضب شديد:وش اللي سويتيه وضحه ويداها تحتك في بعضهما لتوترها وخوفها من عواقب فعلتها:وش سويت ناصر وهو يمسك بذراعها بشده:انا ماقلت لش اني بوصل الليله ولاتروحين العرس وضحه:...................... ناصر وهو يصرخ:ردي علي ثم اردف قائلاً:تدرين ليه انتي سويتي كذا لأنش عرفتي غلاش وقمتي تبطرين لكن هذي سواة ناكر الجميل وضحه بصدمه:انا ناكرة الجميل؟ ناصر بتهديد:قسماً بالله ياوضحه لاتعودينها انش طالق بالثلاث وضحه بطاعة منها للشيطان:لا ياناصر بروح العروس وبوجب العرب ناصر بصرخه:وضحححححححححه استدارت لتعطيه ظهرها:ماعندي غير ذا الحكي لاتغصبني على شي(ن) اكرهه لم يجبها سوى بصفعه حاره قاهره لحظه من الزمن كان ينظر كل منهم للآخر بحسره وحزن تركها وذهب متجهاً للباب وضحه بغضب هادر:لو انك رجال كان مامديت ايدك على مره وقف وهو يجاهد نفسه على عدم النظر لوجهها المحبوب لكي لايقتلها على تلك القنبله علي بالحرام اني لاأعود وأعينش في بيتي اني لاأذكيش(اذكيش=اقتلك) وخرج ليتركها وهي تستوعب ماقالته وضحه بصوت مخاطب لنفسها:انا وش قلت وش قلت..........ثم تذكرت تهديده ..........فاتجهت لملابسها لتجمعها بسرعه لتذهب لبيت اهلها بعد ان انتظرت نوم الجميع دخلت منزل اهلها بهدوء لكي لاتوقظ والدتها واختها ولكنها انصدمت وهي ترى جالسه امام التلفاز وهي تتابع احد الافلام نهضت دلال بخوف وهي ترى اختها المنهاره:شفيش وضحه وهي تجلس على الكرسي منهاره:تخانقت انا وناصر دلال وهي تضم اختها:يابنت الحلال اذكري ربش كل مشكله ولها حل وضحه وهي تضم اختها تعبيراً منها عن حزنها:ماظنتي ماظنتي يادلال دلال مهدئةً اختها:كل شي بينحل بس اذكري ربش نزلت والدتهن بفجيعه ورعب:شفيكن دلال وهي تترك اختها وتتجه لوالدتها المرعوبه:مافينا شي يمه ام وضحه وهي تخرج من غرفتها وتتجه لوضحه لتمسك بكتفيها:وضحه شفيش دلال:يمه اذكري ربش ترا مابه شي(ن) يستاهل اللي تسوينه في عمرش ام وضحه وهي تنظر لدلال:مابه شي واختش ميته من البكي ولاترد علي وضحه بصوت باكي:يمه والله مابه شي كايد جعلني قبلش بس اني متخانقه انا وناصر ام وضحه بصدمه:ماطاح الا انبطح العن والعنين وش جاي(ن) بينكم وضحه بخجل:عشاني رحت العرس غصب عنه ام وضحه وهي تعود لغرفتها وتقول ببرود صادم لوضحه:ان كانه ماضربش ماهوب رجّال انهارت وضحه بعد ان عرفت رد فعل امها من الموضوع دلال بهدوء وهي تجلس بجانب وضحه:تستاهلين اجل اللي صارلش وضحه وهي تنظر لشقيقتها بعيناها التي تحتضن حبات الدموع:حتى انتي يادلال دلال بغضب:وضحه اللي انتي سويتيه عيب في حقش وحق ناصر وضحه بخجل:ياليته على ذا السالفه وبس دلال برعب:وش هببتي بعد ثم اردفت بعصبيه:عاد انتي ماتثمنين حكيش لاقدش ضايقه وضحه وهي مستمره في بكائها:................... .................................................. .......... في استراحة العائدين كان الجميع يركب سيارته وهو يقف في الجانب المظلم من الاستراحه لكي يراها بوضوح اما هي كانت تركب السيارة وهي ترتعش خوفاً مما حدث اقبل لطام ليحطم قصر الشرود المحيط بنهار:نهار وش قومك نهار بارتباك غير واضح:ماقومي شي لطام وهو يتجه لسيارته:هايالله مشينا نهار بيأس:يالله واتجها لسيارتهما .................................................. ... اما في ذاكرة وضحه العائده للعام الماضي بعد مرور يومين وبعد معرفة الجميع بخلاف وضحه وناصر هاهو ابو ناصر يجلس امامها ابوناصر بحنان كعادته:هايابيش ماودش تعودين وضحه:يبه تكفى لاتحدني على اقصاي ابوناصر بحميه وحب لتلك الصغيرة اليتيمه في نظره :الا غار فيها تكفى اجل والله ماعاد اقولش شي وضحه وهي تقبل رأس عمها:ووعد مني يبه اني افكر في الموضوع ابوناصر:يابيش لابغيتي الصدق تراش غلطانه وترا مانيب اقول ذا الحكي عشانه ولدي انتي داريه انه انتي ودلول اغلى عندي من روحي وضحه:مافيها شك جعلني قبلك ابوناصر وهو يقف متهيأً للذهاب:هايالله عقبتني عليكم العافيه وضحه وهي تقف معه:تروح معك وافيه جعلني فداك وبعد ان ودعت عمها عادت للصاله الداخليه التي يتواجد فيها والدتها وشقيقتها وضحه بارهاق بالغ:السلام عليكم ام وضحه ودلال:وعليكم السلام دلال:ابي فيصل راح وضحه وهي تجلس بجانب والدتها:ايه جعل ربي يحفظه ثم اردفت وهي تنظر لوالدتها:يمه عادش زعلانه ام وضحه وهي تشرب من فنجالها:وضحه ترا الكبد عليش محمضه(محمضه=كنايه عن الزعل الشديد) وضحه وهي تقبل كتف والدتها:يمه والله اني تندمت على فعلتي ام وضحه:........................ وضحه بيأس:يمه ردي علي ام وضحه:....................... نظرت لأختها تستجديها المعاونه دلال:يمه خلاص جعلني قبلش ام وضحه:مالش شغل انتي هزت دلال كتفيها بيأس واستمر الحال لمدة شهرين وبعد شهرين كانت تجلس مع والدتها التي خضعت لألحاح وضحه ورضت رن هاتف المنزل لتقوم ام وضحه وترد عليه ام وضحه:الو ام ناصر:السلام عليكم ام وضحه التي لم تتغير علاقتها مع ام ناصر التي تعتبرها اختاً لها:وعليكم السلام يامرحبا ام ناصر:المرحب باقي يابعد عيني شلونش ام وضحه:طيبه جعلش طيبه انتي شلونش وشلون اللي عندش كلهم ام ناصر:طيبين كلنا ماعلينا خلاف ثم اردفت بخجل بلغ الذروه:ساره ياختش انا بعلمش بس والله اني مستحية منش ام وضحه بقلق:مابينا حيا يام ناصر قد حنا خوات ام ناصر وهي ترمي قنبلتها:ناصر اعرس ام وضحه:................. ام ناصر:ام وضحه ام وضحه:لبيه ام ناصر:اسمحيلي ياختش والله اني مادريت بشي الا امس يوم ادخلها علينا ام وضحه بألم خافي:يابنت الحلال لاتحسبيني شاكه لأني ادري انش ماتعدين وضحه الا بنتش ام ناصر:انش والله صادقه والله مااعدها الا مثل جواهر ام وضحه:وعشان تدرين اني ماحمست تراني اليوم بجيكم ابارك لها ولناصر جعلني قبله ام ناصر:والله ماتحدين عمرش على اقصاها وتاتين ام وضحه:استغفري والله ان آتي وابارك لها ام ناصر بصراحه:لابغيتي الصدق والله ان شوفها يفطر عيوني عقب وضوح ام وضحه:يابنت الحلال هذي قسمة ربي وكلهم سعو فيها ام ناصر:اي والله صادقه ثم اردفت:هايالله مع السلامه ياختش ام وضحه:الله يسلمش فديتش ثم اغلقت الهاتف لتنظر لأبنتها التي كانت تراقبها بترقب وضحه:وش عندها امي هيا داقه ام وضحه بضيق:تقول ان ناصر............لم تستطع الاكمال وضحه بقلق شديد:وش فيه ناصر يمه ام وضحه وهي تنظر لأبنتها بحسره لحالها عندما تعلم بالخبر فهي تعرف كم هذه المجنونه مغرمه بناصر:وضحه يامش ترا ناصر اعرس وضحه بهدوء مخيف:اعرس؟ ام وضحه:يامش لاتضايقين والله انه ماسوا كذا الا محتد وضحه بهدوء مثقل بحزن العالم:وش حاده يايمه وش حاده؟؟ ثم وقفت لتذهب لغرفتها لتتمتع بالخلوه كانت تسير وكانها آله وهي تخاطب نفسها:كذا ياناصر كذا تسوي فيني عندما وصلت غرفتها دخلتها واغلقت الباب ووقفت امام المرآه لتنظر لوجهها وضحه بصوء في قمة الهدوء المحزن:انا انا اللي جنيت على نفسي وعلى قلبي ثم صمتت لمده ليست قصيره وفجاه بدات بحالة الجنون فقد شرعت تكسر ماتلامسه يداها وتصرخ قائله:ليييييه لييييييه ياناصر والله اني احبك لييييه تسوي كذا ليه تروح لغيري آآآآآآآآآآآآآآآآآآآآآآآآآآآآه دخلت دلال وام وضحه دلال وهي تمسك بوضحه:اذكري ربش قولي لااله الا الله ام وضحه وهي تبكي:يابنتي لاتسوين في عمرش كذا وضحه وهي تضم اختها ببقوه:تكفين يمه نار في جوفي بموت من حرها ام وضحه تبعد دلال وتضم وضحه في صدرها الذي كان ملجأ لها في صغرها:يابنتي اللي صار صار وذا البكا ماعاد هو براد شي استكانت في صدر والدتها وهي تأن انين أمٌ ثكلا فقدت اصغر ابنائها قطع حبل افكارها ذلك الضخم الذي كان ولازال ملكاً على عرش قلبها ناصر بهدوء:اظهري هدومي وضحه وهي تتجه للدولاب:حاضر استخرجت ملابسه التي سيذهب بها للصلاه وعطرتها خرجت للحمام الآخر(اكرمكم الله)لتتوضأ اما هو فقد خرج منتهياً من وضوءه في رجاء مواجهتها لكنه اصيب بالاحباط حين رأى وحشة الغرفه ارتدى ملابسه وخرج ليلتحق بوالده وجده وشقيقه ماأن خرج حتى رآها تصلي في الصاله فأصابه الحزن من هروبها منه فخاطب نفسه قائلاً:قد ذي تاليتنا قد كل واحد(ن) منا يبي فرقا الآخر الله يلعن الدنيا نظر لها بشوق ثم خرج للطابق السفلي |
البارت العاشر .............................. الساعة الواحدة ظهراً هاهي عائلة آل لطام يقفون امام ثلاث فلل محاطة بسور واحد خاصة امام منزل ابو سعد الذي يسكن فيه ابوضيدان وابناءه نزلت من السيارة وهي تحمل ذلك الصغير بين يديها التفتت على عليا لتقول لها:علوي اخذي ضيدان خليني انزل الاغراض عليا وهي تاخذ ضيدان من احضان شاهه:ابشري بس تراني بوديه وبجي اعاونش شاهه وهي تتجه لمؤخرة السيارة التي فتحها واتجه للداخل تاركاً خلفه جسمها الغض بالغ النعومة يحمل الاثقال لعدم وجود خادمة في منزلهم: لاروحي سبحي ضيدان وتسبحي وارتاحي عليا برجاء:تكفين شاهه خليني اساعدش والله بينكسر ظهرش من شل الاغراض شاهه وهي تنزل اكياس صغيرة لتبدأ بحمل الحقائب الثقيلة:علوي روحي سوي اللي قلت لش وانتي ساكتة ثم اردفت:وجهزي اغراض جدتي عشان اجي واعاونها على السبوح عليا وهي متجهه للمنزل:ابشري في ديوان المنزل كان يجلس ابوضيدان وابوسعد ابوسعد بعصبية:بتعصاني ياناصر ابو ضيدان وهو يحاول كتم غضبه:يايبه جعلني قبلك حكمت علي اروح اسلم على ابي ناصر قلت معليه وانا قد لي ستعش سنه ماوقفت على بابهم اما بناتي ماهن برايحات ابو سعد بهدوء مفاجئ يحمل في طياته الكثير من الالم والوجع بسبب موضوع الانقطاع بعد التواصل مع عائلة اخاه:ناصر انت حرمتهن من امهن ماقلت شي لكن ذا الحين البنات قدهن نسوان لازم انهن بيحتاجن امهن ثم اردف بنبره يحاول فيها ان يطمئن ذلك المذعور من تكرار الماضي الذي لم يستوعبه ويصدقه رغم مرور ستة عشر عاماً:ياولدي البنات ربيتهن واحسنت تربيتهن وش انت ذال منه ابو ضيدان بألم:يايبه عرقها دساس ابوسعد مغيراً اتجاه الحديث لكي لايزداد المه من الواقع الذي لطالما كان يتمناه سراب:اسمعني ترا البنات بيروحن معي ومع جدتهن وحنا ماحنا بمبطين ساعة ونعود ابو ضيدان بعدم رضاء:اللي تشوفه ابو سعد بفرحة:تبلغهن ولا ابلغهن انا ابو ضيدان وهو يقف استعداداً للذهاب لغرفته:لا بلغهن انت ثم ذهب تاركاً والده تلفه السعادة من كل جهه .............................. في منزل ابو لطام ابولطام بفرحة:ابشر ابشر على الساعة خمس ان شاء الله انكون عندك انا وعوالي ابو سعد بتأكيد وحزم:اهم شي لزم على لطام ابو لطام:ابشر اتت ام لطام من بعد ترتيب اغراض منزلها مع خادماتها وجلست بجانب رفيق دربها ابو سعد:يالله مع السلامة ابو لطام:الله يسلمك ماتشوف شر.......واغلق الهاتف ام لطام:هذا ابي لطام ابو لطام بفرحة:ايه هو .......والله ياعندي لش بشارة ام لطام بفرحة لفرح زوجها:خير ان شاء الله ابو لطام:اليوم كلنا بنروح لبيت ابي ناصر وبنات ناصر بيروحن معنا ام لطام وهي تقف لفرحتها:انت صادق ياسعد ابو لطام:ماجاش الا الصدق ام لطام بفرحة:يالله لك الحمد ابو لطام وهو يعود لجديته:ام لطام مابي احد من عوالش يدري الين انا ابلغهم اما انتي وبنتش تجهزن عشان الساعة خمس بنروح كلنا بيت ابي عشان نمشي من هناك وابي يقول يبي يقول لنا شي ام لطام:خلاص ابشر . . . . . . . . . . ابو لطام وهو يجلس امام ثلاثة جبال شامخة لطام بهدوءه:وهذا طلب ولا امر ابو لطام بحزم:امر يا لطام لطام بغضبه المكتوم رغم بلوغه للذروه:تراني ماني بخويكم في ذا المراح ابولطام بنرفزه:لطااام جدك موصي ان الكل يروح حتى بنات ابيك ناصر بيروحن لطام بغضب وصدمة واضحين:ويش هو؟ ابو لطام:اللي سمعت ثم اردف وهو يلتفت على الاثنين الصامتين احتراماً للاكبر سناً:وانتو بعد تراكم بتروحون فهاد وبداح:ابشر وقف ذلك الغاضب المخيف الذي تجهم وجهه وتضخم صدغاه:تبون شي ابو لطام وهو يقف متسائلاً:وينك رايح؟ لطام وهو يحمل تلفونه من جانبه ليدخله في مخباه:قريب قريب.........وخرج متجهاً لذلك السجن . . . . . . . .هاهو يدخل مجلس منزل جده لطام بضيق يحاول اخفاءه:السلام عليكم الجد وابو ضيدان:وعليكم السلام الجد:يامرحبا اقلط يابيك لطام بغموض ولاشعورياً:ادخل مجلسكم لاعطيتوني حقي وقف الجد وابوضيدان باستغراب لتلك الطلاسم التي تخرج من فم ذلك الواقف الجد:مابغيته وهو في ايدي لك وانا ابيك لطام بكبر شموخ وثقة:شاهه بنت ناصر ثم اردف بوثوق:حقي اللي حفظتوه ياابواني الجد وابو ضيدان:؟؟؟؟؟؟؟؟؟؟؟ ابوضيدان بتفاجئ من هذا الطلب الغير متوقع ومن لطام خاصة:يابيك العرس مهوب اطلب واعطيك لازم ان حنا نشور البنت اول لطام بأصرار:انشدوها ذاالحين رد ذلك الفرح بهدوء:يبه البنات مايشارن في العرس الجد بحزم:والله ماتعرس شاهه الا برضاها ابوضيدان:ولد عمها وش يعيفها اياه الجد وهو يتوجه للباب:هذا شي هي اللي تقوله مهوب غيرها ماان غاب الجد داخل المنزل حتى التفت ابوضيدان للطام:وش اللي خلاك تسوي اللي سويته لطام بهدوء:مابيها تروح مراح الليلة ابوضيدان بهدوء مماثل:يابيك والله ان كل يوم يمر اني اغليك اكثر لطام وهو لازال واقفاً امام المجلس:انت يبه عندي مثل ابي سعد عندي (فعجيباً لتلك الصراحة بين الاثنين رغم تحجر وصلافة كل منهما............فالاثنين ليسوا سوى تمثال واحد مقسوم لكن كل من القسمين ظهر في عصر مختلف) . . . . . . . . . كانت تزيح اثاث الصالة بمفردها وذلك لغياب الجميع في الطابق العلوي اما للأستحمام او للترتيب او للراحة اما الجد فقد كان يقف على الباب وهو ينظر لتلك الصغيرة التي كتب لها الشقاء مدى الحياة الجد بنبرة حنان:شاهه اعتدلت واقفة وتبعد خصلات شعرها النافرة:لبيه الجد وهو يتقدم ليجلس على الكراسي المعتدلة:خلي اللي في ايدش وتعالي ابيش في موضوع تقدمت لتجلس بجانبه:آمرني يبه الجد وهو ينظر لعينيها الفاتنتين يهمس في نفسه:ياترى ذا العيون اللي ماخلق مثل زينها بتنوخك يالطام شاهه:يبه وش فيك الجد:شاهه يابيش انا بقولش شيين اللي ماتبينه منهم ماوالله اغصبش عليه ثم اردف حديثه وهو ينظر لعينيها ليستشف ردة فعلها:جدش ناصر تعبان وبنروح كلنا نزوره ولا اظن ذا الشي مايرضيش شاهه بهدوء:اللي ودكم سووه اما انا مانيب رايحة الجد بغضب:ليييه شاهه:من باعني ابيعه لو هو امي الجد وهو يقف من شدة غضبه:ابن سعد ماتبين امش هاوالله ان اول من يركب السيارة انه انتي شاهه ولازالت تتحلى ببرودها:غصبتوني عمري كله مايهم لوتغصبوني ذاالحين الجد بدهشة لتصريحها لأول مرة بألمها:انا ياشاهه شاهه وهي تقبل كفه:اعذرني يبه بس من حر مافيني الجد وهو يعود لحنانه:يابيش هذي امش جنتش ونارش شاهه:بس يبه امي ماتخليني للدنيا تصفق فيني الجد بحزم:وضحه ماخلتكم ابيكم اللي قطع بينكن شاهه بقهر والماضي يتمثل امامها:وسواد الوجه الجد وهو يحاول ان يبعد تلك الصورة التي يكرها:يابيش هذي امش مهما كان مالش الا هي شاهه وهي تعود لهدوءها وادعاء عدم المبالاة:والعلم الآخر وش هو الجد بحزم:قبل اقولش وش هو تراش بتروحين معنا شاهه:مانيب مفجرتك عشان رغبتي بس تكفى يبه مانبطي عندهم الجد براحة:ابشري ثم اردف :شاهه يابيش لطام ولد عمش يبيش مرة (ن) له لقد كان متأكد من الجواب ولكنه اخبرها كشكليات ولكي يرضي ذلك الارعن المتعجرف الغير قابل للرفض وايضاً المعشوق والمقرب له لكنها صعقته بقولها بقوة وكبرياء:اللي ودكم سووه فكلمتها تلك كانت دليل على الموافقة الجد بعد ان صمت بفترة ليست قصيرة فهو ليس راضي على هذا الزواج رغم ان الاثنان اغلى الخلق في قلبه:اجل يابيش ترا حنا ماحنا برادينه ثم وقف واتجه للمجلس اما هي كانت جالسة بصمت يحمل كل آلام السنين:يارب قدرني على مانويته . . . . . . . كان الاثنين يتحدثان في مواضيع عدة لكن مشاعر الاثنين مختلفة تماما دخل الجد لينهض الاثنان احتراما له الجد وهو يجلس بجانب لطام:شف يالطام علي بالحرام لاتاتي شاهه طامح انك ماعاد تشوفها لطام بهدوءه المعتاد:مالها الا الرضا بنت ناصر ابو ضيدان بحزم يظهر لأول مره بخصوص تلك المتهمه في محكمة والدها:ترا الذبح حلال فيك يالطام ان ازعلتها لطام:ماتزعل ان شاء الله لقد كان يظن الجد وابنه انه يقول كلامه للمجاملة اما هو فقد كان يخاطب نفسه قائل:انا اشهد اني مانيب مزعلها ماحصلتها بالساهل عشان اخليها تزعل مني ..........مايدرون ان قلبي مثل الطير المذبوح لاحل طاريها ........... هو به احد يزعل روحه لطام بطمع:وان قلت خلو ملكتنا اليوم الجد:هات المملك وابشر بسعدك لطام وهو يقف:انا بروح ذاالحين ابلغ ابي وامي وعقب شوي ناتيكم انا وابي وخالي والمملك الجد بعدم رضا يحاول اخفائه:وحنا نتناكم انفض المجلس مع اختلاف المشاعر فقج كان هناك من هو متردد وهناك من كان رافض وهناك من كان يحمل الفرحة في جنباته ................................................. اما في الجهه الاخرى من نهر آل لطام ام ناصر وهي تقف في منتصف الصالة:ياسوارنا جهزي القهوة والشاي اخلصي ام شاهه القادمة من المطبخ:ياام ناصر ريحي عمرش انا اسنع كل شي ام ناصر:مااقدر ياختش لازم اشوفهن ام شاهه وهي تجلس بجانب ام ناصر المتوترة بسبب العشاء الكبير المقام على سلامة الجد:والله ان كل شي جاهز ومرتب بس انتي ارتاحي ام ناصر بحب صادق:جعل عيني ماتبكيش ياوضحه ام شاهه بحب مشابه:الخوات يتعاونن وانا اختش وحنا خوات وخويات لا في الرخا ولافي الشدة وانتي خابرة ام ناصر:واجب ياخيتش وانتي لو انش مانتيب مظلومة والله مااسوي اللي سويته ام شاهه بضيق من تلك السيرة:جعلها ماتعود تيك الايام ام ناصر وقد شعرت بضيقها:الا انتي اليوم وش قومش كنش تعبانة ام شاهه وهي تقبض على الناحية اليسرى من صدرها:والله مدري ياختش من يوم قمت وانا قلبي يوجعني ام ناصر بقلق:اسم الله عليش ......شلون يوجعش ام شاهه بخوف:احس بناتي فيهم شي ام ناصر باستغراب لذكر تلك المفقودات:لا ان شاء الله ماعليهن الا العافية جعل ربي يستر عليهن بستره ام شاهه برجاء:آآآآمين ياربي ام ناصر:البنات وينهن ام شاهه:راحن كلهن للصالون جعل ربي يحفظهن ام ناصر:دلول راحت معهن ابتسمت ام شاهه لذكر اسم تلك المشاكسة المحبوبة لدى الجميع:ايه جعلني قبلها هي اللي قومتهن من رقادهن ام ناصر بحب لتلك الفتاة:يالبى عينها حية(ن) ماهيب ميتة ام شاهه:كن عندش علم ياهيا ام ناصر بتوتر:وضحه وش رايش لو نخطب دلول لنايف ام شاهه بفرحة:وش رايي بعد ازين ماتسوين ام ناصر براحة من رد ام شاهه:خلاص انا بكلم ابو ناصر واشوف وش يقول ام شاهه وهي تقف:تبين شي انا بروح اسبح والبس قد حنا قريب المغرب ام ناصر:سلامتش انا بعد بروح اتلبس قد العرب بياتون ثم انصرفتا الاثنتين لحجرتيهما .................................................. ... الشيخ:بطايقكم يااخوان مد لطام وابو ضيدان هويتهما الشيخ:وين الشهود نهار:سم ياشيخ انا الشاهد الاول وهذا الشاهد الثاني(كان يشير لبداح) الشيخ:البطايق مد كل منهما هويته اتم الشيخ كل الاجراءات فمد الهويات لاصحابها:تفضلو يااخوان ومبروكين ان شاء الله استلم الجميع هويته وبدأو بالمباركة لذلك الغير بادي عليه الفرح رغم رقص الفرحه بين اضلاعه اقبل لطام لينكب على رأس جده الجالس الصامت فهمس له:تبي فرقاي يبه الجد وهو يهمس له بنفس النبرة:ابعد اللحم من اللحم لايخنز يبيك (ابعد اللحم من اللحم=مثل يقال بمعنى ابعد زواج الاقارب لتجنب المشاكل والتفرقة) لطام بصدق:والله انها في حبة العين وانت داري بذا الشي الجد بقليل من الراحة بعد تذكر تلك الكلمة من نفس ذلك الفم:مبروك يابيك جعلها ملكة نصارى(جعلها ملكة نصارى=يعني انه لايطلقها ولايتزوج عليها كما في عرف النصارى وليس يقصد فيها كفراً او تشبهاً بهم) ثم اردف الجد بعد خروج المملك بصوت عالي:يالله ياعوالي سرينا ثم خرج الجميع ليركب السيارة متجهين لمنزل الجد الآخر في داخل المنزل الجد بفرحه عارمة:والله ان ذاالليل انه ابرك الليالي علي ثمينه بنفس الفرحة:تكفين يمه شاهه غني وانا برقص الجدة بفرح:ابشري والله مااردها في خاطرش وبدأت تغني والبقيه يصفقن ويرددن خلفها حتى رن هاتف ام لطام:هذا لطام ثم ردت قائلة:ابي انت ملكتوا لطام بهدوء:ايه ثم هتفت بفرح غير طبيعي للجالسات:ابشركم ملكوا تعالت الزغاريد من قبل الجميع اما تلك الفتنة فقد كانت تختبئ في الاعلى حزناً على شباب لم يرتح يوماً ومقهوراً دائماً فحين سمعت زغاريدهن تجمعت الكريستالات في عينيها تنذر بالنزول وتحاول مقاومتها لكي لاتدمر تأنقها الغير المناسب لبساطته على عكس البقية المتبهرجين شاهه بصوتها الخافت :يالله ياللي خذيت الفرح اول رده علي تالي اما في الاسفل لطام على الهاتف:يمه يالله اطلعوا عشان نمشي ام لطام:ابشر ثم اغلقت الهاتف واتجه الجميع للباب الا عليا التي اتجهت للطابق العلوي بفرحة فهي الليلة لاتغبط مالك مال قارون لفرحتها دخلت على تلك الجالسه السارحه:شوشو يالله بنمشي شاهه التي صحت على صوت شقيقتها:ها....يالله يالله ثم قامت لتلبس عباءتها ونقابها بعد خروج اختها قبلها ركب الجميع اما هي خرجت بهدوء لكي لا تسقط بسبب (الكعب)الطويل الذي تلبسه رغم عدم حاجتها له فهي تتمتع بطول رائع في سيارة لطام المتواجد فيها لطام وامه وشقيقته وضيدان الذي ركب معهم لأن لطام قد وعده بجعله سائقهم ماأن خرجت حتى هتف ذلك الصغير:ساهه ساهه ساهه كان يحاول ابعاد نظراته عنها حتى لايحرجها ولايهتز منظره المرموق لدى الجميع ركبت في سيارة والها وانطلقت السيارات لمنزل ابو فيصل ............................ ............... في سيارة فلاح والمرافق معه فهاد كالعادة يترافقان لوحدهما دون شريك ثالث فلاح وهو يكلم نايف الشريك الثالث الغير مرئي:ههههههههههههههه والله انك خالص نايف بعد ان هدأ من نوبة الضحك الهستيري الجامع بينه وبين فهاد الذي يقود وفلاح:انتو ذاالحين وينكم فلاح:قد حنا في شارعكم نايف اجل يالله انقلع خلني ابلغ جدي وابي فلاح بقلق:تهقا يصير شي اليوم نايف بقلق مماثل:الله يستر فهاد الذي كان يسمع حديثهم لأن فلاح كان قد وضع السبيكر:جعلكم تماحقون بالفال نايف:والله ياخيك ان ايدي على قلبي فلاح:نويف يالله حنا قدام بابكم نايف وهو يقف ويتجه لجده ووالده في منتصف المجلس الذي يحاوطه المعازيم:يالله مع السلامه......ثم اغلق الهاتف اقبل على والده فنزل الى مستواه حيث كان جالس:يبه فيه جماعة برا يبونك ابو ناصر باستغراب وهو ينظر لوجه ابنه:منهم نايف:تعال معي وبتعرفهم قام ابو ناصر وذهب مع ابنه للخارج حيث كان ابو سعد واهله ينزلون من سياراتهم ماان رفع الجد وجهه حتى رأى ابنه الذي لطالما كان اغلى ابناء ذلك الجيل لديه ابوناصر ماان رآهم حتى ذهب يهرول لأبو سعد فقبل رأسه وضمه بصمت ثم قال بصوت اثقله الحزن لفراق ذلك الغائب الغالي:يامرحبا يبه شلونك جعلني قبلك ابوسعد وهو يضع يده على عضد الواقف امامه ليوهم الواقفين يأنها حركة تلقائية ولكنه كان يتفقده ليروي عطش فراق السنوات الفائته ابوسعد:طيب انت اللي شلونك يابيك ابو ناصر وهو ينظر في عمق عيني ذلك العائد من بعد غيبة طويلة:انا طيب عقب ماشفتك قطع اتصالهما الروحي صوت ابو لطام:مسيك بالخير يابو ناصر التفت لخلف عمه ليرى رفيق دربه اقبل عليه ليضمه:يامرحبا يامرحبا بالجميع ثم بدأت السلامات المعتادة حتى وصل لأبو ضيدان فنظر له مطولاً ثم سلم عليه بغاية البرود وابا ضيدان بالمثل وبعدها قال ابو ناصر بصوت جهوري:شلونش يمه ام سعد:طيبه جعلك طيب انت وشلونك وشلون من يعز عليك ابوناصر بفرحة:كلنا طيبين ....حياكم حياكم تفضلو هذاك باب النسوان لم يخطر بباله انهن قد يأتن دخل الجميع في المجلس ابوسعد بصوت عالي:السلام عليكم الكل بصدمه:وعليكم السلام .......واقبل الجميع للسلام عليه وعلى ابنائه اما ابوفيصل فقد كان يقف بصدمه وحنين لذلك القاطع كان الجميع يسلمون على ابو سعد عند الباب حين اقبل ناصر بن فيصل على ابو سعد قال ابوناصر وهو يشير له:يبه هذا ناصر ولدي ابوسعد وهو يضمه:يامرحبا بسمي الغالي ناصر وهو يقبل رأس ابوسعد:المرحب باقي فديتك انتهى الجميع من السلام فأقبل ابو فيصل بهدوء حتى وقف امام ابوسعد كانا ينظران لبعضهما بصمت وسلما بهدوء لكي لايتزحزحا في نظرا ابنائهم ثم اقبل ابناء ابو سعد وابنائهم للسلام حتى وصل دور ابوضيدان نظر له ابوفيصل طويلاً ثم ضمه طويلاً لحبه له الشديد رغم مافعله وكذلك ابوضيدان كان يضمه ليتذكر معشوقته المنفية وحب عمه له والذي زاد بعد ان تزوج بتلك المسلوبه من ناظريه باختياره ابوفيصل:حياكم حياكم ........امسك بيد ابوسعد ليجلسا في صدر المجلس . . . . . . . . . . في الداخل دخلت ام سعد في المقدمه:السلام عليكم صمت الجميع احد مفجوع واحد فرح واحد مستنكر اقبلت ام ناصر مسرعة وخلفها ام وضحه وكلاهما تهتف:يامرحبا يامرحبا اما هي فقد امتلئت عيناها النجلاء بالدموع فرحة وصدمة وشكر لله فأسرعت مقبلة علة ام سعد:يامرحبا والله اني صادقة وتبادلن السلام كلهن وهي تتفقد الحاظرين فهي على امل ان ترى تلك الاميرات الثلاث ام ناصر وهي تنظر لجواهر ووضحه ودلال:تعالن سلمن على امكن شاهه.............تقدمن البنات للسلام . . . اما امام مرآة موضوعة في مدخل المنزل كانت تقف هي واخواتها وكلهن يحملن نفس المشاعر كلها توتر وقلق وحب وشوق ولهفة وتردد شاهه وهي ترجع شعرها الواصل الى الارض:يالله انا بدخل حصه بصوت يغرق بالعبرات:شاهه خايفة شاهه وهي تضمها:وش انتي خايفة منه الشي اللي تبينه وتمنينه عمرش كله هذا هو في الصاله اللي قدامش اما تلك الصامته:احس قلبي يلويه اللاوي شاهه وتنظر لها بنظرة تعرفها عليا وتستمد القوة منها:اذكرن الله ويالله خلنا ندخل حصة:شكلي حلو شاهه :يجنن عليا:وانا شاهه:يهبل بس يالله عليا وهي تمسك بيدها:شاهه لمي شعرش والله مايعطونش خير بعدين جدتي بتضيق لاشافته مفتوح كذا شاهه وهي تريد ان تثبت لتلك التي تركتها تواجه المصاعب لوحدها:ماعليش امشي بس انا محصنه نفسي قبل ناتي وجدتي انا بكلمها حصه بابتسامة:جايبين دي جي عليا بضحكة:شادين حيلهم شاهه وهي تحمل طرف فستانها:يالله يابنات فدخلن شاهه وهي تمسك بيد صغيره الذي لتوه ايقظته من نومه ثم حصه ثم تلك المرتبكة عليا . . . . . قبل دخولهن بدقائق كانن البنات يضيفن القادمين وام ناصر وام وضحه وام شاهه يحاوطن ام سعد وبناتها ويتجاذبن الحديث بلهفة وسط ازعاج الموسيقى والاصوات العالية ام شاهه وهي تتحدث بلهفة لأم نهار:صيته ياختش عينتي قليباتي اللي عندكم ام ناهر وهي تحتضن كف ام شاهه بحنان:ماعليهن الا العافية قدهن نسوان حتى حصيصة قدها مريه(مريه=تصغير كلمة مره اي امرأه) ثم اردفت:تراهن برا ماان اكملت كلمتها حتى سمعت صوت النساء المتعالية بدكر الله التفت الجميع للداخلات دلال وهي تهمس لجواهر المتضايقة:جوجو وش ذا الصاروخ اللي دخلت جواهر وقد تناست الضيق:ماشاء الله والله مدري من هي شاهه بصوت عالي:السلام عليكم الجميع:وعليكم السلام كانت تسلب الالباب حتى جدتها ونسائها انبهرن بها ام نهار بفرحة وهدوء:هذولي بناتش ياوضحه وقفت وتقدمت بهدوء حتى وصلت امام تلك الفتنة شاهه في نفسها:هي والله هي قلبي عرفها تكفين يمه لاتقربين اكثر والله لاأسوي مااحد سواه قطع حديثها نشيج حصة التي كانت تختبئ خلفها وصوت الموسيقى العالي التي الهت النساء بها تقدمت ام ناصر:يامرحبا تعالن تعالن .................واخذتهن لغرفة جانبيه ليأخذن راحتهن ثمينه وهي تهمس لنوره:حصيصه قطعت قلبي نوره بحزن:اجل ماشفتي علوي شلون تطالع امها . . . . . . في الغرفة الجانبيه ماان دخلن حتى التفتت حصه لأمها واختبئت في صدرها وتعالى بكاءهن ام شاهه وهي تخبئ صغيرتها:ياريحة امي وابي جعلني قبلش حصة وهي تشد من احتضان والدتها:ليه يمه تخليني ليه ليه يمه ام شاهه وهي تبكي بألم:تكفين يمش لاتقولين كذا خليش في قلبي بس ثم اردفت بآه تحمل الم سنوات عدة:آآآآآآآآآآه ه ه ه ه اقتربت من كانت تنظر بصمت عليا ببكاء شديد:يمه التفتت لها والدتها بشدة واحتضنتها:امي انتي عليا وهي تحتضنها بقوه:تكفين يمه كنت بموت لو اني ماشفتش ام شاهه وهي تحتضنها اكثر:اسم الله عليش جعل يومي قبل يومش .........ثم مدت ذراعها لتحتضن تلك الصغيرة التي يكاد قلبها لشدة نشيجها وبعد فترة ليست بقصيرة كانت تقبل امشاهه ماوقعت عليه يدها من تلك الصغيرتان حتى دخلت ام سعد فربتت على كتفها:بس ياوضحه يامش ذبحتي عمرش وقطعتي كبود بناتش وضحه وهي تشدهن في حضنها اكثر:تكفين يمه ماشفتهن وعاد لي عيون صمتت الجده وهي تمسح دمعات تساقطت من عينيها التي اعتادت الالم الجده وهي ترى الواقفه المتسمره:شاهه اقربي لأمش وانا امش وضحه وهي ترخي يديها من على اكتاف بناتها لتنظر لتلك التي امتلكت اول الحب واكثره واول فرحه ودروة الاشتياق ام شاهه وهي تفتح يديها لها:شاهه تعالي يابعد روحي وعمري وطوايفي كلهم تعالي تكفين يامش ماعاد تشلني رجيلي تقدمت ببطء حتى وصلت لأمها شاهه:يمه وضحه:لبيه تقوله امش شاهه:يمه انا مت عقبش وضحه:جعله يدق عظامي ولايجيش شاهه وصوتها يتحدر للبكاء:كلتني الوحشة عقبش يمه وضحه:وانا روحي عندش من يوم رحتي شاهه وهي تقترب اكثر لأمها:لاعاد تخليني لاعاد تخليني والله ماعاد اسامحش ان عاد هملتيني اصمتها احتضان امها لها بشدة وضحه وهي تقبلها بشدة وكذلك شاهه كانت تقبل يدي والدتها وكل ماحوى جسدها من معالم لم يتكلما ............فلامجال للكلام الصمت يعبر اكثر عن مدى الاشتياق فلقاء وضحه وبناتها كمشهد درامي على مسرح الدنيا فالصمت والانين والآهات هي ختام تلك المسرحية |
| الساعة الآن 01:43 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir