|
البارت الثاني والثلاثون ........................................... في لندن حيث ابطالنا كانا يجلسان امام الدكتور وهو يلقي عليهما قائمة مابعد العلاج الدكتور بابتسامه:we will sad when you leaving لطام بنرفزه:الله يعطيك اللسنه ثم اردف:we must leave because we missed for doha شاهه تهمس له بضحكه:مشتاق للدوحه وانت بتقعدني ثلاثة ايام لطام بضحكه:اسكتي تراه طنقر علينا الدكتور بمهنيه:Shaha I'll tell you some of the taboos you must follow for at least four months Alaptaaden first blood transfusion in any case Secondly allowed to continue the marital life, but without a pregnancy because the rate of 20% is proven Pregnancy risk you very Shaha Third, stay away from feeling the lack of a rise in blood pressure Fourth and most important should care, psycho much is a key factor in the completion of treatment لطام بضيق فهو كان يتمنى طفل منها هي فقط فهو ايضاً كبير في السن اقرانه كلهم قد اصبحوا آباء الا هو:ok doctor thank you for all thing you do for shaha الدكتور وهو يقف ويصافح لطام:i wish ahappy life for you and shaha دعا الدكتور ليتجها للمنزل بعد مرور نصف ساعه كانا يدخلا الشقه لطام وهو يغلق الباب:تعالي ابي اقولش شي شاهه وهي تنزع برقعها وتجلس على الكنبه باستغراب:هلا لطام وهو يبتسم بضيق:وش تمنين في ذا اللحظه نظرت له لتقول بصدق خارج عن ارادتها:اني مافارقك ضحك بضيق:وغيره شاهه بحماس :اعود للدوحه لطام بابتسامه ضيق:اجل قومي جهزي قشش رحلتنا عقب ثلاث ساعات وقفت بصدمه فرح شاهه بفرح:لطام انت صادق لطام وهو يرفع حاجبه:الله الله كل ذا فرحه شاهه بحماس:لطام تكفى قولي انه صدق لطام وهو يتجه لغرفته:ايه صدق يابنت الحلا بس يالله لانتأخر ذهبت تجري فرحاً لتنهي تجميع اغراضها بعد ساعه كانا يقفان في الصاله يودعان شقه شهدت اعترافات ووعود ولقاء فريد من نوعه لطام وهو يحمل الحقائب:يالله مشينا شاهه وهي تنزل برقعها:يالله اتجها للمطار وركبا الطائره احدهما يحمل الفرح واحدهما يحمل الضيق في الساعه التاسعه مساءاً حطت الطائره على ارض الدوحه شاهه وهي تمسك بكف لطام بفرح غير طبيعي:لطام مانيب مصدقه ان حنا في الدوحه لطام وهو يضع يده الاخرى على كفها ليقول بضيق عميق لايعرف ماسببه لكنه ايضاً حزين على ماقاله الدكتور:لاصدقي كلها ساعه بالكثير وتشوفين ام سعد قدامش ببرقعها وعصاها شاهه بحب عميق:جعلني قبلها لطام في نفسه:وانا انا وش اسوي لارحتي ليه انا مالي من حياتش نصيب تنهد بضيق ازداد اكثر لايعلم ماسببه:يالله خلينا نحول وبعد انهاء الاجراءات خرجا من المطار ليوقفا التاكسي ركبت وهي قد بان التوتر على ملامحها وهو زاد ضيقه طوال الطريق لم يتكلما الى ان وصلا للمنزل وقف التاكسي امام الفلل الثلاث لطام:يالله حولي امسكت بيده بقوه لتقبلها :لطام تراني احــــ لطام باستغراب:شاهه وش فيش شاهه وهي تجاهد العبره:لطام لاتكرهني مهما كان لطام وهو يشد على يدها بقلق:يامره وش فيش التفت للسائق:محمد انزل شويه نزل السائق التفت لها:علميني وش قومش ضمته بقوه لصدرها وقد نفرت الدموع من عينيها:لطام آسفه والله آسفه بس غصب صدقني غصب عني ابعدها لينظر لعينيها فيقول بحزم:ان ماقلتي لي وش فيش مهوب اشوا لش شاهه وهي تفتح الباب :مافيني شي امسك بها بغضب:لاتهديني وانا اكلمش وردي علي شاهه برجاء عميق:لطام تكفى اعتقني وخلنا ننزل صمت وهو يراها تنزل متجهه للمنزل نزل متجهاً لمثل وجهتها دخلا الباحه الكبيره الجامعه للبيوت الثلاثه كانو الرجال يجلسون في الخارج لان الجو كان جميل وربيعي وتلفهم الفرحه وقف الجميع وهم يرون لطام عساف وهو يقف:هذا لطام ولا يتراوا لي وقف الجميع وهم يرون لطام اتجهو له لطام وهو يقبل رأس جده:سلام عليكم ابوسعد بفرحه عارمه:اشهد ان ناصر عمك واحدكم ماآخذ الا هو داخل علي ضحك لطام بقوه:ههههههههههه نبي نفرحك ثم بدأ بالسلام على الجميع بعد دقائق انطلق صوت الرصاص في الجو ذهبت انظارهم لبداح وعساف ونهار الذين يمسكون بالمسدسات ويرمون معبرين عن فرحهم وبعيد عنهم قليلاً كانت شاهه في احضان جديها وخالها وعمها ابوسعد بحب وفرح:يامرحبا بشمعة الدار شاهه وهي تقبل كفه:المرحب باقي فديتك احتضنت جدها ابوفيصل:شلونك يبه ابوفيصل وهو يشدد من احتضانها:انا طيب وانا اشوفش طيبه انتبهوا لصوت ابونهار:يالله مشينا ندخل المجلس الجميه:يالله واتجهو جميعهم للمجلس لكن اوقفهم تلك الصاعقه امسكت شاهه بيد جدها لتقول بصوت عالي:تكفى يبه طلبتك ابوسعد بحميه:اللي تبينه جاش شاهه وقد اذهلت الجميع:خل لطام يطلقني شخصت ابصارهم صدمه وارتفعت عينيه التي اصبحت كسهام سامه لعينيها المترقرقه بالدمع ابوضيدان وهو يهزها بقوه وهو يمسك بعضدها:انتي وش تقولين شاهه وهي تمسك بيد جدها لتجلس على ركبتيها فهي تعلم ان جلستها تلك ستجعل جدها ينفذ مارغبت به:داخلة في وجهك ماتخليه يدخل المجلس الا وهو مطلقني ابوفيصل وهو يوقفها بغضب من هذا الحال:لاتسوين كذا بيطلقش وهو مايشوف الدرب امسكت بيد جدها:تكفون خلوه يطلقني ابوسعد بهدوء:طلقها يالطام لطام وهو قد اصبحت عينيه اوسع من طبيعتها اضعاف مضاعفه من الصدمه والفجيعه فما جرى لها منذ قليل كانت هادئه وفرحه معي ماذا جرى لها اكاد افقد عقلي لطام وعينيه شاخصه فيها وهي تتحرك وتنطق بحبال موته:لامانيب بمطلقها ابوضيدان بغضب:شاهه التعني داخل شاهه وهي تنظر لجديها:تراني في وجيهكم ابوسعد بصرخه افزعت الجميع ماعدا لطام الغائب عن الوعي:لطام طلقها ابوفيصل بمثل الغضب:طلقهاااا تقدم بغضب قد اهتزت ارضه له امسك بشعرها من خلف غطاءها اتجهو الغير محارم لها للمجلس لكي لايتكشفوا عليها صرخ رجالها ليخلصوها منه دفعه ابولطام بقوه للخلف:انقلع الله ياخذ عمرك ماعاد الا تمد ايدك عليها وحنا ماجودين اتاهم صوت صارم ومتألم:لاتطلقها يالطام خل منك ذا الحكي اللي مامنه فود تقدم جده منه وامسك بياقة قميصه ليهمس بغضب عارم:طلقها طلقها قبل اثور فيك اغمض عينيه بألم لم يفهمه سوى جده القريب منه فهمس:مااقدر مااقدر الجد بهمس:طلق طلق اخلص علي فتح عينيه التي لم تسقط الا في عمق عينيها التي يرى فيها الحب لطام وهو ينظر لها وقد غاب الجميع عن انظاره ليقول بهمس:تبيني اطلقش ياشاهه اشاحت بنظرها عنه لتقول:طلقني ابوناصر بتهدئه للوضع المتأزم:ياجماعه اذكرو الله وش جرا لكم تفرقت الاصوات:الف من ذكره ام سعد وهي تبكي:يامش تعوذي من الشيطان اللي جرالكم ويش هو ابوسعد بغضب:ام سعد الله يرحم والديش خليهم ام سعد بزعل باكي:ياويل قلبي تبيني اشوفهم يتفرقون من غير سبب واسكت ابوسعد:هذا اللي هم جابوه لعمرهم ثم التفت للطام الذي ينظر لتلك الواقفه في احضان جدها:طلقها وانا ابيك يكون فيها خيره ان شاء الله لطام وهو لايزيح نظره عنها:شاهه تراش طالق لكنه اكملها وهو يبرك على ركبتيه وهو يمسك قلبه ليتلقفه والده وابو ناصر وابو ضيدان الجده يهلع:يويلي اسم الله على ولدي اتجه الجدان له وهم يتطمنون عليه اما هي فقد جلست على ركبتيها امامه لتراه رفع نظره للاعلى ليأخذ نفس فقد ضاق نفسه ولاطاقة به ولكنها توقفت انفاسه وهو ينظر لعينيها استجمع قوته ليدفع الجميع عنه ويتجه للبوابه جارياً وهم خلفه يتهاتفون اقتربت جدتها لتضربها على كتفيها بقوتها الضعيفه:ليه ليه كذا وش سوى بش ابولطام وهو يبعدها عن شاهه:يمه يمه افا هذي كتبة ربش صرخ ابوضيدات:ياعوااااااال اتو جميعهم يركضون ابوضيدان وهو يشير للبوابه بغضب:الحقوا ذا الخبل شوفوه وين راح اتجهوا جميعهم للبوابه لكنها كانت صامده ولاشخص بجانبها اتجهو لسيارتهم والقلق يتملكهم فانطلقو يبحثون عنه ابوضيدان وهو يوقفها بعنف:يالله قومي انقلعي داخل ابوسعد بغضب:ناصر خلها ابوفيصل بعصبيه:اقصر ايدك ياناصر ثم اردف بهدوء:يابيش قومي داخل وقفتش كذا عايبه اومأت بالموافقه فلاتحتمل حتى ان تتكلم فهي تشعر بألم شديد في قلبها فقد استنزفت كل طاقتها في هذه المعركه اتجهت لمنز جدها وقفت امام الباب لكنه انفتح لتدخل وهي تسحب خطاها بتعب تلقتها يدي والدتها التي تضمها لصدرها:ليه يامش كذا ليه صرخت بألم فهي ماعادت تحتمل:آآآآآآه ه ه ه ه تكفين يمه خشيني ولاتطلعيني بكت امامهم وهي لم تفعلها من قبل تعالت اصوات بكاءهن ام شاهه وهي تضمها بقوه:تعوذي من الشيطان وانا امش اقتربت عليا لتنزع برقعها وعباءتها:الله يهديش تبكين وانتي اللي تبينه صار سكتت فجأه لتبعد والدتها وتقف بضب:كلكم السبب كلكم ثم هربت لغرفتها وهي تعود لها مطلقه وهي قد حرمت على لطام ام شاهه ببكاء:ان لله وانا اليه راجعون وش اللي جرا لهم ام لطام وهي تبكي:ثمينه قومي دقي على بداح ولا عساف شوفيهم عينو اخيش ولا لأ ام نهار بحزن:الله يحفظه الجميع:آميييين عليا وهي تقف:انا بروح اشوفها اتجهت لغرفة شاهه دخلت وهي تسمعها وهي تبكي وتقول:لطام تكفى لاتسكت تكلم رد علي دخلت وهي قلقه فقد ظنتها تكلم نفسها لكنها صعقت وهي تراها تمسك بتلفون جدتها وتكلمه اسرعت لها لتأخذ الهاتف منها وتغلقه فتصرخ فيها:خبل انتي انتي ذالحين حرام عليه صرخت فيها غاضبه:لا لا موصحيح عليا وهي قد بدأت بتأنيبها:لا صحيح الحين ماتبينه صحيح اجل ليه تسوين به كذا جيتو مافيكم الا العافيه وتقومين قدام خلق الله تقولين له طلقني لا وترجينهم بعد يخلونه يطلقش تستاهلين مايصير لش انتي اللي جبتيه لنفسش وخبز خبزتيه يارفله اكليه ضيعتيه من ايدش ياشاهه خلاص لطام ماضي ماضي وراح شاهه برجاء وهي تبكي بقوه:تكفين عليا لاتقولين كذا عليا وهي تمسكها بقوه وتقول لها بحيره:شاهه تحسسيني ان فيش نوع من الجنون ثم اردفت بغضب:الحين تقولين مابيك وطلقني وعقبه تعودين تصيحين وتبكين تقولين ابيك الرجال مهوب لعبه ياشاهه شاهه وهي تجلس على سريرها:ماسويت اللي سويته الا عشانكم عشانكم ذبحته وذبحت نفسي ياعليا عليا وهي تضمها:خلاص شاهه ارتاحي انتي بروحش تعبانه شاهه ببكاء صامت مؤلم:ويني وين الراحه ياعليا وانا مادري وين ارضه من سماه عليا وهي تهمس لها وكأنها ترجعها للواقع الذي رفضه عقلها الراغب به:خلاص خلاص انسيه حل الصمت عليهن .................................... دخلو وهو معهم ابوسعد وهو يقف بلهفه:وينك فيه يابيك جلس بجانب جده بتعب:وين بكون نفداك ماجود رحت لي في مشوار علم انه لايريد اعادة فتح الموضوع وقف ابولطام وابنائه الذين سيطر عليهم التعب:يالله تمسون على خير الجميع:الساري في خير وقف لطام:اتنوني بروح معكم ثم ذهب معهم للمنزل الجد وهو يلتفت لشقيقه:ياوالله اللي به علم لطام ماينتفخ صدره ولا يسود وجهه الا من شي كبير ابوفيصل بضيق:ان لله انا اليه راجعون مدري وش اللي عوكسهم ابوسعد وهو يتنهد:والله لوانها ماطلبتني ودخلت في وجهي والله مااخليه يطلقها وانا حي ابوفيصل:الله يهداها ضيقت صدري وعومستني باللي سوته ثم وقف ليقول بصوت عالي:يالله اسمحو لنا حنا نترخص وانفض المجلس وذهب الجميع لمنازلهم .................................... في منزل ابولطام دخل غرفته التي تمنى ان يدخلها وهي معه جلس على سريره ليذهب بأفكاره المؤلمه ليه سوت كذا ليه............. ياشين حياتي من دونها ياالله عاوني على اني اكمل حياتي من غيرها بس انا بردها ايه بردها معقوله تعرس وتاخذ غيري ياخبلي اللي مافكرت بكذا والله لاخليها تدري شعرها ابيض ماعرفت من الرياجيل الا انا عشت وبموت مانيب ساج من عيونها اللي في كل مره اشوفها تدخلني في متاهه واعذب متاهه انتفض واقفاً حقيره حيوانه بليده جامده خبيثه ثم صرخ بأعلى صوته:خاااااااييييييننننه خاينه ياشاهه خاينه وبدأ يفرغ غضبه بصراخ وتدمير لما حوله في الغرفه استمر على حاله لمدة خمس دقائق ليدخل شقيقيه ووالده ووالدته وشقيقته امسك به اخواه اقترب منه والده ليمسك بوجهه ليوقظه من الصدمه فصرخ به:لططاااام لطاااااام لم ينظر لوالده فقد نكس كل الرايات والده بحزم وهو يرفع وجهه:لاتنزل راسك مره وراحت وخلصنا وبدالها عشر بعدين لاتعترض على مر الله امسكت والدته الباكيه بكفه لتقول:ياولدي انا اجوزك عشر مثلها بس لاتسوي في نفسك كذا تكفى يامك والله اني امرض لاشفتك تسوي كذا تخلص من شقيقيه الممسكان به ليضمها في داخل اضلاه لطام وهو يضمها وبقوه وكأنه يملأ فراغ شاسع لامجال لملؤه:لاتبكين يمه تدرين اني مابي اشوف دموعش لاتزيدينها علي ام لطام وهي تمسح دموعها:وش اسوي غصب لطام وهو يقف بجسد انحنى كتفيه وصعب تحريك يديه وبشموخ بان في وجهه وارتفاع عنقه الطويل:خلاص اللي صار صار ومن اليوم لش مني اطوي ذا الصفحه وانساها ابولطام:يابيك لوان سواتك ذا بتردها عليك كان حنا سويناها قبلك لكن انت توجع عمرك على ولاشي لطام وهو يقبل جبين والده:اسمحولي ازعجتكم تقدرون ترتاحون ذالحين ذهب الجميع لغرفته بعد ان القى كل منهم بكلمات التآزر ليوقظوه من سباته اما هو فقد اختبئ في فراشه وهو لايرى سوى هي همس وعلى فمه ابتسامة سخريه:يبوني انساها..... الله مانساها الين اتوسد يميني |
البارت الثالث والثلاثون .......................................... مر اسبوع على ماحدث في منزل ابو سعد ام شاهه بعصبيه:ياعليياااا ياحصصصه يالله عليا وهي تركض على الدرج:هلا هلا يمه هذا حنا جينا ام شاهه بعصبيه اكثر:والخبل الاخرى وينها حصه وهي تغلق عباءتها:هذا انا يمه ام شاهه بضيق:الله يمحق على عدوكن تأخرنا عليا وهي تلبس نقابها:آسفيين يابنت ناصر هذا حنا خلصنا ام شاهه بحزن:ذا اللي فوق هيب جايه بعد عليا وهي تتنهد بضيق:كالعاده ام شاهه وهي تتجه للباب:اجل اخلصن يالله وخرجن لتبقى هي وجدتها في المنزل نزلت للدور السفلي فمنذ اتت لم تنزل الا اليوم اتجهت للصاله لتجلس بتعب ووهن ذهبت بتفكيرها له هو وحده فقد مضى اسبوع ولا لهم سوى (لطـــام) حزن لطام عصبية لطام غضب لطام المتزايد والذي لامبرر له اقتربت جدتها الغاضبه والتي لاتسلم عليها منذ ان حدث ماحدث ام سعد بغضب:قومي انقلعي من وجهي وش مقعدش هنيا شاهه بصوتها المبحوح:يمه جعلني فداش شفيش علي الجده وهي تضربها بعصاها على كتفها:ولش عين تكلمين بعد قومي لحجرتش وقفت لتتجه لغرفتها ليوقفها صوته الغاضب:شاهه تعالي ام سعد بضيق:لطام خلها تفارقني ابوسعد بعتب:ام سعد الله يهديش اللي صار صار وشاهه بنتش ام سعد بنفي:لا مهيب بنتي بنتي ماتسوي اللي سوته ذا المهبوله شاهه بتعب:يمه تأكدي اني ماسويت كذا الا يوم ضاقت فيني الوسيعه ام سعد بعصبيه:وش ضيق الدنيا عليش هو لاطم خدش ولا لاعن جدش شاهه بهدوء:حشاه...... الظليمه شينه ثم اردفت:انا بعلمكم وش صار بس اقعدوا ام سعد وهي تتجه لغرفتها:مابي اسمع شي شاهه وهي تمسك بيد جدتها برجاء:تكفين يمه اسمعيني ابوسعد:ام سعد تعالي اسمعيها شوي جلست الجده على غير رضا جلست امامهم لتبدأ قصة معاناته:انا ربيت في حضونكم واكيد انكم شفتو كل اللي صار لي لكن اللي ماتعرفونه اني من يوم وعيت على الدنيا وانا كل يوم اموت وانا اشوف كل اللي حولي لهم ام الا انا حتى ابي نافرني من حياته كنت العب واصبح وارقد في حضن لطام ومافيه في حياتي الا هو دخلت المدرسه ولطام ابي وامي يوصلني ويجيبني وانتو خابرين وكبرت وكبرت الين صار عمري احدعش سنه وكنت العب عنده في المجلس ويومها عيرتني رفيقتي وقالت لي انتي ماعندش ام ولا اب بكيت وبكيت الين تعبت رحت للطام وقعدت في حضنه وسألته لطام وين امي مارد علي قلت له لطام صدق انا ماعندي ام تدرون وش قالي قالي امش قطتش علينا وقالت ماتبيش صدمني وش سويت عشان امي تحذفني كرهت لطام ونفرت منه قمت من يوم اشوفه انخش عشان مااشوفه واتذكر ان امي ماتبنيي كبرت شوي وهو كل ماجا سأل عني مع السنين سلى ودله مني بس انا الضو اللي في كبدي ماانطفت الا زادت يوم عقب يوم واللي زادها يوم قال ابي يقعدني من المدرسه وانا آخر سنه ولالي رفيقات عشان ما يمنعوني من المدرسه بس ماسلمت وعقبها لبسني برقع كني عجوز وانا اشوف اللي كبري يلبسون نقاب ويعيبون علي بالضحك بس كنت احتر واشب ضو وعقبها خلوني خدامه حتى خدامه ماجابوا عشان الله عطاهم خدامه ببلاش كرهت امي والسبه هم بس يوم شفتها دريت ان امي مالها ذنب وانهم هم ساس البلا خطبني وخذيته وانا ناويه له بنيه ويوم سافرنا قالي ان امي ......... ان امي ..... انه عين عند امي رجال كرهت الدنيا في ذيك اللحظه مادريت شسوي بس اللي زاد في نفسي اني ابي آخذ حقي منه جاو اهلي وراحو وانا ماعرفت السالفه صدق ولا كذب ويوم عودنا عرفت اني اذا خليته يطلقني غصب عنه بيوجعه وجع كبير عقب ماعرفت انه يحبني ام سعد وهي تمسح دموعها:يابنتي والله لاتشوفينه ذالحين ان يمرض قلبش من شيفته ابوسعد بهدوء:اجل اسمعن دامش بديتي بذاالشي بنكمله حنا الثلاثه شاهه يابيش حنا جاتنا براءة امش عقب ماسافرتو عشان كذا انا ابي اعلم الثنين درس ماينسونه ام سعد بيأس:اثنين ذولا بالذات ماينقدر عليهم ابوسعد وهو يقف:انا اللي برويش فيهم ثم ذهب للمجلس شاهه بحزن:يمه لطام تغير ام سعد بألم:لطام يامش يادافع البلا ماعاد ينتحاكى دايم وهو يخانق ويلافط ولاهوب صوب احد اغمضت عينيها بألم لتهمس:آسفه والله آسفه ام سعد بضيق:شاهه يامش لاتزعلين علي تراني ماسويت كذا الا لمصلحتش شاهه وهي تجلس بجانب جدتها لتختبئ في صدرها:يلو ازعل على الدنيا كلها ماازعل عليش ام سعد بقلق:الله يستر من جدش وش هو بيسوي فيهم شاهه وقد خرت دمعتها التي لم تعد تستطيع السيطره عليها:يمه تدرين وش ودي ام سعد بحزن:وشش ودش يامي شاهه وهي تخبئ وجهها في صدر جدتها:ودي اشوف لطام ام سعد بحيره مؤلمه:اجل ليه سويتي به كذا شاهه وهي تبكي:لانه آجعني اكبر وجعي له طرق باب المنزل ام شاهه:روحي يامش شوفي من اللي عند الباب وقفت شاهه وهي تمسح دموعها:ان شاء الله اتجهت للباب بخطواتها المترنحه اثر تعبها شاهه من خلف الباب:من عند الباب اجابتها سهام خرقت قلبها:انقلعي من الباب خليني ادخل اتجهت للمطبخ وهي تتخيله امامها اما هو من خلف الباب:هذي والله القراده يوم جيت من يوم جيت ماجيت بيتهم ويوم جيت اشوف جدتي اسمع صوتها وين يبرى جرحي فتح الباب وهو يتنهد بألم:سلام عليكم ام سعد بفرح:وعليكم السلام يامرحبا والله اني صادقه يالله حي ولدي اللي ماجاني من يوم جا لطام وهو يجلس بجانبها بعد ان قبل جبينها:مشغول يمه ام سعد بعتب:خليتني وانا عجوز وتعبانه كل يوم اتعنى لبيت ابيك عشانك ولا اعينك لطام وهو يقبل كفها المجعد:تدرين عرس العوال ماعاد دونه الا ثلاث اسابيع وندبك له ام سعد وقد تذكرت شاهه ورغبتها في رؤيته ام سعد:يامك تقهوى عندي اليوم لطام وهو يشعر بضيق منذ دخل المنزل:ماقدر فديتش المره الجايه ام سعد برجاء:طالبتك يامك والله اني قدني شفقه على شوفك لطام بألم وهو ينزل رأسه:ابشري يمه ام سعد بصوت عالي:شاااهه جيبي القهوه رفع رأسه بقوه لجدته:لماذا تجرون لي جميع انواع التعذيب اتودوني اموت ام تودوني اعشقها اكثر لقد بت انام وانا اتخيل انفاسها في احضاني ووجهها امامي هل من احد يشعر بمعاناتي استيقظ من سباته وهو يراها تتقدم وهي ترتدي بقعها وجلالها بالقهوه والشاي لتضعها امامهم وتستدير لتذهب للمطبخ بهدوء لكن ارجعها صوت جدتها:شاهه يامي تعالي صبي القهوه عادت لتجلس امامهم وهي لم ترفع عينيها حتى الان مدت يدها له ليأخذ لفنجال لكنه لم يأخذه رفعت وجهها لترى مالذي يحدث شعر بقلبه وهو يرتعش لكنه سيكمل مابدأه:الفنجال منش ماآخذه ام سعد بغضب:لطام عيب عليك ذا الحكي شاهه بهدوء لايريده هو:خليه يمه خليه يبرد حرته لطام بغضب:ماينرد عليش لانش ماتربيتي شاهه بقليل من النرفزه:انا متربيه غصب عليك وعلى غيرك رفع يده ليصفعها ليوقفه صوت جده الحازم:لطااااام نزل ايدك قبل اكسرها انزل يده وهي ينظر لعينيها بلهيب لوخرج لاحرق العالم:الشرهه على اللي خلا اهله وتغرب معش يوم كلن كف ايده منش الجد بغضب:انت تعيرها لطام وعينيه في عينيها:ماتستاهل اللي يحنها شاهه بمثل حالته:مثل ماانت ماتستاهل اللي يحنك ابوسعد ولازال غاضباً من هذا الوضع المعقد الذي يتكون امامه:شاااااهه ولاكلمه زياده انتو ماعاد تحشمون اتجه للطام ليمسك بعضده ويدفعه باتجاه الباب:انقلع انقلع ثم نظر لشاهه:وانتي لاعاد اشوفش في بيتي صعقت من قرار جدها الجائر لها شاهه بصدمه:يبه وين اروح الجد بغضب:روحي معه لطام وهو يخرج:وانا ماابيها خلوها عندكم بكت وهي تجلس على الكنبه وقد مات قلبها من كلمته :لايريدني لايريدني لكنه يحبني اقسم بذلك فما في عينيه نفسه ي عيني لكن انا خائنه وهو مخلص .................................................. ....... مر شهر وهاهو حل الفرح مره اخرى على ديارهم في منزل ابولطام كانت تركض على الدرج وخلفها الخادمه تحمل الفستان الابيض ثمينه وهي تتجه للصاله التي يتواجد والدها واشقائها:السلام عليكم الجميع:وعليكم السلام ابولطام وهو يشير بجانبه:تعالي عندي اتجهت لوالدها وهي تردع عبره تكاد تفجر بكاء عنيف:لبيه ابولطام وهو يضم كتفيها ويبتسم بحنان:مثل ذا المكان وعمرش اربع سنين وتلعبين في حضني قلت لامش الله يحينا الين نجوز ثمينه ام لطام بفرح:وهذا ربي اكرمنا واليوم عرسها صدمو وهم يسمعون بكاءها وهي تضم والدها بقوه فهاد بضحك:وش عاد يسكتها بداح وهو يجلس بجانبها:ثمون ترا عادي نطرد نهار ابولطام بابتسامه وهو يضمها:على كيفك نطرده فهاد:هههههههه عاد ابي صدق ابولطام وهو يبعدها ويمسح دمعاتها الرقيقه:افا افا وانا ابيش ليه تبكين ثمينه بصوتها المبلول:ماودي ابعد عنكم ابولطام وهو يمسح على شعرها:مابه بعد ان شاء الله كلنا في حوش واحد ولابغيتينا تعالي ولاعليش من احد لطام الهادئ كعادته الاخيره:يبه انت كذا تكبر راسها ابولطام:ماعليكم مني انا وبنتي ام لطام وهي تقف وترتدي عباءتها:يالله يامي تأخرنا وقفت وهي تلبس عباءتها ثم اتجهت لوالدها لتقبل رأسه ابولطام وهو يضمها:الله يوفقش يابيش ثم اتجهت لذلك الحزين:يالله مع السلامه لطام وهو يقبل جبينها بحب:الله في رجالش ولاتغضبينه ثمينه:ابشر ثم اتجهت لبداح ليضمها بقوه:ان ضايقش ولا سوا بش شي دقي علي بس والله لاكسر عظامه ثم غمز لها بمرح:بس ان زعلتيه ذبحتش ضحكت بخفه ثم اتجهت لفهاد الذي يبتسم بحب فهاد:احرصي على عمرش وراعي الله ف كل شي تسوينه ثمينه بحب خاص له:ان شاء الله ثم خرجت مع والدتها وهم يراقبونها وكأنهم يوادعونها ................................................ في منزل ابولطام كانن يجلسن في الصاله حول فطورهم الصمت يستحل المكان والوضع عليا بضيق منذ اقترب موعد العرس:يالله خلونا نمشي حصه وهي تقطع الخبز دون ان تأكله:لا شوي وقفت عليا:لا خل نمشي وضعت الجده يدها على فخذ حصه:ها يالله يالحصي مع السلامه وانا امش واحرصي على رجالش ولاتحسين خاطره ولاعطاش من قلبه عطيه من روحش واهله خليهم في حبة عينش ترا لاشاف حبش لهم زاد حبه لش حصه وهي تضم جدتها ودموعها تنسكب بقوه:ابشري يمه ام شاهه وهي توقفها:انتي ماتعبتي من البكي من البارحه وانتي تبكين الجده بفرح:وش يبيكيها عند فليح المصدوع والله ان يصردعها ويصدعها ولدي واعرفه غار يامش عقليه تراه مطيفيق ضحك الجميع ماعدا من كانت تجلس بجانب جدتها ام شاهه وهي تلبس عباءتها وبناتها مثلها واتجهوا للباب خارجين ام سعد وهي تنظر لشاهه الصامته:وش قومش يامش شاهه وهي تقبل كتفها:مافيني شي الجده بضيق وحزن لحالهم:ماحد يعرفش مثلي تراه قفا ومن قفا ماله معواد من غير شر عليه شاهه وهي تسكب القهوه لجدتها:الله كريم يمه الجد وهي تتنهد:الله يكتب اللي فيه هدا وصالح الجده بصوت عالي:يالغبره جيبي دواي شاهه بابتسامه ميته:يمه اسمها كيتا الجده بضيق:اللي هو ماداني شوف وجهها شاهه وهي تضع يدها على فخذ جدتها يمه ابيش توديني الطبيب الجده بقلق:عسا ماشر ارب مافيش شي شاهه:لا يمه بس عندي موعد الجده:ها يالله قومي اوديش وبعد مرور ساعه كانن في المستشفى الجده:روحي وانا بتناش هنيا شاهه:ابشري ثم توجهت للقسم الذي تريده وتركت الجده خلفها ..................................... في صالون الرجال فهاد وهو يضحك بقوه:فلاح اخلعت الهندي فلاح بغضب:اجل اقوله سو لي قفل يسويلي سكسوكه ثم اردف وهو يقول للهندي:هزا لهيا مو سيم سيم انا يبي لازم انتا غير عاد فهاد للضحك بشده:فلاح هو يفهم فلاح وهو ينظر لنفسه في المرآه ليقول بحيره:ياخي الظاهر انه يفهم بالملقلوب عبط الدنيا فهاد:يابن الحلال خلصت بس ياللخ عشان نكمل باقي اغراضنا قبل المغرب فلاح وهو يقف:يالله يالله خلنا نسبق نهار واللي معه فهاد وهو يضحك:في مستبقه حنا فلاح وهو يسحبه ليخرجا من الحلاق:ان قعدنا كذا بيسبقونا .................................... في صالون رجالي آخر نهار وهو لنفسه ليبتسم برضا:مضبوط عساف وبداح:مضبوط نهار:وين لطام بداح:كالعاده عند جدي وجدتي ايام العطله عساف:عفن عندهم نهار:الله لايخلينا منهم ثم اردف:ياشباب انا ماطلعت ثوبي عساف:اجل يالله خلنا نمشي ثم اتجهوا للباب ليجدوا فلاح امامهم نهار وهو يضحك:هههههههه انت متى خلصت فلاح بكبرياء:حبيبي هذا الشغل المضبوط مهوب شغلك بداح باستغراب:انت مو قلت انك بتسوي قفل فهاد:ههههههههه عبطه الحلاق نهار:هذا الشغل المظبوط فلاح وهو يلكز فهاد:انت تشتغل في نشرة الاخبار ضحك الجميع ثم توزعوا لاكمال اعمالهم ................................... في المستشفى كانت تمشي متجهه لجدتها بين فرح وحزن بين امل ويأس شاهه بهدوء:يالله يمه وقفت الجده :ها بشري وش قالو لش شاهه وهي تسندها:امشي السياره واعلمش ثم اتجهو للسياره ومنها للبيت شاهه وهي تنزع برقعها وعباءتها لتجلس بجانب جدتها وامام جدها شاهه باستغراب:شعندك يبه في البيت الجد:يابيش كلن لاهي والمجلس فضا علي وجيت اريح شاهه بفرح على غير عادتها منذ شهر:احسن لانك وحشتني الجده بفرح لفرحها:الله يديم الفرح عليش يامي شاهه وهي تنزل انظارها خجلاً مماستقوله شاهه بخجل:انا عندي لكم خبر ابوسعد بحيره:خير يابيش شاهه وهي تضع يدها على بطنها:بيزيد عددكم ام سعد وهي تمسك بيدها بفرح غير طبيعي:انتي صادقه يامش شاهه بخجل فظيع:ماجاش الا الصدق ابوسعد وعيناه تشع بفرح عارم:يامرحبا عد من قال لااله الا الله ام سعد وقد فاضت عيناها فرحاً:كلللللللللللللللللللللللللللللوووووووووش شاهه وهي تنظر لفرحتهما:بس لازم ادخل المستشفى الين اولد ام سعد برعب:لييه شاهه بحزن:لان جسمي مايحتمل الى ذالحين ابوسعد بحيره:وشلون يابيش شاهه:يبه يعني حملي مهوب ثابت الجده بأمل:لا بيثبت بأمر الله ان شاء الله الجميع:ان شاء الله ام سعد:ابوسعد ذق لي على لطام شاهه بفزع:لا لا خلوها عقب العرس نعلمهم كلهم الجده:ماعليك منها دق لي على ولدي خلني افرحه ابوسعد وهو يضغط الاتصال السريع:ماهوب معلمه الا انا الجده بزعل:لطام خلني اعلمه شاهه بضحكه:خلاص صوتو له وعلموه مع بعض ابوسعد بفرح:يالله حي ابوسعد لطام بصوته الجامد:هلا يبه الله يحيك ابوسعد:وينك فيه لطام:في المجلس توني جاي ابوسعد:اجل تعال للبيت لطام باستغراب:ليه يبه ابوسعد:تعال واعلمك لطام:ابشر يالله جايك ابوسعد:مع السلامه |
البارت الرابع والثلاثون ..................................... وسعد وهو يضغط الاتصال السريع:ماهوب معلمه الا انا الجده بزعل:لطام خلني اعلمه شاهه بضحكه:خلاص صوتو له وعلموه مع بعض ابوسعد بفرح:يالله حي ابوسعد لطام بصوته الجامد:هلا يبه الله يحيك ابوسعد:وينك فيه لطام:في المجلس توني جاي ابوسعد:اجل تعال للبيت لطام باستغراب:ليه يبه ابوسعد:تعال واعلمك لطام:ابشر يالله جايك ابوسعد:مع السلامه وقفت هي لتختبئ عن انظاره لكن اوقفها جدها الذي قال بحزم:وينش رايحه شاهه بارتباك:شوي وباتي ابوسعد بهي:لا اقعدي شاهه بضيق:بجيب رقعي وبجي ثم تركتهم قبل ان تسمع اكثر ماان خرجت حتى طرق الباب ثم تلته نحنحه:ياولد ابوسعد بفرح:حياك حياك دخل ليقبل رأسيهما ثم يجلس بجانب جدته:شلونش ياروحي ام سعد بعتب:لو اني روحك كان ماهملتني لطام وهو يقبل يدها اهمل روحي ولااهملش فديتش ابوسعد بابتسامه اشرق بها وجهه:قبل مهملها وانت ماعندك شي لاعلمتك باللي عندي بتهملنا كلنا لطام وقد ابتسم بوهن لازمه منذ فتره:ايه حرشها علي انا مااهمل ام سعد ام سعد وهي تمسك بيده بقوه من فرط سعادتها التي ماعادت قادره على احتمالها:الا هملني ولاعليك مني ولامن احد لم ينتبه لكلامها ولم يسمع منه شيئاً وهو يرى من اتت تتهادى بخطواتها المتردده شاهه بهدوء:سلام عليكم الجميع:وعليكم السلام ابوسعد وهو يشير بجانبه:تعالي تعالي وانا ابيش جلست بجانبه وهي ترى غير عينيه التي نظرت لها حين دخلت ابوسعد وهو ينظر للطام بفرحه:وش بشارتي ياابوسعد لطام بهدوء:روحي فدا مهيب بشاره ابوسعد وهو ينظر لها بخجلها الذي اخفض ناظريها:بيجي سعد يابو سعد التفت لها بعنف ليقف غاضباً:وش هو ابوسعد باستغراب:اللي سمعته ليه وش فيك ضايق؟ لطام وهو يتجه لها غاضب احمر العينين مكفهر الوجه:ليه ليه سويتي كذا همست له وهي تقف امامه بخجل فظيع من سؤاله الغريب:لطام جدي وجدتي قاعدين زفر حيث تمالك اعصابه قليلاً:يبه انا ابي اكلم شاهه لحالنا الجد بحيره غاضبه:لا وعلمونا وش فيكم لطام بضيق:يبه ابي اتفاهم معها ابوسعد بخبث:الظاهر انك سجيت انك طلقتها انتفخ وجهه اكثر غضباً ام سعد باستغراب:يامك العلم ويش هو لطام وهو يزفر بقوه:العلم ان اللي في بطنها يمكن يذبحها ومهوب اكيد يعيش ابوسعد بلقلق:وشلون يذبحها لطام وهو ينظر لها بعصبيه:الدكتور قايل انها لازم ماتحمل ذالحين مهوب زين عليها ولا على البزر شاهه التي لتوها يتبين غضبها الذي لاحدود له بسبب كشف اسرارهم اولاً ثم نفوره من تلك النطفه التي لطالما تمنت ان تتكون في احشائها مزيجاً منها ومنه:وش تبيني اسوي هذا اللي الله كتبه لطام وهو ينظر لها وهو يرفع احد حاجبيه كعادته عند غضبه:تسوين انش تنزلينه شهقت بقوه وقد رفرفت الدموع في عينيها لتهمس وهي تنظر له بانكسار:انزل ولدي لطام وهو يشيح بوجهه عن عينيها التي لازالت تكسره وتثنيه عن مايريد ليقول بحزم:ايه تنزلينه ام سعد وقد بكت:يويلي يامك تذبح لها روح مالها ولاعليها خاف ربك ابوسعد بغضب:انت جاري في عقلك شي تبيها تذبح جنينها انت خبل ولاصاحي لطام وهو يخاطب نفسه:والله اني اشفق منكم عليه بس هي اغلى يروح هو ولاتروح هي ثم قال بصوت هادئ:يبه حياة البزر يعني موتها شاهه بعصبيه وانفعال:وحياته ابدي من حياتي ثم همست لكي لايسمعاها الجدان:ولا القلب اللي ابغض امه ابغضه لطام بنفس درجة الصوت:مابيه ياتي ويشوف بغض امه لابيه الجد بأمر:اسمعني انت وياها ذا البزر في بطنها الين يكتب لها ربي وتربي ان شاء الله ام سعد وهي تتجه للطام الواقف لتجره بيده فينحني عليها:ماودك ترد اميته لطام وهو يقبل رأسها:امه وابيه مثل الضو والحطب سمعته اقسم اني سمعت كلمته فالنار في صدري انا من فراقه الا يشعر بلهيبها الذي سيخرج ليحرق من حوله ابتعدت متجهه للداخل ام سعد بعتي:يامك ذالحين قد بينكم نفس راعوها وخلو منكم العناد لطام وهو يقول :اسمحي لي يمه قدني بروح تأخرت على العوال ثم خرج بسرعه ابوسعد بتعب:ذاالصبي لعب في عمره وبيلعب في ولده الجاي ام سعد ببكاء وهي تجلس بجانبه:وهي لعبت في عمرها وفيه وفي ذا الضعيف الجد وهو يطرق بعصاه على الارضيه:مهوب مصلحهم عقب الله الا انا .................................................. ...... في سيارة تحمل ام شاهه وحصه وعليا وضيدان الصغير ام شاهه بتوتر:حصوص اربش ماسجيتي من شي حصه بهدوء:لا ان شاء الله رن هاتفها لترفعه وتنظر للشاشه بعينيها الواسعتين المختبأه تحت غطاء ليس بشفاف ارتبكت من اتصاله فمنذ فتره وهو يوترها ضغطت على العلامه الخضراء:الو الطرف الاخر بنبره هادئه:هلا صباحش الخير ام شاهه وقد بدت عليها الرعشه:صباح النور الطرف الاخر:قلت ادق اصبح دامني ماشفتش اليوم الصبح ام شاهه بتوتر:اممممم ايه الطرف الاخر المستمتع:هههههههههههههههههههه عندش احد ام شاهه وقد ابتسمت لاشعورياً:ايه البنات معي متوجهين للفندق تامر شي الطرف الاخر:سلامتش ياروحي اشتعلت خجلاً لتقول:يالله مع السلامه الطرف الاخر باستعجال:ههههههه لحظه لحظه لاتصكين ام شاهه بصوت هامس:ناصر البنات عندي ابوضيدان:وش اسوي ماعاد بي صبر ام شاهه وقد رفرف قلبها بخفه دون ارادتها:المدى قريب ابوضيدان بنبره خافته:ليه بتاتيني ذالحين ام شاهه بابتسامه:مابه شي قبل الليل ابوضيان بصوت عالي:وش عاد يصبر ناصر ام شاهه وهي تخبئ ضحكتها:ابوضيدان يالله مع السلامه ابوضيدان:افا بتخليني ام شاهه بخبث جميل:وان خليتك قلبي مهوب معي ابوضيدان بفرح ورضا:صكي صكي قبل اجيكم ام شاهه بفرح:مع السلامه ابوضيدان:في حفظه انتي واللي معش اغلقت الهاتف لتنظر لبانتها فتجد ثلاثه اجواز من العيون مركزه عليها ام شاهه بارتباك:شفيكم ابيكم ينشد من ضيدان ثم سحبت ضيدان الذي في حضن عليا عليا بخبث ضاحك:اييييييييه ينشد من ضيدان حصه وقد تخلصت قليلاً من توترها:ان خليتك قلبي مهوب معي عليا بضحكه:لا وينشد من ضيدان ام شاهه وهي تفح بابها بخجل شديد:يالله انزلن وصلنا وخلن منكن من البربسه نزلن وهن يضحكن وقفت هي لبضع ثواني لتقول في نفسها وهي تبتسم بصدق:معقوله معقوله حنيت لناصر وليه مااحن له وهو مرويني زين الدنيا بس ....... ضيدان وهو يشد عباءتها:ماما يالله نروح امسكت بيده الصغيره:يالله يبه ثم دخلت لاتفكر بغيره الى ان بدأت المزينه بعملها مع حصه .................................. في طرف آخر كان في سيارته ويفكر بما حدث لطام:معقوله بيجي لي قطعه منها انا ابيه وهي امه ثم ضحك وهو يتخيل ذلك الصغير وهو يشبهها ثم تعالت ضحكاته اكثر واكثر حتي بدأ يقهقه بقوه شديده ضحك مطولاً لفتره ليست بقصيره ثم عاد لرشده ليتخيل حياته مع ذاك الصغير وكم سيفعل ويفعل من اجله التقط هاتفه ليتصل بوالدته اتاه صوتها المحبوب الخافت:الو لطام بفرح:هلا بام لطام ابتسمت وهي تسمع صوته المميز الله يخليك لام لطام لطام:ابشرش يمه ام لطام بترقب:خير وانا امك لطام بفرح اكثر:بتصيرين جده ام لطام ومباشره دون اي مقدمات:كللللللللللللللللللللللووووووووووششششش لطام:ههههههههههههه تراه مابعد جا ام لطام وهي تنزف دموع الفرح:ماجا وعاد لنا عيون لطام:يوم دريت قلت والله ماعلم احد قبلش ام لطام بفرح شديد:هذا اليوم المبارك ياسعد عيني اليوم سعداه لطام بحب:جعله دايم قولي لي عروسنا وشلونها ام لطام وهي تنظر لثمينه المرتبكه:عروسنا الزين كله لطام:اجل يالله اخليش يمه ببشر ابي ام لطام:علمه جعله مايجيني علمك ماتشوف شر فديتك اغلق الهاتف ليتصل بوالده وبعد ثواني اجاب والده بصوته الضخم:الووو لطام:هلا يبه وينك فيه ابولطام:انا في الحلاق وش عندك لطام بابتسامه:عندي ان ولي العهد بيشرف قريب ابولطام وهو يدفع الحلاق ويقف بفرح تجلت على محياه:كفو كفو يابوسعد جعله مبارك لطام:الله يبارك فيك ابولطام وهو يخاطب الحلاق:اسمع اليوم كلو نفر حلق انا حساب ضحك لطام لفرحة والده المبالغه:هههههههه قد ذا شيخ ابولطام بفرح:قده اشيخ منك لطام:اووووه بعتني وهو مابعد جا ابولطام بضحكه:هههههههه اي بالله بعتك ولاعاد تشوفك عيني بعد لطام:وش عاد يضمنا ابولطام:قل انا في وجه سعيد وادخلك البيت الليله لطام:انا في وجه سعيد مية مره ابولطام:ايه ذالحين تدخل ....... ثم ضحك الاثنان لطام وهو يستاذن:يالله مع السلامه ابولطام:الله يسلمك ثم انتهت المكالمه ليعود لطام لعالمه الجميل .................................................. . في الفندق ام شاهه بنرفزه:حصه اسكتي كل ماسوت المكياج خربتيه حصه وهي تمسح دموعها بحذر:ان شاء الله ثم اردفت وهي تنظر للمزينه:يالله عيدي جواهر وهي تقف بجانب ام شاهه:يمه ام شاهه وهي تنظر لحصه:لبيه جواهر وهي تقترب لعمتها لتهمس لها:يمه بشويش عليها ام شاهه وهي تهمس:يامش جننتني وجننت المره جواهر:يمه مرتبكه ومتوتره ام شاهه:ادري وانا امحق منها بس لاقعدت كذا المره ماهيب مظبطه مكياجها الصالونه اتت عليا وهي تحمل تلفون والدتها:يمه تلفونش يدق ام شاهه بضيق:من هو عليا وهي حرك حواجبها بخبث:ابي ام شاهه وهي تاخذ الجهاز وتبتعد عنهم ام شاهه بضيق:الوو ابوضيدان بروقان:حي ذا الصوت ام شاهه بخجل غلب الضيق:هلا ناصر ابوضيدان باستنكار:وضحه شفيش ام شاهه:آآه بنتك ذبحتني من اليوم وهي تبكي ابوضيدان بحزم:وش فيها وش مضايقها ام شاهه:متوتره ومعصبه وكل شي ابو ضيدان بأمر:عطيني اياها ام شاهه بفرح لهذا التطور:ان شاء الله ثم اتجهت لصغيرتها القلقه للغايه ام شاهه وهي تمد التلفون لحصه:حصوص ابيش يبيش حصه بفزع:ابي ليه وش فيه ام شاهه:اسم الله عليش مافيه شي كلميه بس اخذت الجهاز لتكلمه حصه بهمس قلق:الو ابوضيدان بوقاره:يالله حي بنت ناصر حصه بترقب:الله يحيك ابوضيدان بحب وكأنه لاول مره يكلمها لكنه آلمه خوفها منه:هاوش فيش تبكين حصه وقد عادت للبكاء:مافيني شي ابوضيدان بحزم رقيق:ليه ليه تبكين اسكتي وخليني افهم وبعد ان هدأت قليلاً:هلا ابوضيدان بحب بان في صوته:ابيع روحي لش وانا ابيش ان كان في خاطرش شي علميني عادت لبكاء عنيف حين سمعت كلماته التي صعقتها ام شاهه وهي تأخذ الجهاز:ناصر وش قلت لها ابوضيدان بضيق:انتو اي فندق ام شاهه باستغراب:ليه ابوضيدان:بجيكم ام شاهه:حنا فندق(........) ابوضيدان:ربع ساعه وانا عندكم ام شاهه:حياك الله ثم انهت المكالمه لتنظر لتلك الباكيه جواهر وهي تضم حصه:يمه شفيها ام شاهه وهي تجلس وتسحب حصه لاحضانها:مافيها الا الدلع عليا وهي تقترب منهم:وش فيكم جواهر:مدري كلمت ابيش وقعدت تبكي عليا بجزع:حصه ابي فيه شي ام شاهه:يابنت الحلال ابيش مافيه شي بس اختش الله يهديها مدري شفيها اليوم وبعد مرور ربع ساعه كان تلفون ام شاهه يرن ام شاهه وهي تضغط الزر الاخضر:الو ابوضيدان:افتحوا الباب انا عنده ام شاهه وهي تتجه للباب:ان شاء الله فتحت الباب وهي تلف غطاءها على رأسها فقط ابوضيدان وهو يرفع رأسه:سلام علـــــــــ صمت وهو ينظر لوجهها القمري فكعادته ينخرس حين يراها فجأه:سلام عليكم ام شاهه:وعليكم السلام تقدم للداخل ليرى باستقباله عليا التي قبلته:وش عندك يبه مشرفنا ضحك فهاهي صغيرتي المازحه على الدوم:ههههههه جيت اشوف خشتش .... جاي اشوف اختش تصنمت في مكانها:ايعقل ان هذا المازح والدي الجامد على الدوم رباه ان كنت احلم لاتوقظني ام شاهه وهي تلكز عليا:وش فيش عليا وهي تبتسم بخفه:وش سويتي في ابي فجعت ام شاهه من كلامها لتضربها على كتفها:انتي مانتيب صاحيه عليا:هههههههههههههههههههههه ثم توجهت لداخل الغرفه الخاصه بشقيقتها دخلت للغرفه لتجد والدها يضم تلك التي ستفارقهم ابوضيدان:افا افا وانا ابيش وش يبكيش حصه ببكاء شديد:يبه تدري اني احبك شدها اكثر لحضنه:وانا احبش بس ان قعدتي كذا فطرت راسش ضحكت وهي في حضنها عليا وهي تقترب وتلصق نفسها بوالدها:اجل انا بعد احبك ضحكو جميعهم ضمها له مع اختها ليقول بصدق:والله انكن اغلى ماعندي انتن وامكن هربت للخارج خجله من اعترافه ولاتريد احد يشهد رعشتها من كلامه وبعد ان هدأت حصه وبعد ان مر الوقت ابوضيدان وهو ينظر لحصه:ها طاب خاطرش يالعوبه جبتيني مسرع حصه وهي تقبل لكتفه:جعلني ماابكيك عليا بجديه:يبه تكفى لاترجع مثل قبل ابوضيدان بابتسامه:واحد يعيف الجنه عليا:لو حنا دارين كان جوزناك امي من زمان تعالت ضحكاتهم لتدخل هي بفرحه عارمه:دامكم مستانسين بزيد الفرح فرح شاهه حامل صرخت عليا بقوه فرحاً بذلك القادم ابوضيدان بفرح كبير:جعله مبارك جعله مبارك حصه وهي تلتقط الهاتف من يد والدتها بسرعه لتخرج بسرعه اكبر عليا وهي تلحق بها:حصه امانه ماتكلمينها قبلي فخلا المكان عليهما اتجه لها وهو يحمل نظرة الخبث في عينيه:وش اسوي بش ذالحين ام شاهه بابتسامه جانبيه:اللي ودك ابوضيدان وهو يضمها له:اجل قلبش عندي ام شاهه وهي تدفن وجهها في عنقه:امممممم ابتعد بقوه حين رأى ضيدان الذي لتوه يستيقظ:ان خلصنا من بناتش ماخلصنا من ذا النتفه ام شاهه وهي تحمله وتقبله:ههههههههههه قلت لك مابه شي قبل الليل ابوضيدان وهو يحمل هواتفه ويتجه للباب:يالله مع السلامه تبعته:ماتشوف شر ودع صغيراته اللاتي لتوه يرى جمال التواصل معهن ....................................... في منزل ابوسعد كانت تجلس امام المزينه التي تجهز الادوات طرق الباب شاهه بصوتها الناعم:ادخل دخلت الخادمه:ماما ماما كبير يقول غدا شاهه:اوكي خلاص استأذنت من المزينه ونزلت لتجد جديها جالسين ينتظرونها شاهه ولازالت واقفه:يمه يبه تغدو انا مابيه ام سعد بحزم:تعالي تغدي اخلصي علي تذبحين ولدي في بطنش شعرت بفرح لتلك الكلمات ابوسعد:تعالي جنبي انا اللي بغديش شاهه وهي تجلس امامهم على الارض:هههههههههه ليه بزر ام سعد بعتب:البزر اشوا منش المفروض انش تحرصين على عمرش عشان ذاالروح شاهه وهي تمد يدها معهم:ابشري ثم بدأوا بالاكل بعد ام انتهول من الغداء شاهه وهي تبعد يدها عن الاكل بتعب:الحمدلله نظررت لجديها اللذان ينظران لها شاهه بخجل:ادري ماعاد خليت لكم شي الجده وهي تعطيها الكأس المملوء باللبن:اسعد ماعندنا يوم نشوفش تاكلين كذا شاهه بحياء:مدري شفيني عييت اشبع ابوسعد بفرح:ابرك اكلي واملي بطنش وان بغيتي قلنا للخادمه تجيب لش بعد شاهه وقد احمر وجهها:هههه لايبه الحمدلله خلصت كانت تكذب فلازال الجوع يحتل معدتها وقفت بتعب:يالله انا بروح للمره فوق تبون شي الجد والجده:سلامتش ثم ذهبت للاعلى لتبدأ بزينتها الجد باستغراب:هي شعندها ماراحت مع خواتها الجده:قالته لها امها بس الله يهديها تقول لارحت من يقعد عند جداني الجد وهو يقف:يابنت الحلال ان كان حنا بخيتين قعدو لنا شاهه ولطام ولا غيرهم كلن في عمره الجد وهي تقف معه:عز الله انك صادق ......................................... في الفندق دلال التي لتوها تدخل:سلااام عليكم ام شاهه وهي تضمها:هلا ومرحبا فديتش دلال بحماس:شلونكم وشخباركم ام شاهه وهي تنظر خلف دلال:طيبين اختش وينها دلال وهي تنزع غطاءها:يعني وينها عند سي السيد عيا يخليها تروح معي ام شاهه وهي تبتسم:جعلني قبله من عمره مايدانيها تروح مع احد دلال وهي تغمز لعمتها:حب طفوله ثم اردفت بخبث:وانتي وش مسويه مع حب طفولتش ام شاهه وهي تتجه للجناح بخجل:جعل عدوش الطرم انتي وعليا دلال:هههههههههههههههههه عليا التي توجهت للسلام على دلال:هلااااا ومرحبا بنصفي الثاني دلال وهي تضمها:هلا فيش يالقاطعه عليا:ههههههه ياختي انتي اللي قطعتي عقب اخر مره كلمتش فيها دلال وهي تذكر مافعلنه بثمينه:هههههههههههههههه اما بنت عمش ذي مصخره عليا:ههههههههههه اسكتي عقبها ماعاد تحاكيني دلال وهي تغمز لها:اجل اللي سويناه شوي عليا:وانتي عقب مااعرستي خرب تفكيرش دلال وقد تأقلمت مع الوضع:ودي بس اشوف وجهها يوم جاها البوكس عليا:تخيلي يوم رحت لهم عينتها تبكي وخالتي ام لطام تهديها وتقولها من اللي ضايقش وانا ارويش فيه دلال:بروح اشوفها وينها عليا وهي تشير لها على باب جانبي:افتحي الباب وتعينينها في وجهش دلال:ماشاء الله قصراكم ثم اردفت:بسلم على حصوص اول بعدين بروح اقعد عندها شوي ثم اتجهتا للداخل .......................... في الجناح المجاور نوره وهي تنظر لمسكة الورد الخاصه بثمينه عادت بذاكرتها لصباح اليوم كانت تنزل من سلم منزلهم الخارجي مع والدها لتذهب للفندق وقف والدها الذي يكلم عساف وبداح بداح وهو يقبل جبين خاله:صبحك بالخير يبه ابونهار:صبحه بالرضا والسرور بداح ممازحاص خاله:لا قل صبحه بالوجه اللي يفتح نفسه مهوب ذا اللي جنبي كنه ابو الهول ابونهار:ههههههههههه شد حيلك عساف وهو يلكز كتف بداح:اجل انا ابو الهول ياخال السبيت ضحك الجميع بداح:افا تعيرني قدام العرب ابونهار:انا عرب ياالسلوقي بداح وهو يقبل جبين خاله:الله يمحق على عساف هذا اللي هو بيجيبه لي على ذا الصبح ابونهار وهو يستأذنهم ويمازحهم:وخرو من دربي قبل تحثلونها ابتعد الاثنان ليمر ابونهار لكن ذهب عساف مسرعاً للداخل ليحضر هاتفه مر ابونهار وبعده نوره التي كانت بعيده عنهم خجلاً من بداح لكن ماان مرت من امامه حتى قال لها وهو يخفض نظرها:غطي عيونش قبل اغطي نظرش |
البارت الخامس والثلاثون ................................ لكن ماان مرت من امامه حتى قال لها وهو يخفض نظرها:غطي عيونش قبل اغطي نظرش لم ترفع عينيها له لكنها قالت:مهوب انت اللي تامرني رفع نظره ليرى تلك اللبوءه الشرسه التي حتى الخجل لم يسكتها لكنها قد رحلت من امامه لتركب مع والدها همس بغضب:والله ان تحسفين يانوره جا الدور عليش عساف:بداح يالله ترا تأخرنا بداح وهو يتجه للسياره:وانا اللي مأخرك ركبا السياره امسك بداح بيد عساف:عساف وش تقول لو اناسبك عساف وقد تهلل وجهه فرحاً:اليوم المبارك ...................................... في منزل ابو ناصر وضحه وهي تقف امامه بعتب:ناصر حرام عليك ليه ماخليتني اروح مع دلول ناصر وهو يشاهد التلفاز:وضحه خلاص عاد كم مره بقولش اني ماحبش تروحين مع غيري وضحه:ناصر غيرك اختي ناصر:ولو بعدين ليه ماتجيش الصالونه هنيا احسن وضحه وهي تجلس بجانبه:تكفى ناصر قوم ودنـــــــــ وقفت بسرعه وهي تكشر بوجهها:ناصر اف ريحتك خايسه ناصر بصدمه وهو يشتم رائحته:حرام عليش مافيني ريحه لم يكمل كلمته حتى اتجهت للحمام لتتقيأ لحق بها لتغلق باب الحمام في وجهه وهي تصرخ:وش جايبك عاد لجلسته وهو يشتم نفسه ليقول لنفسه:والله مافيني ريحه وش سالفتها عادت له وهي تمسح فمها بتعب جلست بعيداً عنه وهي تضع المنديل على انفها:ناصر الله يهديك متى آخر مره متسبح ناصر بصدمه:وضحه شفيش توني اليوم متسبح قبل اروح الدوام وضحه بقرف:خلاص مره ثانيه تسبح الصبح والعصر وفالليل ناصر:لذا الدرجه ريحتي طالعه وضحه بضيق:بشكل مانخيله وقف ليتجه للحمام:اول مره صراحه تقولين لي فيك ريحه رن هاتفها لتلتقطه ابتسمت وهي ترى اسم منزلهم يزين هاتفها وضحه بحب:لبى معاليق قلبش ام وضحه بصوتها الحنون:لبى والله روحش يامي وضحه:شلونش فديتش ام وضحه:طيبه بس رجيلاتي يامش توجعني شوي وضحه:خلاص بكره اروح انا وياش لمراجعتش ام وضحه:ماعليش مني علميني بس ليه مارحتي مع اختش تزينين وضحه بضيق:ناصر الله يهديه عيا ام وضحه:معليه وانا امش دقي على الصالونه خليها تاتيش في البيت وضحه:اني كلمتها وبتاتيني عقب شوي ام وضحه:ناصر وينه وضحه بقرف:يتسبح ريحته صايره خايسه ام وضحه بعصبيه فهي تحب ناصر كأبنها ولاترضى ان يذم سواء من بناتها ام من غيرهن:الخايس انتي يالكلبه وضحه:هههههههههه نسيت انش ماترضين عليه بس يمه والله صارلي كم يوم لاشفته زمت علي كبدي ام وضحه:اسم الله عليش اخاف داخلش برد وضحه:مدري والله ام وضحه وكأنها تذكرت شيئ:وضحه دورتش منتظمه وضحه:لا يمه صار لها متأخره شهر ونص ام وضحه وقد دب الفرح في قلبها:وضحه الظاهر انش حامل وضحه بصدمه:حامل ام وضحه بفرح:اسمعي انا بطرش لش جهاز مع السايق وضحه ولازالت في صدمتها:ماشي ثم انهت المكالمه وضعت يدها على بطنها لتبتسم بفرح وهي تتخيل انها تحمل في احشاءها طفله هو المعشوق في كل حالاته ........................................ في جناح ثمينه دلال وهي تضحك:هههههههههههههههههه كل ذا زعل ثم اقتربت لتسلم على ثمينه دفعتها لتبعدها بزعل كاذب:انقلعي هناك انتي والخايسه اللي وراش عليا التي تقف خلف دلال:ههههههههههههه ترا مايسوى علينا اللي سويناه نوره بابتسامه:ليه وش مهببات ثمينه بقهر:تخيلي جنوني اربعة ايام وهن يدزلي رسايل وهدايا ويقولن لي انه نهار معرس وعنده تسعة بزران وانهن نسوانه لا وضابطات الدور يدقن من تلفون خالتي ام وضحه وانا مت من الحره شككوني لا ووحده تقولي خافي من ربش تاخذين رجالنا اللي مالنا الاهو حنا وذا البزارين ضحكت عليا بقوه لتقول:لا قولي لها وش قلت لش ثمينه وهي تشهق:هئهئهئ وش قلتي تخيلي النوري تقولي مالت على ذا الوجه من زينش ياخذش علينا والله كرهت ارد على التلفون اخاف ارفعه واعينهن على الخط تعالت ضحكات نوره ودلال وعليا:هههههههههههههههههههههههههههههههه ثمينه تكمل بقهر:لا والمصيبه ماآخذ الا الخدامه جايبة لي كراتين الهدايا نوره وهي لازالت تضحك:وانتي صدقتي ثمينه:اقولش ضابطين الدور دلال وهي تضربها بخفه على كتفها:يعني انتي مدمغه وش تبيني اسوي فيش عليا وهي تضحك:لا ولاجيتهم القاها تفكر وضايقه واقولها شفيش تقولي مافيني شي حتى امي نوره تقولي شوفيها شفيها ضايقه صرخت فيهن المزينه:هبيبي ممكن اطلئ برا عليا وهي تخرج:اطلعن قبل تصلخكن ثم تفرقن يتضاحكن فرحاً ........................................... في منزل ابوسعد نزلت الى الدور السفلي الساعه السادسه والنصف كانت تحمل عباءتها في يدها وتمسك بثوبها في يدها الاخرى الجده كانت تجلس غاضبه من تأخر شاهه في نظرها الجده بعصبيه:ياشاههههههه اخلصي علي ابطينا شاهه بابتسامه:هلا يمه هذا انا جيت فديتش التفتت الجده لها لتبتسم رضا عما تراه الجده وهي تقف:اسم الله عليش يامش ماالوم لطيم لاقام يحر ويبرك دب الفرح في قلبها من تلك السيره تخيلت لو انه يراها فتح الباب دون سابق انذار ليقول ذاك الصوت المتملل:يالله يايـمه تأخرنا علــــــــ صمت صدمة وشوقاً ولهفة لها تلك الايه في الجمال لتلك الفاتنه التي لم يسبق ان رأت عين في جمالها الاخاذ سواء كان في شعرها الذي يغطيها من رأسها وحتى اخمص قدميها مرافقاً له سواده الشديد او كان في وجهها اسطوري الجمال او كان في جسمها الفارع الطول المتموج بين خصر وردف وغيره من انثناءتها صرخت احشاءه:ربااااااه اي قلب احمله وانا صامد امام هذا الجمال اعني يالهي لما لاتبتسم حتى تكتمل فرحتي بنظر في محياها همس بصوت مسموع قليلاً: بـنـت الكحيـلـه مهـرتـي وخيالتي من كـل اصيـل ألـقـى علـيـهـا طـربـتـي بـيـن المعـنـق والشـلـيـل صــدر وقـطــاة فـلـوتـي العنـق والسـاق الطـويـل وقــع الحـوافـر نغـمـتـي وحداتنـا رجـع الصهـيـل ابداع\دايم السيف ام سعد وهي تبتسم لولعه لها وحبها الجنوني له:لطام وراك يابوي تراجع مبتسماً وهو لايرى سوى بهاءها منذ قليل:اخلصو ابطينا الجده وهي تلبس عباءتها:اخلصي اخلصي صدعتي الصبي وهو مصدعه زمانه اتجهت لتجلس على الكنبه في هدوء تام خالي من كل شي الا من ابتسامه شوق وحب وخجل ام سعد باستغراب:شاهه يامش فيش شي شاهه وهي تقف:لايمه مافيني شي ام سعد بضحكه:والله انش امحق منه يالله اخلصي قبل يهون ارتدن اغطيتهن ثم اتجهن لسيارته . . . . ركبن السياره وسط هدوءه وعطره الطاغي على المكان الجده:يالله جعلني قبلك توكل على الرحمن لطام وهو يراها في مرآته الاماميه:يالله ثم تحركت السايره حامله داخلها جو متوتر عم الهدوء في السياره كانت تنظر باستكشاف تريد ان تلتقط كل ماحوى يديه وجسده وانفاسه رأت له سبحه مرميه تحت كرسيه اخذتها ووضعتها في حقيبتها بهدوء اما هو كان متشتت من حظورها امتدت يده لتضغط انامله على المسجل فيرتفع الصوت قليلاً: استكثرك وقتي علي غدابك عادة زماني كل ما طاب هون ليت الذي وداك يازين جابك يشوف عقبك كيف الأيام سون شرق مشيت وغرب وقتي مشابك والقلب ماله لايمن فيك لو أن طويتني طي الورق في كتابك حتى معاليق الحشا لك تطون اغلق المسجل قبل اكتمال الاغنية لطما بلا شعور وبصوت خافت:آآآه ه ه ه ام سعد وهي تضع يدها على يده المجاوره لها:اسم الله على جوفك صمت لم يعرف ماذا يقول اما هي فقد كانت تدفع الدموع والعبره بكل قوه لكنها لم تقدر على دفع حسره وندم في قلبها بعد ان مر الوقت الممل المشوش قال بهدوء وهو يوقف السياره:وصلنا ثم اردف بصوت حازم:خلي منش الخبال واركدي ثم التفت لجدته ليجدها قد نزلت ليقول لها:لاتهقين ان زينش يشفع لش في اللي سويتيه نزلت بسرعه وهي تقاوم رغبة البكاء اغلقت الباب بقوه ليتنهد بألم:يالله عليك شكواي ثم تحركت السياره وهي تحمل قلب شاهه معها الجده وهي تمسك بشاهه:يالله يابنتي ابطينا ثم اتجهتا للداخل ................................. الساعه التاسعه مساءاً دلال وهي تلكز شاهه وتغمز لها بخبث:اما انتي اليوم ناويه تبوريني انا والمصدع خواتش ضحكت رغم الامها:ههههههههههههه وين ابورش وانتي مولعه بذا الاحمر دلال:قلت يمكن اي ثوره تشوفني تخطبني تعالت ضحكاتها التي زادتها فتنه:هههههههههههههههه لكن اصمتها همس خلفها احدى النساء الكبيرات في السن:ياويل قلبي ان كان ذي بنت ناصر اللي عند ولد سعد الامرأه الاخرى:الله الله هي المرأه1:حرام ذا الزين في ولد سعد المعقد المرأه2:يقولون انه طلقها عشان يعرس بغيرها المرأه1:هئئئئئ يعرس على ذي اكيد انه اعمى دلال وهي تهمس لشاهه بضيق:شاهه امشي نروح هناك احسن شاهه وهي تمسك بيد دلال:لا المرأه2:يخب عليه ذا الحلا الاسود المخنز شاهه بغضب:المخنز والله انتي ياللي تاكلين في لحم العرب ولاتخافين من ربش ثم تركتها وذهبت لتقف بجانب والدتها ام شاهه وهي تنظر لشاهه باستغراب:شفيش دلال التي وقفت بجانبهم:مافيها شي ثم سحبتها لتدخلا دورة المياه .................................... في جناح ثمينه ثمينه وهي تمسك بيد والدتها بتوتر عظيم:يمه خليش معي ام لطام:عندش يامي بس خليني البس عباتي تركت يد والدتها لتبدأ بدعك اناملها بخجل وبعد مضي القليل من الدقائق دخل بطوله الفارع وبجانبه والده وجده تقدم جدها ليقبل رأسها بحب:مبروك وانا ابيش ثمينه بخجل وصوت منخفض دق له قلب ذلك العاشق:الله يبارك فيك ثم تقدم خالها:مبروك يابنتي ثمينه بعبره:الله يبارك فيك ابونهار:تراني من اليوم ورايح ابيش مانيب ابيه ام لطام بحب كبير:جعلني قبلك انت ابيها من قبل ابونهار:ادري بس خلاص تبريت منه عشان ثمينه ثم التفت لنهار السارح:وش تقول يانهار نهار بارتباك:ها ايه ايه ابوم نهار وهو يتجه للباب مع عمه:يييوووه نهار ضاعت عليومه من ذالحين تقدم ليقف بجانبها وهو يكتسحه شعور غريب لذيذ لكنه قاطعهم ام لطام:يالله يابوي صورو عشان تسرون نوره وهي تتقدم لتقبل شقيقها:مبروك فديتك ترا والله من اليوم وانا عند فلاح مدري وش فيه الليله نهار:الله يبارك فيش والله ياخيش هذا فلاح صداعه فيه دايم تعالت ضحكاتهم ماعدا تلك الخجله ام نهار وهي تدخل:كللللللللللللللللللووووووووووووششششششششششش ثم اردفت وهي تقبله بفرح عارم:مبروك جعلني قبلك نهار وهو يقبل جبينها:الله يابرك فيش ....... وين امي شاهه ام سعد وهي تتقدم منهم:لبيه تقوله امك شاهه نهار وهو يقبل جبينها:لو انش ماجيتي كان ماتعديت مكاني ام سعد:جعل عيني ماتبكيك باركت له بحب وحنان ثم تركوهم لالتقاط الصور ........................................... اما امام جناح حصه حيث يتمركز التوتر والقلق ابوسعد بغضب:اركد بتاخذ قلب البنت ذالحين فلاح بضيق استعجال:طيب يالله دخلوني ابونهار:اركد قبل اخذها معي البيت فلاح بصدمه:لا لا وش تاخذها خلاص وبعد مرور ربع ساعه كان يدخل وهو يبحث عننها بينهن ليجدها بهالتها البيضاء الناعمه والرقيقه تقدم الثلاثه ابوسعد وهو يضمها:جعله مبارك لم تجبه ام شاهه:الله يبارك فيك يبه ومن ثم ابونهار وثم ام نهار ونوره اللتان اتتا مسرعتان وجاء الدور له تقدم بهدوء مضاد لحالته قبل قليل قبل جبينها تحت انظار والدته ووالدتها وشقيقته ليهمس باعجاب:مبروك دفعته والدته بعتب:فلاح وش فيك يابوي فلا بفرح بعد ان اطمأن:مافيني شي بس اخلصو علي ام شاهه بابتسامه:وين تو الناس وراكم التصوير فلاح برفض:لا لا مافيه تصوير خلونا نمشي بس ام نهار بعتب:فلاح لاحقين على الخير كله بس صورو اول فلاح برفض اشد:مالش لوا يمه انتي وامي وضحه حنا بنسري بس شوفو لنا درب ام شاهه:اللي ودك يابوي ثم اتجهت للخارج تحت انظار حصه المرعوبه شد العرسان رحالهم لفنادقهم ................................... في سماء حب نهار وثمينه نهار وهوو يمسك بيدها:حياش تفضلي دخلت بتوتر لتنزع غطاءها عن ملامح لطالما كانت عشق نهار الازلي نهار وهو يتقدم ليقف امامها بعد ان خلع بشته ويقول وهو يقبل عينيها وهي بحالة الصدمه من جراءته: اخلفتني نظرة عيون الهنوفه خلفة الصقار لا شاف الحباري واقت النظره على قلبي تشوفه واشعل بقلبي كما البرّاق ساري صد عني طاغي النظره مروفه ظالم(ن) قلبي وهو بالظلم داري ثم اكمل وهو يرفع ذقنها لينظر بعينيها الخجلتين بهيام وعشق ياحبيبي صدتك عني حسوفه ارسل سهوم الذوابح لاتداري ارسل رماح الهوا وارسل سيوفه يشتهيك القلب في كل الطواري عيني لحسن الذي غيرك عيوفه في عيوني غيرك من الحسن عاري ابداع\دايم السيف ثم اردف:لاعاد تصدين بنظرش عني اشفق على عيونش مثل شفقة الظميان على الما ثم ابتعد قليلاً بعد ان تدارك نفسه:روحي بدلي وتعالي تنتعشى اومأت برأسها وهي تتجه للغرفه ماان اغلقت على نفسها الباب لتهمس:مايستحي مايستحي ثم اتجهت للدولاب لتستخرج ملابسها بعد ان مرت ساعه الا ربع فتحت الباب لتتهادى له بخجل راقي وقف لها مبهوراً بها مبهور بحلمه الدائم جلس وهو يجلسها بجانبه ليبدآ بالعشاء حيث كانت تحرك الملعقه في صحنها وهو ينظر لها بتدقيق ثمينه بصوت خافت:الحمدلله نهار بابتسامه:وانتي كليتي شي ثمينه بخجل:شبعت نهار:ادري اني دبلت كبدش وانا اشبح فيش بس بتصدقيني ان قلت لش انه غصب عني اردف بهمس وهو يقترب منها:تدرين اني احبش والله احبش واحبش واحبش احبش لتيضيع حبه في اجواءهم المشحونه ......................................... اما في سماء تهور فلاح وحصه كانت تجلس مخفضه انظارها الخجله بجانبه فلاح وهو لتوه يتكلم منذ دخلو:تبين عشا حصه:.................. فلاح بضحكه:ههههههههههههههه انتي مستحيه تجمعت الدموع في عينيها فلاح وقد لمح دمعاتها ليقول باحراج:اممممم حصه آسف والله اني مرتبك ولا ادري وش اهبب وقفت بسرعه لتسقط بقوه عليه لتنفجر بكاءاً شديداً فلاح بصدمه:ليه تبكين حصه ببكاء:فلاح فلاح وهو يبتسم:لبيه حصه:فلاح فلاح:لبيه حصه:فلاح فلاح:هههههههه مانتيب غلطانه انا فلاح حصه:آآآآ فلاح قوم عن ثوبي فلاح بعدم استيعاب:ها؟؟ حصه وهي تسحب فستانها:قوووم عن ثوبي ابتعد بسرعه ليقول:آسف مادريت وقفت بسرعه لتسقط مره اخرى حصه ببكاء مفجع:ابي بيتنا فلاح وهو يضمها:يابنت الحلال اذكري الله ترا انا بشتري لش ثوب جديد حصه وهي تبكي:انزين وخر عن ثوبي فلاح:حصه شفيش هذا انا وخرت عنه حصه:انت دايس عليه ابعد قدمه عن فستانها لتهم بالوقوف لكنه امسك بها ليهمس في اذنها:يابنت خليش كذا كل شوي وانتي طايحه الله مهوب كاتب لش نجاه الليله لتهمس بخجل وهي تدفعه لكن دون جدوى:فلااااااح وخر فلاح بصوت مكتوم:لأ اخاف عليش تطيحين |
البارت السادس والثلاثون ..................................... في قاعة الافراح عليا وهي تمسك بيد شاهه بخوف:شاهه شفيش شاهه وهي تتألم:عليا نادي امي بسرعه اتجهت عليا لوالدتها التي تتحدث مع احدى النساء الكبيرات في السن عليا بصوت خافت:يمه ام شاهه وهي تلتفت لعليا لترى ملامح القلق على وجهها:هلا عليا عليا بخوف:يمه شاهه تعبانه ام شاهه وهي تمسك بيد عليا برعب:وينها عليا وهي تسحب والدتها:هناك اتجهتا لها حيث تجلس في احدى الغرف الجانبيه ام شاهه وهي تجلس بجانب صغيرتها:شاهه امي شفيش شاهه وقد اعتصرها الالم:يمه تعبانه حييل ام شاهه بخوف اكبر:وش تحسين فيه شاهه وهي تضغط على بطنها:يمه بطني يتقطع ام شاهه بغضب:وش انتي شاله ولاوش مسويه شاهه برعب:يمه ينزل معي دم ام شاهه وهب تقف وتساند شاهه:قومي قومي بسرعه خلينا نروح الطبيب عليا برعب:يمه اروح معكم ام شاهه بغضب:لا بس جيبي عباتي وشنطتي وعباة شاهه بسرعه ولاحد يدري ان حنا طلعنا من العرس عليا هي تتجه للخارج:ابشري وبعد ثواني اتت عليا وهي تحمل عباءة والدتها وحقيبتها وغطاء شاهه ام شاهه وهي تخرج هاتفها وتضغط بعض الارقام :عليا لبسي اختش عباتها ثم اردفت وهي تقول:سلام عليكم الطرف الاخر باستغراب:وعليكم السلام ام شاهه بجمود:لطام تعال لصالة النسوان لطام وهو يقف مصعوقاً:ليه وش فيكم ام شاهه وهي تتعمد ان تروعه:شاهه تعبانه حييل ونبي نوديها الطبيب لطام وهو يسرع بخطواته ليصل لسيارته:يالله يالله جايكم ام شاهه باستعجال:لاحد يدري لطام:ان شاء الله ثم انهت المكالمه لتقول لها شاهه المتألمه بشده:يمه ليه اخلعتيه ام شاهه وهي تلبس عباءتها:مايستاهل من يحنه صرخت بصوت مكتوم:آآآآآ امممممم يمه تكفين بموت ام شاهه وهي تجلسها وتضمها:اسم الله عليش ثم بدأت بقراءة بعض الايات القرآنيه لعلها تهدئ الالم قليلاً بعد ربع ساعه رن هاتف ام شاهه لترد عليه:هلا لطام لطام ببرود عكس مابداخله:يالله اظهرو انا برا واغلق الخط وقفت لتسند شاهه وتخرج بها للخارج . . . . . . . . كان يقف امام سيارته قلقاً متوتراً :ماذا حدث لها لماذا يابني تفعل بها هكذا لما الا ترأف بحال والدك قاطع افكاره صوت منخفض:لطام التفت لهم ليجد والدتها ممسكه بها وهي منحنيه وتمسك بطنها اقترب بسرعه ليسحبها من والدتها ويضمها وكأنه يسندها ولكنه كان يطفئ لهيب رعبه عليها يكاد يجن من حالها فهي ليست سوى مجموعة عظام من شدة نحلها لطام بجمود:يالله اركبي وانا بركبها اتجهت ام شاهه للسيارة لتركب اما هو فقد تفاجئ ببكاءها المرير بين احضانه ليبعدها قليلاً ويقول لها:اذكري ربش مابه الا العافيه لتقتله وهي تقول بصوتها المتقطع:والله والله اني احبك يالطام لم يستوعب ماقالته رمت بجسدها المتألم عليه وتقول:تكفى لطام مابيه يروح ابيه ابيه عشانه منك لطام وهو يتجه بها للسيارة:مهوب رايح ان شاء الله ركبت بجانب والدتها متجهين بها للمستشفى .......................................... في منزل ابولطام دخلت وهي تحارب دمعتها منذ ودعتها ابولطام بضيق:ياشين بيتكم من غير ثمينه ام لطام وقد انهمرت دموع قد حاربتها:جعلني قبلها خلا علي البيت من ذالحين ابولطام وهو يهدئها:اذكري الله وين هي رايحه مابينش وبينها الا حذفة عصا بداح وهو يدخل بهدوء اتجه لوالدته بسرعه ليقول لها بقلق:يمه شفيش جعلني قبلش ابولطام:مافيها الا اهوال تبكي عشان اختك اعرست بداح براحه:وقدها اياها ابولطام بحيره:بداح وين اخوانك بداح:فهاد يسفط سيارته برا وجاي ولطام ماشفته دخل فهاد:مسا الخير الجميع:مسا النور ابولطام:ماشفت لطام فهاد:دقيت عليه ويقول انه الدوام دقو عليه وبيمسي الليله هناك ام لطام:الله يحفظه ..................................... في منزل ابوسعد ابوضيدان بتوتر وقلق:مادري امها تقول تعبانه ام سعد التي تبكي بشده:جعل ربي يثبته ويملا به ايديها الجميع:آمييين ابوسعد بضيق:ومتى هم بيظهرونها ابوضيدان:ماهيب ظاهره الا عقب ماتربي رن هاتف ابوضيدان ليجيب:الو ام شاهه بتعب:هلا ناصر انت في البيت ابوضيدان وهو يبتعد عنهم:ايه ليه ام شاهه:تراني بمسي الليله عندها بس ابي لي اغراض ابوضيدان بحزن:ان شاء الله هي شلونها ذالحين ام شاهه بألم من حال صغيرتها:آآآه ه والله ماش ياناصر تعبت حيل ابوضيدان:لطام عندكم ام شاهه:ايه ابوضيدان بحب:تعبانه ام شاهه:شوي ابوضيدان:تعالي ريحي شوي واجيبش لها بكره الصبح ام شاهه:لا لا انا مانيب مخليتها الين تظهر ابوضيدان:لذا الدرجه تعبانه ام شاهه:جعل ربي يخلي ذا البزر ان صار في عدوه شي زر عقلها هي ابوضيدان:يالله مع السلامه انا جايكم ذالحين ام شاهه:مع السلامه ........................................... في غرفة شاهه بعد ان اقرو لها عملية الربط غداً صباحاً لطام وهو ينظر لها وهي تبكي بشده:ترا بكاش ذا يزيد من تعبش ولا يسرش شاهه بصوت مبحوح:ليه احس انك فرحان انه بيروح لطام بعصبيه:انا فرحان بموت ولدي غبيه انتي شاهه وهي تعود لبكاءها اللامتناهي:آآآآ ه ه ه ه صح انا غبيه اني قبلت اخذك واني قبلت اروح معك واني سلمتك نفسي لم يجيبها فهو يعلم بمدى تعلقها بتلك النطفه شاهه وكأنها تداركت شيئاً ما:لطام انت شلون تقعد معي وانا ماعلي غطا قوم اطلع برا لطام بابتسامة استهزاء:ههه لان اللي ماتعرفينه اني راجعتش عقب ساعه من طلاقي لش وابيش يدري شاهه بصاعقه من نبذه لها بهذا الشكل يراجعها ويرمي بها في بيت والدها يراجعها ولايريد طفلهم شاهه بصدمه وألم اكبر:ماتوقعت انك كارهني لذا الدرجة لطام بكذب:ولو يحصلي اذبحش كان ذبحتش شاهه بعصبيه باكيه:بس انت ذبحتني من زمان وانت ماتدري ثم اردفت بنبرة بكاء:ذبحتني من يوم عطيتك قلبي وحذفته لطام بغضب من ذلك الجرح:انا اللي حذفته ولا انتي اللي حذفتيني انا بكبري من حياتش لولا شي وياليت ان ذا الشي بيني وبينش الا قدام اخواني وابواني كلهم ثم اكمل بألم:طول عمرش انانية وماتفكرين الا بنفسش وقمت اخاف بكره ولدي ولا بنتي يغدون مثلش لم تواجهه سوى ب:حذفتني صغيره وحذفتك كبير قاطعهم دخول ام شاهه لطام بعصبيه:وش حذفتش فيه علميني شاهه بعصبيه مماثله:حذفتني يوم خليتني يتيمه وامي حيه حذفتني يوم قعدتني من الدراسه بدون سبب لطام وهو يقف ويتجه لها بغضب كاسح:لاني كنت خايف عليش ياغبيه ام شاهه بحزم:ماشاء الله هذا الاحترام شاهه وهي تعود للبكاء:يمه انا ماعاد اني اعود عليه خلاص خلاص تعبت منه لطام وهو يمسك بعضدها رافضاً نفورها منه:بتعودين معي غصب مهوب طيب ام شاهه وهي تبعده عنها:خلها اللي فيها كافيها لطام بكره:كله اللي حنا فيه منش ام شاهه وهي تبتعد منه لتفجره قائله:الظاهر انك مادريت ان الحق ظهر لطام تعدم استيعاب:وش حقه ام شاهه بتشفي:الحق ان ابو محمد آل دبيس جا وقال اللي صار واني انا مالي شغل وولده هو سوى كذا انتقام منك في المره الاولى يوم كان جاي بيسرق تجمد تصنم وصعق وقذف به :ان كان كلامها صحيحاً يصبح اني اضعت عمري بسبب كذبه كذبه شاهه بصدمه:يعني كل اللي صار سببه لطام ام شاهه:ايه نعم كل اللي صار بسببه شاهه بألم يقطع احشاءها من حزنها:ليه ليه لطااام كذا ليـــــــــ لكنها انقطعت الكلمات حين صرخت:آآآآآآآآآآه ه ه ه ه بطني اقتربت والدتها لها بسرعه لتضمها:اسم الله عليش شفيش اما هو فقد اسرع متجهاً للممرضات اتى الطاقم الطبي ليكشف عليها الدكتور وهو يمسك لطام على طرف:يااخ لطام الجنين في خطر والنزيف حاد فلازم نسوي عملية الربط الحين لطام بقلق:خلاص سو اللي تشوفه قاموا بتجهيزها للعملية في هذه الاثناء اتى والدها ابوضيدان وهو ينظر للطاقم الطبي بقلق:وش فيهم لطام بجمود:تعبت وبيعملون لها ذا الحين ابوضيدان بضيق:ان لله وان اليه راجعون تم تجهيزها ليضعنها الممرضات على السرير الذي سيتجه بها لغرفة العمليات كانوا الثلاثه يرافقونها الى العمليات وسط دموعها وحزنها كان لطام ويمسك بيدها ووالدتها تمسك بيدها الاخرى حين وصلوا امام باب غرفة العمليات شاهه بصوت باكي:سستر خليني شويه ابتعدتا الممرضتين لتسحبه بيده لينزل لها وضعت يدها على خده لتقول بهمس باكي مؤلم:لطام انا احبك احبك حتى وعقب ماعرفت اللي عرفته بس تكفى لطام سامحني اخاف اموت ولا شي وانا داخل لم يجبها سوى بقبله طويله على جبينها جعلت والديها يبتعدا عنهما قليلاً وذلك من فرط خوفه عليها حيث لم يستطع ان يترجمه سوى بهذا التعبير ثم اقترب والدها ليمسك بيدها:اذكري ربش وانا ابيش لابه الا العافيه وعمليتش بسيطه ربي لك الحمد شاهه وهي تقبل كفه:جعلني مااذوق حزنك يبه ابوضيدان وهو يقبل جبينها:الله يرضى عليش يابيش ثم ابتعد لتقترب ام شاهه الحزينه التي لم تجف لها دمعه منذ ان صرخت متألمه ام شاهه وهي تقبل شاهه في خدها:امي انتي لاتخافين والله ان العمليه بسيطه وربي بيهون عليش ان شاء الله وتجيبين اللي في بطنش متعافي شاهه وهي تضم والدتها:الله يسمع منش يمه تقدمتا الممرضتين ليدفعا السرير للداخل .............................................. في طرف آخر كانت تنتظره بشوق لتزف له امنيته سمعت الباب يفتح ومن ثم يدخل بتفاصيله التي تعشقها ابتسم حين رآها تقف امامه بلباس السهره ناصر وهو يقبل خدها برقه:وش ذا الحلا وضحه وهي تشيح بوجهها عنه:الحلو عيونك ناصر بضيق:اي حلا وانتي تصددين مني وضحه بابتسامه:وش اسوي بولدك ناصر بعصبيه:وضحه بلا استهزاء وقوليلي ليه تصددين مني وضحه وهي تنظر له وتغطي انفها بيدها:قلت لك من ولدك ناصر بحيره غاضبه:وش ولده مابه الا راسي وراسش وضحه بدلع:ورويس ولدك عقب ثمان شهور ناصر وهو ينظر لها ويترجم ماقالته في عقله ليحملها فجأه وهو يقبل جميع تفاصيل وجهها ويصرخ:قولي والله قولي والله وضحه وهي تتمسك بعنقه:ههههههههههههه والله والله ناصر وهو ينزلها ويتجه للخارج:بعلم امي وابي تقدمت منه بسرعه لتمسك به بخجل:لا ناصر خلها بكره ابعد يدها وهو يكمل طريقه:مالها خانه اذا ماعلمتهم ذالحين ثم اختفى عن انظارها لتهمس:جعل ربي يخليك لي انت وياه ثم وضعت يدها على بطنها لتمسح عليه برفق |
| الساعة الآن 08:10 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir