|
البارت السابع والثلاثون .................................... في اليوم التالي في جناح نهار كانت لتوها تخرج من الحمام اعزكم الله بعد استحمام امتد لساعه وربع اتجهت لغرفة التبديل لترتدي فستانها البسيط وتتزين بعد ان مر الوقت خرجت بفستانها الفيروزي وقد تزينت بكحل داخل عينيها وملمع زهري نظرت له بحب حيث كان يتمدد على السرير نائماً وهويأخذ مساحة السرير بتمدد يديه اقتربت منه لتقف بجانبه فتهمس بخفوت:نهار نهار:......... ثمينه وهي تقترب اكثر من السرير:نهاااار نهار بخموول:هممممم ثمينه بخجل شديد:يالله قوم ترا اذن الظهر من زمان فتح عينيه ببطئ ليقول لها وهو ينظر لها بعشق وبابتسامه ساحره: يسعد صباحك .. ليلنا تو ماجا الشمس غابت واشرقت عندنا شمس ويسعد صباحك يابعد كل ماجا وماراح من عمري وانا في رجا الشمس ابتعدت منه خجلاً من غزله الدائم منذ لقائهم الاول نهار وهو يتمدد على ظهره ويضع يديه تحت راسه:ههههههههههههههههه وين طقيتي ثمينه من داخل غرفة التبديل:اجهز الاغراض عشان نمشي نظر للساعه ليراها قد تجاوزت الواحده فنهض بسرعه ليتجه للحمام ................................... في جبهه اخرى في جناح فلاح انعقد حاجبيه من ازعاج الهاتف الذي يرن باصرار مد يده باحثاً عن الهاتف دون ان يفتح عينيه اخذ الهاتف ليجيب بصوت ملؤه الخمول والكسل:ألووو الطرف الاخر:هههههههههه معرسنا عفن في فراشه فلاح:ههههههه وش عليك مني انا مااكلم عزابيه الطرف الاخر:هههههههه تنكرت يامعفن فلاح وهو ينظر لمن جعلت يده وساده لها:كم السلاعه فهاد فهاد:الساعه قدها ثنتين الا ربع فلا بصدمه:انت صادق فهاد بجديه:اي بالله حتى جدي ضايق الرياجيل اكتملوا وانتوا ماجيتوا فلاح:ليه نهار ماجا فهاد:لا بس يالله استعجلوا فلاح:يالله مع السلامه فهاد:مع السلامه اغلق الهاتف ليلتفت لها فيقول لها بصوت خافت:حصه حصوص حصه بعدم صحوه:همممم بس ياعليا فلاح وهو يهزها بخفه:اي عليا قومي انا فلاح فاجأته بنهوضها السريع العنيف وهي تقول:انا وش جابك هنيا فلاح وهو يتمدد براحه اكثر:خطفتش امس وجينا هنيا ثم اردف:اسكتي امس امش وابيش وجداني مبلغين علينا والشرطه تدور علينا يالله قومي بسرعه قبل لايدلون مكاننا وقفت لتذهب للاستحمام بخجل شديد دون ان تنظر له تعالت ضحكاته بقوه:ههههههههههههههههههههههههه .................................... في منزل ابوسعد اجتمع الجميع بعد ان قاموا بزيارة شاهه منذ الصباح ام سعد وهب تتحدث لاحدى النساء المسنات:ايه وشلونكم وشلون العوال والبنات المرأه:والله ابشرش فديتش كلنا طيبين ولاعلينا ثم اردفت بلؤم: الا ياام سعد هو صحيح اللي سمعناه ام سعد وقد فهمت مغزاها:وش اللي سمعتيه المرأه:ولد سعد مطلق بنت ناصر ام شاهه بفرحه وخبث:مالش لوا الا عنده وحويمل بعد المراه الاخرى بحسد:اييييه الله يرزقها عاد لابغيتي الصدق بنت ناصر ماشاء الله ماتناعف كل مامنها يشتري من النسوان عشر ام سعد بنفسها:اهب ياوجها بتقطع قلب بنتي قل اعوذ برب الفلق ثم اكملت بصوت عالي:ياعليااااا ياجواهر جواهر وهي تتقدم من الجده:لبيه يمه ام سعد بضيق:دقي على ثمينه وحصه جعلهن الجدري وانا استغفر الله ابطن وش قومهن جواهر وهي تلتقط هاتفها لتتصل بهن:ابشري فديتش ثم اتجهت لاحدى الغرف بعيداً عن الازعاج المرأه وهي تنظر لجواهر:ماشاء الله من ذا الترفه ام سعد بضيق من تلك المرأه:هذي جواهر بنت فيصل المرأه بدهشه:ماشاء الله قد بنت فيصل ذا الكبر ام سعد وهي تقوم لتشرف على الطعام الذي سيقدم:اعذرني بروح اشوف وش سون ذا البني ثم اتجهت للمطبخ لتجد فيه عليا ودلال ووضحه الصغيره ووضحه الكبيره ونوره المتألقه بشده اليوم رغم بساطة جمال ملامحها ام سعد وهي تدخل بحذر للمطبخ:سلام عليكن يالله اصلحهن يالله عليا وهي تضع السلطات في الصحون:يمه جعلني قبلش وش جايبش هنيا تزلقين ام سعد وهي تتقدم لداخل المطبخ:ماعليش مني يالبقره شوفي شغلش ثم اردفت وهي تنظر لوضحه بغضب:وضيحه وسلال فال العدو وش مدخلش هنيا وتشلشلين الصحون بعد برا برا وضحه بابتسامه:يمه فديتش الصحون خفيفه وانا لابسه نعال اكرمش الله واطيه ام سعد وهي تسحبها باصرار لخارج المطبخ:اقول خلي مني الحكي واظهري خواتش يشوفن شغلهن عليا:وانتي اظهري معها ام سعد باستهزاء:ياتالية الخيبه قدش تطرديني من مطبخي عليا:مانيب اطردش جعلني قبلش بس اخافش تطيحين ام سعد وهي تعود للاشراف على الاكل دلال وهي تهمس عليا بمرح وهن يجهزن بقية الاغراض:انش ماتدرين تبي الشايب لاجا يشوفها تحوف الغدا ضحكن بصوت خافت ام شاهه بهمه:اخلصن علي لاتضحكن اشتغلن ماان اكملت كلمتها حتى سمعت صوت النساء المتعالية بالخارج:ككككككككككلللللللللللللللللللللووووووووووو وووششششششش ش ام سعد وهي تخرج:حدا البنات جات عليا:شوفو شوفو من اليوم وانا احايلها تظهر ومعيه ويوم جت حدا العرايس ظهرت جواهر وهي تسكب الهريس في الاطباق:بنات ولاعليكن امر وحده منكن تكمل الباقي بروح اعطي امي دواها ام شاهه:الحمدلله رب العالمين تستشيرينهن روحي ولاعليش منهن نوره بعياره:لا لا ظلم حنا نشتغل وهي تروح في البراد عليا وهي تمثل البكاء:يابنت الحلال يسوون فينا كذا عشان حنا عنيس ولاغيرنا مدلع ومبقط ام شاهه وهي ترفع برقعها لتهوي على نفسها بسبب الجو الحار بشده:ياكبر جورش يامش ياقرد من هدفتي عليه ضحكن البقية اتتهن دلال بعد ان اعطت والدتها الدواء:بنات ترا ثمينه جات ام شاهه:وحصه ماجات جواهر:لا يمه اتاهن صوت ثمينه الخجل:سلام على الحلوات اتجهن لها جري ويتسابقن لها عليا ويه تدفعهن جميعهن:وخر خلوني اقبصها يمكن فيه منحوس ياخذني ثم بدان السلام عليها وتعليقات مخجله تحت تهديد ام شاهه طرق باب المطبخ ليأتي صوت مرتفع:ياوولللددد ام شاهه:يالله بنات روحن داخل خلاص كل شي خالص اتجهن جميعهن الا ثمينه ام شاهه:حياك دخل بوجهه المتعب:سلام عليــــــ لم يكمل وهو يبتسم لتلك الواقفه باناقتها:اوووه يالله حيها يالله حيها ثمينه وهي تضمه بقوه:الله يحيك فديتك هو بابتسامه:ها بشري ارب نهار ماقالش شي ترا ذالحين اثور فيه ثمينه بخجل:ههههه لا مسالم ضمها له بفرح:هههههههههه الله يهنيكم ثم اردف لام شاهه:ها يمه كل شي خالص ام شاهه وهي ترفع حاجبها استنكاراً لكلمة(يمه):ايه خالص لطام بتعب شديد:خلاص اجل خليش جاهزه بنحط الغدا وبنمشي ثمينه باستغراب:وين بتروحون ام شاهه:شاهه تعبت امس ودخلوها الطبيب ثمينه بحزن:اسم الله عليها وليه ماعلمتونا ام شاهه بحنان:ماله داعي نخلعكم كلها سهالات وانا امش ثمينه:بشروني منها ذالحين ام شاهه:ابشرش ذالحين احسن ثمينه براحه:الحمدلله لطام:هايالله ادخلن عشان يدخلون الهنود يشلون الصحون دخلن ليكملوا الخدم بحمل الاطباق ............................................... في صالة النساء ماان دخلت حتى رأت صغيرتها الخجله تدخل تعالت الاصوات:ككككككككلللللللللللووووووووووشششششششش اتجهت لصغيرتها لتسلم عليها ثم اتجه الجميع للسلام عليها وهي في قمة حرجها عليا وهي تهمس لها تحت اسماع البنات فقط:انا قلت على ذا التأخير بنشوفش تعرجين ولا وجهش مشقق بس الحمدلله طلعتي سليمه تضاحكن عليها وهي تضرب عليا بخفه:ياقليلة الادب عليا:وجع لاتضربين ولا مستقويه بفلاح ثم اكملت:ترا انا عندي امي وابي وجدي وجدتي وعمـــــ... دلال وهي تدفعها:بس بس ياكثر حكيش جبتي العايله كلها عليا بخبث:ايه دزيني عشان تسألينها وتاخذين العلوم منها دلال باحراج من جراءة عليا:وجع وجع صدق ماالومهم لاقالو مايسلم منش احد ضحكن البقيه عليها حصه وهي تبحث بعينيها:وين شاهه بان الحزن على وجوههم عليا بضيق:شاهه امس تعبت شوي وودوها الطبيب حصه بجزع:وهي ذالحين شلونها عليا وهي تطمنها:لا الحمدلله الحين احسن بواجد حصه بعتب وحزن عميق:وليه ماعلمتوني عليا وهي تريد تغيير مودها:قلنا ما نتعبش وانتي تعبانه اصلاً ابتعدت عنهن بخجل البقيه:ههههههههههههههههههههههههههههههه .............................................. في مجلس الرجال فلاح وهو يدفع نايف بعيداً عنه:روح روح هناك يالبزر نايف بنظرة الاستهزاء:ياعمي طير زين بزر وبزر والمصيبه انت اللي بزر فهاد:هههههههههه انا لومنه ماقول لاحد بزر عشان مايفشلوني فلاح بكبر كاذب:البزر اللي مهوب عاجبكم اعرس قبلكم فهاد:اخ في هذي صادق نايف:اهب ياوجيهم انا الحمدلله في قائمة المتزوجين مع وقف العمل ضحك الاثنان:ههههههههههههههه فلاح:يووه ماجاك شي قطعو كبدي قبلك فهاد وهو يمثل الرعب:اجل مانيب معرس نايف:اقول اعرس قبل ياخذون عليك توكيل ويجوزونك تعالت الاصوات من ضحك في جبهه اخرى كان يرسل لها رساله حين نغزه ناصر ناصر بابتسامه خبث:ها وش تسوي نهار باحراج:اكلم واحد من الشباب ناصر:هههههههه ترانا سبقناك عليها نهار باستنكار كاذب:ويش هي؟ ناصر:اكلم واحد من الشباب ..... اسمحولي الدوام طالبيني وغيرها وغيرها نهار و قد زاد احراجه:يارجال فضحتني ناصر:هههههه مااحد فاهمك انت وذاللي يضحك الا انا نهار:وش رايك ابوفيصل في ذا الصيفيه نصيف كلنا مع بعض ناصر وقد اعجب بالفكره:والله ماهيب شينه بس خلنا نشوف الجماعه نهار:اللي ودك ثم اكملوا حوارهم في مواضيع مختلفه ........................................ كانت ترتدي عباءتها بعد ان مسحت زينتها لتتوجه للمستشفى حصه بحزن:يمه تكفين حبيلي خشمها ام شاهه:يوصل............ يالله مع السلامه عليا لحصه:ترا حنا بنروح عقب شوي لها ثمينه بعد ان قرأت رسالة ذلك الذي سلب قلبها منذ ليله:صدق اجل انا بروح معكم ام لطام بحزم:قولي لرجلش اول ثمينه وهي تتجه لغرفه جانبيه:ابشري عليا بخبث:اجري اجري لايطق نهار ويخليش ام سعد وهي تحاول ان تقوم وهي تقول بغضب:تكفون قضبوني شوشتها عليا وهي تقترب من جدتها:ههههههههههه الا انا اللي جيتش بس بتصملين فيني ام سعد وهي تضربها بخفه:سلقه تدري قلبي مايطاوعني فيها ضحك الجميع:هههههههههههههه ام سعد وقد عادت لغضبها:انتي وش تاكلين من وراي انتي منفقعه ذا الايام دلال بانتقام:يمه قبل شوي كلت من الغدا الين ظهر مع خشمها(ظهر من خشمها=كنايه عن كميه هائله) ام سعد بيأس:انا يامش ايست منها قطعت كبدي ابيها تخف ذا الشحوم وهي كل يوم تزيد جعلها الوهم عليا:هههههههههه يمه وش اسوي يعني اموت من الجوع الجده بغضب:ايه موتي من الجوع ابرك منش وانتي ترتجين ضحك الجميع ام نهار بحب:يمه ماعاد الا علوي فديتها اتجهت عليا لعمتها وهي ترى ثمينه تجلس بعد مكالمتها لنهار عليا وهي تجلس بجانب ام نهار:يافديت اللي يحبني ثم اكملت وهي تمثل الخجل:ها رضا نهار على الموضوع اللي بالي بالش ثم نظرت لثمينه التي تتوعدها بقهر ثمينه بغبن:وش موضوعه الجده بعصبيه:بنتي صاقه وش الموضوع اللي بينكن عليا وهي تخفض صوتها بخجل كاذب:ابد امي صيته واعدتني تقنع نهار ياخذني والحمدلله وافق ثمينه:هئئئئ بتجاوريني يالخاينه الجده بغضب:ييييييييييييييييييو والله ياللي يجيبها لي له مابغى سارعت دلال وحصه وجواهر ليدفعاها للجده عليا وهي تصرخ:هدوني بتذبحني يامتخلفات والله اضحك عليكم ثمينه وهي تعلم بكذبها منذ البدايه فحبت الانتقام ثمينه بصوت باكي:اهئ اهئ اهئ ليه ليه كذا ياعلا علي هذا وانا اختش الجده بغضب اكبر:وتبكين اختش بعد ثم اكملت:ايه ايه قربنها مني ايه بعد ماان مسكتها حتى قامت بضربها بالعصا على كتفها :هذي على قلة حياش ياخطابة الرياجيل ثم ضربتها مره اخرى:وهذي عشان ثمينه عليا وهي تبتعد وتفرك كتفها:يمه والله اضحك عليش ام نهار وهي تضحك بشده كحال البقيه:ههههههههههههه يمه والله انها تكذب الجده وهي تنظر لها بنظرة شك:صدق ولا عليا وهي تقبلها:لا صدق بس انتي اللي ودش بضربي الجده:انتي اللي تجلبين البلا على عمرش واستمر الحال بين ضحك وحديث ........................................... في المستشفى دخل ووالدتها تتبعه لطام بصوت هادئ:سلام عليكم شاهه بابتسامه مرهقه ومتعبه للغايه:وعليكم السلا ثم اقتربت والدتها لتقبلها:ها بشري منش ذالحين شاهه:الحمدلله جلس بالكرسي الذي بالجهه اليمنى لها لطام وهو يمسك بيدها كنوع بالمؤازره رغم جمود ملامحه للغايه:ها ماقالو لش شي شاهه وهي تنظر له بحب انكرته عينيه:لا مااحد مر الى ذالحين ام شاهه وهي تخرج عصير وتسكبه في كوب لتقدمه لها:بيمرون ذالحين ويقولون مافيش الا العافيه ووليدش طيب الاثنان:آمين ام شاهه بجمود:لطام اصب لك قهوه لطام بنبره احترام غريبه في حنجرة لطام:ايه ولا عليش امر سكبت له فنجال ومدته له ثم جلست مقابله له لطام وقد تغيرت بنرة الصوت لديه:ام شاهه انا في خاطري شي ودي اقوله ام شاهه بجمود:اسمعك لطام وهو يقف ليتقدم لها ثم يفاجأها هي وابنتها وهو يقبل رأسها ام شاهه وهي تدفعه بخفه وهي جزعه وخجله:والله ماتدنق علي والله لطام وهو يبتعد قليلاً عنها بعد ان قبل رأسها:اجل صومي ثلاثة ايام ثم اردف باحترام لايليق الا به:هذا مهوب حقش يابنت ناصر غار السموحه مماجرى وصار وادري انه مهوب مكفيش الحكي عشان كذا حجزت لعشرين شخص للعمره في ثوابش وعشرين لحجة ذا السنه وكرامتش على باب بيتش اول مانعود والله ماتقولين كلمه الجمها خجلها منه ومن اعتذاره المميز الغريب المرضي دنيا وآخره شاهه بابتسامه يملؤها التعب:جعل ربي يزين الامور قولو آمييين الاثنان:آميين ام شاهه باحراج من كرمه:جعله يكثر خيرك وحبة الراس تكفي وانا امك ترا مابيني وبينك الا عتب والغالي مايعتب الا على الغالي وانت ولدي من عادك تاتيني كل يوم قبل المدرسه تلاعب شاهه لطام باحراج وهو يتذكر تأكيد الجميع للخبر:والله يايمه اللي سويته فيش ماله غفاريه والله اني مستحي منش لكن انا طالبش ان تبيحين مني وتحلليني فيما سويته ام شاهه بسرعه:ياولدي ربي سبحانه غفار وشلون حنا مانغفر وتراني بايحة منك يلطام ابن نوره دنيا وآخره قاطعهم دخول الدكتوره الدكتوره:السلام عليكم الجميع:وعليكم السلام الدكتوره وهي تتقدم من شاهه:ها شاهه شلونج اليوم ان شاء الله احسن شاهه بقليل من الفرح:لا الحمدلله اليوم احسن الدكتوره وهي تبدأ بشرح الوضع الصحي للأم والجنين:شوفي شاهه امس وصلتي كنت في حاله حرجه جداً بسبب المرض صار فيج نزيف لكن اليوم بعد التحاليل اكتشفنا ان حالتج تمام ام شاهه بفرح ولطام:الحمدلله ثم اكملت بمزح:هههه الظاهر ولدج متعلق فيج شاهه بفرح شديد:انا اللي متعلقه فيه يادكتوره الدكتوره:الله يخليه لج ان شاء الله وتشوفينه وحولينه عياله واحفاده ان شاء الله الجميع:ان شاء الله الدكتوره وهي تخرج:يالله ياشاهه اتمنى لج الصحه والعافيه انتي والجنين |
البارت الثامن والثلاثون ......................................... كان في الساحه الواسعه امام المنازل الثلاثه هو بصوته المنخفض العاشق:ها ماودش تاتين هي بخجل شديد:اممممم انا قلت لك ان حنا بنروح لشاهه هو بشوق:بتصدقين ان قلت لش انش وحشتيني هي بخجل طغى عليها:امم هو باستغراب:ثمينه شفيش ثمينه بصوت خافت جداً:عندي عرب نهار:هههههههه لبى روحش احرجتش ثمينه باحمرار تملك ملامحها:لا عادي نهار:طيب تعالي انا في الحوش الخلفي ثمينه:مااقدر نهار بتهديد ضاحك:ان ماجيتي جيتش وتلويت عليش قدام اللي عندش ثمينه وهي تقف بسرعه:يويلي لالا خلاص جايه نهار:ههههههههههههه يالله انتظرش ثم اغلق الهاتف ثمينه وهي تقف امام المرآه تضيف الكثير والكثير من العطر وتكثف ملمع شفاهها عليا وهي تمر من خلفها ومعها دلال:على وين ياحلوه ثمينه بخجل تخبيه عن الاثنتان:مالش شغل دلال بخبث مماثل لخبث عليا:الله واعلم ياعلوي انها رايحه لشايبها عليا وهي تضخم صوتها وتغني:هلاباللي لفاني ياهلا به ثم تعالت ضحكاتهن وهي منحرجه ولاتنظر لهن ثمينه وهي تقترب وتضرب الاثنتان:انتن مافيكن حيا عليا:خلينا الحيا لش انتي ورشدي اباظه ياسعاد حسني خرجت وهي خجله من اتجاهها له في الحديقه الخلفيه تقدمت بخطواتها الخجله له حيث كان يجلس على احد الكراسي وفوقه المظله التفت لها ليراها تتهادى له بخجل ليقول بصوته الشجي: شفتك وزاد بي الولع والشـوق غنيتهـا مـن ساعـه اقبلتـي عيني ماقد شافت كذا مخلـوق كنش علـى ذوقـي تشكلتـي قلتيلي اصبر بس انا المطفـوق عجلت في شوفـش وعجلتـي اثر معك لي مرسـل ومسبـوق عـز الله انـك قلتـي وطلتـي عين وشفـاه وعاتـق منتـوق وجسمـن تغطينـه ولاحتلتـي الليل عن وجه القمـر مفهـوق والعـود مالومـش الا ملتـي غصن على ساقي وفيه عـذوق وش الغريبـه لــو تمايلـتـي ثم ختمها وهي يضمها دون خجل كما سبق:يامرحبا من يوم سرتي الين جيتي ابتعدت عنه وهي تنظر للمكان لتقول خجله:نهار اخاف احد يجي ويشوفنا نهار بقليل من النرفزه:وش تذلين منه انا رجالش وانتي مرتي مااحد يطلبنا شي ثمينه:بس ولو احراج نهار وهو يجلسها ويجلس بجانبها ويضم كتفيها:لا احراج ولا شي وبعدين مااحد يجي في ذا المكان ثم اردف وهو ينظر لعينيها:اقول طيعيني خلينا نمشي ونروح بيتنا ثمينه برجاء رقيق:نهار والله لو اني ماقلت لهم انك وافقت اني اروح معهم ولا كان مشينا نهار وهو يقبل كفها الرقيق:ونهار يقول لش ماودش به سويه ثمينه بخجل:نهااار نهار:لبيه ولبيه ولبيه يقوله نهار ثمينه بخجل:تذكر يوم كنا في البر نهار وهو يبتسم:الله لايعوده يوم بغيت اموت وانا اسمع صوت بكاش وضعت يدها على كفه بجزع:اسم الله عليك من الموت نهار وهو يضمها بقوه:جعل من لامني في حبش جعله فالنار سكنت في احضانه وهي تسمع دقات قلبه ............................................... اما في الداخل الجده وهي تلكزها بعصاها:قومي قهوي رجلش وقفت لتسكب له القهوه وهو بجانب جدتها ماان مدت يدها بخجل له حتى امسك بيدها بقوه وهي صعقت منه تخاف ان ينتبه لها احد فكلهم كانوا لاهين عنها في الحديث حصه بصوت خافت:فلاح هدني فلح وهو يبتسم لها بخبث:لأ حصه بخجل:تكفى فلاح والله بيشوفونا فلاح وهو يغمز لها بتلاعب:خليهم يشوفونا حصه وهي تسحب يدها لكن لافائده اتاهم صوتها الضاحك:فلاح ووجع هد ايدها ترك يدها بسرعه وهو محرج:ماشاء الله يمه وانتي عينش عندنا اما هي فوضعت القهوه وهربت للداخل الجده:وش اسوي بك قاعد(ن) جنبي وتقولي عينش عندنا فلاح وهو ينظر للطريق الذي سلكته للداخل:هي وين راحت الجده وهي تمثل الجديه الصارمه الحازمه:فلاح يامك انا ابي حصه تمسي عندي الليله هي اللي تعرف لدواي فلاح بقهر وصدمه:يمه كلهم مايعرفون لدواش الجده:ايه مااحد يعرف له اللي هي فلاح بغبن وهو يعاود النظر لنفس الباب الذي دخلت منه:خلاص تمسي عندكم ثم وقف وهو متضايق:يالله انا بمشي تبون شي الجميع:سلامتك ثم خرج وهو يشتم نفسه ام نهار باستغراب:يمه انتي من صدقش ام سعد وهي تبتسم:لا يابنت الحلال بس اقول كذا عشان اشوف وش هو بيسوي ولا جا الليل وديناها له ضحكن جميعهن دخلن الفتيات ام سعد بجديه:حصوص يامي تراش بتمسين عندنا الليله حصه باحراج:ان شاء الله استغربن الفتيات من الذي يحدث ................................. في المستشفى كانت تجلس معهم وهي فرحه لانها ستخرج بعد مرور اسبوع ام شاهه وهي تخاطب لطام:يعني كلنا بنروح لطام:ابي لطام قبل شوي يحاكيني ويقول بنمشي للمزرعه عقب اسبوع كلنا ام شاهه:يكون خير ان شاء الله شاهه:وانا بروح معكم لطام بجمود:لا انتي تعبانه شاهه برجاء:لاتكفون بروح معكم ام شاهه بحزم:لا بالله مابه مراح تروحين يطيح بزرش شاهه بيأس:ياويلي على ذا الروحه ام شاهه هي تقف:انا بروح شوي وبعود ثم خرجت لوجهه معينه شاهه وهي تنظر له بحب تجاهله هو:لطام لطام وهو ينظر لها:نعم شاهه وقد تغارقت عينيها بدموع كرستاليه:انا احبك لطام ليه تسوي معي كذا لطام وهو يمثل الجمود رغم العواصف الداخليه:وش سويت شاهه وهي تقاوم عبرتها:لطام انت تحبني صح؟ لطام وهو بصدمه من سؤاله لكنه طعنها:لا شاهه بصدمه:ليه لطام ليه كرهتني عشاني خذيت حقي لطام بغضب:وش حقش فهميني اي حق ذا شاهه ببكاء:انت شردتني بزر وانا احرقت كبدك كبير لطام بغضب كبير:يعني تعمدتي تحرقين كبدي شاهه بخجل من فعلهتا الرعناء:ايه لطام بتهور:اجل خليش في بيت اهلش الين تعرفين تثمنين حكيش وتصرفاتش شاهه بصدمه:يعني لاطلعت مانيب معوده معك لطام ببرود:لا مابيش صمتت وهي تذرف الكثير والكثير من ماء عينيها ندماً على مافعلته تقطعت انفاسه وهو يراها تبكيه وتبكي حبها الذي تظن انه مات صرخ دون مراعاة وجود المرضى المجاورين لهم:لاتبكين امسحي دموعش لم تجبه ولم يبدر منها اي ردة فعل لطام وهو يقترب منها ليأخذ المنديل ويمسح عينيها الدريتين امسكت بيده لتقبلها بشده وهي تقول:حتى لو ماتبيني جعل ربي يخليك لي ابتعد منها فهو لايريد ان يضعف امامها طرق الباب ثم تلاه دخول ابوضيدان:سلام عليكم لطام وشاهه وهي تمسح دموعها:وعليكم السلام جلس ابوضيدان بعد السلام بجانب شاهه ليقول:هاه شلونش اليوم شاهه:الحمدلله احسن ابوضيدان براحه:الله يتم عليش العافيه ثم اردف وهو يتلفت:عجوزي وينها اجابه صوتها:انا عجوز ياالشايب ابوضيدان قد تهلل وجهه فرحاً لرؤيتها:اي بالله عجوز دامني شايب لطام وهو يبتسم:خلاااص يمه صك عليش ام شاهه وهي تجلس بجانب لطام:كنك واقف في صفه لطام وهو يرفع يديه علامة استسلام:لا لا انا لاتدخلوني بينكم ثم اكمل:خناق الشيبان شين ضربته بخفه على كتفه:حنا شيبان يالبزران انت ومرتك ابوضيدان:ههههههههههه ايه اقديتي ياام ضيدان فرحت لكلمته وهو يقول ام ضيدان ثم عادوا ليكملوا حوارهم بنفوس صافيه ................................................ في منزل ابوسعد الجده بصوت عالي:يالله يابنيات قدنا بنمشي نزلن جميعهن متغطيات وضحه وهي تتقدم للامام قليلاً لتقول:يمه انا بروح مع ناصر لانه عيا اروح معكم الجده بعصبيه:عيااا.... دقي دقي عليه وعطيني اغسل شراعه وضحه وهي تضحك:ان شاء الله اتصلت به ثم اعطتها الهاتف اتاها صوته:الو الجده:الو ناصر باستغراب:ارحبي ارحبي ام سعد ام سعد بحب محى غضبها:المرحب باقي فديتك ثم اكملت:وشلونك يابوي ناصر:طيب جعلش طيبه...............بشريني منش الجده وقد انتهزت الفرصه:حمسانه عليك ناصر:افا ماعاش من ازعل ام سعد الجده:ليه ماتخلي وضيحه تخاوينا ناصر:هذا اللي مضايقش خلاص لتروح معش وضيحه الجده بفرح:يالبى روحك جعلني ماابكيك ناصر:على شرط اوصلش انتي وياها الجده:صار وانا امك هذا انا جايتك ناصر:يامرحبا ثم انتهت المكالمه الجده:وضحه حياش نروح انا وياش مع ناصر عليا بصدمه:وحنا من يودينا الجده وهي تمد الجهاز لها:هاش دقي لي على بداح عليا بصدمه:هو اللي بيودينا الجده:ايه هو اتصلت عليا ببداح تحت ضيق الفيتات وغضبهن من هذا الوضع نوره بضيق:يمه حنا بنروح مع السايق الجده بغضب وهي تأخذ الجهاز من عليا:اني داريه ماعاد الا تروحن مع السايق لحالكن عليا:يمه امهاتنا معنا الجده باصرار:لا بداح بيوديكن وبعد مرور ربع ساعه خرجن جميعهن لسيارة بداح كان يتكل بهاتفه بجانب سيارته ركبن جميعهن لكن نوره تأخرت مماجعلها تمر من امامه لتركب خلفه اغلق هاتفه ليقول لها بهمس غاضب:انا مانيب ابيش عشان ترفعين غطوتش معي طمنيها يالله(طمنيها=انزليها) نوره بهمس مثله:مانيب مطمنتها واللي تبيه سوه ثم تركته يغلي لتركب بهدوء في السياره ............................................... في سيارة ناصر ام سعد وهي تركب:سلام عليكم ناصر وهو يمسك بيدها لتستوي على الكرسي:وعليكم السلام يالله حيها يالله حيها ام سعد:الله حييك ويبقيك ناصر وهو ينظر في مرآته لمن تركب خلفه:خلاص امشي ام سعد:ايه توكل تحركت سيارتهم في طريقهم ناصر:يمه ترا ان كان في بطن وضحه بنت ترا اسمها شاهه ام شاهه برفض:لا وانا امك غار سمها حصه على جدتك ناصر:ابشري حصه حصه ثم اردف بمزح:يمه وش تقولين لو اجوز شايبش ام سعد وهي تضحك:يالله ان تفزع لشايبي ذاللي نشبتوا في حلقه كلاً بيجوزه ماعليكم منه خلوه وضحه:ههههههههه ماعليش يمه مااخليهم يجوزونه ناصر:وحنا بنعلم احد ........ حنا بنسكت الين نملك وعقبه نعلمكم ام سعد:شف وانا امك الغالي مايرخص والمره لاقدها غاليه مايعرس رجالها عليها وان اعرس تبقى اغلى عنده من حبة عينه ابتسم وهو ينظر لها لالمرآه بمعنى انتي المقصوده الجده:خلوني اعلمكم بسالفه به مره خذت ابن عمها وقعدت عنده ثلاث سنين وهي عنده اغلى من روحه وهو عندها يسوى ابيها وامها وتجيب عليه ثلاثة عويل بس هي عذروبها ماتحب امه ويوم جا مره من المرات قامت المره وتخانقت مع العجوز وقالت البنت للعجوز الخلا الخلا اظهري من بيتي الا ارجال يدخل واثره سمع اللي صار يوم هنا وياخذ العمود ويضربها ويضربها الين اقبل بها على الموت وعود والعجوز تصيح خلها خلها ولا خلاها وياخذ امه وعواله الثلاثه ويدخلون في المجلس ويزين قهوته لاميته ويتقهوى هو وياها ويعينون من الخير ماخذو المره جايتهم يوم شافها وهو يوقف قال روحي لبيت ابيش والله انش حرام علي في حياة بنت فلان بنت فلان اللي هي امه وتقوم وتاخذ وليدها الصغير رضيع وتروح به بيت ابيها يوم تم لها سنه ويخطبها رجال اجنبي منهم وتاخذه وتقعد عنده عشر سنين وعندها منه بنيه وخمسة عوال ويموت وتعود لبيت ابيها وعقبه خطبها ولد عمها اصغر منها وتاخذه وتقعد سبع سنين وتجيب عليه اربعة عويل ويوم هنا ويمرض ولد عمها الاول ويمرض ويمرض يايعيش يايموت يوم تم له شهرين مريض وهو يموت وياتيها الخبر تدرون وش صار ماتت المره من حرتها عليه شفتو كم رجال خذت وكم بزر جابت ولانسوها اياه وضحه وهي تبكي:ناصر تراني احبك لاتطلقني ضحك الاثنان الجده:ناصر يامك الله يخلف عليك مرتك خبل ناصر وهو يضحك على بكاءها:قابلها وقابل خبالها بنت محمد الجده:جعل ربي يخليكم لبعض ................................................. في المستشفى خرج لطام ليعود للبيت ونامت شاهه ابوضيدان وهو يضم كتفيها:ها متى بتعودين ام شاهه:قريب ان شاء الله ثم اردفت:ناصر وخر لاياتي احد ولاتقوم البنت وتشوفنا ابوضيدان وهو يرفع برقعها:ذبحني الشوق وجيتش طااير خبلتي بي على آخر عمري ام شاهه وهي تضم يديه بحب:ناصر انا بقولك شي ناصر وهو يقبل خدها:قولي ام شاهه بخجل:ناصر انا ... انا ان ابوضيدان باستغراب:وش فيش ام شاهه بخجل اكبر:انا ..... حامل حل الصمت وتلاها ضمة ابوضيدام لام شاهه بقوه:هذا والله اليوم المبارك ابعدته باحراج حين رأت بنتها تفتح عينيها شاهه بتعب:وش فيكم ابوضيدان بفرح:بتغدون خمسه صمتت لثواني وهي لم تستوعب بعدها تهلل وجهها:صدق يمه ام شاهه بخجل:ايه صدق شاهه:الف مبرووك ثم اردفت:ها غرتوا منا زاد احراج ام شاهه الى ان انزلت برقعها وضحك ابوضيدان بقوه فرحاً بهذا الخبر |
البارت التاسع والثلاثون ................................... في غرفة شاهه التي تعج بالنساء ام سعد وهي تبتسم:اسم الله عليكم انصفق وجهه يوم قلت له خلها عندنا ام شاهه بابتسامتها الساحره:هههههههههه اجل الليله بياتينا ساري ام سعد:يويلي اجل انا بخليها عندي وحنا معودين بحذفها عليه قبل ياكلني ضحك الجميع مع خجل حصه من الحادثه ام لطام:ها متى بيظهرونها ام شاهه:ان شاء الله ..... نغزتها شاهه بأن لاتخبرهم ام شاهه بارتباك:عقب اسبوعين رن هاتف ام نهار:الو الطرف الاخر بضيق:سلام عليكم ام نهار وهي تكتم ضحكتها:هلا فلاح فلاح بنرفزه:وينكم فيه ام نهار وهي تنظر للموجودين الذين اخذوا يراقبونها:في الطبيب فلاح:تراني بروح البيت ارقد ام نهار بضحكه:ماعليه بس مرتك مانت بماخذها فلاح بضيق اكبر:مرتي عند جدتها ولا نسيتي ام نهار وهي تمثل النسيان:يوووه سجيت ....... خلاص اجل روح ارقد وعين خير وانا امك فلاح:يالله مع السلامه ام نهار:جعلك في حفظه ثم اغلقت الهاتف ام سعد:ها وش فيه ولدش ام نهار:ولدي منقطعه كبده ضحكن جميعهن ام شاهه:اجل ردو عليه مريته ام سعد وهي تقف:والله مانيب مخليه ولدي يحتر يالله ياحصه خلينا نمشي عليا:مع من بتروحون ام سعد:انا دقيت على السايق ياتي المستشفى تغطت لتذهب له بشوقها الخالص . . . . . . وقفت امام باب شقتها التي دلتها لها نوره بالهاتف فتحت الباب لتدخل وتنظر لذوق عمتها وبنتها الرفيع في الاثاث اتجهت لغرفة النوم التي صدر من داخلها صوت فتحت الباب بخفه وترفع انظارها لتراه يرتدي بجامته التفت بسرعه للباب ليرى من الذي دخل لكنه تجمد بصدمه وهو يراها امامه ليهمس بصوت مسموع:يالله الخيره قام يتروالي زولها(يتروالي=يتهيأ لي) ضحكت بصوت منخفض لتقترب له وقفت امامه وهو لازال في صدمته لتمسك بكفه ليضغط هو عليه بشكل مفاجئ وقوي حصه ببتسامة دلع ارادت بها ان تشعله فهذه لعبتها التي تتقنها:وش فيك فلاح ببتسامه خفيفه:ماتوقعت انش تاتين الليله حصه وهي تقبل كتفه بجراءه حطمته فيها رغم انه لازال يراها صغيره وغير ناضجه:وانا مااحتلت اقعد واخليك فلاح وهو يضمها له:ترى ماصار لنا غير يوم مع بعض حصه وقد فهمت مقصده وقد شعرت بعدم حبه لها:واليوم ذا كتب على قلبي فلاح اشتدت اعصابه من اعترافها ليقول:تعالي خلينا نقعد سحبها ليجلسا على الكنبه وهو يضمها لقلبه بسبب رغبة قلبه الغريبه ابتعدت عنه قليلاً لتقول له بصراحه:فلاح انا ابي اقولك شي فلاح وهو ينظر لها بنظره غريبه لم تفهمها:وش عندش حصه بهدوء:فلاح انا احسك يعني مانت ....... فلاح باستغراب وترقب:يعني ويش حصه بصوت منخفض:مااحسك تبيني صمت وهو ينظر لها وبعدها امسك بكفها برقه ليقول لها:صح انا ماكنت ابيش كانوا لاتحاكوا قالوا فلاح ماهوب ماخذ الا حصه وكبرت وغديت رجال وانا مالي من النسوان الاحصه حصه البزر اللي اصغر مني احدعش سنه حصه اللي اصغرنا كلنا عوالنا وبناتنا واصريت نعجل بالعرس لاني ابي اصون نفسي من الحرام وابي استقر وابي عوال وابي اشوف ذا البزر اللي ذبحوني فيها وخذيتش ليلة العرس يوم شفتش كنت احسب اني اشوف بنت عمرها ماتعدا الثلاثتعش سنه بس قلبي خذته ذا البزر من يوم شفت دموعها ومن شفت ذلها مني كان ودي اخذش واحطش في قلبي ولااحد يشوفش ويشوف دموعش وعقبها جينا البيت قلت خلاص تخلويت بها بشوف عقلها هو على شكلها ولا مره فاهمه حصه وعينيها تلمع فرحاً بما قال:ها وش شفت فلاح وهو يقبل خديها بخفه:شفت انها اللي عاجبتني وكتبت على قلبي من اول يوم حصه .................................................. في المستشفى بعد ان ذهب الجميع ابوضيدان:وضحه امشي ارتاحي وبكره تعالي ام شاهه:مالك لوا بقعد عند شاهه شاهه:يمه قومي روحي ارتاحي عشان اللي في بطنش ام شاهه:لا بالله مانيب رايحه شاهه:والله ان تقومين ترتاحين قومي روحي مع ابي ام شاهه:استغفري انيب رايحه اجابهم صوته وهو يدخل:لا بتروحين مع شايبش ثم اردف:سلام عليكم البقيه:وعليكم السلام ام شاهه:يامك مااحتال اروح واخليها لطام وهو يجلس بجانب شاهه بشكل عفوي:لا بتروحين وترتاحين وانا بقعد معها ثم اكمل بمزح:طول المده اللي راحت وانتي صاكه علينا ابوضيدان وهو يبتسم:لا بالله غار بنسري ونخليكم ثم وقف لتقف معه ام شاهه مجبره:الله يهديكم تحدوني على شي مابيه ثم خرجوا متجهين لمنزلهم اما العاشقين فقد جلسوا ينظرون لبعضهم تحت صمت غريب شاهه بهدوء:كم بكرر آسفه لطام بنفس النبره:جا دورش في العذاب شاهه:بس انا ماسويت فيك مثل اللي سويته فيني لطام:الا اكثر بعد شاهه بألم:تدري وش اللي ذابحني ان ولدي بياتي وانا وانت مفترقين لطام:ماله شر طول ماانا حي(ن) له .................................... بعد مرور اسبوع في منزل ابو سعد طرق باب الغرفه عليا وهي ترتدي عباءتها:ادخلي يمه دخلت ام شاهه وهي لاترتدي برقعها او لفتها:صباح الخير عليا بابتسامه وهي تقبل جبين والدتها:صباح النور والسعاده على ذا الوجه الزين ام شاهه:ها اربش خالصه عليا وهي تخرج آخر حقائبها:ايه خلاص خلصت ثم اردفت وهي تعود للغرفه:ابي وينه ام شاهه وهي تجلس على سرير عليا:ابيش برا مع العوال يحملون الاغراض عليا وهي تنظر لوالدتها بلقل:يمه اسم الله عليش شفيش ام شاهه بتعب:والله يامش نساتي كايده وامس ماخلاني الله يكرمش الزواع ارقد عليا وهي تضمها:اسم الله عليش خلاص قولي لابي انش تعبانه ونقعد كلنا وبعدين نلحقهم ام شاهه وهي تقف:لا يويلي نعطل العرب لا بنروح وانا باكل حبوبي وارتاح عليا:اللي ودش فديتش عليا بتسرع:يمه ام شاهه:لبيه عليا:لبيتي حاجه شاهه بتظهر اليوم امش اهه وهي تبتسم:لا ثم خرجت لغرفتها لتكمل لبسها وتوقظ ضيدان وتلبسه وتؤكله في الدور السفلي عليا وهي ترى جدتها تجلس امام قهوتها:صباح الخير ياوجه الخير الجده:هلا صباح النور يامي عليا وهي تجلس بجانب والدتها بعد ان قبلت رأسها:ها اربش تريقتي الجده:ايه ريقتني اللي جعل ربي يخليلها ماعطاها ويرزقها الولد اللي مايموت عليا بضحكه من نغزة جدتها:امي الجده:ايه امش رن هاتف الجده لترد عليه:الو الطرف الاخر:صبحها بالخير الجده بحب:صباح السعاده يابعدي شلونك يافهيد فهاد:هههههههههه يمه قدني شايب وانتي تسميني فهيد الجده:والله يامك شفت لطام اكبركم مااشوفه الا بزر فهاد:هههههه الله لايخلينا منش فديتش ثم اكمل:يمه جعلني قبلش خلي اللي عندش يظهرون ضيدان علي الجده:ابشر فديتك فهاد:ها يالله مع السلامه ثم اغلق الخط الجده لعليا:عليا قومي اظـــــ............. لم تكمل كلامها وهي تسمع بكاء الصغير الذي تحمله ام شاهه بقليل من التعب عليا وهي تجري وتحمل شقيقها الباكي بشده:يمه تشلينه وانتي حامل الله يهديش ام شاهه بتعب:مدري شفيه متغلق من يوم قام وهو يلعي الجده:عليا هاتيه عندي انزلته عليافي احضان الجده الجده وهي تضمه لصدرها فهي تعلم مابه الجده وهي تضع يدها وتقرأ ماتيسر من القرآن وبعد ان هدأ الصغير فهو الان صامت لكنها تتابع شهقاته من شدة بكاءه ام شاهه بقلق:يمه شفيه الجده بهدوء متألم:مافيه الا انه يبي شاهه هو مايبكي كذا الا قده شفق عليها صمت الجميع الماً لحالة هذا اليتيم الجده:ضيدان ابوي تروح مع فهاد يوديك الجمعيه ضيدان وقد عاد لبكاءه بشده الجده بضيق:عليا قومي صوتي للهنديه خليها توديه لابيه في الحوش عليا:ان شاء الله اتت الخادمه لحمله لكنه بدأ بالصراخ بقوه والركل والضرب ام شاهه بصوت عالي:خلاص خلاص خليه ابتعدت الخادمه عنه لتعود للمطبخ الجده بألم من حالته:عليا قومي وديه انتي لابيش اقتربت عليا لحمله لكنه بدأ بالصراخ وتكرير مافعله في الخادمه لكن عليا حملته بقوه وذهبت مسرعه به للخارج فتحت لها الخادمه الباب لتخرج به لكنه بصراخه العالي لفت انتباه الجميع بصدمه غض الجميع ابصارهم الا اعمامها وجدها ووالدها اتاها والدها مسرعا بقلق:وشفيه عليا بصوتها المتقطع:مدري يبه من يوم قام وهو يبكي حيـــــ...... اصمتها نزع ضيدان لنقابها فجأه لكن هناك من تمسك بالصغير وهو يحذف (شماغه) عليها بصرخه:تغطي رفعت نقابها بسرعه وقذفت بالشماغ وعادت تجري للداخل فهاد وهو يمسك بالصغير الذي يحاول التخلص من قبضته ببكاء حاد غير طبيعي:ضيدان ضيدان شوفني شوفني انا فهاد ليه تبكي تقدم لطام الذي لتوه يصل من المستشفى ليوق بقلق:شفيكم ماان اكمل كلمته حتى بدأ الصغير بضربه على صدره ووجهه حيث كان يقف امامه وفهاد يحمله امسك بالصغير الثائر ليأخذه من فهاد ويهمس له:ضيدان ضيدان اسمعني شوف شوف وش جبت معي ضيدان بصوت غير طبيعي:مابي مابي ابي ماما صعق الجميع من كلمته الجد وهو يقترب ليوق بهدوء:وش قوم البزر ابزضيدان وهو يتجه لسيارته بألم:يبي امه الجد بصدمه:يبي امه ودوه فهاد بهدوء:يبه جعلك تحيا امه الله يرحمها الجد بحزم:امه شاهه ودوه لها صدمه اكتسحت الجميع لطام وهو يعود يهمس للصغير:تبي شاهه اشتد بكاءه المرير اخذه واتجه به للسياره وهو يقول لفهاد:خلهم يجهزون لي شنطه واخذوها معكم .................................................. ... في المستشفى بعد طريق استمر ضيدان فيه ببكاء لامثيل له كانت تجلس على سريرها وتشاهد التلفاز حين دخل لطام وهو يحمل الصغير لطام:سلام شاهه بجزع وهي ترى وجه الصغير الذي تملكه اللون الاحمر بشده:شفييييه لطام وهو يهدأها:اذكري الله مابه الا العافيه يبيش اخذته من لطام لتضمه لصدرها بقوه وهو يبكي بشده ويتعلق برقبتها بقوته الضعيفه شاهه وهي تسمي عليه وتقرا عليه المعوذات شاهه:ابي ابي ليه تبكي فديتك الرجال يبكي ضيدان بطفوله انهاها البكاء:ابي اجي ...هئ... هني.....هئ بس......هئ بابا يقــ....هئ...يقول لا شاهه وهي تعود لضمه بقوه:خلاص انت الحين عندي لاتبكي وانا ماعاد اخليك زين تسللت دموعها على خدها من حاله استمر حالهم الى نصف ساعه وهو يدفن وجهه في صدرها ولا يرفعه ابداً الى ان نام بسلام شاهه بضيق:شفيه لطام بهدوء:انا جيت من عندش عينت فهاد شاله وهو يصيح من قمة راسه ويضرب وحالته حاله قلنا له وش تبي قال ابي امي قال جدي ودوه لشاهه شاهه وهي تعود لضمه بخفه لها:جعلني قبل وجهه من دخلت الطبيب ماشفته الا مره لطام:نمشي شاهه:آآآه يالله ثم وضعت الصغير على السرير ووقفت تجهز نفسها في طريقهم للمزرعه كان الصغير يضحك على لعبه اشتراها له لطام:هههههههههههههه شاهه وهي تنظر له بحب:لبى روحك لطام وهو يضحك:ههههههههه ضيدان ليه تضحك ضيدان ببراءه:العصفور يسوي نفسي(اللعبه عباره عن ببغاء يقلد الاصوات) ضحكا على براءته رن هاتف لطام:الو ام شاهه:هلا يابوي وينكم لطام:في الدرب جايين ام شاهه:الله يحفظكم..... عينت وليدي لطام بابتسامة:هذا هو ميت من الضحك على لعبه معه ام شاهه براحه:لبى عينه لطام:ارب مااحد درى ان حنا جايين ام شاهه:لا مااحد درى بس يالله لاتبطون لطام:ابشري يالله مع السلامه ام شاهه:مع السلامه |
البارت الواحدوالاربعون .................................. في مجلس الرجال ابولطام بحزم:ابو محمد آل دبيس جاي عقب شوي ابوضيدان الذي سقط فنجاله غضباً:وش هو ؟من اللي جاي ابولطام:ناصر اذكر الله ولاتفضحنا في الرجال ابيك ابوضيدان بغضب عاتي:مانيب مخليه يدخل المجلس ذا الخبيله هو وعواله ابونهار بصرامه:ناصر تعدى علينا وحنا اخوانك الكبار ابوضيدان:اخواني الكبار على العين والراس بس ذا الملاعين مايدخلون لي مجلس ابوناصر وهو يدخل:استغفر ربك ولاتلعن بعدين من ذا اللي شال(ن)عليه الدنيا ابوضيدان بوجه متجهم:ابومحمد آل دبيس ابوناصر وقد بدت عليه علامات العاصفه:ابومحمد؟ ابونهار وهو يقف:ايه ابومحمد وش فيكم عليه الرجال جا واعتذر وش عاد تبونه يسوي ابوناصر بغضب اكثر:ان تعدى سور المزرعه ثورت فيه وفي من معه اصمتهم صوته الغاضب:اقطع واخس انت وهو التفتوا لهما ابوسعد بصرامه:ولاكلمه الرجال عزمته انا واخي وانتو ماعليكم الا انكم تقلطونهم وترحبون بهم وبس ابوناصر بعتب:يبه تعزمهم وهم سوو اللي سووه ابوفيصل بغضب:البخ انت وهو لايسمعكم حدا العوال ثم والله ان امحيكم من الدنيا ابوضيدان:دامكم ماتبون احد من العوال يدري ليه تعزمونهم عندنا ابوسعد وهو يجلس في صدر المجلس:مااحد من عوالهم يدري غير الشيبان وانتو ان ظهر منكم كلمه مهوب اشوا لكم ابوفيصل بتحذير:ان ظهر شي فهو منكم لانهم يبون الستيره سمعتوني سكتو احدهم راضي واحدهم غاضب ويتوعد ............................................. في احد نواحي المزرعه كان جالس يتذكر ماحصل مان انهت قصيدتها حتى قال جدها بجديه:وش ترد عليها لطام وهو ينظر لها بجمود قاتل:ارد عليها بكلمه مثل كلمتها..... ماابيش تنهدت واخفضت رأسها بحزن:نبيع من باعنا ياابوسعد ثم نهضت بكبرياء مقتول ودخلت في المنزل غاضبه حزينه الجده بغضب:ان كانك بايعها فطلقها خلها تشوف نصيبها لطام بهدوء:شفتي جدانها قاعدين والله ووالله ماطلقها طول ماروحي فيني ولاتعرف من الرياجيل غيري ثم وقف بغضب ليقول:مشيت على كلمتكم قبل بس ذالحين مامنكم اللي له كلمه علي ولا على مرتي ثم تركهم عاجزين عن فعل اي شيئ ايقظه صوت بعيد صغير:لطططاام لططططااااام التفت ليرى جسد ضيدان الصغير يهتز لجريه باتجاهه التقفه وهو يبتسم:هاه وش عندك تصيح من هنالك ضيدان وهو يأخذ نفسه:في .... فيه...ناث...واج....واجد لطام باستغراب:ماتعرفهم ضيدان:لا مااعلافهم بس ماما قالت روح قول لبابا انه جدي يبيك انزله ثم امسك يده منجهين للمجلس:يالله خلنا نروح نشوف منو الناس اللي جاونا ........................................... في صالة النساء وقبل وصول الضيوف بقليل ام شاهه صامته منذ ان اخبروهم بأن آل دبيس سييأتون ام نهار بغضب:بعد لهم وجه جايينا ام سعد بهدوء:يابنتي اللي صار صار والرياجيل تصافو بنعوقهم حنا ياالنسوان ثم اردفت:بعدين هذي وضحه ماقالت شي انتي وش هو له ضايقه ام شاهه وهي تمسك بيد ام نهار:شوفي وانا اختش اللي صار جانا من رجال واحد وش هو له نقوم على الباقين بعدين انا مااقولش حبيهم ولا ارضي عليهم هم ضيوف ولهم حق الضيف وبس ام سعد بحب:الله يرضى عليش يابنتي ويبرد كبدش مثل ماابردتي كبدي في ذا العوبه اصمتهم دخول ثمينه وهي منزله عباءتها على اكتافها لانها لتوها تدخل من الباب بعد رحلة استكشاف لها مع نهار:ياجمعه فيه سبع مواتر دخلت علينا ونزل منهم رياجيل ونسوان وبزران الجده وهي تحاول ان تقوم:ايه هذولا ضيوف جاونا روحي صوتي لخواتش ثمينه وهي تسرع على الدرج:ان شاء الله ام نهار وهي تلبس برقعها بغضب:الله لايحييهم ام لطام:ثمينه وش فيش اذكري الله ثم وقفن جميعهن متجهات للباب ام سعد وهي تستقبل ام محمد التي تسندها احدى حفيداتها:يالله حيهم يالله حيهم من يوم ساروا الين وصلوا ام محمد باحراج:الله يحيش ويبقيش ياام سعد ثم تقدمن للسلام على بعضهن . . . . . . . . في الدور العلوي ثمينه وهي تفتح باب غرفتهم المشتركه:سلام عليكم ثم اردفت وهي تراهن متزينات:ياسلق ليه ماعلمتوني عليا بخبث:مانتيب في حالنا في حال ابوالشباب ثمينه وهي تلكزها في كتفها:ماراح ارد عليش ثم التفتت على البقيه لتقول لهن:جدتي تقول انزلن لان العرب قدهم تحت نوره وهي تحاول كتم ضحكتها:الظاهر حصوص مهيب محوله ثمينه باستغراب وهي ترى البقيه يضحكن:ليه عسى ماشر حصه وقد نفرت دموعها:الشرهه علي اللي علمتكم ثم خرجت متجهه لشاهه التي تشارك الجده غرفتها ثمينه بحيره:شفيها دلال التي عاد قليلاً من مرحها:ابد جدي لكشها هي ورجلها يتغزلون في بعضهم وبعدها مسكهم وهو يكلمها وعصب وقالها ان عاد دقيتي عليه مهوب اشوا لش ثمينه برعب وهي تضرب صدرها:يويلي اخاف يخانقنا انا ونهار نوره بضحكه:لا انتوا ماعليكم حظر ثمينه وهي تنزل عباءتها وترتب نفسها للنزول مع خروج البقيه للاسفل ........................................... في الدور السفلي ام محمد وهي تشير للنساء الكبيرات قليلاً في السن وهي تقول :هذي ام صقر مرت محمد الله يرحمه الجميع:الله يرحمه ثم اكملت:وهذي ام حسن مرت حمد وهذي ام سعود مرت هادي ام سعد بوقارها المعتاد:يامرحبا بالجميع ام لطام:يابنات احذفن غطاكن ماهنا احد العوال كلهم في المجلس ولا احد بداخل علينا ام محمد:احذفن يابنات بدأن الفتيات بحذف اغطيتهن بحرج شديد ام محمد وهي تنظر للفتيات وبدأت بالتعريف:ذولي غزيل بنت محمد ونوف بنت خالد بنت سنوه بنتي ثم اشارت لثلاث صغيرات في سن حصه تقريباً:وذولي سعاد بنت هادي ونوير بنت خالد نمشه بنت محمد واشارت لتوأمين نسخة كربونيه من بعض الا ان احداهن بها شامه بخدها والاخرى لا:وذولي شيخه وساره بنات خالد ام سعد:ونعم بالجميع الجميع:الله ينعم بحالش قاطعهم دخول سبع فتيات ام سعد:ياام محمد ذولي غزلاني ثم بدأت بالتعريف حسب ترتيب الفتيات بالسلام:هذي وضحه بنت محمد بن بن ناصر وهذي عليا بنت ناصر وهذي جواهر بنت فيصل بن ناصر وهذي عروسنا ثمينه بنت سعد وهذي نوره بنت سلطان وهذي عروسنا الاخرى حصه بنت ناصر وهذي دلال بنت محمد بن ناصر ام محمد:ونعم فيهن الفتيات باصوات متفاوته:بنعم بحالش الجده بحزم:حصه صبي القهوه حصه التي اساساً متوجهه للطاوله لاخذ الدلال:ابشري وبدأت بسكب القهوه في طرف الصالة الكبيره حيث يجلسن الفتيات عليا وهي تجلس بجانب احداهن:شلونكم بنات البنات بأصوات مختلفه:طيبين وضحه بقليل من الكسل تحاول اخفاءه:نورتونا تكلمت احداهن لها ملامح ناضجه قليلاً:منوره فيكم وضحه بابتسامه:انتي الظاهر انش اكبرهن الفتاة بابتسامه بوجهها الجميل الاسمر:ايه انا غزيل ثم التفتت للبقيه:وهذولي خواتي وبنات عمتي وعماني ثمينه:عرفونا على انفسكم ابتسمت اولهن:انا نوف وثم بدأن الاخريات بالتعريف عن انفسهن وضحه لغزيل:ماشاء الله الظاهر انش واصله غزيل بارهاق:ايه قدني في الثامن البقيه:الله يهون عليش جواهر وهي تحمل الصغيره التي في احضان نوف وتحمل ملامح والدتها الرقيقه للغا ولها من العمر سنه:يووه يازين البنات نوف بابتسامه:هذي كادي دلال وهي تقبلها وهي في احضان جواهر:ياقلبي تدنن ماشاء الله سعاد وهي تهمس لنوير ونمشه:بنات الظاهر هذي اللي ناوين عليها الجماعه نمشه بهمس:سعاد ووجع انطمي لايسمعونش عليا وهي تجلس بجانبهن:بنات امشوا اصعدكم فوق تشوفون غرفكم وتبدلون وتريحون شوي قبل العشا نمشه باحراج:لا فديتش شوي العجايز ان شافتنا جدتي كذا محقت علينا عليا:هههههه عندنا وعندكم خير سعاد بتساؤل:انتي شاسمش عليا:نا عليا الا على طاري الاسم اسمش كانه غريب ضحكت نمشه ونوير سعاد بحده:وجع انتي وهي نمشه:هذي ياطويلة العمر اسمها على اسم جارة جدتي مصريه اسمها سعاد عاد جدتي من حبها لقصيرتها سمت ذا الخبل باسمها عليا:ههههههه سعاد:ارتحتي ذالحين يوم شهرتي فيني دلال وهي تجلس بجانب عليا:وش يضحك كريكره عليا:مالش شغل دلال:ماراح ارد عليش قالتها ثمينه قبل شوي ثم التفتت لسعاد:انتي كم عمرش عشان يصير فيه تواصل روحي بين الاقران سعاد:هههههه حلوه تواصل روحي انا عمري تسع تعش ونمشه كبري ونوير عمرها سبع تعش نمشه:ليه تقولين عمري سعاد:كيفي نوير:عليا دلال قولو ماشاء الله وانتو تشوفون خواتي يتخانقون عليا ودلال:هههههههههههههههههههههههه . . . . . . . في طرف آخر وضحه:ههههههه ماشاء الله الظاهر انها حركه غزيل:ييييوووووه الحمدلله انها عند ابيها ولا كان طقينا نوف:يولي ماشفتيها وش سوت في ولدي قامت عليه ذاك اليوم وخذته في غرفه لحالهم وحلقته ذيك التحلوقه اللي لعبت في راسه وضحه وثمينه ونوره:هههههههههههه غزيل:ياختي ولدش خيخه ويموت فيها نوف بحسره:لا وتخيلو يقولون هادي ياخذ فرح ثمينه:ههههه لا انتي معاناه نوف:الله يعيني عليها على امها نوره:انا لو منش اكره ولدي فيها نوف:لا تحاولين اكرهه يكرهني يقولي ليه ماخليني العب مع فروحه غزيل:ياربي شنو ذنب بنتي اذا هي حلوه نوف:اي حلوه دايم شوشتها طايره غزيل وهي تمثل التعب والعجز:وش اسوي فيها ماتحب تمشط شعرها شيخه التي تجلس بجانب غزيل:واللي يقهر ان اسمها فرح قولي تعاسه دمار اي شي غير فرح فجأه سمع صراخ شديد خاف الجميع لتقف غزيل ببرود وتقول:لاتخافون هذي بنتي الرقيقه ام محمد بغضب:الله ينحق على ابليس وتباعه انا ماقلت لاعاد تخلين بنتش تصيح كذا غزيل وهي تتجه للباب الذي تقف خلفه فرح الصغيره:اسمحيلي يمه الاهر انها ضيعت ام سعد:يابنت الحلال بزر وضايع بيشل الدنيا بالصياح ام صقر:يويلي ذي بزايد الله يصلحها فرح الصغير وهي تصرخ بشده:آآآآآآآآآههه مابي كابي غزيل بتعب:نوف تكفين اخذي ولدش تبي تضربه نوف وهي تسرع بخطواتها للخارج لتحمي صغيرها الذي يبلغ من العمر اربع سنوات:اسم الله على ولدي مرجته عليا وهي تقف وتمسك بالصغيره لتقول لها بصوت حازم:فرررحح ولا كلمه فجأه صمتت الصغيره تحت صدمه والدتها غزيل بصدمه:يويلي فديتش علوي ليتش قايله لي اسوي كذا من زمان عليا وهي تحاول ان تكتم ضحكتها:غزيل لاتضحكيني عقبه اطيح من عينها شوفي وجهها شلون انقلب غزيل:يمه يمه ياويلنا من عليا بتضربنا تعالي تعالي نروح نقعد فروحه وذهبت بالصغيره المنفجعه من تلك الغريبه التي صرخت بها وبعد مرور ربع ساعه دخلت شاهه ليتفت لها الجميع الجده بحب:هذي شاهه بنت ناصر ياام محمد ام محمد:يامرحبا هلا ماشاء الله سعاد التي تهمس لنمشه بصدمه:يمه نمشه وش ذا الزين ماشاء الله نمشه بصدمه مماثله:سعاد الظاهر هذي اللي يصيحون منها العرب نوير وهي تلكز سعاد:بنات شنو هذا سعاد:مدري والله علمي علمش نمشه:بس بس البنت جايه تسلم . . . . . . . غزيل بانبهار:ماشاء الله هذي من هي اخته فيكم عليا بضحكه من انبهارهم الواضح:هذي اختي انا واللي تصب القهوه نوف:ماشاء الله شاهه التي تجلس بجانب وضحه بتعب:شلونكم بنات الجميع:طيبين وضحه:شاهه هذي غزيل وهذي نوف وهذي...... ثم اكملت التعريف ام محمد وهي تنظر لشاهه:شاهه معرسه ام سعد وهي فاهمه لنقصد ام محمد لتقول لها وهي تبتسم:شاهه حامل ياام محمد ام محمد:ماشاء الله ارب ماهيب ماخذه اجنبي ام سعد:لا وانا اختش ماخذه الشيخ لطام ابن سعد ام محمد:الله يبارك لهم ويبارك فيهم ثم اردفت:هي بنت وضحه صح ام سعد:ايه بنت وضحه ام محمد:ماشاء الله الزين منا ومنا . . . . . . . . وضحه لشاهه:شاهه تعبانه شاهه وهي تمسك ببطنها:لا فديتش شوي وبرتاح غزيل:ليه انتي حامل؟ شاهه بابتسامة تعب:ايه غزيل:يووه الله يعينش على الوحام شاهه:لا انا الحمدلله الوحام ذابح ذا اللي جنبي وضحه:يمه يمه لو يحطوني في اي مكان ارقد ثم اكملن حديثهن الى ان دخل ضيدان مسرعاً لشاهه ليقع في حضنها وهي تضع يدها واقيةً لجنينها:شفيك يابوي ضيدان بصدمه:ماما لطام ينزل منه دم حييييل عشان هو طاح من الحصان وقف الجميع صدمه بين صرخات متفاوته الا هي فقد فقدت السيطره على رجليها فهي لاتستطيع الوقوف والجميع توجه للخارج تاركينها مع الصغير الذي يقول:ماما ماما ليه ماتكلميني |
البارت الثاني والاربعون ................................. شاهه بصوت هامس وبلا وعي:الله ياقاك الله ياقاك ثم وقفت بسرعه لتسرع بخطواتها للخارج لتلحق بهم ام سعد وهي تقترب منه وتبعد يده لترى انفه الذي ينزف وجبينه وذقنه:وش فيك يابوي وش جرا لك لطام وهو يضمها بيده السليمه:يمه شوفيني مافيني شي بس شوي مشوخ ام سعد وهي تنظر لنهار الذي يجلس بجانبه:نهار في ربك تعلمني وش فيه نهار الذي يحاول ان يوقف نزيف انفه:يمه نفداش ادخلي داخل ارياجيل يشبحون فيش الجده بغضب:وش علي من الرياجيل اهم شي اشوف جنيني لطام وهو يمسك بها:يمه طالبش تدخلين الجده وهي تقف غاضبه:ابدخل وشكواي على الله ثم اتجهت للداخل وهي تحمل قلق الدنيا في صدرها الجد ومن معه تقربوا منه الجد وهو يجلس بجانب لطام الذجالس بعد ان سقط من الحصان:وش فيك نهار:مابه الا العافيه بس طاح من الفرس ابوسعد:ارب مابه شي ابولطام وهو يمسك بيد لطام التي صرخ حين لمسه والده:آآآآآآآآآآه ه ه ه ه ابوسعد بقلق:قم وده الطبيب نهار وهو ينظر لهم:الظاهر انه مكسور ابوضيدان الذي تقرب مهم وهو يركض:ها شفيه نهار:يبه عاوني عليه ابي اوديه للمستشفى ابوضيدان بفهم لما يقوله:ان كانه مكسور لااحد يلمسه ندق على الاسعاف نهار:اجل بدق على الاسعاف اكتملوا حولهم بداح:عسى ماشر لطام بغضب حين رأى ابومحمد وابنائه:نهار لاتدق على الاسعاف انا بروح ابو لطام بغضب:وين تروح وانت مكسر لطام وهو يمد يده لعمه وشقيقه:ابي ناصر وبداح بيودوني للطبيب اوقفاه بصعوبه لضخامته وطوله ابومحمد وهويتكأ على عصاه:بشرو اربه سالم لطام بصوت حاقد وهامس:انا طيب لو تفارقونا صعق الجميع من رده ابوضيدان وهو يكمل مابدأه لطام:ماياتي من الشر الا الشر ابوسعد بصرخه اخرست الجميع:ناصر لطام ولا كلمه زياده ابو محمد الذي يتراجع بعصبيه:افا وانا ابوصقر ماجيناكم تهينونا ياعوال عمنا ابوسعد وهو يمسك بييد ابو محمد:امسحها في وجهي يابو محمد رخوم ماتثمن كلمتها ابومحمد:ياابوسعد انا معي عوال حارين والله لايسمعون ذا الحكي ان يقلبونها مذبحه وانا اتقي شرهم وشر عوالك ابوسعد وهو ينظر للاثنان بغضب:في وجهي ماعاد يتكرر اللي صار ابولطام وهو يسحب ابومحمد معه للمجلس:تعال ياعم تعال ماعيك منهم ذهب به ابولطام للمجلس حيث ابنائه الغاضبين من استقبال ابوضيدان ولطام لهم ابوسعد بغضب:اقلعوه مني في اي مزهده ثم ذهب لمجلسه حيث ضيوفه وتبعه الجميع ماعدا ابوضيدان وبداح الذي ذهب ليأتي بالسياره ............................................ في جهه اخرى كانت تقف وهي تنظر لدمائه الكثيره كانت قد خرجت من الباب الخلفي لكي لايراها احد وفي الجهه الاخرى كانن النساء يستقبلن ام سعد ام لطام وهي تمسك بام سعد برعب:تكفين يمه علميني شفيه الجده بضيق وقلق:فيه مشوخ في وجهه والظاهر ان ايده انكسرت شهقن الجميع تقدمت ام محمد:يابنات الحلال اذكرن الله مابه الا العافيه اما هي فقد ضغطت على بطنها واسرعت بخطواتها له ام شاهه وهي ترى شاهه تقترب من لطام ووالدها:يويلي هذي مهيب شاهه عليا برعب:يمه الخبل تجري الجده بغضب:صوتن لها ذا الخبيله لايطيح بزرها . . . . . . . اما عندها فقد كانت واقفه امامه شاهه بتعب:يبه وشــــــــ........ قاطعها بقوه وغضب:مجنونه انتي ليه تجرين كذا ام تعيره اي اهميه:يبه وش فيه ابوضيدان:مافيه الا العافيه بس شوي جروح شاهه بتصميم:يبه وش فيه ابوضيدان وهو يرى الجو المتوتر:كل ذا خوف على ذا الشايب شاهه وهي ترمي قنبلتها:مهوب ذل عليه ذل على ولد لاياتي على الدنيا يتيم اخفض رأسه بألم لكنه رفعه فجأه ليصرخ بها:انقللللللععععععيييييي ابوضيدان بنرفزه:لطام وش قومك عليها شاهه بابتسامة استهزاء:خله يبه عقله ضارب جن من كلماتها التي اثارته:شاهه اتقي شري وفارقي من وجهي شاهه وهي تجلس وتلمس جريح عميق قليلاً ليصرخ بخفه ويبعد وجهه عن مدى يديها:أأخخ همست في اذنه لكي لايسمعها والدها:ترا وجع قلبي منك اكثر من الوجع اللي تحس به نظر لها بحسره لكنها اردفت بنفس نبرة صوتها:لطام انا وولدي في رقبتك ثم تركته وتجهت لوالدتها حين رأت سيارة بداح تقترب ........................................... بعد مرور ساعتين تقريباً في الصالة وبعد ان عاد الجميع للجلوس سعاد وهي تهمس لنمشه:يمه شفتيها وشلون راحت تجري له صدق الزين مايكمل نمشه بصدمه:سعاد شفيش على البنت سعاد بقهر:صدمتني يوم راحت له ولا استحت من احد نمشه وهي تضربها بخفه على كتفها:انزين انطمي العرب مهوب في حالش في جهه اخرى ام سعد بقلق:ياثمينه قومي دقي شوفي اخيش وش صار عليه ثمينه :ابشري يمه ثم اتجهت للخارج عليا التي تجلس بجانب شاهه الهادئه بشكل مخيف:شاهه تكفين ريحي عمرش والله اني ادري انش محترقه ذالحين شاهه بهدوء:عليا انا مافيني شي ام شاهه التي تقف امام شاهه:قومي روحي ريحي ظهرش شاهه وهي تقف لانها تشعر بألم العالم في ظهرها واسفل بطنها:ان شاء الله ثمينه بصوت عالي:يمه بداح يقول قدهم في الطريق الجده بلهفه:واربه طيب ثمينه:ايه انشاء الله ام محمد:حمدلله على سلامته ياام لطام ام لطام الفرحه:الله يسلمش ويخلي لش ماعاطاش عليا وهي تقف وتتجه لغرفة جدتها حيث تجلس شاهه عليا بابتسامه:شاهه عطيني البشاره شاهه التعبه وهي تتمدد على السرير المشترك بينها وبين الجده:عليا تكفين ترى مانيب في حال شي تعبانه عليا وهي تجلس بجانبها:شوش حتى وان قلت لش رشدي اباظه طيب شاهه وهي تنظر لها بقليل من الفرح الذي يخالطه التعب:صدق عليا:الله الله ماجاش الا الصدق وذالحين هم في الطريق دخلت حصه القلقه:شاهه ترى لطام وابي وصلو عليا وهي تنظر لحصه:يووووه ياشاهه اختش ذي فيها برود حصه بنفس الاسلوب:لييه وش فيني عليا وهي تمثل القهر:ياربي اذبحها وافك ولد عمي المسيكين اللي ابتلش فيها شاهه التي تبتسم من شقاوة عليا:علوي خلاص كليتيها حصه وهي تجلس بجانب شاهه شاهه وهي تنظر لحصه الحزينه:حصوص شفيش جعلني قبلش عليا بضحكه:ههههههههه تبي جدي يخانقها حصه بعصبيه:عليا جب عليا:هههههههههههههههههه شاهه:ليه وش فيكم حصه:الله يهداه جدي ماخذ تلفون فلاح وقال ان دقيتي ياويلش شاهه بابتسامه:ياختش وش انتو دابلين كبده فيه حصه:ابد بس نكلم بعض عليا:لا قولي لها الصدق شاهه:وش الصدق عليا:جدي شافهم وهم يمسكون بعض ويتغزلون بعض من وراه وهم في السياره شاهه:ههههههههههههه من صدقش حصه بزعل:اي والله بغيت اموت يوم سمعت صوت جدي وهو يقول لاعاد تدقين عليه دخلت ام شاهه:ياشاهه شاهه:لبيه يمه ام شاهه:تعالي رجالش جا شاهه وهي تحاول ان تقف:ابشري جايه عليا بنغزه:ايوا ياعم مين أدك شاهه بحرج:عليا انا مانيب مثلهم ثم خرجت وخلفها ضحكات والدتها وشقيقاتها اتجهت للصالة وهي ترتدي برقعها وجلالها شاهه لنوره:وين جدتي نوره التي تحمل الاطباق لغسلها:جدتي عند لطام شاهه:وينهم فيه نوره :في ملحق العوال ورا اتجهت للملحق طرقت الباب ودخلت لتجد جدتها وثمينه وام لطام بجانب الجده:حياش حياش وانا امش دخلت بخجل وهي ترى بداح الجالس في طرف الغرفة:سلام عليكم الجميع:وعليكم السلام نظرت له لتجد عيناه كالفنجالين من شدة غضبه بداح وهو يقف:كيف الحال يابنت ناصر شاهه بصوت خافت لكنه واضح:بخير الله يجمل حالك وشلونك ياابوسعد بداح وهو لايرفع نظره:طيب جعلش طيبه ثم اردف:يالله تامرون على شي الجميع:سلامتك ثم خرج ليتركهم على راحتهم اقتربت منهم لتجلس بجانب جدتها ام سعد وهي تلكزها:قومي روحي جنبه وش تبين بي ام لطام وهي تبتعد قليلاً عنه:تعالي يامي تعالي هنيا اقتربت منه لتجلس قريبه منه جداً بخجل شديد شاهه بهمس:الحمدلله على السلامه لطام بصوت فحيح غاضب:وش جايبش ماتدرين ان اخي هنيا شاهه وهي تنظر له بصدمه:لطام بداح اخي مثل ماهو اخيك لطام:قومي انقلعي داخل شاهه بغضب:الشرهه علي اللي جايه اشوفك ثم وقفت بشده لتمسك ببطنها وهي تتأوه:آآه ه ام لطام بقلق:اسم الله عليش اقعدي اقعدي شاهه بتعب والم:لا يمه فديتش بروح داخل لطام بغضب:اقعدي لاتذبحين البزر شاهه وهي لاتعي لنفسها:مالك شغل في ولدي الجده بغضب:ماودكم تقاضبون قدامي بعد لطام بعصبيه:شاهه قومي داخل اتجهت للباب لكن اوقفتها الجده وهي تقول:شاهه عودي اقعدي وقفت ثمينه ووالدتها ام لطام:يالله يابوي حنا بنروح داخل تبي شي لطام بحنان شديد:لاجعلني فداش ابي سلامتش ثم خرجتا متجهتان للمنزل الجده بغضب:ماتستحون تخانقون قدام العرب شاهه بعبره اصبحت مرافقه لها منذ ان اصبحت زوجة له:يمه والله اني جاية اشوفه طار في حلقي يقولي انقلعي داخل نظر لها بغضب:شاهه كلمه ثانيه ويصير مالا يرضيش الجده بصدمه:اني بنت ابي ماعاد الا تضربها قدامي لطام:يمه الله يرضا لي عليش اللي بيني وبينها حنا نصفيه الجده بعصبيه:دامك انت وهي بهايم انا اللي بصفي اللي بينكم والا اقولكم مابه الا جدكم لطام:يمه الله يخليش لي خليني ارتاح واخذيها معش الجده وهي تقف غاضبه:ايه جا اليوم اللي قدك تطردني يالطام اتجهت للباب وهي تسحب شاهه معها لطام وهو يحاول ان يقف رغم انه مصاب بكسر باليد والرجل:يمممه يايمممه تعالي خرجت بها لكنها توقفت امام الملحق لتقول لها:عودي عليه صديع ومستوجع لطام واعرفه مايضيق كذا الا من وجع شاهه:ان شاء الله عادت له لكنها مجبره وغاضبه منه حين دخلت كان يريح رأسه على حافة السرير لطام وهو ينظر لها:وش جايبش شاهه:............ لطام باستغراب:شفيش شاهه وهي تمسح دمعاتها الحارقه:لطام وش تبي مني لطام بحيره:شاهه وش قومش شاهه وهي لاتزال بجانب الباب:لطام والله تعبت منك لطام:وش جرا لش يامره شاهه:لطام خلاص انا وياك مانجتمع انا يالله اشل عمري واشل اللي في بطني اللي مدري يعيش ولا لأ لطام بغضب:لو تموتين مااهدش ياشاهه ولا انتي عنز بدو طاحت في مريس المره الاولى سويتها عشان ابواني لكن ذالحين حريمتش فرقاي شاهه بقلبها:جعله دايم لطام وهو يتألم لكنه يقاوم لكي لاترى ضعفه:عطيني المسكن من الكيس شاهه بتهور:لأ لطام بصدمه:وش اللي لأ ثم اردف:اخلصي عطيني الدوا شاهه:لأ لطام بغضب:عطيني الدوا اخلصي شاهه بتشفي:اذا تبي دواك قم اخذه لطام وهو يصرخ بها:شاااااههههه شاهه وهي تبعد برقعها عن وجهها وتجلس في طرف الغرفه:مانيب جايبته وان كانك تبيه الله لا يهينك قم واخذه لطام وهو يحاول ان يقف:جعل ربي يقضبني اياش والله ان امحق عليش شاهه وهي تسرع لتمسك به فهو قد اوشك على الوقوع:عطني ايدك لطام وهو يبعد يدها بقوه:فارقيني شاهه وهي تحاول ان ترفعه:ايه معليه بس ارخ عمرك لطام وهو يحاول ان يشد على نفسه لكي لايؤلمها:احرصي على بطنش وخري وانا اللي برفع عمري بعد ان عاد واخى نفسه على الفراش بتعب شديد مدت له الدواء وكأس ماء شاهه بهدوء:اخذ الدوا لطام وهو مغمض عينيه بتعب:ذالحين ماعاد ابيه شاهه وهي تقبل يده المكسوره برقه:وكذا لطام على نفس الوضعيه:مابيه انحنت لتقبل جراحه في جميع اجزاء وجهه:وكذا لطام وقد داعبت البسمه فمه لكنه يحاول اخفاؤها:مابيه شاهه وهي تلاحظ اخفاء بسمته:طيب وكذا ووضعت يده على بطنها لطام وقد فتح عينيه ليقول:عشانه هاتي الدوا شاهه بعتب مازح:وعشاني لطام وهو يبتسم بشكل طفيف:عشانش مااخذ الدوا شاهه بنظره لايعرفها غيره لانه يحمل في عينيه مثيلتها لها:الله يسامحك غريبان الاثنان في شدة الغضب يتصافيان وفي شدة الرومنسيه يتنافران ........................................ الساعه الرابعه فجراً سعاد وهي تحذف آخر ورقه لها في اللعبه:علوي ان غشيتي ذا المره ياويلش عليا:يووه حتى انتي دريتي اني اغش دلال:يمه منش انتي من اللي مايشوف غشش ثمينه وهي تلف شالها وتقف:يالله بنات باي بروح ارقد نمشه بحرج:لاتقولين رجلش ينتظرش وحنا عطلناش ثمينه وهي تضحك:هههههههههههه لا يويلي وش ينتظرني هو والعوال مرقدهم في المجلس ثم اردفت:بعدين تبين عليا تشهر فيني حصه وهي تنظر لهاتفها:يووه مافيه سيرفس عليا باستغراب:ليه حصه بارتباك:بس اسأل دلال بنظرة خبث::ايييييه قلتيلي غزيل التي لتوها تنزل ومعها صغيرتها غزيل:سلام بنات عليا وهي تشير للصغيره:ارحبي بنت حسن اختبئت الصغيره خلف والدتها غزيل بفرح:الله يجزاش خير اللي خليتيني اشوفها مستحيه عليا وهي تقف وتحمل الصغيره الخجله:يازين المستحيات الصغيره:انا مومثتحيه غزيل بابتسامة يأس:ايه هذي بنتي الصغيره وقد قذفت الحياء في ابعد الوديان:انتي ليث تحطين احمر في ثمث واثود في عنونث نمشه بعصبيه:فررح عيب عليا بأعجاب لتلك الصغيره:يووه اسم الله عليها الصغيره وهي تخلص نفسها وتنزل لتقفز بشده على اوراق اللعبه غزيل وهي تبعدها:عيب يابنت ترا بعلم بابا الصغيره باستمتاع:عاتي عاتي ضحك البقيه لشقاوة الصغيره الصغيره وهي تتجه لعليا:عاتي توديني الديارف عليا وهي تمسك بيده:ايه عادي امشي غزيل:عليا ماعليش منها خليها تنطق عليا:انتي اللي مالش شغل بيني وبينها ثم ذهبت بها للالعاب التي في طرف المزرعه |
| الساعة الآن 08:12 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir