|
في مكان التجمع النسائي كانت الموسيقى تصدح في المكان والنساء يتمايلن مشاركات آل لطام في فرحتهم بسلامة الجد وفي الغرفة الجانبية كانت تجلس وضحه وتحاوطنها اميراتها الثلاث عليا ممسكة بيد والدتها وتقبلها بين تارة واخرى فتهتف بمرح:هايمه من ازين بناتش طبعاً انا مافيها قولت اظنه ام شاهه وهي تبتسم بفرحه:علوي كن فيش عرق نجاسه حصه وهي جالسة عند اقدام والدتها الجالسة على الكنبة:كن فيها عرق الا هي ام النجاسه عليا:جعل لسانش القطع قولي آمين ياحصيصة ضربتها امها بخفه على رأسها وهتفت بجزع:يويلي اسم الله على بنتي حصه و تحرك حواجبها لتغيض عليا:يعني يمه انا بنتش وهي لا وضحه وهي تكلم شاهه الصامتة التي كانت تمسك بكف والدتها ولم تزحزح عينيها عن وجهها:اقول خواتش مجاورات؟(مجاورات=صارن طباين) شاهه وهي تخرج صوتها الذي زادت بحته نتيجة مامرت به قبل قليل:ماشفتي شي وضحه وهي تضم شاهه يقوة:يامش والله اني امرض كل مالتفت وشفت عيونش كذا وانتي تشبحيني لو اني دارية ان شوفتي بتسوي بش كذا كان ماواجهتش شاهه بذات الصوت المرهق:ليه كنتي تبين تحرقين كبدي حيه وميته وضحه وهي تضمها بشدة لما رأت بها من حزن وتأثر عميق:كبدي ولاكبدش يابعدي عليا وهي تضم والدتها بمرح:يمه وانا ماقلتيلي كلام حلو وضحه وهي تلتفت لعليا:ياعوبش يامش كل ذا الحكي ولاقلت لش شي قاطع حديثهم دخول جواهر التي بدا عليها الضيق:يمه يالله العشا وضحه وهي تبتسم لتلك المنزعجه:جويهر تعالي سلمي على خواتش اقتربت جواهر بضيق.........فوقفن لها الثلاث اقتربت لها شاهه التي كانت اساساً الاقرب لها سلمت عليها:هلا والله شلونش جواهر بهدوء:طيبه انتي شلونش شاهه بباتسامه آسره:يسرش الحال ثم تقدمت عليا:كيف الحال جواهر تنظر لها بازدراء وعليا بالمثل:تمام وانتي عليا بعدم ارتياح واضح:بأحسن حال حصه وهي تقبل خد جواهر:شلونش جواهر جواهر وقد بدا عليها القليل من الراحة:طيبه .....شلونش حصه:طيبه جعلش طيبه ام شاهه وهي تحاول ان تغير مزاج جواهر:امي جواهر بنظرة عتب وتحاول اخفائها:لبيه ام شاهه:النسوان اقلطو جواهر:ايه يمه ام شاهه وهي تمسك بكف جواهر:اجل يالله يابنات مشينا للعشا تقدم الجميع متجهاً للعشاء امسكت عليا بيد شاهه وهي تهمس لها:مانزلت لي من زور ذا الجواهر حتى امي هملتنا يوم شافتها شاهه وهي تضربها بخفة على يدها:كم مره اقولش خلي منش الحكي في العرب امشي خلصيني لاتفضحينا في العرب مالنا عندهم الا امي ثم ذهبت تاركة خلفها عليا المغتاضة .................................................. .... في مجلس الرجال ابو فيصل:يالله يارياجيل اقلطو على العشا انتهض الجميع متجهاً للمقلط ماأن مر به ابو سعد بعد خلو الديوان من الرجال حتى امسك ابوفيصل بيده هتف ابوفيصل بود وقد تحاوط الاثنان ابناءهم الاثني عشر رجلاً:يامرحبا والله اني صادق احتضنه ابوسعد بشده فهذا شقيقه وابنه الذي رباه:الله لايخليني منك ياخيك ياكبر غلاك في قلبي فرق الاثنان صوت ابونلصر:يبه يالله الرياجيل قلطو اتجه الجدان والبقيه نحو المقلط .............................................. ام ناصر وام شاهه وهن يوادعن آخر الحاضرات الجده من داخل الصالة ام لطام سرينا ام وضحه:لاوالله يمه مانتوب ماشين تو ماراحو العرب بنسمر ونتحدث ام سعد:يامش شايبي مايتحمل السهر ام شاهه وهي تدخل الصالة:لاتقولين عن ابي لطام شايب الا ازين الشباب ام سعد وهي تشير لمكان بجانبها:تعالي ابي اعلمش بعلم ثم التفتت لحفيداتها:وانتن قومن البسن عشان نمشي عليا بمزح:شاهه ترا مفهومة تبينا نطلع عشان تقولين لامي شي ماتبينا نسمعه ولو اني عارفه وش هو ذا الموضوع ام سعد وهي تحرك عصاها مهددةً بضربها:ياشيب عيني منش انتي ان جودتش قطعت شوشتش ذااللي مامشطتيها عليا تمثل عدم المبالاه رغم ضحك الجميع:ياشوشو كم مره اقولش هذا اسمه كيرلي ام سعد:هو اللي ماعادني بمخليتش تسوينه ثم اردفت وهي تقول:جلش الصلاح الهيتيني يالله روحن البسن خرجن البنات ثم تبعهن دلال وجواهر ووضحه من باب اللياقه ام شاهه ووجهها يشع فرحة وراحة:سمي يمه ام سعد بفرح: ترا اليوم ملكة شاهه اشرق وجهها بفرحة تكاد تقفز من عينيها:انتي صادقه يمه ام سعد وهي تعذرها:اي والله ان شاء الله صادقه ام شاهه وهي تكاد ان تقهقه فرحاً:اعذريني يمه بس من الفرحه ام سعد:يابنت الحلال عاذرتش من غير ماتقولين ام ناصر وام وضحه:مبروك ياام شاهه ام شاهه:الله يبارك فيكن والفال للي عندكن ثم اردفت قاصدةً ام سعد:من البخيت اللي خذاها ام سعد بهدوء:لطام ابن سعد حل الصمت لفترة قطعها رد ام شاهه:ماعليها لاقدها عند ولد عمها اخيها وولد ابيها طولها وطوله واحد(ولد ابيها=تقصد ان عمها بمثابة والدها) عادت القليل من الفرحه فهتفت ام لطام:ياام شاهه تراها ظهرت من بيت ابيها ودخلت بيت ابيها الاخر ام شاهه محاولة تناسي مااحزنها:مافيها شك ياام لطام لاقدها عندش كنها في حضني .................................................. في ممر استقبال المنزل حيث كانت تقف شاهه واخواتها وبنات عمها عليا وهي تتصنع البراءة:ياترى امي شاهه وش تبي تقول لامي ثمينه وهي تماشيها:الله اعلم ياختش بس الوكاد انه علم كبير والعلم عند الله شاهه وهي تضع عباءتها على كتفها وتمسك ببرقعها في يدها:ماودكن تمسن قبل احوس مريركن(احوس مريركن=اعكر مزاجكن) حصه:ثمينه عليا بس عاد لاتضايقن شاهه نوره:بنات كن بنت خالكم جواهر تبي فرقانا عليا بغيض:تكفين لاتجيبين سيرتها كل مااسمع طاريها يركبني مية جني حصه وهي تريد اغضة عليا اكثر:ههههههه محتره منها عشان امي تموت عليها اكثر منش عليا بقهر:تخسين انتي وهي انا عند امي اغلى منها واغلى من اللي اغلى منها بعد نوره:ههههههههههه جات من جدها ثمينه:ههههه اقول اسكتن تراها انتفخت من الضيقه عليا بقهر اكثر:يابنات ماشفتوها شلون تشبح فينا كن حنا ماكلين حلال ابيها شاهه تحاول ان تهديها:لا علوي لاتبالغين نوره وقد فهمت لمقصد شاهه فهي تريد ان ترخي من حدة عليا:اي صح علوي انا اشوف نظرتها عادية عليا وهي تشير بيديها:ودي ازنطها كذا ثمينه وهي تنظر لشاهه ونوره بقلق فهي تعلم كمم عليا حاره ولن تصمت ان اثقلت جواهر العيار قليلاً:يابنت الحلال يتراوا لش(يتراوا لش=يتهيأ لك) .......................................... في المجلس وبعد مغادرة الجميع ابوسعد وهو يضع يده على فخذ شقيقه:ياابوفيصل ناصر ولدك جاي اليوم يبي رضاك ابوضيدان وهو ينظر لوالده بصدمه قد اخفاها عن الجميع الا عن واحد:؟؟؟؟؟؟؟؟؟؟؟؟ ابوفيصل:ياخيك ناصر ولدي اول وتالي بس اللي صار مايرضاه الله وخلقه ابوسعد وهو يشير لأبوضيدان:ياخيك نباش العلوم مالنا فيه حاجه انتهض ابوضيدان وقبل رأس عمه مجبر ابوفيصل وهو يقف ويربت على كتف ابوضيدان:ياولدي اللي صار صار وحكي في الفايت نقصان في العقل ابوضيدان بعدم اقتناع:الله الله يايبه عز الله انك صادق ابوسعد بفرحه:اجل اسمعو ترا عشاكم عندنا قفي الصبح(قفي الصبح=بعد غد) ابوفيصل بحب:جعله يكثر خيرك ياخيك ماكان كلفت على عمرك ابوسعد:الخير واحد وكرامة عشان ذا الرضا ماهيب خسارة في طرف المجلس وبعيد قليلاً نايف:ياكرهي للهياط فلاح وهو يضربه بكوعه:والله ياان سمعوك ان يمردغونك هنيا قدامنا فهاد:هياط عند جدك ولا جدي اسمه ذرابه نايف:ياعمي يتخسر ويذبح له خروف عشان اخيه رضا فلاح:عاد ودك جدك كل يومين زعلان فهاد:فلسنا فلاح:اجل خلاص انا بطلع من ذا العايله البطرانه نايف:لاتخليني ياخيك فهاد:وانا معكم فلاح:ولا واحد يباريني منكم ثم اصطنع الكبر:ماعاد الا الحبربش افزعهم صوت الجد ابوسعد:يالله ياعوال خلونا نمشي ابوفيصل :تو الناس ياخيك ابو لطام:يايبه قد الساعه اثنعش ابوفيصل:اجل ياابوسعد حياك تسلم على اهلك(يقصد حفيداته وابنته وزوجات ابنائه) ابوسعد:يالله نهض الاثنان متجهان للداخل وكان ابوفيصل يجهل وجود تلك الغائبات وابوسعد يظن انه انتبه لهن .......................................... قبل ذلك بدقائق اقتربت ام شاهه من البنات انسحبت نوره وثمينه من الممر ليدخلن في الصالة ام شاهه وهي تخفي ابتسامتها وتظهر الغضب والضيق في صوتها:الحين انا وياكن قاعدات لحالنا ماعلمتني بالملكة ليه صمتن الثلاث ضيق من غضب والدتهن عليا مبررة وهي تقبل كف والدتها:يمه وش تبينا نقولش نقولش يمه اختنا اعرست حصه وهي تخفي حزنها لغضب والتها:يمه والله ماخبرنا العرب يتباشرون بملكة البنت ام شاهه:وانتي ماودش تقولين شي(كانت تقصد شاهه) شاهه وهي تخفض رأسها خجلاً وحزناً:جعل ربي يخليلي خواتي ام شاهه وهي تضم تلك الخجلة:وانتي تهقين اني بزعل عقب ذا الخبر الزين بس كنت ابشوف وش انتن بتقولن عليا بمرح:حرام عليش يمه وجيهنا راغت ام شاهه بمزح:ماعليكن ذل عقب اللي شفته حصه:يمه لايغرش ترا كلنا عاقلات بس عليا هي اللي تاكل العرب ام شاهه وهي تبعد شاهه عن حضنها:والله ان اللي في حضني ماهيب وراها بطواله(ماهيب وراها بطواله=بنفس مستواها) قاطعهن صوت ابوفيصل الجهوري:احم احم درب درب اسرعن الفتيات بلبس اغطية وجيههن لتهتف ام شاهه:لاتغطن هذا جدكن ناصر ثم اردفت:حياك يبه حياك دخل ابوفيصل وبعده ابوسعد ابوفيصل:السلام علــــ ثم التفت لجهة ابوسعد:ابن لطام مانيب قايل خلو لنا درب اقتربت منه ام شاهه وهي في قمة فرحها وهي ترى من كان خلفه:يامرحبا يامرحبا بالغالي تقدم ابوسعد وهو ليحتضن من غابت عن ناظريه ستة عشر عاماً من صفعته الدنيا بها من اجفلته الايام منها لكن ماان رآها حتى تجدد ماكان يخفيه بين اضلاعه من حب ابوسعد وهو يضمها بشدة:المرحب باقي يابنتي كانت ولازالت تحب ذلك اللقب(بنتي) ابوفيصل بغضب :وضحه النسوان راحن ابوسعد وهو يبعد وضحه قليلاً:وش نسوانه ذولي بناتي التفت ابوفيصل براحه:ماشاء الله من هن بناته سعد ولا سلطان ابوسعد وهو يبتسم فهو عرف انه لم ينتبه لهن من البداية:لا وانت الصادق هذولي بنات ناصر اصابته رعشه دبت فيما كان يحمله الخافي من جسده ولكتها خفيت عن من كان ينظر له:بنات ناصر؟؟؟ ام شاهه وهي تقف بجانب والدها وتنظر لتلك العيون الثلاث الخجله امامها:بناتي يبه اقترب منهن ووقف امام عليا:من انتي منهن عليا بخجل:انا عليا ضمها لصدره بقوه:شلونش يبيش عليا وهي خجله للغاية:طيبه يبه ابتعد عنها لينظر لعينيها بعمق:قبل لاشبحت في عويناتش حسيت انش حية ماانتي بميته وذاالحين كني اشوفش ضو شابه ام شاهه بابتسامه:وهي ضو شابه عليا بخجل:يمممه تقدمت شاهه لتقبل رأسه:مسيك بالخير يبه ابوفيصل وهو ينظر لها بحب لما فيها من شبه والدتها:مسا النور يامرحبا من انتي منهن ابوسعد بحب:هذي الشيخة شاهه ابوفيصل وقد تمكن منه الشوق لتلك الفاتنه ضمها ليقول:يامرحبا بأول الخير شاهه بصوتها المبحوح:المرحب باقي شلونك يبه ابوفيصل وهو يبعدها:طيب يابيش دامني شفتكن ام شاهه وهي تقرب حصه منه:يبه هذي حصه ابوفيصل وهو ينحني لتقبل حصه رأسه:يامرحبا ببنتي اللي ماشفتها بالمره حصه:شلونك يبه ابوفيصل:طيب طاب حالش ابوسعد:ناصر اخلص خلني اسلم على بناتي ابوفيصل وهو يبتسم:هو به احد يشوف ذا الغزيلات ومايسج من الدنيا ام شاهه وهي تتجه للصاله:انا باعطيهن خبر وبعد دقيقتان دخل الجدان وبدأت السلامات ................................................ في المجلس نهار وهو يميل على لطام الصامت منذ دخلو:شفيك لطام بهدوء:مافيني الا العافيه نهار وهو يغمز له:تفكر فيها من ذاالحين لطام بجمود:ماجات على بالي نهار بغموض:ادري والله اسكتهم صوت ابوناصر:وانت يالطام ماتحب القنص لطام:ان كان في خاطرك تشوف اللي يسرك من الصيد علمني واخاويك ابوناصر باعجاب لذلك الحازم الصامت الصغير في السن بالنسبه له:كفو وانا ابيك ناصر:اجل تخاوينا الاسبوع الجاي انا وابي لطام:خلاص صار ان شاء الله ابوناصر:خاوونا كلكم ابونهار وقد اعجبته الفكرة:انا والله بظبط شغلي واخاويكم ابولطام:خلاص كلنا خوياكم ابوناصر بفرحه:الساعة المباركة ابولطام:ياابوناصر ترا العشا عندنا الخميس الجاي لملكة ولدك لطام ابوناصر:مبروكين ان شاء الله...........من انتو مناسبين ابولطام:ابوضيدان ابوناصر بفرحه اخفاها:مبروك وانا ابيك لطام:الله يبارك فيك يبه ناصر:مبروك يالطام لطام:الله يبارك فيك نايف:مبروك يابوسعد لطام:الله يبارك فيك الفال لك ان شاء الله ............................................ في الصالة ابوسعد:يالله ياام سعد مشينا ابوفيصل:وين ياخيك تو الناس ابوسعد:ياخيك العرب قدهم يبون الراحة تونا جايين اليوم من مكشاتنا ابوفيصل:لادام كذا اجل ماتشوفون شر ام شاهه وهي تقترب الى ان قبلت رأس وانف عمها:تكفى يبه ابي بناتي يمسون عندي الليلة ومن صبح اردهن ابوسعد صمت لثواني ثم نظر لتلك العيون الراجيه خلف والدتهن ابوسعد:ابشري بسعدش ممساهن الليله عندش بدت الفرحه على محياهن وقف ابوسعد:يالله تمسون على خير وقف الجميع :الساري في خير وبعد دقائق كان يقف الجميع عند السيارات موادعين لطام:يبه ابوفيصل:لبيه لطام: لبيت حاج ابي اسلم على عمتي ابوفيصل:تعال وان ابيك ثم دخل به لداخل المنزل ابوفيصل وهو يقف عند الباب الفاصل:ام شاهه ام شاهه:لبيه يبه ابوفيصل:تعالي جاءته وهي تعلق برقعها في يدها ماان رأت ذلك المخيف الفائق الطول حتى انحرفت لتلبس برقعها ابوفيصل:تعالي يبيش هذا ولدش لطام يبي يسلم عليش اصابتها الرجفه فأسمه يجدد جروح قد مضت اقتربت وهي تمد يدها:هلا يامرحبا شلونك وانا امك لطام وهو يقبل رأسها:طيب جعلش طيبه انتي شلونش وشلون من يعز عليش ام شاهه وهي تغطي كفيها بطرف الجلابيه:ابشرك كل(ن) طيب ......................................... في المواقف ابوسعد بغضب يحاول ان يكتمه:بتعصاني ياناصر انا قلت يمسن يعني يمسن ابوضيدان بغضب مماثل:يبه انا قايل نقعد شوي ونمشي وذاالحين تقول لي يمسن ابوسعد:لاقدهن عند امهن ماعليهن خلاف ابوضيدان وقد انتفخ صدغاه من الغضب:هذا الموت انهن عند امهن ابوسعد وهو يركب السيارة اشارة منه لانهاء الموضوع:اقول والله مايظهرن من ذا البيت الليلة صمت ابوضيدان قهر وغيض لعدم قدرته عن اثناء والده عن مااراد اقبل لطام لطام وهو ينظر لعمه:يبه شفيك واقف ابوضيدان بغيض:مرتك وخواتها بيمسن هنيا صاعقة بل تيار كهربائي قيمته 3000 فولت ضربه في المخيخ ابوضيدان:لطام يبيك ماابيهن يمسن وش السواه لطام بهدوء مريب:خلهن الليله يمسن وعقبها انا اللي بسنع الامور ابوضيدان وهو يركب السيارة:نشوف وشلون بتبرد كبدي .................................................. .. كانت تقف عند الباب لازالت تحت اثر صدمته لما قال ذلك الارعن بعد ان تركها والدها معه ام شاهه:الله الله في اختك وانا امك لطام:المدارى يخرب النسا ياعمتي ام شاهه بحده:ماياتي من بطن الصالحه الا صالحه لطام بصوت واثق:هذا البلا ام شاهه بحزم:الضربه اللي ماتذبح تقوي ........... واللي يرش بماء يرَش بدم لطام زهز يثقل الععيار:العرق دساس ياعمه ام شاهه وهي تود تمزيقه:عز الله انك صادق عرقك وعرقه واحد(تقصد ابوضيدان) لطام:ماالرياجيل بسوا هو سوا مثل اللي يقول يوم ماعاد للبيض والي ركبن على الاوراك ثم الغوارب(يوم ماعاد للبيض والي ركبن على الاوراك ثم الغوارب=اي ان التهاون مع النساء يؤدي الى التحكم بالرجل مما يؤدي للفساد) ام شاهه بغضب:لطام ياولدي اهلك راحو علم انها تعطيه اشارة لطرده: فرد عليها قائل:اثرهم صادقين يوم يقولون ان كلمة الصدق تزعل ثم خرج تاركها خلفه تشتعل غيضاً فهو قليل ادب ولايجاريه في الحديث الا الخطباء رباه احمي طفلتي الهشه من ذلك الوحش الكاسر انتبهت من سرحانها على صوت عليا وحصه اللتان يهزانها :يمه يمه ام شاهه:لبيه عليا:شعندش واقفه هنيا امشي داخل ام شاهه:يالله يالله امشو ثم دخلن للصاله ............................................... في سيارة ابوضيدان ولطام ابوضيدان بعصبية:بس ماابي اسمع ولاصوت ضيدان وهو يشهق من بكاء دام نصف ساعه منذ ان علم ان امه لم تأتي معهم:ابي ساهه ابوضيدان:بكره بتجي بس اسكت لطام:يبه خلنا نحذفه عليها ماعندك احد يبزاه ابوضيدان بصدمه:من جدك والله مااخلي ولدي عندهم لطام:بصرك ابوضيدان:وش قلت لها لطام وهو يعلم كم عمه مولع بتلك الفاتنه:قلت الصدق ابوضيدان:........... لطام بمفاجأه:يبه انا ابي آخذ شاهه عقب اسبوعين عندي دورة لمدة ثلاث شهور ابوضيدان وهو يصدمه برده:يكون احسن لطام بفرحة خافية:خلاص انا بكلم العرب واحجز كل شي من بكره ابوضيدان بهدوء:اللي ودك |
البارت الثاني عشر ......................................... دخلت غرفتها وهي تحمل حذاءها في يدها ماان فتحت الباب ودخلت حتى دخل هو خلفها مباشرة ناصر بن فيصل بصدمه:كنتي لابسة كذا عند العرب وضحه وهي تظهر القوة بينما كانت ترتعش خوفاً منه فهو لايحب هذا النوع من اللبس:ايه ....عادي كلهم نسوان ناصر بغضب:وجهش مافيه حيا مظهره سيقانش وعضودش وصدرش وضحه بندم لم تبينه:ناصر الله يهداك هذا لبس النسوان في العشيات عادي ناصر وهو يقترب منها ويصرخ:لاتقولين عادي مهوب عادي انتي ارتكبتي الحرام والعيب وضحه بخوف تتقي بيديها ضرباته القادمه:طيب خلاص ماراح البسه مره ثانية ماان رأى حركة يديها التي آلمته اقترب منها حتى اصبح بينهما سنتيمترات قليلة هتف لها برقة وحنان والم:وضحه شفيش مانيب ضاربش نظرت له بخوف ثم انزلت يديها ببطء ثم انزاحت لسريرها لتجلس عليه بهدوء اما هو فقد وقف ينظر لعينيها التي يعشقها بألم لما وصلت درجة التعقيد بينهما اقترب منها :وضحه انتي عاجبش اللي حنا وصلنا له وضحه وقد اصبحت في منتصف دوامة البكاء:انت اللي وصلتنا لذا الدرجه ناصر بهدوء:طيب انا ابيش ذاالحين تظهرين اللي في خاطرش كله وضحه وهي تبكي حسرة لهذا النفور بينهما فهي لاتستطيع ان تستغني عنه لثانية واحد فكيف بعد مرور عام كامل على فراقهما لتفجع بعد ذلك انه قد اغلق حصون قلبه عنها وضحه وهي تشههق اثر بكاءها:وش تبيني اقول تبيني اقولك اني تحسفت عدة شعر راسي على اللي سويته وعقبه فجعتيني بعرسك علي مرتين متاليات ولا اقول اني اموت كل ماشفت خالي وجدي اللي كذبت عليهم وقلت لهم انك طلقتني عشان ماخليهم يحسون خاطرك ثم صمتتت ماعادت قادرة على اكمال كلامها اقترب ليضمها لكنها ابعدته عنها بعنف وضحه بقوة منبعثه من مصدر الاوجاع:اللي صك قلبه عني مالي حاجه فيه ثم تركته وخرجت للغرفة الاخرى في شقتها التي لاتحوي سوى سرير ............................................... في ذات المنزل لكن في الاسفل ابوناصر بعد سلامه على بنات شقيقته:اربكن بتمسن عندنا شاهه:ايه فديتك ابوناصر بصدق:يامرحبا وانا صادق عليا:المرحب باقي جعلني قبلك عليا وهي تميل على حصة التي تستكين بجانبها:حصوص شكلش منتهيه من التعب حصه وهي تدعك عينيها بخفة:اسكتي عيوني طبقت عليا:قومي روحي نامي حصه والنعاس قد تمكن منها:تبيني اروح وانا ماأدل المكان عليا :خلي شينة الحلايا بنت خالش تدلش المكان حصه:عليا جنبي بنت العرب اصمت الجميع وقوف الجد وابنه ام شاهه:هايبه قدك بتسري الجد:اي والله يابيش قدني تعبان برقد لي شوي عشان اقوم اتهجد ام شاهه بحب:جعل ربي يسخيلك بالعافية.........وانت ياختك بتسري بعد ابو ناصر:ايه يخيش وراي مغباش الصبح عندي مراجعات ام شاهه:الله يقويك جواهر وهي تقف وتقبل والدها جدها بدلع:تصبحون على خير والدها وهو يقبل خدها:وانت من اهله يامي الجد:وانتي من اهله يابيش ثم ذهب الاثنان باحثان عن الراحة ام ناصر وهي تقف:يالله تصبحون على خير الجميع:وانتي من اهله ام شاهه:اقعدي شوي ام ناصر:لايابنت الحلال اقعدي مع بناتش وانا بروح لشايبي ام شاهه وهي تبتسم:دامش بتروحين لشايبش اجل ماتشوفين شر ام ناصر وهي تبتسم:طيب تبون شي ام شاهه:سلامتش ذهبت ام ناصر لتختلي ام شاهه ببناتها الاربع عليا:يمه ام شاهه:لبيه عليا:حصوص تبي ترقد ام شاهه وهي تمد يديها لحصة:تعالي ارقدي في قلبي عليا:يمممممممممه لاتدلعينها كذا وانا قاعدة ام شاهه وهي تضم حصة التي جلست بجانبها:انتي على الاقل خذيتي الدلع شوي ولا واجد اما هي ماذاقته جواهر وهي تقف بغضب بسيط:يمه انا بروح ارقد تبين شي ام شاهه وقد رأت في طفلتها ماأحزنها:والله ماتروحين الين نسري كلنا مع بعض جواهر بحزن:يمه تكفين استغفري وانتي في مكانش قدني تعبانة وبروح ارتاح عليا بنغزة:جواهر الله يهداش تفجرين امممي(اكدت على نطق كلمة امي لكي تريها انها ليست والدتها) جواهر بنغزة لاتخلو من الغضب:انا وامممي ننجاز عليا وهي قد اتتها الفرصة لكي تقول ماخبأته في صدرها:اللي حطها امش ويش هو جواهر بغضب:امي غصب عنش علي بغضب مماثل:اقول لاتصدقـــ قاطعتها امها بصوتها الحازم:جواهر عليا الظاهر انه مالي حشمة ولاقدر عندكن جواهر:الحشيمة لش يمه عليا وهي تقف بعصبية:لاتقولين يمه ماهيب امش ام شاهه وهي تقف بجانب عليا:عليياااا ولاكلمة زيادة ثم اردفت وهي تنظر لابنتها بغضب:انتي بنتي اللي جيتي من بطني لكن جواهر بنتي وبنت اخي اللي انا في خيره وفوق ذا كله هي بنتي اللي ربيتها يوم بيوم وسنة بسنة ومن مس بنتي كنه مفقع عيوني كانت تنظر لوالدتها بصدمة وقد تناثرت دموعها مع اول كلمة نطقت بها والدتها عليا بصوت هزه البكاء:صادقة يمه صادقة هي اللي ربت في حضنش ولا انا جعل ربي يخليلي شاهه اللي ضمتني انا وحصة ثم تركت الكل لتلبس عباءتها ونقابها اقتربت منها شاهه التي تعلم ماالذي يريحها في هذه الحالة ضمتها لصدرها بقوة ليتعالى بكاء عليا المختلط بنشيج عالي الصوت:لاتبكين وانا اختش مايكفيش اني انا ابيش عليا وهي تخبأ وجهها في صدر من اعتنت بها منذ الصغر:شاهه ابي اجع البيت شاهه بهدوء:ابشري ابشري عليا باصرار:الحين شاهه كانت تخبأ دموع نادر ماظهرت للملأ فكانت تخاطب نفسها قائلة:ياويلي من كسرش ياعليا هذا ماكنت ابتعد منه ليه يايمه كذا ليه ام شاهه وهي تبعد شاهه لتضم عليا:بتخليني ياعليا عقب ماحييت اعود مثل قبل عليا وهي تبتعد عن والدتها:ماحييتي الا من يوم شفتي بنتش ام شاهه بحزن:وانتي ماانتي ببنتي؟ عليا وقد عقد لسانها عن الاجابة ذهبت للهاتف بصمت لتتصل على والدها وضعت السماعة على اذنها اقتربت والدتها لتضع يدها على مغلقة الخط ام شاهه بغضب:نذرن على خيط رقبتي لاتظهرين من ذا البيت الليله انه حرام عليش السلام علي حصة وهي تبكي:يمه لاتغبنينها ام شاهه بحزم:اص ولا كلمة ماحد منكن يفتح ثمه بكلمة وانا احكي ثم امسكت بيد عليا وسحبتها لتلك الغرفة التي شهدت اللقاء بينهم حصة وهي تبكي:شاهه خلينا نمشي شاهه بحزم:بتغضبين امش حصة:امنا خاشرونا فيها العرب جواهر بخجل وهي تقترب منهم:بنات والله العظيم اني ماقصدت انه يصير ذا كله شاهه وهي تغتصب الابتسامة:يابنت الحلال ماصار شي امي ذاالحين تحاكيها ويطيح اللي في راسها نظرت لها حصه بنظرة غضب ثم جلست بجانب شاهه . . . . . . . . ام شاهه:تعالي اقعدي جنبي بدال ماانتي واقفة كذا جلست بجانب والدتها ام شاهه:مااقولش لاتبكين بالعكس ابكي لأن البكا ذا ياما خذا من الهموم اللي في قلبي ثم بدأت بسرد اوجاعها:جيت من ابيش عمري تسع تعش سنه خليتكن وراي اكبركن شاهه ام ثلاث سنين وانتي ام سنه وحصة عمرها شهر ثم ابتسمت بألم ودموعها قد بللت برقعها:حتى صدري ماجف من الحليب المهم جيت عند ابي مطلقة وسبب طلاقي يهد الرياجيل تفرقو ابي وعمي والسبه انا وانا ماكلا قلبي الا انتي وخواتش خبر قلبي لاجا تالي الليل وقمت اسقي من عين في عين غرقت هدومي من الحليب يتراوى لي زول شاهه وضحكتش اللي كلت قلبي ووجه حصه اللي ماشبعت مني ولاشبعت منها قمت كل يومين اطيح عليهم والسبب فراقي عنكن قام ابي ودق على ابي لطام وقاله البنت تبي بناتها قاله ابشر بس ابيش حالي بيني وبينكن زاد تعبي قامت ام ناصر جعل ربي يرزقها العافية ويخليلها عوالها حلفت ان جواهر بنتي الين تقوم الساعة وجابت اغراضها وحطتها في حجرتي كنت افرح في كل يوم اشوفها تكبر قدامي كل مافي قلبي من حب وحنان حطيته لجواهر اول مانطقت كلمة ماما قالتها وهي في حضني ولي ماترقد الا في حظني ولاتفت شبر الا انا معها وحولها كل ماشفتها طريتن علي وخاصه انتي لأنش كبر جواهر ثم اردفت بضحة سخريه من القدر:يوم جا مره كنت طالعه من دوامي وجواهر معي في نفس المدرسة قالت تكفين يمه ابي اشتري اغراض من السوق ضروري رحت انا وياها السوق وقمت افتر انا وياها في لمحة بصر قلبي آجعني وشفتكن قدامي بنفس الصوره اللي خليتكن فيها قلت ياجواهر يامش خلينا نعود انا تعبت قالت ان شاء الله وساعة التفت الاجدتش قدامي يوم هنا قربت غصب عني ولاشفت احد غيرها سمعتها تقول لبنية معها حصه اخلصي خلينا نمشي بغا يوقف قلبي يوم دريت انها حصه بنتي اللي خليتها لحمة حمرا اليوم قدها مره بس وعاني من اللي انا فيه شيين جواهر اللي قالت يمه شفيش وابيش الله شفته معكن عودت البيت وانا ضايقة بي الوسيعه شفتها ماقدرت اقرب منها ولاالمسها ولــــــــــ اصمتها يد عليا التي ربتت على فخذها:بس يمه جعلني قبلش لاتتعبين عمرش انخرطت في بكاء اشد لمدة ليست بقصيره ثم قالت بصوتها المبلول:يابنتي جواهر قطعه من كبدي لكن فيه مرة نشدوها وقالو من اغلى عوالش قالت المريض الين يشفى والبعيد الين ياتي والصغير الين يكبر عرفتي وجواهر يامش ذبحتها النغرة مثل ماهي ذابحتش واللي خلقش في بطني انش اغلى من روحي انتي بالذات انتي اللي بغيت اموت من فرقاها ذاك الحين كنتي ماكله قلبي وعقلي بحركاتش وضحكش وسوالفش اما شاهه جعلني قبلها كانت هي وابيها في عالم ثاني ياخذها ويقعد هو وياها لحالهم ويسولف عليها ويتعجب عليها علمها سوالف غريبه عجيبه ينطقها ويلاعبها لحالهم كنت اغار لاشفتها تعومس لاغاب ابيها وهي عمرها سنه ونص ولاشافته ماعاد تصك ثمها من الضحك بس لاجا النوم لازم حضني لاجا الوجع لازم حضني هذا اللي خلاني اتعلق فيها بذا الشكل عليا وهي تحتضن والدتها:يعني انا اللي كنت بنتش ام شاهه وهي تحتضنها:ههههههه انتي بتقطعيني من بناتي عليا وهي تشد من احتضان والدتها:ابيش لي لحالي ام شاهه وهي تبعدها قليلاً:اوعديني انش تعذرين جواهر عليا بابتسامة:تعالي معي ثم ذهبتا للصالة حيث التوتر ذهبت عليا لتقف امام جواهر لتشدها واقفة:مع انش سخيفة وحريتيني قبل شوي بس انا آسفه ضمتها جواهر وهي تبتسم:ومع انش اسخف ورفعتي ظغطي بس انا بعد آسفه كانت تقف وترى لهن بحب .................................................. .. ناصر بن فيصل وهويدخل الغرفة التي حوت جسدها ودموعها منذ اكثر من ساعتين ناصر وهويقف عند الباب:وضحه وضحه وهي تبكي:................... ناصر برجاء فخم:طيب ردي علي وضحه :نعم ناصر وهو يبتسم محاولاً تغيير الجو:جهزي نفسش سفرتنا عقب اسبوع وضحه بغضب:مابي اروح ناصر باستفزاز:بتروحين وضحه:ناصر قلتلك مانيب رايحه ناصر وهو يقترب منها:يازين اسمي في ثمش وضحه بعصبية:ناصر خلك من الضحك وكلمني جد ناصر وهو يقبل خدها بلطف:آسف وضحه وهي تحت تأثير الصدمه فذلك المجنون يعرف كيف يسحرني:مانيب قابله اسفك مانفعني ذا الاسف يوم اعرست علي مرتين ناصر وهو يقبلها مره اخرى بنفس الطريقه:احبش وضحه بعتب:واللي يحب يوجع اللي يحبه ناصر وهو يقترب منها اكثر:وليه توجعيني من اول وضحه وهي تنظر في عيني:غبيه ولا افهم لكن البلا من العاقل اللي قلت انه بيدمح زلتي ناصر وهو يشير على قلبه:هذا استاجع حييل منش ومن سواتش فيه وضحه وقد عادت لهمر الدموع:يالبى القلب وراعيه ليتني مت ولاآجعتك ناصر وهويضمها بعنف ليطفأ نار ثائرة لها عام تستعر:لاتقولين كذا ان متي مت معش وضحه وهي تحتضن خصره:اسم الله عليك من الموت ثم اردفت:ليه اعرست علي ناصر وهو يبعدها قليلاً لينظر في عينيها فيمازحها قائلاً:الظاهر عادش منتغره منهن وضحه بابتسامه وقد نشت كلام دلال:واقطعك ان جبت طاريهن مرة ثانية ناصر:ههههههههههههه فيها ذبح بعد وضحه:اجل ويش .................................................. ...... في منزل ابوضيدان كان جالساً في الصالة يفكر ماذا حل بتلك الاميرات الثلاث لم ينمن خارج المنزل يوماً فكيف ان ينام الليله وهولم يدخل غرفة كل منهن وينظر لها طويلاً وهي نائمه ابوضيدان بصوت هامس:يالله ياربي ان كاني حفظتهن وهن تحت عيني احفظهن وهن بعاد مني ثم تحول تفكيره في تلك الصغيرة المعذبه رباه لما ان افعل بها هكذا الايحق لها ان تزف في ليلة يملاها الفرح فهيي قد تعذبت منه ومن غيره ولم تنطق كلمة ولكن لطام سيعوضها عن كل ظلم مني اللهم اسعدها ووفقها فتحول تفكيره الى طفلته التي سيتقدم لخطبتها فلاح اليست صغيره بل طفله لااستطيع ان ازوجها فهي لاتزال جاهله بأمور الدنيا فيتحول تفكيره للثالثه لقد اشتقت لضحكتها اليوم كان وجهها يشع اثر فرحتها مااجمل تلك الضحكه التي ماان اراها تغيب دنيا الهموم عن ناظري وعلى هذا الحال استمر في تفكيره حتى نام جالساً .................................................. ........ اما في جهة اخرى كان جالس في الصالة العلوية يشاهد الاخبار اتته اخته وجلست بجانبه بعد ان مسحت زينتها:مسا الخير التفت لها ثم همس بهدوء كالعادة:مسا النور قالت له برجاءها الذي لايرد عنده:لطام ابي وجبه لطام بهدوء:عطيني التلفون اطلب لش ثمينه بمرح:بس ترا الحساب علي لطام بنفس النبره:اقول انتي ماتوبين لازم كل مره احلف يعني ثمينه:شسوي ابيك تحلف علي عشان احس انك تسمعني ومنته لي لطام بغموض:ليه انا بارد لذا الدرجه ثمينه وهي تقبله بشدة:لذا الدرجه واكثر بس اموت فيك ضمها له:وانا احبش ثمينه بفرحه:هههئ وش اسوي في عمري لطام يقول لي احبش يابخت عيني لطام:انش داريه اني احبش ياالسلقه لاتصيري مهوله ثم اردف:قوليلي اربش استانستي في العشا ثمينه وقد بدت في عينيها لمعة التشويق:وناسه وناسه وناسه عندهم بس فيه وحده من النسوان ناشبت بنات ابي ناصر لطام بغضب:من هي؟ ثمينه:جواهر بنت فيصل لطام باستغراب:وش فيها عليهن ثمينه:والله مدري حتى شاهه اللي ماتضبق بين فيها الضيق اليوم لطام وقد حل عليه الهام الهدوء:ليه وش سوت لين دريتي انها ضاقت ثمينه بنغزه:انت مهوب قصدك انت تبي تسمع طالريها لطام يريد احراجها:شي طبيعي بين الرجال ومرته ثمينه وقد بدى عليها احمرار الخجل:ياشينك لاصرت كذا لطام:وش كذا ثمينه وهي تغير محور الحديث:انت بتطلب لي ولا لأ؟ لطام بابتسامه لم تظهر حتى لثمينه الجالسه بجانبه:يالله عطيني التلفون ناولته التلفون وطلب له ولها وجلسا يتسامرون .................................................. ...... في شقة ام شاهه جواهر وعليا وحصه وام شاهه كانوا يلعبون ب(ورقه)(الجنجفه) اما شاهه كانت جالسه على الغنفه ةتنظر لهن وتشجع فريق عليا وجوار تاره وفريق امها وحصه تاره عليا بحماس:جوجويابعد حيي ابيها لنا ذا المره حصه بدلع:اصلاص انتو خسرانين خسرانين اطلعو بكرامتكم احسن جواهر بانفعال:العبره في النهايه ياحبيبتي عليا وهي تقلد حصه:خسرانين خسرانين ثم اعادت صوتها:انتي اصلاً دابله كبدي مجري امي شختارتش عليه حصه وهي تضم والدتها:على الاقل احسن منش عليا باستغراب مصطنع :انا مدري امي راحت تستلحقش المفروض انها تخليني انا آخر العنقود(تستلحقش=تأتي بك بعد فترة طويله) حصه وحاجباها يتراقصان:لأنش عاهه جواهر وشاهه وام شاهه:هههههههههههههههههه عليا:يازينكم وانتو تضحكون علي المفروض انكم تضحكون على ذا الطير اللي يلحقونه البزران(تعبيراً عن شدة النحف) وعادن الثلاث للضحك:ههههههههههههههههههه حصه ببرود استفزازي:حيل حيل عيبي قومش الغبن ان حنا فايزين عليكم وقفت شاهه ام شاهه:وين شاهه:الحمام الله يكرمكم احس بدوخه الظاهر من النعاس بروح اغسل وجهي ام شاهه بحنان:روحي ارقدي جعلني قبلش شاهه:لافديتش ابي اقعد معكم ام شاهه:اللي ودش ذهبت شاهه للحمام اكرمكم الله واكمل البقيه اللعب والضحك ام شاهه وهي تضحك:حصوص نطلعهم حصه بحماس:يالله ثم وضعن اوراقهن في الارض لتصدم عليا وجواهر جواهر وهي تنظر للاوراق بخيبه:يوووه ثالث مره نخسر عليا بعصبيه:كله منش ماتعرفين تلعبين جواهر بعصبيه مماثله:من اللي خسرنا في المرتين الاولى عليا مبرره:كنت توني ماحسيت بالحماس ام شاهه وحصه:هههههههههههههههههه حصه:جعل حيلكن بينكن ام شاهه:ذاالحين بيتلاقطن مثل الدياكه جواهر:اسم الله علينا عليابلهجه مصريه :دحنا سمنه على عسل انا والبت قواهر جواهر:يالله انا اللي بخبص الورق وبدأت تلخبط الورق عليا باستغراب:يمه ليه تلبسين جلال افصخيه مابه الا بناتش ام شاهه:يامش والله اني اموت من السحا لافصخته ولا ارتاح الابه جواهر:تخيلي ماتفصخه الا لاقدني انا وياها في سريرنا حصه:ياحظش نمتي عمرش كله في حضنها ام شاهه وهي تضمها:وانتي بعد بتنامين في حضني عليا وهي تضع يديها على خصرها:اي والله وانــــــــــ اصمتهن تلك الصرخه التي صدرت من الحمام شاهه:يمممممممممممممه عليا بهمسه:شاهه حصه:يمه اختي جواهر:الله يستر اما من كانت اول من نهض رغم تقدم السن فيها:اسم الله على جنينتي وتوجهن للحمام بركضن . . |
البارت الثالث عشر .................................... في منزل ابو سعد خرجت والدته بعد ان جافاها النوم فهي لم تغيب عن بناتها الثلاث لثانيه منذ ان كانت امهن تملأ حياتهن ام سعد وهي تحرك ابنها:ناصر ابي قوم فديتك ناصر الذي قد آلمه ظهره بسبب طريقته الخاطئه في النوم:هلا يمه ام سعد:اسم الله عليك شقومك مارقدت في حجرتك ابو ضيدان الذي يتمتع في هذه الاثناء بمزاج عكر للغايه:مافيني شي بس سهرت البارحه هنيا وعقبه غفيت ام سعد وقد عرفت سبب نومه في الاسفل:اييه معليه قم قم روح شوف ولدك لحاله فوق لايقوم يزر عقله ابوضيدان وهو يقف استعداد للاتجاه للاعلى:ابشري جلست على الكنبه بعد ان اختفى ابنها عن انظارها لتهمس لنفسها:اييه ياناصر سهران ولاتهوجس في اللي اهوجس فيهن قاطع حبل افكارها صوت الهاتف......................رفعت السماعه وهي تشعر بخوف فمن سيتصل بهم في هذا الوقت ام سعد:الو الطرف الاخر:صبحش بالخير يمه ام سعد باستغراب:يامرحبا صباح النور .......انتي وضحه ام شاهه بصوت مرهق:ايه فديتش............... يمه ترا مانيب جايبة(ن)البنات ذاالحين على العصر ان شاء الله اجيبهن ام سعد بخوف:ليه ارب مافيكم شي ام شاهه بصوتها المبحوح لما مرت به من عناء وتعب منذ الليله الماضيه:لا ان شاء الله مافينا الا العافيه ام سعد بقلق:اكيد مافيكم شي ام شاهه:لاان شاء الله مافينا شي..............يالله يمه مع السلامه ام سعد:مع السلامه ................................ اغلقت هاتفها بعد ان رأت اخيها الذي قد اخبر ابوضيدان بما حدث ام شاهه:ها علمتهم ابوناصر:ايه علمت ابيها وبياتي ذاالحين ام شاهه:خلاص اجل انا بروح اشوفها وعقبه بعود البيت ابوناصر:ماتوفين شر دخلت للغرفه الطبيه التي حوت شاهه واخواتها:ها ماقامت عليا بتعب:لاماقامت...........يمه كلمي الدكتور قوليله انها ماتوعت ام شاهه:يامش ماقامت قومها الدوا اللي حاطين لها حصه كانت تجلس بجانبها وتمسك بيدها:يمه ماطلعو النتايج ام شاهه وهي تجلس بجانبها من الطرف الاخر وتنزل برقعها:لا ماطلعوها ثم اردفت:يابنات ابيكن بيجي ذاالحين وانا بعود للبيت بس اول ماتقوم اختكن تدقن علي سمعتن عليا بجزع:يمه بتروحين وتخلينا في ذاالحاله ام شاهه:ماعليكن خلاف ان شاء الله حصه وهي تجلس على ركبتيها امام والدتها:يمه تكفين لاتروحين على الاقل عشان شاهه لاقامت تشوفش قدامها ام شاهه وهي تقف وتنزل بقعها:مااقدر اقعد انا وابيكن في مكان واحد عليا وهي تمسك بيدي والدتها:طالبتش يمه ماتروحين وتخلينا اصمتهن صوت انين خفيف ام شاهه وهي تمسك بيد صغيرتها:امي شاهه تسمعيني شاهه بصوت ضعيف جداً:يم....يمممه ام شاهه:لبيه شاهه:وين امي ....... يمه ام شاهه:هذا جنبش يابعد امش فتحت تلك النجل ببطء عليا وهي تقف وتمسك بكفها وتقبله:الحمدلله على السلامه حصه وهي تبكي:خوفتينا عليش ام شاهه وهب تقبل رأسها:كذا تسوين فيني شاهه:وش قالو فيني.......... ثم تذكرت.....وامي شاهه وينها ليه مهيب هنيا عليا:امي شاهه ماتدري انش هنيا قاطعهم صوت ابوناصر:يابنات ابيكن برا يبي يدخل ثم التفت لتلك التي تنظر له بعينيها المتعبه فتبسم فرحاً:الحمدلله على سلامتش يابيش شاهه بتعب:الله يسلمك يبه ابوناصر انحنى ليقبل رأسها:والله يابيش ان حنا اختلعنا خلعة شينه عليش ام شاهه هي من اجابته:فيصل جعلني قبلك ابيك تردني البيت شاهه وهي تنظر برجاء متعب:لاتروحين يمه ام شاهه بقلة حيله:مااقدر يامش لازم اروح شاهه برجاء اشد:تكفين لاتروحين ابوناصر وقد رحم تلك الصغيره:وضحه حياش نروح انا وياش للاستراحه الين يمشي ابوضيدان عليا:ايه يمه روحي الاستراحه الين يظهر ابي اصلاً ابي مهوب مطول ام شاهه:خلاص انا في الاستراحه لاراح ابيكن صوتن لي عليا براحه:ابشري .................................... اما ابوضيدان الذي كان قد وصل اقصى مراحل الغليان في غرفة الانتظار الخاصه بالرجال رن هاتفه ليجيب:هلا ابوناصر ابوناصر ببرود:ابوضيدان الحجره فظت ابو ضيدان:خلاص انا رايح لها ثم اغلق هاتفه ليتجه بخطوات اقرب للجري ليصل بأقصى سرعه لتلك الغرفه التي حوت جنبات طفلته فقد ذهب للدكتور الخاص بحالتها فقال له لاخبر لديه الا بعد ان تأتي نتائج الفحوصات المجراه لهامن المختبر دخل الغرفه وهو قد نضج من القلق والشوق فهي لم تنم في غرفتها امس واليوم فوجأ بنومها في المستشفى ابوضيدان:السلام عليكم اجابن:وعليكم السلام اقترب منها بهدوء لينحني ويقبل جبينها:الحمد لله على السلامه شاهه:الله يسلمك جعلني قبلك ابوضيدان وهو يجلس على الكرسي الذي وضعته عليا بجانب سرير شاهه:شلونش ذاالحين شاهه:لا الحمدلله ذاالحين احسن ابوضيدان: الحمدلله ثم اردف وهو ينظر لعليا:وش اللي صار امس عليا:كنا قاعدين في الصاله وهي الله يكرمك راحت الحمام ماخذينا الايوم صاحت يوم جيناها الاهي غشيه وعقبه جبناها هنيا قوموها وعقبه حللوها وحطولها المغذي ورقدت ولاقامت الا قبل شوي ابوضيدان:الدكتور مامر عليكم عليا:لامامر ابوضيدان:يالله اجهزن عشان تعودن معي للبيت حصه برجاء مخلوط بخوف:يبه خلنا نقعد عند شاهه ابوضيدان بغضب لامبرر له:حصصصه انا مابعد ثنيت كلمتي وش صارلش اليوم عليا بلطف لكي تكسب موافقته:يبه ماصار شي بس نبي نتطمن عليها واذا احتاجت شي الاحنا عندها ابوضيدان بغضب اكبر:طلع لش صوت ياعليا انتي واختش ثم اردف بكلمة انهت النقاش:لاقلت تروحن تروحن من غير ولاكلمه اجابت عنهن شاهه:ابشر يبه ولاتضيق يروحن وهن مايشوفن الطريق وصمت الجميع ليذهب في حديثاً مع نفسه:ويلوموني فيش ياشاهه السموحه يابيش السموحه في ما سويته فيش ....................................... انتشر الخبر في العائلتان ليأتي الجميع ويطمأن عليها كانت الغرفة ممتلأه بالناس ام سعد:ياشين بيتنا عقبكن عليا:ابشري بنا اليوم وحنا عندش ام سعد:يامرحبا والله اني صادقه ام ناصر:وش قالو فيها ام شاهه:والله يقولون ننطر النتايج الين تظهر دلال:انا اقولكم وش فيها ام شاهه وهي تبتسم:ها علمينا يادكتوره دلال دلال:هي يوم شافت بياضي وزيني ماتحملت طاحت البنت الجميع:ههههههههههه جواهر:اما البياض كثري منها دلال وهي تجلس على طرف كرسي ام سعد:انا راضيه بحكمش يمه انا ابيضهم ولا لأ ام سعد وهي تبتسم فتلك الصغيره قد انعشت الجو:الا انتي ابيضهم وجعل مهوب في ذمتي الجميع:هههههههههههههه دلال بزعل مصطنع:الله يسامحش يمه شمتيهم فيني قاطعهم صوت ابوناصر:ام ناصر يالله انتي وام وضحه وبناتكن مشينا توارد الاستغراب على وجوه الجميع ام ناصر:ابشر وبعد مرور ساعه ونصف تقريباً خلت الغرفه الا من شاهه وامها ام شاهه:تبين شي اجيب لش تاكلينه شاهه بقرف:لاتكفين يمه لاتجيبين لي طاري الاكل ام شاهه:ليه يامش ماطب بطنش شي عقب العصير اللي شربتيه قبل شوي شاهه:ولانيب مشتهيه شي بعد رن هاتف ام شاهه اتجيب عليه:هلا يابوي اتاها صوته وقد بان فيه نبرة حزن:وضحه عندش احد ام شاهه بشك:لافديتك ماعندي احد.....ليه؟ ابوناصر:مابه شي بس افتحي الباب ام شاهه:ابشر وبعد ثواني دخل ابوناصر:اللسام عليكم شاهه ووالدتها:وعليكم السلام وبعد جلوس ابوناصر وشربه للقهوه تكلم بهدوء شديد:ترا نتايج التحاليل طلعت ام شاهه وقد تأكدت ظنونها:بشر ابوناصر:مابه الا شي بسيط وعلاجه سهل تجهم وجه شاهه وامها ام شاهه:فيصل في ربك بنتي وش فيها ............................................. كانت الصاله تحوي صمت باكي ام سعد وصوتها المبلول لبكاء طال ساعه ونصف:طيب وش بتسوون ذاالخين ابوضيدان وقد اعطى الحزن وجهه سواد واثقل كتفاه حتى انكبتا:بروح اقدم لها على علاج في الخارج عليا وهي تبكي:يبه المرض خطير حيل ابوضيدان وكأنه يخاطب نفسه:المرض خطير وعاده واصل اقصى المراحل اشتد بكاء الجده وبناتها وقف ضيدان امام والده وقد بانت العبره في صوته:يبا وين ساهه ابوضيدان وهو يضمه لصدره بشده:قريب قريب ضيدان:يبا اح عولني ابعده عن احضانه واجلسه على فخذه:يمه انا بروح لها ذاالحين يمدي خالها علمها هي وامها وبروح ىاشوفها ام سعد وهي تزيح الدموع عن خديها اللتان لطالما ارهقهما الزمن:يامك امها عندها لاتجيب لنفسك ولنا المشاكل حصه بصوت باكي:يبه تكفى اذا بتروح بروح معك ابوضيدان بهدوء:بكره اوديكن لها ان شاء الله ثم اردف:انا بروح اقعد عندها ربع ساعه على الاقل تشوف اني عندها وترجهن واعود(ترجهن=تطمأن) ام سعد:ماتشوف شر وخرج ذاهباً لتلك المريضه .................................... كان يجلس هو وجده المكتأب للغايه الجد باكتئاب:لطام يابيك ابيك بكره توديني للطبيب افحص اربهم يقبلوني للعمليه اما لطام فقد استحل عالم الصمت والالم والاكتئاب الجد:لطام لطام:............. الجد:ألطام لطام وقد افاق من غيبوبة الالم:لبيه الجد:سمعتني وش قلت لطام بهدوءه الذي اختزن كل معنى للألم وللحزن والقلق:لا ماسمعت الجد:ابيك الصبح توديني الطبيب عشان يفحصوني اربهم يوافقون علي للعمليه لطام:يبه جعلك تحيا ماياخذون منك جسمك مايتحمل الجد بضيق:ان بغت شاهه روحي عطيتها وشلون جسم فاني لطام بمفاجأه:يبه ابي ازورها صمت الجد وهو يفكر............... الجد بحيره:والله يابيك ماادري ابيها يوافق ولا لأ لطام:يبه كلمه وقله ان وافق خير وبركه وان ماوافق بصره بس تراني بزورها الجد بتذكير:تو ما زانت في عينك وش انت قد سويت فيها لطام بألم:مايخبر اللي في القلب الاانت يبه الجد:لو اني مانيب داري كان والله ماخليك تعرفها لطام وهو يخاطب نفسه بصوت عالي:ويلي على ادري حبنا وش تاليه ويلي على وش ورا الغيب......انا اشهد انك صادق يابن فطيس الجد:يابيك مامحق ولاهوب ماحق عليم الا لسانك لطام:من سكت من الخطا ركبو العرب على غاربه الجد:معليه بس لسانك حصانك ان صنته صانك لطام وهو يريد العوده لعالمها المحزن القاتل:هذا انا وهذا طبعي ثم عاد الجد للصمت وعاد هو لأفكاره لطام:تبين تخليني وانا مالي من الوالي الا انتي ولا لقلبي من الحافظ الا انتي تخليني عقب ماسحرتيني عقب ماحطيتي في الجوف حره ان كانش ماتبيني انا اللي ابيش ابيش ياشاهه ثم اردف بصوت خافت لم يسمعه حتى جده:بتشافين بتشافين ان شاء الله .............................................. في منزل ابونهار كانت ام نهار وبنتها يبكن بعد معرفتهن بالخبر ابونهار وهو يربت على كتف ام نهار:يابنت الحلال اذكري ربش ان شاء الله ان علاجه سهل وهي عادها بنت وشباب يعني جسمها قوي وبيستجيب للعلاج ام نها وهي تبكي بشده:ياقطع قلبي عليها ماشافت يوم حلو في حياتها ياوالله المودمي اللي ربي عناه واشقاه ابونهار:يابنت لاتجزعين من كتبة ربش نوره ببكاء محزن:طيب يبه نتايج العمليه مضمونه ولا لأ ابونهار:يابيش كل شي بيد ربي نوره وهي تعود للبكاء فهي قد فهمت من رد والدها النتائج غير مضمونه:ونعم بالله ام نهار:طيب متى بيسفرونها ابونهار:والله ياخيش مدري اخيش من يوم درا ماعاد قام يرد على احد اشتد بكاء ام نهار:ياويلي ياخيي اللي انفجع ابونهار:عودنا في البكا .......................................... في منزل ابولطام جواهر وهي تضم والدها وتبكي بشده:يبه تكفى ابي اروح اشوفها ابولطام وقد اجتمع في صدره الم بكاء صغيرته والم الصدمه التي الجمت الجميع بما فيهم هو:يابيش ذا الحين الزياره ممنوعه بعدين تو خالها راح يعلمها خليها الين تستوعب وتهدا عقبه روحي لها ام لطام التي تبكي بصمت على شباب تلك الصغيره وعلى حظ ابنها العاثر باعتقادها:يابولطام ابيها ليه مايسفرها ابو لطام بارهاق:توه صاط مني ويقول انه بيسفرها على حسابه الين تعطينا الحكومه موافقتها بيحجز على اقرب طياره ام لطام:الله يشفيها من عنده ابولطام وهو يطبطب على صغيرته:امين يارب ................................... اما في قلب الحدث ام شاهه:فيصل في ربك بنتي وش فيها ابوناصر بتوتر قد خفي عنهما:قبل اقولش وش فيها ابي اقولكن ان الله لاحب عبد ابتلاه ام شاهه بترقب وقلق فضيع جلست عل الكرسي بعد ان كانت تقف لهفة لمعرفة النتيجه:فيصل تكفى اتلفت اعصابي شاهه بهدوء عجيب:يمه اهدي فديتش توترش ذا مهوب ردا من امر الله شي ابوناصر بأعجاب:جعل ربي يزيدش ايمان يابيش ام شاهه وقد تحدر صوتها للبكاء:فيصل بتقول ولا اروح انشد الدكتور مانيب في حالك وحالها ابوناصر:شاهه فيها التــــــــــهـــــــــــــــاب دم اغلقت عينيها لتفتحها بفجيعه ويتحدر دمع ام موجوعه:التهاب دم شاهه وهي تخفض رأسها:الحمدلله على كل حال اقتربت والدتها لتضمها بشده كادت ان تخالف ضلوعها وبدأت بهدر الدموع التي حرمتها على نفسها منذ خمسة عشر عاماً وبنا نشيجها بعد ان سمعت بكاء طفلتها المكتوم وانينها الموجوع ابوناصر:يابنات الحلال اذكرن ربكن قولن لااله الا الله اقترب ليضمهن بشده معبراً عن حزنه قاطع الجو المؤلم الموجوع ابوضيدان:احم احم ياعرب ابوناصر وهو ينبه ام شاهه التي كانت تغيب من الوعي في عالم لايرأسه سوى فلذة كبدها ابوناصر:وضحه تغطي ابوضيدان بيدخل ابتعدت لتفجع لمرة اخرى بذلك اللئيم لم تعطي لذهنها فرصه للتفكير وهي تغطي نفسها بعباءتها وتنزل برقعها ابوناصر:حياك ابوضيدان دخل وعيناه تبحث فقط عن تلك العيون التي تحملت من العناء الكثير والتي كانت ولازالت وستبقى معشوقة في قلبه اقترب منها ليضمها ويهمس في اذنها:لايهمش شي وانا حي احتضنت رأسه وهي تبكي:ابيك عندي ابيك عندي ابوضيدان وهويشدد احتضانه لكتفيها:مايبعدني منش الا الموت صدرت منها ونة صغيره اتعبر عن مدى عناءها ليشدها والدها اكثر ابعدها قليلاً لينظر لعينيها ابوضيدان وهو ينظر لعينيها التي اذبلها التعب:تراني حجزت لنا على لندن قفي الصبح انبعث صوت ايقظ الماضي:مال بنتي سفر من غيري ابوضيدان وهو يبحث عنها بعينيه ماان رآها في زاوية الغرفة ملتفه بعباءتها حتى حظر الماضي بكل صوره ليقول لنفسه:الم يبيح جمالها للزمن تدميره؟ الم تسلب الآلام تلك الفتنه التي لطالما سلبتني؟ هاهي عينيها التي عشقتها منذ طفولتي لكنها اكثر نضج؟ هاهو صوتها الذي كنت اطرب لسماعه؟ لما تصرخي ياخلايا القلب لها؟ اهل اصبت بحمى لما انا رتعش هكذا؟ اخرجه من غفوته صوتها ذاته:بنتي ماتظهر من الدوحه الا وانا معها ابوضيدان بصرامه:مالش بنت اول وتالي ابوناصر بغضب:ناصر البنت بنتها غصب عن الراضي والحمسان ابوضيدان بغضب:لاتضنون انها جاتكم يعني انها بنتكم كلهن مالهن من الاهل الا انا ابوناصر بغضب اشد:اجل نذر على خيط رقبتي ياشاهه ماتظهر من الدوحه الا وامها معها ابوضيدان بعصبيه:لاتحلف مالك لاانت ولا غيرك كلمه علي ولا على بنتي كانت تسمعه يتحدث بصوته الغاضب وتقول في نفسها اصمت ايها المجلي من عالم الانسانيه اصمت ياذلك الارعن المسحوق في عالم الرحمه اصمت ايها البغيض كم الم قد سببته لي يامتعجرف اكرهك لآخر قطرة دم قد تسير في شرياني الم تكفيك تلك السنين لتلين تلك العنجهيه قاطعها الطرف الخامس الذي دخل عليهم دون استئذان:لاانت ولا هو ولاهي انا اللي بروح معها |
البارت الرابع عشر .................................... في غرفة المستشفى صمت الجميع بعد كلمة ذلك الصارم فتقاطع شاهه الصمت بصوتها المرهق:يمه تكفين غطيني اجاب هو:ليه مانيب رجلش ابوناصر بغضب:لطام اظهر من الحجره لطام بهدوء:يبه الله يرضى عليك ترا شاهه مرتي ابوضيدان ولأول مره:معليه مايجوز تسوي اللي انت سويته لطام بابتزاز:اظهر عقب ماترخصون لي اخذها للخارج لحالنا ام شاهه بغضب:اسمعني يالطام بنتي ماآمن لها معك شبيت فيها وهي تحت ضلال ابيها وشلون لاجات عندك .........بنتي ماتعداني لطام بكره لم يتوضح سوى لوضحه:في وجهي ياعمه انها في حبة العين وضحه وهي تنظر له بتصميم واصرار:انت تسمع وش قلت انا قلت لا ابوناصر بتهدئه للوضع عكس ذاك الذي كان ينظر لها وهي تتحدث بانفعال:وضحه الله يهديش كليتي الصبي ام شاهه بنرفزه بسبب ذلك البارد:بسكت بس من ذاالحين اقولكم بنتي ماتعداني ابوناصر:ابشري ثم اردف وهو ينظر للطام:هايالطام علمني وش عندك لطام بمسايسه:ماعندب الا اللي يرضيكم يايبه انا رجلها واخيها ولد ابيها بحطها في قلبي قبل عيني ابوضيدان الذي تحدث بعد صمت:ذاالمره اسمح لي يابيك انا اللي بروح معها ام شاهه بعصبيه:انت تبي تحرق كبدي وبس ابوناصر:ياجماعه اذكرو ربكم وش فيكم خلاص رجالها يروح معها وانتو ذاالحين قد معش محرم اصمتهم جوابها:بس انا مابي الا لطام ام شاهه بصدمه:وانا ماتبيني ياشاهه شاهه:يمه جعلني قبلش انا ماقلت مابيش بس انا حانتش من التعب كان ينظر لها بعشق خافي حتى عن عينيها ليقول بفرح في نفسه:تبيني انا لحالي ولاتبين تفتكين من المشاكل مهوب مهم المهم انش تبيني انا ايقظه صوت ابوناصر الصارم:خلاص رجالها هو اللي يروح معها وانتو تقعدون تشوفون اشغالكم لطام وهو يقف بعزم:توكلنا على الله خلاص ببدل حجز ابي ناصر باسمي ونمشي بعد بكره جلست ام شاهه بغضب فجرتوني واحرقتو كبدي هاوالله ماامسي في ذا المكان الليله شاهه وهي تحمل من التعب مااصمت لسانها ولكن احرق قلبها لطام بتشفي:يالله تمسون على خير الجميع ماعدا ام شاهه:وانت من اهله ام شاهه بصوت منخفض:جعلك ماتعين الخير ام شاهه بعصبيه:يالله ياابوناصر مشينا ابوناصر بعدم رضا:يالله كانت تنظر لوالدتها برجاء وحزن فهي في حاجتها في مثل هذا الوقت اما وضحه فقد كانت تبعد عينيها عن محيا تلك الهزيله فهي ان رأت الرجاء في عينيها فستفجر في حلفها حقاً ابوضيدان بحيره:يابيش انتي مستوحشه شاهه وهي تنظر في والدتها التي تخرج من الباب بعد ان ودعتها هي وخالها:لايبه مانيب مستوحشه روح ارتاح ماعليك مني ابوضيدان وهويقف:هايالله تمسين على خير وخرج دون حتى ان يقبلها كعادته لايأبه بها سواء في رخاء او شده خلت الغرفه عليها بعد ذهاب الجميع ارجعت ظهرها للطرف العلوي من السرير لتخاطب نفسها هذا انتي رجعتي مثل ماانتي مامعش احد كلهم راحو ولاداروني الكل يبي مشهاة خاطره وانا صفر على الشمال ..........:السلام عليكم فتحت عينيها بذهول غاضب:انت شلون تدخل علي جلس على الكرسي المجاور وكأنه يثبت انها ملكاً له سواء شائت ام ابت:شلون بعد من الباب شاهه بغضب وصرامه:اطلع من الحجره صدق مافي وجهك مافيه حيا اجابها ببرود وهو يبتسم:هذا اللي الله عطاش رجال مايستحي تحمليني عاد شاهه بعصبيه:اطلع اقولك اطلع اقترب منها لتتراجع هي بعنف:اياني واياك تهقوى على ذا الشي لطام رغم انه لم ينوي سوى اخافتها:انتي اللي فيش بلا ولا انا بغيت اقرب بس شاهه بخجل:انت متى بتروح لطام:من اللي قالش اني بروح انا برقد عندش شاهه بصدمه:ننععععععععم لطام بغضب:قصري صوتش مانتيب في بيتش انتي في مستشفى شاهه وهي قد ارهقها الحزن والمرض:لطام تكفى خلني في حالي والله ان الدنيا صاكه في وجهي غضب من يأسها:مافيش الا العافيه لاتصيرين خبل شاهه بتعب:معليه انا خبل بس اطلع .................................................. ........ في جناح ناصر بن فيصل هاهو يدخل جناحه ويبحث عنها فهو تعب بعد يوم عمل متعب ناصر بارهاق:وضحه ياوضيحه وينش وضحه وهي تخرج من غرفة التبديل:كم مره اقولك لاتقول وضيحه كن حنا شيبان ناصر وهو يقبل خدها:وانا مانيب شايب وضحه وهي تضمه:الا شيخ الشباب ناصر وهو يضحك:هههههه اما شيخ ذي صدقتش فيها وضحه بضيق:ناصر والله مانتب شايب بالعكس انت شبابك زين ناصر وهو يجلس ويجلسها بجانبه:شبابي زين انا معش فيها لكن شباب لاوالله ياخيش تدرين ان قد عمري اربعه وثلاثين وضحه:هههئ حرام عليك توك ثلاثه وثلاثين ناصر:ههههههههههههههههههه يالبى عمرش فرقت سنه يعني ولا ذالة اني اموت واخليش وضحه وهي تضربه بجزع على كتفه:اسم الله عليك من الموت وش جاب ذاالطاري ناصر:خلاص مانيب ميت الا عقب ماتخرفين عشان ماعاد تدرين وش السالفه وضحه وهي تكابد دموعها:ناصر خلاص عاد والله انك مغثتني ناصر وهو يقبل رأسها:خلاص السموحه يابنت الحلال ماعادني بحاكي في الموت وضحه وهو تقف:تعشيت ناصر:لا ماتعشيت وميت من الجوع وضحه:يخسى الجوع مايقرب من حياتي ناصر بخبث:روحي روحي قبل نحوس الدنيا ذهبت للمطبخ بخطوات مستعجله ووجهها يتفجر باللون الاحمر ناصر:هههههههههههههههههههههههههه .................................................. ...... في غرفة المستشفى لقد عجزت من تغيير رأيه هاهو يجلس امامها منذ ساعتين لطام وهو ينظر لها:انتي ليه ماترقدين شاهه بغضب:لأنك مقابلني لطام:والله ماعرفت لش تبيني اسافر معش وذاالحين تبين فرقاي شاهه:اربك صدقت اني ابيك لسواد عيونك انا ابيك تروح معي عشان امي ماهيب صابره على ابي وابي بالمثل لطام وقد اصمتته الصدمه فلأي درجه وصل الكره في قلبها لي فقد كنت اهرب من تلك الاجابه هاهو الله يعاقبني بما فعلت بها وبأخواتها وامها كان ينظر لعينيها:ماتقولينه ليس سوى القليل من الالم اما عينيك قد سبت قلبي وعقلي وهذا هو اعظم العقاب اني ارى بحراً في عينيك اني ارى انف ملك مفتخراً بنفسه اني ارى وردة حمراء فوق ذقنك وارى كتاب منشور فوق رقبتك التي كأنها سيفاً يحمل ذلك الوجه الفاتن الا يكفي انك اخذت ماحرمته على الاخرين الايكفيك تعذيب الايكفيك طعن في قلبي اعاده لعالم الواقع سوى صوتها الغاضب:لطام خلاص روح ابي انام لطام وهو ينظر لها بحزم:وانا قلت مانيب رايح الا عقب ماترقدين شاهه وهي تلف بجسدها الذي اثقله التعب والانفعال للجهة الاخرى من الغرفة .............. لم يكن ينوي الخروج الاقبل فتح الزياره ساعة فهو غاضب من الاثنان اللذان اصابهما الجنون بسبب العناد ايعقل ان تترك فتاة في المستشفى متعبه ومصابه بمرض بهذه الخطوره لوحدها بعد مرور ساعه تقريبا لطام وهو قد امضى الوقت في النظر لظهرها:شاهه لم تجبه لطام بصوت اعلى:شاهه لم تجبه ايضاً وقف واقترب لها لينظر لها فوجدها قد نامت وقف وهو ينظر لها بهيام وامسك بيدها ليقبلها بخفه ويعود لمكانه ويستعد للنوم .......................................... في صباح اليوم الثاني كانت عليا وحصه قد استيقظن وايقظن صغيرهن تجهزن للزياره خرجت الجده من غرفتها الساعه الثامنه الجده:صبحكن بالخير اقبلن ليقبلن رأسها:صباح النور الجده بحزن:ابيكن ماقام اجابها صوته:لابلا غار قام الجده وهي تمسك بيده:ياالله يامك خلنا نروح عليا برجاء:اي والله يبه تكفى خلنا نمشي قد افتحو الزياره ابوضيدان وهو يحمل ضغيره:يالله مشينا وذهبوا للسياره وقلوبهم تسابقهم . . . . . . . استيقظت هي لكي تجد الغرفه خاليه لاتحوي سوى رائحة عطره الفخم المختلط بقليل من رائحة السجائر قاطع وحدتها دخول الجده واخواتها ووالدها وشقيقها الجميع:السلام عليكم شاهه:بتعي صباح النور الجده وهي تقبل جبين شاهه:شلونش اليوم يامش شاهه بتعب شديد لامبرر له:الحمدلله اليوم احسن عليا وهي تحاول ان تخفي عبرتها:توش قايمه شاهه:ايه بس تعالي عونيني خليني اروح اغسل اقتربت لتساعدها وبعد ربع ساعه كانت تجلس معهم ولكن في سريرها فهي اليوم مهلكه من التعب لاتعرف لماذا فنبضها متسارع وتنفسها ضائق وتشعر بألم في جسدها ابوضيدان:ها ان شاء الله اليوم احسن شاهه وهي يتعبها الرد:ايه ان شاء الله عليا وهي تنظر لوجه شقيقتها التي دمرها فجأه:شاهه في شي يوجعش شاهه وهي قد بدت الدنيا تزغلل في عينيها:لا مافــــــ انقطع حديثها ليغمى عليها وينهض الجميع لها ........................................ في منزل ابوفيصل ام شاهه وهي تنزل من الدرج كان نايف خلفها:صبحش بالخير يمه التفتت عليه بعد ان كانت شاردة الذهن:هلا يابوي صبحك بالنور نايف وهو يقبل جبينها:ها رايحه الطبيب ام شاهه:اي والله رايحه بس اتنى جواهر تخلص عشان بتروح معي نايف وهو يضم كتفيها:يمه انتي مارقدتي امس صح ام شاهه بحزن وهي تقاوم البكاء:من اللي بيجيه نوم عقب ذا الفجعه نايف وهو يحاول تهدئتها:يمه جعلني قبلش المؤمن مايجزع من امر الله بعدين المفروض انش اقوى من كذا ام شاهه وقد تحدر دمعها:والله يامك مانيب جازعه بس ذابحني الحزن عليها يوم اني داريه انها مستاجعه نايف وهو يجلسها على الكنب:طيب علميني ذاالحين بكاش ذا بيرد شي ام شاهه وهي تمسح دموعها:لاوالله ماهوب راد شي بس لو اني ماابكي كان قد انفجرت جواهر التي كانت نقف بجانب نايف:بس كذا تتعبينها وتتعبين نفسش وتردى نفسيتها وانتي داريه ان النفسيه اهم شي في العلاج نايف بمرح ليغير مزاج عمته:وانتي ياالسكنيه من وين طلعتي جواهر وهي تبتسم باعثة القليل من الراحه:من بطن امي نايف وهو يقف:طيب يالله تبون شي انا رايح الدوام ام شاهه:مانبي الا سلامتك جعل ربي يحفظك نايف وهو من الباب:يالله مع السلامه ام شاهه وجواهر:مع السلامه ام شاهه وهي تنزل برقعها:يالله مشينا جواهر وهي تلبس نقابها:يالله وتوجهتا للباب ................................ في نفس المنزل ولكن في جناح ناصر وضحه وهي تقف بجانب رأسه:ناصر ناصر قوم فديتك تأخرت على الدوام ناصر وهو يغطي حتى رأسه كعادته:كم الساعه وضحه:الساعه ثمان ياعين ابي ناصر وهو يبتسم تحت الفراش:وشلون عاد اقوم عقب ذا الحكي وضحه وهي تسحب الرفاش دون ان تزيحه لأنه يغضب من هذه الحركه:حبيبي مهوب كل مره تنفع ذا الحركه قوم خلصني ناصر وهو يزيح الفراش ليصبح على وجهها المحبوب الذي يحمل الكثير من الجاذبيه والنعومه في ملامحه:زين اللي عادش تذكرين ذا الحركات وضحه وهي تتجه للدولاب لتخرج ملابسه:ليه هي غابت عني عشان انساها ناصر وهو يتجه للحمام:تراني بتكبر عليش وضحه بصوت عالي:حلالك يابعدي وبعد مرور نصف ساعه كان يجلس على طاولة الطعام الصغيره وهي تجلس امامه ناصر:وش ذا الريوق الزين وضحه:ياليتني اعطيك روحي وعمري بدال ذا الريوق البسيط ناصر وهو لم يحتمل هذا الكلام فعلاً فهرب بنظره للطبق الذي امامه:انتي وش جرا لش اليوم مصبحتنا وضحه وهي لم تحسب لقلبه حساب:من في قلبه شي يموت ان مااظهره ناصر وهو ينظر لعينيها بعمق:ويلومني يوم اني اهذي باسمش صبحي وليلي وضحه وهي تقبل يده:ويلوموني يوم ابكي من فرقاك على شين ماسويت فيني ناصر وهو ماعاد قادراً:وش رايش تريقيني وتخليني اتوكل وضحه وهي لم تنتبه حتى لملاحه التي تحولت للولع والهيام:ابشر وبدأت بتجهيز لقماته التي سيأكلها وهو ينظر لها بحب ويردد في قلبه:والله اني اموت فيش لعنبا من لامني فيش ياذا البزر اللي صدعتيني ..................................... في ممرات المستشفى كانت تسير بخطواتها الواثقه الفاتنه مع طولها الجميل المميز جواهر:يمه ام شاهه:لبيه جواهر:لبيتي حاجه انتي بتروحين مع شاهه ام شاهه وقد بان الغيض:لا جواهر بصوت منخفض:احسن ام شاهه وقد بانت لها الزحمه في غرفة شاهه والجده وامرأتان طويلتان قد عرفهما يقفن امام الغرفه و وقد بان عليهن البكاء والانهيار اسرعت بخطواتها لهلعها الذي بدأ بالتزايد حتى وقفت امامهن ام شاهه وقد انقطعت انفاسها:شفيكم حصه التي ضمت والدتها:تعبت تعبت يمه ام شاهه وقد تصلبت عظامها:شاهه وش فيها الجده:الله يصلحش يامش فجعتي امش ثم اردفت:مافيها الا العافيه بس غشيت قبل شوي من قل العيشه ام شاهه وهي تدفع حصه بعيداً لتتجه للغرفه مسرعه اما الجده التي قد بأت عظامها بالتخاذل لخوفها على صغيرتها:يالله ياللي ماتنام عينه شافي بنيتي يالله |
البارت الخامس عشر ................................. في المستشفى كان يقف في احدى زوايا الغرفة بعد ان دفعه الدكتور بعنف حين اقترب منهم وهم يقومون بافاقتها كان ينظر لعينيها مباشره منتظراً منها ان تفتح عينيها ليطمئن قلبه فاجئهم ذلك الاعصار المرعوب الممسوك بقلبه اقتربت من الدكتور وممرضاته:دكتور شفيها بنتي الدكتور وقد اصابه التوتر من عدم استجابة تلك الملقاه:طلعوها من الغرفه ام شاهه وهي تحاول التفلت اقترب ابوضيدان ليقول بهدوء:وضحه اظهري ام شاهه وقد برزت عيناها نتيجة خوفها فتقول له بصرامه:فارقني ياناصر والله ان شوفك ينحرني ليبادلها بنفس الصرامه رغم ماحوى قلبه من حزن لتلك الكلمه:اظهري قبل ياتي علم مهوب ذا لم تجيبه لأن الممرضات قد اخرجنها وعادن له:لوسمحت اخوي ممكن تطلع برا لأنك توتر الدكتور ابوضيدان وهو ينظر لها فهو غير قادر على ان ينظر لها وهي بهذا الهدوء والصمت المخيف:ان شاء الله ...............وخرج من الغرفة لتتلقاه نساءه بالاسئله .................................. كان يقفون في مواقف مبنى الجيش القطري فلاح وهو يحاول مقاومة النوم:الظاهر انتو مطولين انا ماعاد اشوف قدامي فهاد من كان قد اكفهر وجهه واصبح السواد يحتله رغم انه يأخذ البشرة شديدة البياض كما باقي العائله:فلاح البخ مانيب قي حالك فلاح بقلق:فهاد نايف وش فيكم انتو جبتوني هنيا وانتو تدرون اني توني مخلص تدريب وتعبان ثم اردف:والله ان عندكم علم امحق اصمته هذه المره نايف:حنا جبناك عششان تفزع مهوب تحكي فلاح وقد انتفخ صدره اثر الانفعال:معكم يااخواني لوانه موتي فهاد بصوت منخفض ومحفز:فلاح نايف تعاضدو يااخواني ترا الرياجيل جاونا ماان سمعا تلك الكلمات حتى ذهب فلاح يركض ليخرج العصا التي يخبأها في السيارة ثم شكلو دائره وجعلوا ظهورهم متقابله واقترب الرجال الذين كانوا يشكلون جيش بعددهم الذي يصل اكثر من عشرة رجال فصرخ فهاد:ظهري ظهري(يقصد بها احمو ظهري واحمي ظهوركم حتى يظمنوا الانتصار والامان لبعضهم) والتحما الجيشان فقد كان الثلاثه يستخدمون العصا اداة الدفاع والمقابلين بالمثل فقد تحاوطهم الرجال من كل جهه فهم اكثر من عددهم بأضعاف وبدأ الضرب يشتد حـــــــــــتـــــــــــــى ..................................... في المستشفى كانوا يقفون بصمت مرعب خرج الدكتور فهم ابوضيدان للاقتراب منه ابوضيدان بهدوء:هايادكتور بشر الدكتو وقد بان عليه القلق الشديد:يااخوي البنت تردت حالتها اكثر فأتمنى انكم تستعجلون في تسفيرها للخارج ابوضيدان الذي قد دب في قلبه الحزن المخفي:ليه يادكتور وش اللي استجد الدكتور:الصراحه الحاله اللي صارت لها قبل شوي كانت بسبة هبوط الضغط وانخفاض كمية الاكسجين في الدم ابوضيدان:سفرها ان شاء الله بكره بس الخوف انها ترجع لها الحاله الدكتور:لا انشاء الله حالياً قاعدين نعطيها ابره في الوريد مضاده للالتهاب بس احب اذكرك ان العمليه تحتاج لنخاع مماثل لنخاعها واحنا ماعندنا متبرعين بس واحد اللي تقدم للفحص ابوضيدان باستغراب:من اللي تقدم للفحص الدكتور وهو يحاول التذكر:اعتقد اسمه لطام سعد ابوضيدان بصدمه من تلك الخطوه من لطام:خلاص يادكتور انا شوي واروح المختبر واسوي الفحص الدكتور:بس اتمنى انك ماتعاني من اي مرض ابوضيدان:فيني السكر يادكتور الدكتور:بس بس انت لايمكن تتبرع ثم اردف الدكتور:اتمنى لو انها لها اخوه او والدتها ماتعاني من اي مرض يتقدمون للفحص ابوضيدان وهو يحاول ان يتخلص من المقابله المحزنه:ان شاء الله ان شاء الله ثم انفض الاجتماع الموجع ذهب ابوضيدان بفكره:ويلوموني فيك يالطام والله انك محزمي ياولدي في سود الليالي ايقظه يد عليا التي كانت تهزه:يبه يبه ابوضيدان:هلا عليا بقلق بان في صوتها:وش قالك الدكتور ابوضيدان وهو يسحبها ليقترب من اللاتي يجلسن على الكراسي:يقول انها غشيت عشانها ماتاكل عليا صمتت وقد انهمرت دموعها فهي تعلم ان ماحدث اكبر من ذلك فهي تعلم ان المرض قد اصبح في مراحل متطوره ............................. كان يسابق الريح بسيارته بعد ان اتصل به احد ابناء(جماعتهم) ليخبره بما يحدث اوقف السيارة ونزل منها دون حتى ان يطفئ محركاتها اتاهم يركض بسرعه ليكمل تلك الدائره التي قد انهارت حصونها الثلاثه الباركين بعد ان بذلوا طاقة هائله في مواجهة الثمانيه الصرعى والذي تبقى منهم اربعة رجال اقبل عليهم ليوقف نايف اولهم ويبدأ بالمعركة التي قد اوشكت على النهايه التفت لينظر لفهاد الذي كان يثني احدى قدميه ويوقف الاخرى ودمه قد تدفق ليغطي ملامح وجهه والتفت لفلاح الذي قد بان فيه انهيار القوه من انحناء ركبتيه زملابسه التي غرقت الكثير من بدنه وبعد مرور عشرة دقائق حتى سمع الجميع صوت الشرطه نزل رجال الشرطه للقبض على الجميع ........................... في منزل ابو ناصر ام ناصر التي كانت تمد الفنجال لأبوناصر:نايف ماجا مع انه قالي انه الساعه عشر بيكون هنيا ابوناصر الذي يمد يده للتمر:شوي وتشوفينه قدامش ام ناصر:جعلني ماخلا من احد منكم ابوناصر:ماطاعني الهيس ودخل الجيش من عاده صغير قعد في ذا الشركه هو والخبلان اللي معه الين شيبو وعقبه عرفو انه ماينفع لهم الا الجيش ام ناصر:هذا اللي الله كاتبه لهم ابوناصر بأيمان:ونعم بالله وهذا شي اكيد بس غابنيني يومهم ضايعين ولايسمعون النصيحه ام ناصر:ياابن الحلال الحمد لله انهم تخجو من الجامعه عشا يترقون بسرعه ولا لو انهم دخلو بشهادة الثانويه كان ضاعو صدق قاطعهم رنين هاتف ابوناصر ابوناصر وهو يرد:الو ناصر بصوت رخيم:يبه انت وينك ابوناصر الذي نهض ليرد عليه بهدوء:وش اللي صاير ناصر:مابه الا العافيه بس تعال مستشقى حمد ابوناصر وهو يخرج من المنزل:يالله جايكم جايكم ............................... في مستشفى حمد كان الثلاثه يجلسون متجاورين احدهم يخيط والاخر يجبس والاخر تنظف جروحه اما هو كان سليم تماماً من اي خدش لكنه في ذروة غضبه من هؤلاء المجانين لطام وهو يقف امام الثلاثه بغضب:انا بفهم انتو حيوانات ماعندكم عقول تضاربون مع الرياجيل عند مكان شغلكم فهاد الذي كان الممرض يخيط جروحه:لأن اللي بينا وبينهم مايتحمل ان حنا نأجل اللي صار لو دقيقه لطام بعصبيه:عود يقول اللي صار ماتعلمني وش اللي صار نايف وقد كان يتألم من مطهر الجروح الذي كان يسكبه الممرض على جروحه:لطام الموضوع ماينقال هنيا خلنا الين نعود البيت لطام بضحكة استهزاء:احلموا انكم تمسون في بيوتكم الليله فلاح الذي كان يدفع الممرض الذي آلمه:انت هيه لايسوي عور ثم اردف:اهم شي وظايفنا لكام بغضب:هامتكم وظايفكم اصلاً تسعين بالميه تنطردون قاطعهم دخول ناصر:السلام عليكم الجميع:وعليكم السلام ناصر وقد اقترب من لطام:شصاير لطام وهو يشير للثلاثه:اللي صاير ان ذاالبهايم متخانقين مع رياجيل في مصافط الجيش ناصر وقد ثار غضبه:وش هو ثم اقترب من نايف ليمسك بيده المنرضه:الله ياخذ ذا الوجيه والله ان تغدون رياجيل وعقولكم عقول بزران ماتعلموني يومكم غادين مصبنه عقب ماغديتو شيبان وش جاري عليكم لطام وهو يبعد ناصر من نايف:لاتتعب عمرك ردهم انه صاير بينهم شي مايبون يحكون هنيا ناصر بغضب:ليه ان شاء الله الشرطه بتاتي ذاالحين وش نقولهم فهاد:اي شي الا ان حنا نقولهم سبب الخناق لطام بنرفزه:طيب علمونا خلونا نعرف نايف وهو ينظر لفهاد بمعنى يجب ان يعرفوا فأومأ فهاد علامة الموافقه فهاد وقد عاد له الغضب وانتفخ صدغاه:صكو الباب وتعالو اغلق ناصر الباب وجلس بجانب لطام على الكرسي المزدوج فهاد وهو يحكي ماحدث وهو في كل كلمه ينتهض اثر ضيقه:قبل ثلاث شهور كنت قاعد انا نايف عقب التدريب ونسولف وبه رجال دهيه يرقب لي يوم هنا قلت لنايف:نايف الرجال ذا عنده بلا التفت له نايف:ليه وش فيه فهاد:من اليوم وهو يشبح فيني وعيونه عيون اللي مهوب صاحي نايف:يمكنه متقهوي(يعني سكران) فهاد:مدري الله ياخذ عمره شيفته ماريحتني نايف وهويتمدد على فراشه المجاور لفراش فهاد:اقول امس وكبه منك(كبه منك=لاتعير له اهميه) واستمر الحال لمدة ثلاث شهور ونظرات ذلك الخبيث لم تتغير فهاد وقد زاد اكفهرار وجهه:واليوم كنت في الله يكرمكم في الحمامات ماخذيت الا الملعون زارق علي ومعه ثلاث دريت ان عنده علم امحق يوم هنا كتفوني الملاعين وقام الواطي يقرب مني وانا اقوم وارفسه بماعطاني ربي من قوه (صمت لثولني اثر اقشعرار بدنه) لطام بحذر:وش صار عقبها تحاك اخلص علي فهاد:كان عندنا تفتيش اليوم يوم هنا ماخذو الا المدرب داخل علينا المدرب:شتسوي انت وياه فهاد بعد ان تركوه الرجال:مابه شي سيدي المدرب بغضب:يالله قدامي انت وياه نظر لهم بنظره مرعبه فهم يحتمون بكثرتهم وقوتهم اما هو يحتمي يقلب لايعرف الخوف فهاد:درو الكلاب اني نويت عليهم يوم هنا علمت نايف ودقيت على فلاح وخليته ياتينا لأني داري ان حنا الاثنين ماحنا بمحتالين في ذا الدهايا(الدهايا=العمالقه) ناصر وهو يقف بغضب متفجر قد بلغ ذروته:ابن لطام الله يلعنهم والله مايسلم منهم واحد وانا اخيك لطام بهدوء:فهاد فهاد:لبيه لطام:من و ولده فهاد بكره:الثلاثه عوال عم وكلهم من آل دبيس لطام وهويقف وقد بدت الرعود والبروق في عينيه:اخو ثمينه والله مايمسي الليل على احدهم فهاد بصدمه:تعوذو من الشيطان الا الذبح لاتدهورون عماركم ناصر بغضب:البخ انت هذولا كلاب عليها ثياب ماينفع لهم الا الذبح لطام وهو يسحب ناصر للخارج لطام بغضب وهمه:اظنك عرفتهم وثارنا معهم ماخمد ناصر بعصبيه:افا عليك ثارنا مابعد خذيناه لطام و قد تذكر مايعوقه:ناصر انا بكره مسافر وش السواه ناصر:ابرك والله عشان ان صار ماصار تاتي علي وانا ادبرها وانا اخيك لطام:علي بالحرام ماتشلها لحالك وانا حي ناصر بفزع:استغفر يارجال وش قومك على ذاالكلمه لطام منهي الحوار:خلصت يابن الحلال المهم ذاالحين نروح لهم ناصر:يالله خرج لهم نايف وهويعرج:وين بتروحون ناصر بغضب:انقلع وراك نايف وهو يمسك بيد لطام وناصر:لاحد يدهور عمره عشان رخوم مايسوون لطام وهو ينفض يده:خلينا العقل لكم ثم تخلص ناصر منه واتجه الاثنان للبوابه الخارجيه اما نايف دخل بسرعه معاقه للداخل نايف:ناصر ولطام راحو للرياجيل وقف فهاد:مشينا نلحقهم فلاح وهو يمسك بطرف ثوبه ويركض:يالله بسرعه وذهب الثلاثه منهم من يعرول ومنهم من يركض ومنهم من يمشي بخطوات متباعده .............................................. كان يقف في المستشفى كل من ابوسعد وابوفيصل وابولطام وابونهار وابوناصر وابوضيدان ونهار وعساف وبداح كان نهار وبداح وعساف يقوموا بالاتصالات على الهواتف الخمسه فهم قد عزفوا بما حدث وعلموا بهروب الخمسه لكن ليس هناك كم يجيب على تلف اعصاب هؤلاء الرجال بداح بغضب:الكلاب الثلاثه لاغابوا عرفنا ليه بس ناصر ولطام عندهم علم على ذاالغياب ابوفيصل بتوتر:مااحد رد عليكم عساف وهو يجلس بجانب ابوناصر:بيردون بيردون ان شاء الله ابوسعد الذي كان صامت:مايغيبون الا عندهم علم ابوفيصل الذي كان يجلس بجانب شقيقه:وعلم كبير نهار الذي اتى من بعيد ليقف بجانب بداح الذي وصل لآخر مراحل الغضب:بداح التفت له بداح وهو يغلق هاتفه:هلا نهار:العوال كلموني وهو ذاالحين عند اللي تخانقو معهم والظاهر اللي صاير شي كايد اللي يدريك ان لطام وناصر معهم بداح بهمه:اجل يالله خلنا نروح لهم نهار بحكمه:بنروح بس خل الشيبان يلهون في الصلاه والكلاب عددهم واجد ودهايا وفلاح دق علي يقول تعالو افزعو معنا لأنه هو ونايف وفهاد متكسرين بس مابغو يهدون لطام وناصر بداح بقلق:الله يستر اخبر بداح عساف بالامر بكل هدوء وعندما اقيمت صفوف صلاة العصر كان الثلاثه اول الخارجين بعد انتهاء الصلاه ليتوجهو للمكان الذي اخبرهم به فلاح قبل قليل ........................................ اما في منزل بل قصر كان الخمسه يختبئون بين السيارات الكثيره التي تقف امام القصرفهي تدل على ضخامة ثروة تلك العائله ناصر بصت هامس:لطام القف لهم من الجهه الثانيه لطام بصوت مماثل:مابيهم يدنعون في الثلاثه اللي وراك وهم مكسرين كذا(يدنعون=يطمعون) ناصر:هذي والله البلشه فلاح الذي كان يسمعهم:رح ولاعليك نهار وباح وعساف ذاالحين جايين لكام وهو ينظر بصدمه:اجل الشيبان درو فلاح:لا انا قلت لهم لايعلمونهم ناصر:فهاد يافهاد فهاد وهو يقترب من ناصر بحذر:لبيه ناصر: الطويل ذاك هو الملعون فهاد:الله الله لطام:وهو يحمل هاتفه الذي كان يهتز في جيبه:الو نهار:وينكم فيه حنا جنب البوابه لطام:حنا بين السيارات نهر:يالله حنا جايينكم بس ترا الرياجيل مهمب شوي لطام بصرامه:حنا لهم وانا اخيك ارب كل منكم معه فرده نهار:ايه ايه يالله سكر سكر واغلق الهاتف وبعد مرور ثواني كانوا جيش ملتحم لطام الذي كان يترأسهم:يالله انا بحاوطهم من الصوب الثاني وبعد خمس دقائق كان الثمانيه يقفون بأسلحتهم ليصقع آل دبيس بهؤلاء العمالقه فأتاهم صوت لطام الذي كان متلطم كبقية اخوته:نذرن على خيط رقبتي لما تسلمونا الكلب اللي عندكم ان نثور فيكم جميع اجابه احد كبار السن من هؤلاء الذين يقفون كدائره بتوتر بعد معرفتهم بما حدث لأبنائهم:من انتو ومن تبون احد الشباب:يبه وش جرالك الرجل المسن:اقطع الرياجيل فيهم بلا والله ماياتون كذا الا وهم لهم حق اجابهم لطام:حنا آل لطام ونبي الكلب اللي يدعى سلمان ناصر وهو يخفي وجهه:اخلصو علينا الرجل المسن:ياولدي انا يقالي ابومحمد وانا كبيرهم وولدنا ضربوه عوالكم الين كسروه وش عاد تبون به لطام:والله واللعنه في الديث والدثا منكم نهار الغاضب فهو قد توتر من كثرتهم:والله ان قد يتوسد ولدكم يمينه الليله صعق شباب العائله ليرد احدهم:ياآل لطام فارقونا مالكم حق عندنا تقدم فهاد بثوبه الملطخ بالدماء وهو يثير احدى الطلقات في الهواء:تراها الاوله والثانيه والله ان قد تدني منكم ان مااظهرتوه ابومحمد بغضب:وين كبيركم لطام:مابغيته عندي ففاجأهم صراخ النساء بالداخل:لاتظهر بيذبحونك لاتظهر وبعدها خرج ذلك الحقير ليوجه الثمانيه اسلحتهم عليه ابو محمد وهو يصرخ بجزع:لا لا ياآل لطام يكفينا الثار الاولي لطام وهويصرخ ليسمعه ابومحمد:ماحفظتو عوالكم عشان نعديكم الثار الثاني فاطلقت رصاصه اتت بمقتل ذلك الذي كان قد اعتدى على احد حرمات الله جل جلاله فهو قد هز عرش الرحمن بفعلته التي نجا منها فهاد ولكن لم ينجو منها غيره ........................................ جميع النساء يجتمعن في غرفة شاهه الصغيره وكلهن يتشاركن نفس الهم والقلق ام لطام وقد تورمت عيناها تحت غطائها من كثرة دموعها:ثمينه عطيني ماي ثمينه التي كانت تمسح دموعها:ابشري الجده التي كانت تكثر من الاستغفار:يابنات مااحد جاب علم نوره التي قد هبطت طبقات صوتها من بكاء متواصل منذ ان علمت بما حدث:لا يمه جعل ربي يردهم سالمين الجده بتوتر:آمين آمين ماان امسكت ام لطام بالكأس حتى سقط منها بسبب رعشه قد اصابتها:بس الله الرحمن الرحيم اسم الله على ابي وعوالي واخي ثمينه وهي تنحني لتحمل ماتكسر:لاتلمسن شي يمه انا اشله وقفت دلال:خليه خليه انا اللي بشله وبدأت بتنظيف المكان ام شاهه وهي تقف:انا بروح اشوفهم ماعادني بمحتاله اقعد جواهر:اي والله تكفين يمه اعصابنا تلفت خرجت ام شاهه ليصدمها ابوناصر الذي كان يهرول فلحقت به وامسكته لتقول له برعب:فيصل شقومك ابوناصر بعجله وهو ينفض يده منها:العوال غارو على آل دبيس تجمدت كل اعصابها لتهمس في نفسها:ماكفاكم ياآل دبيس ماكفاكم الله يقطع واردكم |
| الساعة الآن 07:14 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir