|
رواية غضو النظر عني تراني حلاله رواية غضو النظر عني تراني حلاله هذه الروايه تعبنا في تجميع اجزائها وياليت القراء والزوار يردون بالشكر تقدير للتعب الي قدمناه مودتي الـــــــــبــــــــارت الاول ......بصراخ مؤلم:ليه ياوضحه ليه (ورجع يكمل مابدى من ضرب على جلدها الذي من شدة نعومته وبياضه وترافته الذي تميزت به عن غيرها من النساء) وضحه وهي تبكي قذف عرضها باطلا:تكفى ياناصر لا تظلمني والله يامن قال ذا الحكي انه يكذب عليك ناصر بغضب هادر مستهزء:ليه يابنت عمي ليه ياللي خذيتي القلب والروح وضحه بصوتها الباكي:والله مادخلته ولاأدري من ادخله ناصر وهو يوقف من ضربه ويرفع ظهره المنحني ليفجر قنبلته: وضحه انتي طالق وتراش علي مثل امي علي .................................................. .......... .................................................. .. هاهو العمر يجري وأصبحا كبيرا سن ولازالا يتقاسمان الهم والقلق والتوتر وهما يجلسان في بيت الشعر وهو اكبر خيمه في مخيمهم لأنه مجلس الرياجيل .........:شفيش ياشاهه شاهه(ام سعد) بقلق:مدري وش اقولك يالطام لطام (ابوسعد)وهو يرشف من فنجاله:عساه خير ام سعد:تكفى يالطام كاسرات ظهري بنات ناصر ابوسعد بحزم:كم مره قلت لش لاعاد تقولين تكفى بعدين ماعلى بنات ناصر خلاف ام سعد وصوتها ينحدرللبكاء خوفا على حفيداتها:ياخوفي لاتردى حظوظهن (وبدت تبكي بصوت مكتوم) ابوسعد بهدوء:بحيل الله مايبورن وهن صالحات وابيهن ناصر ام سعد وهي تبكي: ماحد(ن) بقايل صالحات الا بيقولون غدن لأمهن ابوسعد بغضب وصدمه:يكرمن بنات ناصر ام سعد برجاء:لاتخلي العرب ينهشونهم عقب عيني بالذات شاهه اللي ذاقت اللقعات والحرات من عادها بزر ابوسعدبحزم:والله مايتعرض لهن احد الا وأقطعه وانا ابن سعد ثم اردف بعصبيه خفيفه:ماتعلميني وش طرا عليش تجيبين ذا الطاري الامحق ام سعد بعد ماهدت :قومي الشين ناصر مشينن فالهن ولطام دايس(ن) عليهن وهو ماله عليهن كلمه ابوسعد بضيق وعصبيه :وليه يوم انشدش تقولين ماعليهن الا العافيه ومرتاحات ام سعد:مابي مشاكل وشاهه جعلها تحيا تحلف اني ماكدر خاطرك بذا الطواري ابوسعد بغضب:هاوالله ان قد ازين مطحونهم ذا الساعه (ازين مطحونهم=اعنفهم بشده) ام سعد:لاتوجعهم بالحكي جدا .................................................. .......... .................................................. .......... .... اما في خيمة قعدة الحريم وهي ترقص حواجبها: اي وانا بنت ابي والله ان قد تنزلين ورقش فتردعليها مبرره:والله من الغش فترد هي الاخرى بتكبر مازح:لاوالله غار قومه شكالة راسي(شكالة =طيب) وهي تخبص ورق الجنجفه:ايه اللي قاعد قدامي علي مهب عليا عليا تدلع بزياده:نويره حرام عليش ماعينتي الا انا ام الانوثه نوره توزع الورق:جعلني العما ان كان ذا الدلع فيش عليا :هههههههههه كل ذا حرت(ن) مني عشاني غلبتش نوره وهي توعدها:هذا الميدان ياحميدان رويني وش بتسوين اما في الطرف الثاني من الخيمه ام لطام بتساؤل:يابنات انا ماشفت شاهه اليوم ثمينه وهي تلاعب ضيدان:يعني وينها اكيد في خيمة المطبخ ام نهاربحب:ياجعلني قبلها عز الله انها ظفره بنت ناصر ام لطام بموده:ياجعل ربي يكبر حظها ام نهار :آمين وحظ اخياتها ام لطام:هاقومي ياثمينه انتي وخواتش وعاوننها حصه:جعلني فداها حلفت ماحد منا يدخل المطبخ ولا يلمس شي في ذا الكشته نوره وهي تقعد جمب امها وتضم عضدها :يمه ام نهار:لبيه نوره:يمه قولي لنهار يخلينا نجربع اليوم ثمينه بترجي:اي والله تكفين يمه وانتي كلمي بداح عليا وهي تلم ام نهار:تكفين يابنت لطام ماتقولين لا ام نهاربابتسامه تخفيها تحت برقعها:ماتعلميني يومش كل ماهنا قمتي تنخيني هو به علم(ن) يستاهل الموضوع كله جربعه عليا وهي تضحك:ههههههههههه عشان تاخذش الحميا وتوافقين دخلت بعودها الريان الذي لطالما يسحر الالباب وهي تنزع برقعها الذي لبسته منذ ان كانت فتاة الثانيه عشر لتكشف عن ماكان مطمع كل امرأه تبحث لأبنها عن زوجه وكل فتاة تريد التميز عن غيرها بالجمال:ياعليا لاتوجعين امي صيته ام نهار بفرحه لقدومها:يابعد امش صيته انتي ريحي عمرش ولا عليش مني انا وذا المصدوعه نوره بمزح:كم مره اقولش لاعاد تفصخين برقعش كذا عشان مايوقف قلبي من ذا الزين ام لطام وهي ترش وجه نوره بماي خفيف من قلاصها اللي شربت منه: اهبي هبيتي اذكري ربش لاتطيرينها نوره وهي تضحك:هههههه وانا صادقه يمه تفصخ برقعها وهي ماتحاسب على قلوب اللي حولها شاهه وهي تبتسم:ابشري ياشيخه نوره قبل افصخ برقعي اعلمش حصه وهي تلم اختها من خصرها:وحشتيني ماشبعت منش اليوم ثمينه:انتي هيه يالبزر وخري عنها خليه ترتاح شوي شاهه وهي تلم حصه اكثر وتمسح على ظهرها بحنان:خليها جعلني قبله مهيب تتعبني اللي يتعبني غيرها(تقصد عليا) ام نهار :لادبلت كبدش طرشيها علي والله ان اسنعهالش عليا وهي تمثل الزعل:افا ياصيوت انا تقولين عني كذا زعلت عليش ام نهار:داريه انش غاليه يالسلقه عليا:لوانش حذفتي كلمة السلقه كان ازين حصه:لأن هذا الواقع يأختي ياحبيبتي ثمينه:ذا الايام كلمة الحق تزعل عليا :ردي عليهن ياصيته ام نهار: وش ارد وانتي تصوتين لي باسمي عليا وهي تلمه بقوه:ميانه يابعدي ام نهار وهي يالله تكلم:فكيني ياامش فككتي عظامي الكل:ههههههههههههههههههههههههههههههههههههههه قطع ضحكهم صوت الرياجيل العالي ام نهار بقلق وهي قايمه تروح لهم:الله يستر ام لطام بقلق مماثل:لاتخلينا ياصيته طمنينا ام نهار وهي طالعه من الخيمه وتعدل برقعها :ابشري ابشري |
البارت الثاني .............................................. ابوسعد بصوت تمكن منه الغضب:ماتعلمني يومك ناشب(ن)في حلوق بناتك ليه ابوضيدان(ناصر) محاولا تهدئة والده الذي نادرا(ن) ماوصل لهذه الدرجه من الغضب:يايبه الله يرضالي عليك انا ابي مصلحتهن ابوسعد وغضبه يتزايد:انت ماانت بتبي مصلحتهن انت تبي تمغثهن انت حتى اللي ماله عليهن حكي خليتهن يدوس على رقابهن(يقصد لطام)(تمغثهن=يجلب لهن التعاسه) ثم اردف وهو يلتفت لمن كان يجلس متحليا(ن)بقمة البرود:وانت جنب بناتي ابرك لك لطام وهو يحب راس جده:ابشر ولالك الاطيبة الخاطر ابو لطام (سعد)الذي كان صامت هو وغيره احتراما(ن) لغضب الجد:يايبه اذكرالله وصل على النبي جعلني قبلك قاطعهم دخول ام نهار ويبدو على وجهها القلق:شقومكم؟ ابو لطام:مابه العافيه ابوسعد:قومنا ذا الخبلان اللي حطو دوبهم دوب النسوان ام نهار وقلقها يتزايد:ليه شصاير ابوضيدان:ابي جعله يحيا ضايق(ن) علي انا ولطام شوي ابوسعد يوقف وغضبه وصل ذروته وينوي الخروج من المجلس:نذر(ن) على خيط رقبتي يامن تعرظ شاهه وخواتها ان امحق عليه ............وطلع من المجلس عشان يقدر يهدي نفسه وقف لطام رايح لجده لكن اوقفه صوت اخيه(ابداح):خله شوي يالطام ذاالحين تعينه ظايق من دون ان يلتفت:انا وياه ننجاز..........ذهب متوجها(ن) لجده ابو نهار بعد صمت:خلوه مايريح ابي لطام الا ذا الصبي في طرف الجلس فلاح وهو يساسر فهاد:اخخخخ شفت وجه ابداح يوم فشله لطام فهاد وهو يكتم ضحكته ويهمس له:جعلك الوهم البخ قبل واله ان يصلخك ابيك فلاح بصوت هامس:ابي يشبح فينا ياوالله اللي دنا زوالنا (يشبح=ينظر) وفي طرف آخرعساف:ياابداح انت وش لك في ذا السالفه ابداح بقهر:ماتشوف دبرتهم في ذا الضعيفات عساف بحزم:مافي نسوانا ضعيفه نهار وهو يميل عليهم:خلو حكيكم ذا عقب مايهدون العرب ام نهار وهي تهدي امها التي ذرفت الكثير من الدموع بسبب تمزق قلبها مع كل من حولها:بس يمه جعلني الاوله شوي وتشوفينهم داخلين عليش كنه ماصار شي يعني جعلني قبلش ماتعودتي على ذا الحال بين ابي ولطام يتخانقون ويحمس ابي عليه ولا يرضيه الا لطام(يحمس=يزعل) ام سعدوهي تبكي:لاكان ذاالمره كبيره ابونهار :مابه العافيه يايمه ابو ضيدان ارضاءا(ن) لها:وش تبيني اسوي اروح واتعذر من بناتي عشان يرضى والله ان اسويها بس يرضى وانتي ترتاحين ام سعد:يامك والله ان ابيك صادق نشبت في حلوقهن انت وولد اخيك ابو ضيدان:خلاص ابشري باللي يبرد كبدش .................................................. .......... ................................ عند النسوان ام لطام بقلق:الله يهديش ياصيته استوت كبدي وانتي سجيتي مني ثمينه وهي تهدي امها:انشاء الله ان الامر هين ولاضحك ولاما كان قعدت امي صيته هناك وخلتنا من غير ماطمنا شاهه:اقعدي ياخاله مابه الا الخير نوره:ريحي نفسش يمه لايرتفع سكريش وعم الصمت (ابو نهار وام لطام اخوان بس مات ابيهم وهم صغار ورباهم ابوسعد) .................................................. .......... ........................... في بيت يفتقد الرجل تنزل من الدرج وهي شاردة الفكر فنبهها صوت امها اللي قاعده تقهوى:امي ..وضحه تعالي تقهوي وضحه وهي تغتصب البسمه عشان ماتكدر خاطر امها:وانا ماحولت الاعشان اتقهوى معش جعلني فداش ام وضحه بهدوء:يامش لاتذبحين نفسش كانش تبينه عودي عليه والله ماقولش لا بس انش تسوين كذا بعمرش لا وضحه وهي تبلع غصتها بسبب ذكرى مؤلمه:اعود عليه وهو طلق عقبي ثنتين وقده يدور الثالثه ام وضحه بزعل خفيف:انتي داريه هو ليه خذا الثنتين سواتش ماتسويها لاخبل ولا صاحيه وضحه وهي تحاول مقاومة عبراتها:انا غلطانه صح واعترفت بغلطي بس ماغفرلي وش عاد اسوي ام وضحه بيأس:سوات ربش ابرك .................................................. .......... ..................... تقدم منه وجلس جمبه:تزعل علي يبه ابوسعد بضيق:لطام فارقني مانيب في حالك لطام وهو يحب يده:بفارقك عقب ماترضى علي التفت عليه ابوسعد بعصبيه:وش ارضى عليه على شين فعلك في بنات عمك وقل حشمتك لي لطام بجزع:تكرم يبه من قل الحشمه ابوسعد بتأكيد:ماعاد خليت فيها حشمه بناتي ودست عليهن وانت ماتطلبهن شي ثم اردف:لاتحسب اني ساج(ن) من شي ما يخفاني ماسويته فيهن لاتحسب انك درقتني(درقتني=استغفلتني) انت وعمك لطام وهو يعود الى هدوءه الذي تميز به:ماحدني على الشين الا اللي اشين منه اللي شفته مايغيب من بالي دقيقه ابوسعد وهو يتلبس الهدوء لكي يستطسع التفاهم مع هذا العنيد الصارم المتكبر: يكرمن بناتي من ذا الدرب واصابع ايدك ماهيب سوى لطام:المؤمن لايلدغ من الجحر مرتين ابوسعد:ياولدي لاتزر وازرتن وزر اخرى لطام:اقلب الجره على فمها تطلع البنت لأمها ابوسعد:انت جايني عشان تدبل كبدي بذا الحكي اللي مامنه فود لطام :انا جيت ارضيك ابوسعد:عز الله ياولدي ماحد(ن) بقادر(ن) عليك لطام بشبح ابتسامه:هذا الي حنا نبيه يابوسعد ابوسعد:هاتعال قومني خلني اعود للمجلس لطام:دامك قلت قومني اجل رضيت علي عطني ايدك .................................................. .......... ..................... في خيمة النسوان شاهه وهي تضم جدتها اللي تبكي من جات من المجلس:بس جعلني الاوله عشاني ماتبكين والله ان قد يرتفع ظغطش وسكريش عقب ذا الضيقه ام سعد:والله يامش مهب بكيفي قلبي يحاتيهم شاهه:يايمه مابه علم عشان كذا مابه شي يتزاعلون عليه ام نهار: ماخليت فيها كده غار هي جعلها تحيا ماتسمع الحكي ام لطام:مهب زين(ن) لش الزعل كذا يمه عليا بمرح بعد موجة صمت حلت عليها بعد ان عرفت سبب الخلاف:وخرو وخرو مايعرف للغزاله الا انا وقعدت جمبها:هاياغزاله شفيش ام سعد بعد ماهدت شوي:يامش خليني ذا الحين واله ان الدنيا ضايقة بي عليا:بيعيني في السوق ام سعد بحنان:اشتريش بروحي عليا:جعل ربي يخليلي روحش وزولش قولي آمين ام سعد وهي تضمها:ويخليش لي انتي وخواتش عليا:طيب اجل امشي نتمشى انا وياش في ذا الجو الزين ام سعد:هايالله حطن لكن بساط وزينن قهوكن وشاهيكن وانا جايتكن شاهه وهي تقوم متوجهه للمطبخ:انا بزين كل شي انتو بس اظهرو وقام الكل متوجهين للقعده اللي سبقوهم نوره وثمينه وحصه وزينوها .................................................. .......... ................................ كانت تدور في غرفتها تدور ساعتها الي عقب ماجات من الجامعه حذفتها:يالله مدري وين حطيتها دخلت عليها امها يتقومها من نومها بس لقتها قايمه:زين انش قمتي اخنزتي في ذا الفراش وهي مزالت تدور:قايمه من مبطي بس ادور ساعتي امها:وش ساعته هي بيأس وهي تلتفت لأمها:ساعتي البنيه اللي كل يوم البسها امها باستغراب:أدلول مهيب ذا اللي في ايدش دلالوهي تناظر في ساعتها:ههههههه يا والله اللي خبطت مكينتي ام وضحه بعتب:مانيب لايمتش مقيلة(ن) ست ساعات ماعاد ذا بمقيال قد ذا ممسى دلال وهي تبوس امها:يايمه جعلني قبلش انتي تدرين اني اجي من ذا الجامعه تعبانه وهلكانه دالعة(ن) العافيه وادور الفراش ام وضحه بحنان:ياليت التعب فيني يامش دلال وهي تضمها:اسم لله عليش من التعب ام وضحه: هايالله تعالي حولي عندي انا واختش دلال بضيق:ياجعل ربي يفك ضيقها ويفرج عليها همها ام وضحه بصدق ورجاء:آمين ونزلو تحت يقعدون مع وضحه .................................................. .......... .......................................... عند الرياجيل فلاح اللي كان ينظف فرده (بعياره):يبه لطام ابوسعد وهو يدفي ايديه على الضو وهو داري بفلاح وعيارته:هها وش عندك يافليح فلاح وهو يكتم ضحكته:حياك معنا للصيد ابوسعد يخفي ضحكته التي نتجت عن الخباثة المازحه لهذا الصغير:يابن الحلال خل منك اللعانه فلاح:هههههههههه ليه يبه والله اني خابرك بواردي في القنص(البواردي=الصياد الذي لايخطأ في الهدف) ابو سعد مازال على وضعه:اقول البخ الكل :ههههههههههههههههههههههههههههههههههههه عساف:ماتعلمني وش فيك متضايق كذا ان كانه عشان بنات ابي ناصر فهن ماعليهن الا العافيه ابداح:ياعساف البنات حسبة ايتام وذا الفعل مايرضي لا الله ولاخلقه عساف:ياخيك ابييهن عندهن ولاعليهن خلاف ولالنا كلمه عليهن ابدح بعد تفكير:عساف لو اخطب عند ابي ناصر تهقى يجوزني لأني نويت لاعودنا للدوحه ابي اشور ابي في ذا الموضوع عساف بحميه:ابداح لاتاخذ وحده منهن عشان تفكها من ذا الحياة الزهده تشين فالها ترا والله مايوقف في وجهك الا انا ابداح:والله يا ان جوزني وحده منهن اني لا ارويها زين الدنيا عساف براحه:والله مدري اخطب وشف وان ردك منت بميت ابداح:ادري ماهوب ضارني بس انا حانهن من ذا الشقا عساف بقليل من الغضب:ابداح انت من اليوم وانت تتحسسني انه ظايمهن تراه ابيهن كانك ساج(ساج=ناسي) ابداح :مانيب ساج غار انت شايف مرته فيهن مايسوسها رجل الام(مرته=طريقته) عساف محاولا(ن) تغيير الموضوع:اقول وش رايك نروح مع فليح المرجوج ابتسم ابداح :مافهاد وراه بطواله عساف :من يصدق ان فلاح ابو 28سنه والخبل الآخر ابو 29 سنه ابداح:احد مثلنا حنا الشيبان كل منا ابو31 عساف:من اللي يقوله انا عن نفسي عمري 21 ابداح:ههههههههههههههههه قم قم خلنا نروح عندهم .................................................. .......... .................................. |
البارت الثالث .................................................. .... هاهي تجلس في الصاله الخاصه بجناحها المخصص لها في منزل والدها وهي في عالمها الذي لايوجد به الا المواجع وتخاطب نفسها:ياترى عادني بشوفهن ولا لأ......وان شفتهن وش بســــ......قاطعها صوت ابنة اخيها التي تربت على يديها جواهر وهي تبوس عمتها:شلونش يمه العمه وهي تحتضنها بحنان :طيبه دامني اشوف زولش في ذا البيت جواهر وهي تخش وجهها في نحر لم تغير الليالي والاوجاع بريقه وجماله الاخاذ:وينش اليوم مانزلتي على الغدا ماعرفت آكل من غير مااشوف ذا الوجه اللي يفظ الفقر العمه وصوتها لايخلو من الحزن:والله مافيني شي غار جيت من الدوام ماشوف قدامي ونمت ولاقمت الا قبل شوي جواهر بعتب:يمه وضحه الى متى وانتي على ذا الحزن والله اني امرض يوم اشوفش كذا حتى ناصر ونايف يموتون من الغبن لاشافوش كذا وضحه بجزع وخوف:اسم لله عليهم من الموت لاعاد تجيبين طاري الموت لواحد(ن) منكم جواهر:وانا صادقه تذبحنا اللواهيد لاشفناش تخشين دمعتش وحزنش وضحه وصوتها يتهدج:يامش اللي فيني ماتمحيه الليالي ولا الايام اللي جاني مهب شوي جعله مايمر على عدو ولا صديق جواهر بألم وهي تضمها:تكفين يمه لاتبكين لاتضيقين خاطري اكثر من كذا وضحه وهي تكفكف دموعها:هاه هذا انا مسحت دموعي ولايضيق خاطر بنت فيصل جواهر:ياجعل ربي مايخلي بنت فيصل من عمتها ثم اردفت بحماس:اسكتي يايمه ابي تحت ضايق ويرعد من العصبيه وضحه(ام شاهه) بخوف:ليه اسم لله عليه وش فيه؟؟ جواهر وهي تكمل بابتسامتها الجميله:تعرفين محمد آل هزاع الملياردير وضحه بقلق:وش فيه جواهر:خطبش من ابي وابي غسل شراعه وضحه وهي تسند ظهرها على الاريكه براحه:مقدي .....جعله السلال اربه يبيني آخذه عقب ذا العمر جواهر:ليه شفيش والله انش ازين من كل نسوان الجماعه لا البنت منهن ولا العجوز وضحه:يامش قدني عجوز جواهر:يمه انتي على قولت ناصر الفراعنه (كل ماتقدم تجدد)والله ان خوياتي انهبلن يوم شافنش حتى دلول الخبل يوم شافتهن صدعن قالت اللي تبي تشوف عمتي تدفع اول وضحه:هههههههههه ياجعلني قبلها ماازين سوالفها جواهر بغيره خفيفه:يممممه ترا ماارضى وضحه: والله انش داريه انه مابه من هو اغلى منش عندي جواهر بابسامة رضا:هايالله امشي نحول عند ابي امي وضحه وهي تلتقط جلالها وتلفه على وجهها الذي لايكل ولايمل من ينظر له من التأمل:يالله جواهر وهي تتوجه للباب:اموت واعرف ليه تلبسين جلالش في بيتش وضحه وهي تدزها على خفيف لتكمل طريقها:بصري ماعليش مني(بصري=كيفي) .................................................. .......... .................................................. ....... في نفس البيت الطابق الاول ابوناصر بغضب: والله انه الخبل اقوله هي معيه من العرس وهو بهيمه مايفهم ام ناصر وهي تحاول تهدئته:ماعليك منه انت لاتحر عمرك عشانه ابو ناصر:الله لايعقله نايف اللي كان يقهويهم:يايبه جعلني قبلك لاتتعب عمرك عشان رخمه ماكرم عمره من الحكي الشين ابوناصر:اشهد انه رخمه وسمردحه اول ماهنا اقوله هي معيه عشان سنها عقبه قلت له الوالد مريض وذا مهب وقت حكيـ(ن) في ذا الامور وعاده ملزم عقبه عطيته اللي فيه العافيه نايف:ههههههههه اقديت فيه ابوناصر:ولدش الخبل وينه ام ناصر بضيق لنعت زوجها ابنها ب(الخبل):راح لجده ابوناصروهو ينزل فنجاله:اشوا عاده يعرف السنع عقب الخبال اللي سواه في بنيت عمه اليتيمه ثم اردف:وانت اخلص خلنا نروح فتحو الزياره قد لهم ربع ساعه(ووقف يعدل غترته) نايف وهو يوقف مع ابيه:يالله انا جاهز وضحه من وراهم:بتروح وانا ماشفتك اليوم التفت لهل الاثنين وقد بدا عليهما الفرحه وانجلاء الغضب من رؤيتها فتقدم نايف ليقبل راسها:وانا اقدر ان ماشفتش ذا الحين بمر عليش قبل ارقد وضحه وهي تقبل راس اخيها:شلونك يالغالي ابوناصر براحه:طيب(ن)جعلش طيبه شفيش ماحولتي للغدا وضحه:مافيني شي جعلني الاوله بس تعبانه من الدوام ابوناصر بعتب:انش جعلش تحيين ماتسمعين الحكي اقولش خلي ذا الشغل وانا اعطيش مابغيتيمن فلوس وضحه بحرج:والله اني مهب قصدي الفلوس بس انا احب الشغل والحركه ابوناصر بيأس:بصرش والتفت لنايف وانت يالله الحقني نايف:ابشر............... وبعد ماطلع ابوناصر التفت لعمته ..........لاتنامين قبل لاجيش وضحه بابتسامه:ابشر وسلم لي على ابي .....ورجعت للصاله اللي فيها ام ناصر وبنتها .................................................. .......... .................................................. .......... . في بيت ملاصق لبيت ابوناصر دلال وهي ترشف من فنجالها:يمه لاتسجين بكره موعد زيارتنا حنا النسوان لجدي ام وضحه وهي تمد الفنجال لها:لامانيب ساجه بس والله لاتأخرينا يادليل مهب اشوالش وضحه :يمه ناخذ معنا قهوه وشاهي للرياجيل ولا آل فيصل بيجيبون ام وضحه:اخذو معنا قهوه وشاهي زيادة الخير خيرين ولاتنسن الفناجيل والبيالات دلال بمرح:انا عن نفسي مانيب لامسه شي ام وضحه:عزالله صادقه يابنتي ماشفت ارفل منش دلال بدلع:يممممه انا رفله هاوالله مايسوي القهوه والشاهي الا انا وضحه بقليل من الراحه ونسيان الهم الذي لا يمكنه ان يسكن فتاة العشرون ربيعاً:جعلش قويه روينا وش بتسوين ام وضحه مثيرةً روح العزيمه في روح طفلتها:تشوف عينش ياوضحه لاجا وقت الشغل ماتعينينها دلال بأراده:تشوفون وش بسوي بكره ثم اردفت:بروح اكلم وضوح تعلمني شلون اسوي مثل قهوتها ام وضحه بغضب:احترمي عمتش ياقليلة الحياكم مره اقولش لاعاد تدعينها باسمها ثم اردفت بتساؤل:مدري ليه ام شاهه ساكته لش دلال وتضغط رقم تلفون بيت عمها الملاصق لهم:يايمه انا اضحك معها هذا انا لاجا قدام النسوان اقوله يمه وضحه بعديـــ............ قاطعها صوت تميز بهدوءه ورقته جواهر:الو دلال:لعنبو ذا المصخره عدلي صوتش (وهي تقلد صوت وضحه الناعم ولكن بطريقه ساخره)الوووو مالومش عمتش وضحه عجوز وصوتها ازين من اصوات البنات جواهر:هههههههههه ياويلي منش يادلول بالعه راديو بعدين اذكري الله على عمتش لاتبندقينها(تبندقينها=تحسدينها) دلال:ههههههههه لاعيني بارده شلونكم جواهر:طيبين انتو شلونكم وشلون صحة خالتي دلال والله الحمدلله ماعلينا ........ وضوح عندش؟؟ جواهر:ايه عندي تبينها ؟؟ دلال: ايه عطيني اياها جواهر وهي تعطي عمتها التلفون:يمه دلول تبيش وضحه:الو دلال:اذوب انا عند ذا الصوت اللي يقطع القلب وضحه:ههههههههه اللي يسمعش يقول رجال مو مره دلال:وش اسوي كل مااكلمش يوجعني راسي من زين صوتش وبحته وضحه:عن العياره وقوليلي وش عندش داقه دلال:طول عمرش فاهمتني حبي ابي منش طريقة قهوتش وضحه:ابشري اكتبي عندش....وبدت تملي عليها .................................................. .......... ........................... في المستشفى حيث كان اب الجميع طريح الفراش بعد ان اصيب بجلطه .........:هايبه وشلونك اليوم الجد(ابو فيصل):اليوم احسن جعله يسقى لاظهرت من ذا المحكر اللي كنه محكر حمام ........:يايبه هم مخلينك عندهم عشان يظبطون الضغط والسكري ابو فيصل بغضب:نويصر البخ .....انت معهم ولامعي ناصر:يايبه حنا في حرب اصلاً كلها يوم يومين وتظهروتعود لبيتك ولمجلسك ابو فيصل وهو يعود لهدوءه:انت وش صار على موضوعك انت وبنت عمك اللي قد لها سنه وهي في بيت اهلها ناصر بألم لمرور ذكراها:ماصار شي انا قايل(ن) لها اني مانيب مطلقها وعمتي راضيه بس هي اللي معنده ماتبيني الجد بغضب:ناصر ولعنه وانا استغفر الله من اللعنه ليه ماطلقتها كل من نشدته منكم ماعطاني علم واحسبك طلقتها مادريت انك رخمه موقف(ن) نصيب بنت عمك اللي كنها اختك قاطعه ناصر:يايبه لاتضيق جعلني فداك الضيقه مهيب زينة(ن) لك الجد وغضبه يتزايد:امع ياناصر نذر(ن) على ياان ظهرت من المستشفى وانت ماطلقتها والله انه مايواجهك في المحاكم الا انا انتفض ناصر غضباً وجزعاً لتخبله هذه الفكره ((ألا يعلم اني اعشقها ألا يعلم اني لم استطع اكمال حياتي مع انثى اخرى غيرها ألا يعلم اني لم ادخل اي انثى في مملكتها رجاءاً لعودتها)):والله ماأطلقها وعاد فيني عرق(ن) ينبظ انا لها وهي لي الجد باستنكار:انت لها وانت قد خذيت عليها ثنتين وطلقتهن وقدك تدور الثالثه....والله يا لواني داري ان ذا النسوان جاراتٍ لها بنت محمد والله ان قد محقت عليك وعلى ابيك اللي ساكتٍ على خبالك ناصر بهدوء:يايبه انا اغليها وانت الوحيد اللي داري باللي في قلبي لها من عادها بزر الجد وغضبه يتهاوى:يومك تغليها ليه ماغفرت زلتها ناصر: زلتها ماتغفر ماتغفر يبه الجد:يابيك ماوضحه مثل النسوان واكيد ماحدها على ذا الشي الا شي(ن) كايد ناصر وهي تتشكل امامه كل ذكريات تلك الليلة المشؤمه:مابه مره تقول لرجالها ماانت برجال الجد بألم:الله يهديها والله ماهقيتها تقول ذا الكلمه لو أنك تعلمني وش صار تيك الليله عشان تقول اللي قالته ناصر وهو يغير محور الحديث:انت علمني وين تبي عشاك في بيتي ولابيت ابي الجد بحزم:بيتك وبيت ابيك واحد ناصر بابتسامه:ولايهمك بيتي وبيت ابي واحدبس علمني تبي العشا في اي مجلس عشان نرتب للعشا انت باقيلك 3ايام وتظهر وحنا ماسوينا شي الجد:اللي يريحكم ثم اكمل بنبره اقرب للنصيحه والرجاء:طلقها خلها تشوف نصيبه ناصر منهياً الموضوع:والله ماتعرف من الرياجيل الا انا .................................................. .......... ......................................... عند الحريم وقت المغرب في قعدتهن شاهه وهي تضم اخيها البالغ من العمر4سنوات لصدرها الذي احتضنه منذ ولادته بعد وفاة خزنه(امه):ضيدان اقعد خلني ابرد لك الحليب ضيدان باصرار الاطفال:ساهه ابي الوح العب شاهه وهي تبرد الحليب الساخن ليصبح دافئاً ليدفي عظام صغيرها الملل لديها:قلت لك لأ بعدين تمرض ام سعد:خليه يروح يامش هوا البر مايضر شاهه:ذالةٍ عليه من المرض يمه مابه مستشفى قريب منا عشان نوديه عليا التي تلاعب اخيها وتلهيه عن مبتغاه:اخلصي ياشاهه قده بيفطن لنا شاهه:ضيدان ابوي تعال اشرب حليبك عشان تصير دافي وتصير احسن من عليا الخبله عليا :الله ينصف عليا وانتو كل ماجيتو تسوون شي دخلتو عليا ثمينه: وهي ترشف من بيالتها:لأن عليا بزر عليا:اقول تعوذي من الشيطان قدام اقوم عليش حصه تبي تحر عليا:ياربي انا مدري شلون هذي اختي نوره تكمل:لا وانتي الصادقه شلون اختش انتي وشاهه وضيدان عليا:قدني ابرك منكن ام سعد بحب لشبه ابنها الذي تجلى في هذه الصغيره المستنسخه منه:ماعليش منهن محترات منش عشانش تشبهين ابيش جعلني قبله ام نهار بمزح:افا يمه وحنا شينات ام سعد:كلكن مزايين بس شبه ناصر احلى ام نهار:هذا من والله من الغلا لولدش نوره وهي تشهق:يوه ياشاهه ذاك اليوم شفت ملكة جمال باكستان نسختش ثمينه تبتسم للذكرى التي تتذكرها:على طاري الزين خويتي اسما بنت آل زيد تقولي لعنبو غيرش بنت عمش ذي صوره مهيب آدميه شاهه وهي تبتسم:عاد والله انه مافيني ذاك الزين عشان كل من واجهني يقولي ذا الكلمه ام سعد وهي ترمي سهامها دون قصد لتنحر شاهه وعليا وحصه:والله يامش ان زينش من زين بطن(ن) نكتش(نكتش=انجبش) ام نهار بحنين:والله ماانسى عيون وحكي النسوان يوم حولت عليهن وضحه صباحة عرسها ام لطام وهي تبتسم:قصيرتنا تقول ذا الزين جا من حظ ذا اللي اسمه ناصر والله لو اني منه ماعاد اتعداها.......قاطع استرسال حكيهم وقوف عليا ودخولها الخيمه بضيق وعصبيه وبكاء حصه المكتوم ...........اما شاهه فكانت تشرب ضيدان دون اي ردة فعل ولكن هناك براكين بين اضلاعها(لييييه؟؟؟ليه تجيبون طاريها ولا هو شوف وحر جوف........ليه تذكروني باللي ابي ادله عنه سنين ليه؟؟؟؟؟ وش عاد يلايم جروحي ؟؟؟؟)(ادله=انسى)(يلايم=يغلق) ام نهار وهي تضم حصه:بس يامش والله ان حنا سجينا ولا والله مانجيب طاريها حصه ببكاء مؤلم:تكفين يمه صيته ابي امي ام سعد وهي تقاوم عبراتها:يابنتي لاتقطعين قلبي ببكاش شاهه وهي مستمره في اسقاء صغيرها وبهدوء موجع تخفي خلفه ساحه فاض بها الدم المنبعث من جروحها التي انبجست لذكرى من كان لحبها السلطه على قلب فتاة التاسعه عشر عاماً:بس ياحصه لاتضايقين جدتي نوره وهي تهب واقفه:انا بروح اشوف عليا ام سعد بحزن لمعركة الالم التي يخضنها حفيداتها عند سماع ذكرى والدتهن:اي والله روحي شوفيها يامش(اومأت نوره برأسها وخرجت باحثه عن تلك الحزينه التي لطالما كانت اكثر اخواتها تأثراً لفراق امها) ضيدان الصغير وهو يبكي ويختبئ في حضن من كانت له اماً واختاً وصديقه:ليه حته اكي(ليه حصه تبكي) شاهه وتشده لصدرها بشكل مبالغ فيه لتهدئته:بس حبيبي حصه راسها اح (تكفى ياضيدان لاتبعد خلك كذا مايخفف من الوجع اللي في صدري الا قربك) ضيدان بألم واختناق وخوف بسبب قلة التنفس:آآآي ساهه انتي عونيني ام سعد بوجع:يابنتي لاتذبحين اخيش تراش آجعتيه شاهه وهي تفلته وتلبس برقعها وتقف لتخرج:ثمينه خلي ضيدان عندش بروح اسوي العشا(وخرجت لتتجه لمخبأها (المطبخ) لتفرغ حزنها حسب رغبتها) .................................................. .......... ......................... في موقع ابعد قليلاً نوره:يابنت الحلال لابد يطيح اللي في راس ابي ناصر وتروحون تشوفونها عليا بضحكه قصيره ساخره:نشوفها هه....الظاهر اني بموت ماشفتها يانوره نوره بجزع:اعوذ بالله من ذا الفال الامحق عليا وعبراتها تتسابق:نوره انا كل يوم اشم ريحتها اللي بقت لي منها نوره:تعوذي من الشيطان هذا سوات الشيطان يبيش تجزعين من ارادته عليا بصوتها الباكي:آآآآآه ياليتني بس اذكر ملامحها عشان احلم فيها ريحتها تزيدني وجع وشوق وانا مااشوفها نوره وهي تضمها:ياعليا مالش الا انش تدعين ان الله يهدي ابيش ويسمح لكم تشوفونها عليا:دايم وانا ادعي وبدعي الين اشوفها نوره مظيفه روح المرح:ياشينش لاصرتي سخيفه وفاتحه ثمش ودموعش كنها المطر في عز المربعانيه(ثمش=فمش) عليا وهي تمسح دموعها:هههههه ماتجاملين تحذفينها في الوجه نوره:انا وحده مااحب المجامله والنفاق عليا:اقول امشي امشي تلقين جدتي ذا الحين ذابحه نفسها من البكا نوره:لا وانتي الصادقه حصه اللي ماتت من البكي عليا وهي تعدل نقابها على وجهها:عز الله عاده حصه مالها قلب(مالها قلب=حساسه) وذهبتا متجهتان للقعده .................................................. .......... ......................... في سيارة فهاد فهاد:والله اني داري انه ماوراك خير فلاح:اصبر ذا الحين بنشوف الخير كله فهاد:والله ان عودنا من غير صيد بيمصخرونا عساف وبداح فلاح وهو ينظر بتمعن فيخرج(الفرد):مايقدرون دام طير شلوى معك(فيرمي اول الفرائس) فهاد بفرح:كفو ابو فهاد فلاح وهو ينزل:ماعليك زود ابوفلاح وعادا للصيد هوايتهما المفضله منذ الطفوله .................................................. .......... ................ في خيمة المطبخ حيث تجلس اسيرة الحزن ضيدان وهو يلعب ويغني بطفوليه معبره عن محبته:ساهه حبيبي ساهه حتاتي اما هي كانت تجلس على كرسي صغير وتضيف باقي مقادير وجبة العشاء فنهرت ضيدان بضيق:ضيـــــدان بس ثم اكملت:يالله روح عند بابا ضيدان وكأنه رأى حزنها فأقبل على البكاء الذي كانت تنهره حين يتمكن من صوته مهما كان السبب:مابي (فاقترب منها ليضمها بتملك)ابي ساهه شاهه وهي تضمه مبعدته عن غازها الارضي:ياروح شاهه(فأردفت بحزم)ان بكيت ضربتك ضيدان يدفن وجهه اكثر في صدرها:انا لجال ماأكي(انا رجال ماابكي) شاهه وهي تبعده لتنظر لوجهه الغالي:طيب الرجال يروح يقعد في المجلس مو في المطبخ صح ضيدان بابتسامه جميله:ثح شاهه تقف وتلبس برقعها وتمسك يده لتذهب به لطريق المجلس فتقف في منتصفه لتراقبه حتى يدخل المجلس ثم عادت للمطبخ لتكمل عملها وحزنها بمفردها دون ان يشاركها احد ظنناً منهم لتعودها وعدم تأثرها لغياب امها مؤكدين ذلك بقولهم(شاهه عاقله وقويه مايهمها) لماذا لايهمني انا بشر احتاج امي في كل وقت لكن كثرة جفاء وقسوة امي اعتدت على تناسيها .................................................. .......... ............ في المجلس ضيدان بفرحه:فحااااااد(وراح يركض لفهاد) فهاد يضمه:زين في تقدم اذكر اسمي فادي الحين صار فحاد وعقبال ماتنطقه عدل ابو ضيدان بمزح:تعيب على ولدي هذا الشيخ ضيدان شلون تعيب عليه فهاد وهو يحب خدود ضيدان اللي متعلق فيه حيل:هههههههه اجل يرضيك انه يقلبني لبناني ابوسعد:نهار نهار الذي كان يجلس بجانب لطام ليتجاذبا الحديث:لبيه يبه ابوسعد:ماودك تسمعني من نشيدك الوين نهار:والله يايبه مايحظرني شي ذا الحين بس ابسمعك قصيدة قد سمعتها(لنهار صوت اثناء جر الالحان فصوته محبب لدى جده بقوه) ابوسعد:خلني بس اسمع جر صوتك(جر=نشيد) نهار:ابشر(فبدأ بجر الصوت وهو يتخيلها وهي تمثل ابيات القصيده) اوي فنجال(ن) شربته لحالي فنجال(ن)ماله ثاني(ن) بالفناجيل فنجال من غالي ويمده لغالي وتهديه غير ايديه سود(ن)مضاليل(ابتسم لتذكره عيناها السود) مده علي وقال خذ ياحلالي لا يابعد من ينقل القال والقيل اخذت فنجالي وريحت بالي وثنيت رجلي عندهم للتعاليل دار الحديث وكل شي(ن)صفالي وارهيت منهم بالوفا والمحاصيل قمنا على ماقيل لاله ولا لي الا وعود في الليالي المقابيل وسلامتكم الكل:صح لسانك نهار:صحت ابدانكم الجد وهو يخطط في الارض بعصاه:وش ذا القصيده ياولد سلطان(فالكل يعلم ان الجد حين يغضب ينادي بابن فلان) نهار وهو يقبل رأس جده:اسمحلي يبه انا قلتلك انها مهيب لي ابوسعد بحزم:احرص من النار نهار:تربيتك وتربية ابي ماتظهر مني العيبه انشا الله لطام مسانداً له:يكرم ابو سلطان من الردا ابو سعد:الشيطان ملعون يابيكم احرصو منه فأخذ الكل يتعوذ من الشيطان .................................................. ......... في صالة بيت فيصل جواهر برجاء:يالله يمه تكفين عيديهم وضحه:كم مره وانا اقولش مازهقتي جواهر:ابي احفظ اساميهم وضحه:اسمعي وآخر مره اعيد سعد ماخذ نوره وعندهم لطام وبداح وفهاد وثمينه اما صيته(فابتسمت لذكراها)ماخذه سلطان اخ نوره وعندهم نهار وعساف وفلاح ونوره وووو....... ثم اردفت بألم وحزن:ناصر اللي كنت عنده وعنده ثلاث قطع من روحي (فخانتها دمعتها لتسقط على خدها الغض)شاهه فديتها وعليا (ثم ابتسمت واكملت) ياشطنها يومها صغيره وعقبها حصه و عقب ماطلقني(قاتها وهي تمسح دمعها وتكمل بألم اكبر والذكرى تتصور امامها)خذا وسميه آل مصلح وجاب عليها ضيدان جواهر بعد ماقل حماسها منذ ان رأت دموع عمتها:آسفه يمه ام ناصر بتعنيف:طول عمرش ماتثمنين كلمتش وضحه وهي تضم مدللتها الصغيره:الله يهديش ياام ناصر تراها ماقالت شي تنشد عن اهلها ام ناصر بخجل وموده:بس ذا الاسئله ظايقتش ياام شاهه وضحه:يابنت الحلال هذي سوالف وانقضت وحكين في الفايت نقصان في العقل وتقليبنا وزعلنا من الماضي نقصان عقل .................................................. .......... ......... بعد ان تناول الرجال والنساء العشاء جلسن النساء لأحتساء الزعتر(نوع من انواع الشاي لتهضيم الوجبه) ام سعد:شاهه يامش سويتي فراشي شاهه بهدوءها المعتاد:ايه يمه ثمينه:بسألكم كل وحده فيكم تقول لي وش احلى قصيده عندها يالله نبدا بجدتي الجده:يابنتي طلعيني انا من ذا السؤال والله اني تعبانه ولالي خلق لشي ثمينه:اجل يالله انتي يمه صيته ام نهاربتفكير:احلى قصيده سمعتها لراكان بن حثلين يومه يقول حمزه مشينا من ديار المحبين .......... وانتو عارفين الباقي ثمينه:وانتي يمه ام لطام:انا مالي في القصيد يامش شوفي غيري ثمينه:وانتي نوره نوره:قصيدة ابن فطيس ياعيون اللي من امسه ماتعشا عليا:عاد انا هذي القصيده الوحيده اللي مااخبها لابن فطيس نوره بمزح:لا ذوقش الحلو يالله قولي وش ازين القصايد عندش عليا بغرور كاذب:قصيدة ياسر التويجري الاشياء نوره:سبحان الله عاد انا بعد مااحب ذاالقصيده حصه بدلعها الطبيعي:يع وش ذا الذوق البدوي عليا:اقول لايطق لش عرق ياام الذوق حصه:اصلاً احلى القصيد عند حمدان المري عليا باستهزاء مازح:بالله وش القصيده الحلوه اللي عاجبتش حصه بحزن مفاجئ:مغترب من ديرتي عليا:آآآآآآآآه ثمينه وهي تضيع الحزن:وانتي شاهه شاهه وهي مخفيةً ملالمحها التي اكفهرت حزناً:ماسمعتي خالد الفيصل يوم يقول وبدأت تلقيها بصوتها الذي كان فتنه لكل من حولها ببحته الجميله من بادي الوقت وهذا طبع الايام عذبات الايام ماتمدي لياليها حلو الليالي توارى مثل الاحلام اسري مع الهاجس اللي مابعد نام وأصور الماضي لنفسي واسليها اخالف العمر واراجع سالف اعوامي وانوخ ركاب فكري عند داعيها .................................................. .......... ....... نزلت من الدرج حتى وصلت الى امها فجلست بجانبها:وين دلول يمه ام وضحه وهي تتقهوى:من يوم طلعتي لحجرتش العصر الى ذا الحين وهي في المطبخ كنها تسوي ذبيحه مهب قهوه وضحهوهي تبتسم:دقت علي وانا فوق تقولي تعالي ذوقي القهوه ام وضحه داعيه:الله يكبر حظوظكن ويستر عليكن دنيا وآخره.................ماان انتهت من دعوتها حتى رن الهاتف ام وضحه:وضحه يامش قومي شوفي التلفون والله مافيني حيل اقوم وضحه وهي تتجه للتلفون:ابشري وضحه:الو الطرف الآخر:الو السلام عليكم وضحه بفرح:وعليكم السلام يامرحبا شلونك ياخالي الخال (ابو مساعد):زين انش ذكرتي اني خالش عرفت وضحه انه كشف السر ردت بحرج:انت في العين وعلى الراس ياخال ابومساعد:عطيني امش وضحه بحرج وألم (فلكل يؤنبها):ابشر ..........وعطت امها التلفون ام وضحه بحنين وفرحه غامره:يامرحبا بنظر عيني ابومساعد:المرحب باقي شلونش ياأم وضحه وشلون البنات ام وضحه:طيبين جعلك طيب انت شلونك وشلون اهلك ابومساعد بعتب:كلن طيب ولو اني عتبان عليش ام وضحه بجزع:ليه جعلني الاوله وش انا مضايقتك فيه ابو مساعد بانفعال:ليه ترخصين وضحه ياسنوا ام وضحه بيأس وحرج:ياختك انا ابيها عند ولد عمها واهلها بس هي الله يهديها معنده ابومساعد بغضب: لاتغصبينها على شي وضحه شيخة البنات ماهيب بايره ..... وليه تكذبون علي وعلى العرب وتقولون طلقها ام وضحه بخجل: ابي العرب يحسبونها في العده عشان مايخطبونها لأني على رجا انه يردها ابو مساعد وقد زاد الغضب:ليه ليه تعود عليه مايبيها يطلقها مهوب يعرس عليها وهي مخليها معلقه ام وضحه تلقي بالقنبله:عيا يطلقها(عيا=رفض) ابومساعد وهو يتعزوا لشدته غضبه:اخو سنوا ......والله ان يغضب خاطره مني ام وضحه برجاء:تكفى يامحمد لاتزيد المشاكل ابومساعد منهياً الحوار:يالله مع السلامه (وأغلق الهاتف لغضبه من تصرف اخته غير المبرر) ام وضحه وهي تمسح دمعات الالم:يالله سترك وضحه بخوف:عسى ماشر ام وضحه:خالش ضايق على ناصر ويتوعده وضحه صمتت لثواني لترد قائله:يمه قومي بروح لجدي الحين ام وضحه:ذا الحين عنده رياجيل وضحه وهي تقف:ادري بس لازم اشوفه ام وضحه:ليه وش حادش وضحه وتصعد الدرج:بعدين اقولش انا بروح البس تكفين يمه بسرعه ام وضحه:الله يستر......ياكوماري جيبي اغراضي .................................................. .......... ............................ في جناح الجد الذي لايوجد فيه سوى ابو ناصر وابنائه واحد اصدقاء الجد رن هاتف ابو ناصر ابو ناصر وهو يناظر الشاشه باستغراب فيرد:الو وضحه بارتباك:الو السلام عليكم ابو ناصر:لحظه شوي(طلع من الغرفه للممر المقابل) ابو ناصر:هلا يابيش ارب مافيكم شي وضحه:لا يبه بس انا وامي جايين في الطريق ابي اشوف جدي ضروري ابو ناصر بقلق:وضحه صاير شي وضحه:صدقني يبه مابه الا العافيه بس ابي اشوف جدي ابوناصر بعدم تصديق:بكره زيارتكم انتو النسوان ليه جايه اليوم وانتي داريه انه عنده رياجيل وضحه برجاء:تكفى يبه انا جايه ذا الحين عشان اشوفه ضروري ابوناصر مايبي يضغط عليها:الله يستر منش ومن جدش على العموم ماعندنا الا رجال واحد وهذا هو طلع يالله يابيش مع السلامه (ودعها ليذهب لتوديع الضيف) وضحه بقليل من الصبر:مع السلامه بعد دقائق كانت تقف امام غرفة جدها ابو ناصر:ماتبين تعلميني شعندش وضحه انزلت رأسها:............ ام وضحه:والله يابوناصر حتى انا ماعلمتني ابو ناصر:اصبري خليني اطلع العيال اصابتها رعشه قويه فهمست:يارب مايكون داخل ماأن انتهت من همسها حتى رأته امامها بشموخه وطوله الفارع ووجهه المعشوق لديها مقابل وجهها ناصر وهو يناظرها ببرود وقليل من الغضب:شعندش جايه ذا الحزه انتهى البارت |
البارت الرابع .................................................. ......... في مخيم آل لطام الجده بألم:ليه ذا الحزن يابنتي شاهه وهي تخفي ملامحها الموجوعه:لا يمه جعلني الاوله مافيني حزن بس ذا القصيده من عادني صغيره الجده بصوت خافت:هذا بلا ابوك ياعقاب يعني من بدا العنا والعذاب الجده بصوت عالي:يابنتي الانسان يحب من القصيد مايهيض مواجعه ولاقده فرحان يحب اللي يزيده فرح شاهه تحاول اقناع جدتها بعدم احتواء قلبها علر اي حزن رغم ان قلبها مسكناً للحزن:صدقيني يمه ذا القصيده احبها لأني احب قصايد خالد الفيصل الجده بحزن:يابنت الحلال والله يا الحزن انه في قلبش بس ليتني احتال امحيه من قلبش(احتال= استطيع)...............قاطعهم صوت محبب لدى الجميع ووقف الجميع احتراماً له الجد:وش حط الحزن في قلب شاهتي وانا حي شاهه وهي تقبل رأس جدها:ياجعلك تحيا لشاهه جلس الجميع ثم اكمل الجد:ليه حزينه ياشاهه شاهه باحراج:مانيب حزينه جعلني فدا راسك بس جدتي جعلها تحيا هي اللي تقول اني حزينه الجد بحزم:الا حزينه (ثم انحدر صوتها للحزن)قالتلها قصيده كسرت ضلوعي من حزنها الجد وهو يتناول الفنجال من نوره:وش ذا القصيده شاهه وهي تسب نفسها:خلك منها يبه الجد بحزم (لأنه يريد اكمال ماخطط له):انا اقولش قوليها حصه بلقافه:انا بقولها يبه الجد بابتسامه:اول تعالي في حضني لأني ماشفتش اليوم(اقتربت حصه لتخفي نفسها في حضن جدها باحثةً عن الحنان المفقود كعادتها) الجد:يالله قولي(اشارت لهل شاهه بنظرتها المعروفه لدى اخواتها) حصه وكأنها ارادت اشعال عزم جدها اكثر:تقول من بادي الوقت وهذا طبع الايامي عذبات الايام ماتمدي لياليها حلو الليالي توارى مثل الاحلام (فصمتت لتتذكر باقي القصيده) اكملت من كانت تخفي دمعاتها منذ ان سمعت ماتلته شاهه بصوتها الحزين عليا مخفيه وجهها ومحورةً صوتها:اسري مع الهاجس اللي مابعد نامي واصور الماضي لنفسي واسليها اخالف العمر واراجع سالف اعوامي وانوخ ركاب فكري عند راعيها الجد وهو يعتدل في جلسته مبعداً حصه عن حضنه ويضع فنجاله امامهوالله ان يروح ذا الحزن وانا اخو ناصر صقع الجميع ايعقل ان يصبح المحظور حلال ففاجأهم الجد بقوله:وش رايكن يابنات آخذكن معي للابل انا بغبش لها منصبح(اغبش=اذهب لها مبكراً جداً) نوره بخوف:بس تكفى يبه ماتغصبنا على مدخال الشبك عليا برعب:انا مانيب رايحه الجد:ههههههههه كلكن بتروحن يالله قومن اجهزن(نهضن ليجهزن اغراضهن) ثم التفت للجده:شاهه تغبشين معي الجده وهي تعدل برقعها:ايه بروح معك ام نهار بمزح:وحنا يبه ماتبينا نروح معك الجد:اني خابرش انتي واختش من عادكن صغار تذلن من الابل ام لطام:صيته تمزح معك جعلني قبلك الجد:ليه ماتروحن معنا البنات وشاهه بيروحن معي ولاهوب قاعدن الاانتن ام لطام وهي تقف مستعده للذهاب لتجهيزاغراضها:انا بخاويكم ام نهار:اجل انا مانيب التاليه وانا بروح وذهب الجميع للاستعداد للرحله .................................................. ......... في المستشفى كانت تراقب وجهه(أحقاً ان ازداد عشقاً وهو يزداد جفاءاً ايعقل اني احبه بعد مافعله بي رباه ارحمني من لهيب حبه ولكن لاتزيله من قلبي اشعر وكأني مت ثم عدت للحياه عند رؤية وجهه) اما هو(اعشقك ايتها المجنونه المتمرده ............لحظه؟؟لماذا ارى حزناً تخفينه في عينيك.........اتعلمين كم اشتقت لكي ايتها العاشقة المعشوقه) قاطعت سرحانه بكلمتها المؤلمه:ملك شغل انتفض غضباً واراد الامساك بها لولا انها دخلت لجدها ووالده امسكه:ماعاد الا تمد ايدك عليها في غرفة من اثقلته هموم الحياه وضحه وهي تنزع نقابها:السلام عليكم(اقتربت لتقبل رأس وأنف جدها) الجد بفزع:وعليكم السلام ارب مافيكم شي وضحه:لاانشاالله مافينا الا العافيه بس انا ابيك في مويضيع ضروري الجد وهو يعود الى هدوءه:امري يابنت الغالي وضحه وقد بدت عليها علامات الحرج:مايامر عليك عدو بس انا ابي............ الجد:شعندش ياوضوح وضحه وهي تكاد تموت حرجاً:يبه ابيك تكلم ناصر يردني الجد بهدوء:لــــأــ وضحه بصدمه:ليه يبه الجد بغضب:لأنش على ذمته وضحه وهي تذوب خجلاً:يبه خلني اعلمك....................... الجد :وش تقولين عقب ماكذبتي علي وقلتي انه طلقش ليه رضيتي لنفسش بالمهونه وضحه برجاء:يبه تكفى خلنا من اللي راح وريح نفسك ..............(ثم اردفت بهدوء)يبه ناصر لازم يردني الجد بقلق:وش العلم وضحه وهي تمسك دموعها خوفاً على ذلك المجنون الذي لايحسب للعواقب اي حساب:خالي محمد درى ان ناصر ماطلقني ودق يخانق ويتوعد الجد بقليل من الراحه:يومش تبينه يردش وذاله من المشاكل ليه ماعودتي من اول مره وضحه وهي تخفض رأسها:......................... الجد:خلاص قومي روحي جهزي اغراضش عشان تعودين مع رجلش الليله ومحمد انا بتدبر موضوعه وضحه بصدمه:الليله؟؟ الجد: ايه الليله ولا بعد تبون تجيبون مصايب اكثر وضحه وهي ترتدي نقابها:ابشر يبه مع السلامه الجده مع السلامه ...........آآآآآآآآه جعلك عظامك الجنه ياحمد خرجت فنهض لها بسرعه:ان عاد ظهرتي من البيت من غير شوري مهوب اشوا لش نظرت له وذهبت لتعين امها على الوقوف:يالله يمه ام وضحه:يالله .........وذهبتا متوجهتان للسياره تاركتان خلفهما من افرغ غضبه بضرب كفه في عرض حائط .................................................. .......... ............................. جواهر التي كانت في حضن عمتها على فراش وضحه تستعدان للنوم:يمه وضحه وهي مغمضةً عيناها:لبيه جواهر بألم:اذا شفتي بناتش بتنسيني وضحه وهي تبعدها بغضب:وش جاب ذا الطاري جواهر وهي تقاوم عبراتها:يمه تكفين جاوبيني وضحه بانفعال:ليه فيه احد ينسى روحه ...........يالخبله انتي بنتي اللي ربيتها وكبرت تحت عيني انتي اللي عطيتش كل اللي فيني من حنان دلع جواهر وهي تضم خصر عمتها وتبكي بشده:يمه تكفين لاتخليني وضحه وهي تشد من احتضانها وكأنها تود ادخالها بين ضلوعها:والله ان غلاش وغلا شاهه وعليا وحصه واحد مافيه ام تفرق بين عيالها جواهر بصوتها الباكي:بس انا ......... وضحه تبعدها بغضب:انت وش مانتيب بنتي ردي جواهر وهي تبكي:.................. وضحه بغضب:الام اللي ربت ماهيب اللي جابت انا ربيتش يوم امش تعبانه ربيتش يوم ناصر حرمني بناتي ويوم طابت امش قالت لي جواهر بنتش ماهيب بنتي انتي اللي خذيتيها لحمه حمرا وربيتيها تدرين ليه عطتني اياش مهب لأنها ارخصتش لا لأنها داريه ان اللي تربي هي الام جواهر:آسفه يمه بس انا............ وضحه بهدوء:قومي الحين روحي غرفتش مابي اشوفش جواهر تقف وهي تبكي بشده:جد انا آسفه بمه(وخرجت تركض متوجهه لغرفتها) وضحه بألم:آآآآآآه حتى انتي ياجواهر ماتثقين فيني........فديتها آجعتها بالحكي بس خلها ابيها تثق انها اغلى من روحي واني لايمكن اخليها ........................................... ................ في المستشفى الجد بأمر:قم ذا الحين وأرض مرتك وردها لبيتها ناصر باحترام:اسمح لي يبه ماقدر الجد بحزم:وانا اقول قم ردها ابو ناصر:خلاص قم رد مرتك يكفي هجرك لها سنه كامله ناصر:ماتستاهل من يرضيها الجد: نذرن علي ان تقوم ذا الحين وتروح تسمح خاطرها وماتمسي الليله الا في حضنك ناصر بغضب مخفي:لبشر يبه عز الله انك حديتني على اقصاي الجد:يابن الحلال ادمحلها زلتها بنت عمك ويتيمه وصغيره وتحبك وانت داري(ادمحلها=اغفر)(زله=ذنب او خطأ) ناصر يقف ذاهباً لها:يالله مع السلامه الكل:مع السلامه ابو فيصل التفت وهوينظر لوالده:ليه اصريت عليه يرضيها والليله بعد الجد:لأن الشي لاكثر سمج(سمج=تَفُهَ) ابو فيصل بابتسامه:وغير ذا الحكي الجد:ماعندي غيره بعدين انت داري انه يموت على الارض اللي تسير عليها وضحه ابوفيصل:اشهد انك صادق وهي بعد تحبه الجد:خبلان مدري ليه مشقين عمارهم بذا الفراق ابو فيصل:الله يصلح مابينهم .................................................. .......... ...... ..... كانت تضع اغراضها في شنطتها دلا بفضول:علميني وين بتروحين وضحه بابتسامه:برجع لبيتي دلال تضمها بقوه لشدة فرحها:صدق مابغيتي تفكين عنا وضحه:ههههههههه يعني انا مثقله عليكم يا السلقه دلال:من جهة مثقله علينا فأنتي غاثتنا مو مثقله علينا وضحه وهي تغلق حقيبتها:شوفي من بيقعد معش لارحت دلال بهدوء وجديه:وضحه شلون بترجعين وهو ماتلحلح ولاجا يرضيش وضحه بقليل من القلق:آآآه يادلال انا بقولش بس لايدري احد دلال بقلق:وضحه لاتوتريني قولي وضحه بخجل:انا رحت لجدي وقلتله يخلي ناصر يردني بدون مايقوله اني انا اللي قلتله دلال بغضب:ليه يالغبيه ليه ترخصين نفسش وش حادش على كذا قاطعتها وضحه:يادلال خالي محمد درى وعصب علي وعلى امي وقام يتوعد ناصر وانا مابي الافرقا المشاكل دلال بغضب اكثر:انتي ماهمش المشاكل انتي همش لا احد يضر حبيب القلب بس كرامتش ماتهمش وضحه:دامه مهوب داري اجل ماحد مس كرامتي دلال بعصبيه:يعني عادي عندش ترجعين له وانتي داريه انه رادش غصب(ن) عنه وضحه وبدا صوتها ييتهدج:دلال تكفين خليني بروحي دلال وقد آلمها منظر اختها فاقتربت منها وضمتها:والله ياوضحه اني مابي آجعش بس ماابي احد يكسرش وضحه وهي تبكي:انا ماسويت كذا الا عشان ابعد المشاكل انتي داره ان خالي محمد حار وممكن يسوي اي شي دلال بمزح:خايفه على الطنطل وضحه وهي تضربها على خفيف:هههه لاتقولين عنه طنطل دلال:ايا قليلة الخاتمه تضربيني عشان رجالش وضحه وهي ترجع تسكر باقي شناطها:اسكتي والله اني ميته خوف من ردة فعله دلال:ماراح يسوي شي وان سوى شي استخدمي سلاحش الفتاك (وهي تنظر لأختها بخبث) وضحه بحرج:انا بفهم من المعرسه فينا انا ولاانتي دلال:ابيش تأدبينه على عرساته عليش وعلى كل اللي سواه وضحه:والله لاخليه يقول ليتنا من حجنا سالمينا(ليتنا من حجنا سالمينا =مثل يقال تعبيراً عن الندم) دلال:بعدي اختي خليش وياه .................................................. .......... ........... كان في سيارته متوجهاً لمنزلها كان يحادث نفسه قائلاً:وش السواة انا ان شفتها ضاعت علومي وانا ابي ادبها على اللي سوته ابيها تعرف تثمن كلمتها قبل تقولها لي ابي لسانها الطويل عند الكل والجميع ابي يروح لاشافتني .......بس شلون وانا لاشفت عيونها ودي احط روحي فدوة نظرتها الله يهديك ياجدي ماعطيتني وقت اهيء نفسي انا ليه اكذب على نفسي وانا ميت من الفرحه لمعوادها لي (فابتسم متخيلاً عيناها وجسمها وشعرها) فقال بصوت عالي :يامرحبا ترحيبة ريس قبيله وربعه من الغربه يقولون ماجور(ريس=رئيس) .................................................. .......... ....... دخلت الخادمه لتقول:ماما ودهه بابا ناصر يبي انتي في مجلس اصابتها رعشه:طيب انا اللحين يجي التفتت وضحه لأختها:دلول والله اني ميته من الخوف دلال:اقول قومي روحي لرجلش مهوب ماكلش (ثم اردفت بخبث)خبزٍٍ خبزتيه يارفلا اكليه وضحه وهي ترتب شكلها وتزيد من عطرها:الله يخس ابليسش الشرهه على اللي معلمش(وخرجت ذاهبه لمن ملاك قلبها في طفولتها ومراهقتها وشبابها ) .................................................. .......... .. في المجلس ام وضحه:حيا الله من جانا ياولدي ناصر:الله يحيش يمه ام وضحه:ياولدي ادري ان وضحه غلطانه وحقك انك تأدبها بس تكفى يمك لاتثقل العيار ناصر:بحيل الله مايصير الا اللي يرضيش قاطعهم دخول وضحه ام وضحه:انا بخليك انت ومرتك تفاهمو على راحتكم(وخرجت تاركه الاثنان في حالة صمت) ناصر ببرود:شفيش واقفه اقعدي لاتخافين مانيب غاصبش على شي وضحه وقد اشتعل وجهها حرجاً لأنه يذكرها بمقولتها في تلك الليله التعيسه قل عام(جلست على نفس الكنبه ولكن في آخرها) ناصر:ها يابنت حمد وش في خاطرش وضحه بصوت منخفض:مافي خاطري شي ناصر ببرود:وش تبين رضاوتش يابنت عمي وضحه وقد وصلت لمبتغاها فارتفع صوتها:رضاوتي تعاهدني انك ماتعرس علي مره ثانيه وان صار الشيخ اللي بيملك لكم هو نفسه اللي يطلقنا ناصر(ياسعد عيني يعني زعلت يوم اعرست عليها تغار علي الخبل مادرت اني ماطلقت بنات الناس الا عشانها):وغيره وضحه:وتسامحني على اللي سويته وبس ناصر:اجل اسمعي تحرم علي علوم الرجال ومجاس الرجال لو اعرست عليش اما المسامحه لأ وضحه اخفضت رأسها تخفي دموعها ولكن لم تستطع اخفائها على العاشق ناصر بغضب:كم مره قلت لش لاتبكين ارفعي راسش وامسحي دموعش يالله اشوف(ياليتني اقدر اقرب منها واضمها واطيب خاطرها بس وش اسوي في ذا القلب اللي مايقدر على قربها) وضحه وهي تمسح دموعها:انا آسفه ناصر ناصر:انا بسامحش بس عقب مااحطش تحت الاختبار وضحه باستغراب:اي اختبار ناصر:اختبار مني لو اجتزتيه وتعلمتي منه راح افتح لش قلبي مره ثانيه وضحه وقد تجهم وجهها(هل اغلق قلبه من دوني ؟؟سأموت ان لم اعش تحت ظل حبه لما.......) قاطع سرحانها صوته القلق:وضحه شفيش وضحه بهدوء:مافيني شي (وقامت) ناصر:وين وضحه:بقوم اجيب اغراضي ناصر وهو يرجع ظهره على الكنبه:يالله اعجلي وضحه وهي تتجه للباب بهدوء مؤلم:انشالله ناصر:ليه اكفهر وجهها............ لبى عينها والله انها وحشتني بس ذبحتني يوم بكت ماتدري اني اموت لاشفت دموعها ........بينور البيت الليله .................................................. .......... ...... وضحه وهي تلبس نقابها وتبكي دلال بخوف:شفيش ....قالش شي يكدر خاطرش ردي علي وضحه وهي تنهار على السرير:مايحبني يادلال مايحبني دلال بصدمه:من اللي يقول ذا الحكي وضحه: هو هو اللي قاله دلال:وش قال وضحه:يقول انه سكر قلبه من دوني واذا اجتزت الاختبار بيفتحه لي مره ثانيه صمتت دلال ثم قالت:اسمعي اظنش تعرفين شلون تخلينه يندم على كلمته وضحه:انا مابي اعيش من غير حبه دلال:ابيش تعلقينه فيش ابيش تنجحين في اختباره الغبي هذا وعقبها تلعبين لعبتش وتخلينه يندم عدة شعر راسه على اللي قاله وضحه بعد ان هدئت:وهذا اللي بيصير دلال:اجل يالله ابدي خطتش من تركبين معه في السياره وضحه وهي تتجه للباب ولكن توقفها دلال:افا الظاهر اللي قلته كله راح في الهوا تعالي زيدي الكحل والعطر وضحه:بيعصب ان شاف عيوني مكحله وبيمحق علي دلال بمزح:ياام الذكاء غطي عيونش اكثر(وفعلت كما قالت اختها) نزلت ودعت امها اللي دعت لها بكل دعوه تنفعها ومنها (روحي يابنتي جعلش شمسٍ في عينه ماتغيب) وودعت اختها وهاهي تركب السياره التي لم يغيرها من بعدها رغم انه مهووس في تغيير السيارات:السلام عليكم ناصر:وعليكم السلام (وحرك السياره متجهاً لمنزلهم المجاور) .................................................. .......... ....... في مخيم آل لطام بعد ان نام الجميع لكنهم لم ينامو في بيت الشعر فلاح بحماس:اسكتو ياشباب ذاك اليوم وانا في السوق وتنشب لي عجوز فهاد:وش تبي فلاح:تخيلو طول اليوم تتبعني ويوم اندبلت كبدي التفت عليها قلت انتي تبين شي يومش من اليوم تتبعيني تدرون شقالت فهاد بابتسامه:وش قالت فلاح وهو يقلدها ويضع يده على فمه وبدلع مفرط مضحك:يااااااي يازين اللي يوش وانا اقوم قدام الله وخلقه وانا افصخ عقالي وانا السبها والكل يناظرنا والله مااحد فزع لها الين هي طقت انفجر الجميع ضاحكاً ماعدا هو الذي كان غارقاً في همومه:ههههههههههههههههههههههههههه عساف:وانت ماذليت من شرطه ولا عرب فلاح بقهر:ذيك الساعه ماهمني الاادبها اقولكم والله انها في محاري 60 بداح:هذا جزاها اللي معجبه فيك فلاح:اخخخخيه منها ومن اعجابها اصلاًاللي مثلها في بيته ويطلب الرحمه والمغفره وحسن الخاتمه نهار بهدوء:الله يستر على بناتنا الكل:آمين نهار:ابو سعد وش في خاطرك متعومس لطام:مابه الا الزين ياابو سلطان ثم اردف قائلاً:نهار سمعنا من قصايدك نهار وهو يعتدل في جلسته:ابشر (وابتسم وهو يتخيلها) هذي والله لعبدالله العدواني مهيب لي وبدأ يجربصوته الذي يبري الجراح:تسلم لي الضحكه ويسلم لي الطول يوم اقبلت وارخت سدول اللثامي تقول وضحاً زرفلت بأول الشوط مع ذود عبدالعزيز اللي عليها الكلامي عيون خرس ورمش ولسان معسول والوجه ماخذ نور بدر التمامي عنق ونحر والشعر مهوب مجدول ليلٍ اليا تحت الروك مترامي(ثم صمت بألم نهار:الله يلعن الشيطان اللهم اغفرلي وبدا يستغفر فلاح بهدوء:تكفى نهار كملها من غير ماتجيب الوصف نهار:ابشر ورجع يكمل يادانة الطواش ياالماس يالولو ياخوخ يارمان ياتين شامي مقتول في وصلك في البعد مقتول ياضيعتي في قمة الانسجامي لاصار غيري في مكاني وش اقول قربه حلال وقرب مثلي حرام وسلامتكم الكل:صح لسانك فلاح بصراخ:اوووووووووووووه فهاد يضربه على فخذه:وجع اقصر صوتك بداح وهو يضحك:خله مااحد بسامعه فلا وهو يغني بطريقه طفوليه لأنه بدا يفصل:بابا نهار انت الحب ونبض القلب بداح وعساف وفهاد:ههههههههههههههههههههههه نهار:الله يقرفك كرهتني في البزران فلاح:انا اذا اعرست بقول لمرتي ذا القصيده عقبها تشوفونها تموت علي تحسب اني شاعر بس اربها ماتطيح على القصيده مع انها مهيب من ذا النوع عساف باستغراب:وانت شدراك فلاح ببرود:لأنها حصيصه على قولت جدي صمت .....صدمه......ترقب.............عدم تصديق انتهى البارت |
البارت الخامس *********** في بيت ابو ناصر الهادي فتحت باب غرفة النوم بعد ماتفقدت باقي قصرها الصغير (يالله وحشتني شقتي هذا هو المكان نفس اللي خليته قبل سنه افففف المكان مليان غبــــا.......... قاطعها صوته) ناصر وهو يحذف غترته على السرير:نظفي المكان على الماشي الين يجي بكره وخلي الخدم ينظفونه كله وضحه وهي تحط عبايتها ولفتها ونقابها على السرير:لا ماأقدر اخلي المكان كذا بروح اجيب الاغراض عشان انظف الجناح كله ناصر بصدمه:من صدقش الناس رقود وين تنظفين ذا الحزه وضحه وهي تبعد القعده الصغيره اللي في غرفتهم:قلتلك ماأقدر انا بنفظ السرير وابدل الديباج وانت ارقد وانا بشوف شغلي(الديباج=غطاء السرير) ناصر ببرود مصطنع:كيفش(نزلت تجيب اغراض التنظيف) ناصر وهو يحط لفتها ونقابها على وجهه ويحذف نفسه على السرير بابتسامه:لبى الريحه وراعيتها (وتاه في عالم وضحه ) ايقظه من حلمه اليقظ:ناصر قوم خلني ابدل الديباج ناصر بارتباك وهو يبعد اغراضها عنه:ها..اي انشا الله بدأت تعمل بجد وبعد عشر دقائق:يالله خلصت امسكها ليقربها منه فيضمها مبتغياً ان يدفنها بين عظامه العوج.........ثم ابعدها بسرعه كالملسوع وخرج مسرعاً للصاله الصغيره التي في شقتهم ليتركها تنهار خلفه ناصر وكفاه تحتضن رأسه:ذليت من شي ماسلمت منه ربع ساعه ماتحملت شلون الايام الجايه يالله رحمتك اما في الداخل كانت جالسه على سريرها وهي منهاره:لهالدرجه كارهني بس انا استاهل انا اللي جبته لنفسي....آآآآآه ه ه ................................ في بيت الشعر لطام بغضب نادراً مايظهر عليه:فلااااح احشم نفسك فلاح بهدوء:انا من صدقي وبخطبها بس ابيكم تعاونني على الشيبان نهار بنرفزه:فلاح الموضوع ذا مهوب مزح مثل عادتك هذي بنت عمك وترا حنا كلنا اخوانها لاتحسب ماوراها الا ابي ناصر لطام وقد هدا قليلاً:لحظه يانهار خلنا نفهم وش ذا العلم الجديد فلاح:انتو شفيكم علي عساف:فينا انك تكلم في موضوع مافيه مزح وانت ماخذ الموضوع ضحك بداح:فلاح انت صادق في اللي تقوله فلاح بتوتر:والله اني صادق بس الشيبان بعيييون عشانكم(بعييون=يرفضون) فهاد باستغراب:عشانا؟؟ فلاح:ايه لأنكم الكبار ماأعرستو وانا اصغركم مايصير اخطب قبلكم لطام:حنا ماحنا ببنات عشان نعرس بالدور فلاح:عاد انتو ادرى بشيبانكم لطام بهدوء:انت صامل؟؟ فلاح بحماس:اي والله صامل لطام:خلاص انت اقدم وحنا معك (اقدم=اقبل) فهاد بمزح:الحين انت البزر تعرس قبلي فلاح:ترا مابينا الا سنه يالخبل بداح:والله وكبرت يافليح فلاح:جعل امحق حكي اولٍ بزر وعقبه كبرت ..ليه انتو خابريني احبي الكل:ههههههههههههه ******** بعد مرور الوقت دخل عليها كانت ترتدي قميص قطني يصل الى تحت الركبه مباشره وتشتغل بهمه ناصر:يعطيش العافيه انتفضت قليلاً:الله يعافيك.....ثم اردفت:تبي عشا اسمح لي لهيت ومانشدتك ناصر وهي ينسدح على السرير:لا مشكوره بس اخلصي عشان تريحين قبل الصلاه شوي وضحه وهي منهمكه في عملها:انشا الله وبعد مرور اربع ساعات لم تغفى عينه وهو يتبعها بعينه وهي تعمل باجتهاد ناصر:يابنت الحلال خلاص وضحه بتوتر وهي تعيد السجاد مكانه:خلاص هذا آخر شي(انتهت من عملها الشاق وذهبت اكرمكم الله الى الحمام لتستحم...........وبعد مرور ساعه الاربع خرجت وهي تلف نفسها بروبها ) كان يتابع التلفاز ولكن حين خرجت محت كل تركيزه وبعثرته بشكلها الأسر وضحه وهي تجلس امام المرآه وتضع كريمات الترطيب على جسمها:ناصر ترا انا بنام في الصاله وانت اخذ راحتك في السرير ناصر بحزم:لأ نومه في مكان غير جنبي لأ(ثم انتبه لما قال)ثم اردف..اقصد لازم ترتاحين عقب ذا التعب اخفت ابتسامتها التي تعبر عن فرحتها لما قال حتى وأن حاول تحوير المعنى ثم ذهبت لغرفة التبديل لترتدي بجامتها البيجيه الحرير ثم اقبلت عليه بغصنها الريان لتختبئ في فراشها ناصر وهو يغلق التلفاز ويتمدد بجانبها:ترا ماحد يدري انش عودتي الا ابي ومااتوقع انه امداه يعلمهم وضحه بخجل:خلاص اجل انت انزل قبلي بكره وعلمهم لأني مستحيه منهم والله ابتسم لخجلها المفرط الذي لازال كما هو حتى وان غابت اعوام ليس عام واحد.................صمت الاثنان رغم اشتحان الجو بينهما لحظات حتى احست به يجذبها ناحيته ويضمها بقوه ليستكين وجهه في شعرها البني وضحه بتوتر:ناصر ناصر وهو يهيم بها هي فقط:ماراح اسوي لش شي(لكن قلقها وخجلها لم يهدأ) بعد مرور نصف ساعه ناصر:يابنت استكيني اقلقتيني بحركتش قلت لش مانيب مسوي لش شي استكانت خجلاً.....لاتعلم لماذا اصابها التوتر حين دخول بوابة احضانه رغم انها كانت لاتنام سوى على احضانه ......................................... الله اكبر الله اكبر.............الله اكبر الله اكبر اشهد ان لااله الا الله .......اشهد ان لا اله الا الله ام شاهه وتنهض بعد نوم متعب اكثر ممايكون مريح:يالله اصبحنا واصبح الملك لله وش ذا النومه المحقا .........مان انتهت من كلمتها حتى راتها تدخل بخجل مخفضةً رأسها جواهر:صباح الخير يمه وضحه وهي تظهر غضبها الكاذب:هلا صباح النور ثم تركتها لتذهب للوضوء اعزكم الله جواهر وهي تجلس في الصاله حزينه لما وصل غضب عمتها وضحه:يالله قومي روحي غرفتش صلي جواهر بصوت يتحدر للبكاء:بصلي عندش وضحه بقسوه:لا يالله روحي غرفتش خلصيني جواهر وقد بدات تبكي وتقبل رأس وضحه وتضمها رغم برود وضحه:يمه تكفين خلاص سامحيني والله ماعاد اقول مثل ذا الحكي مره ثانيه وضحه وهي تبعدها:ماأقدر نفسي ماتقدر تسامحش خرجت جواهر هاربه من هذا الوضع وضحه بحزن:ياجعلني قبلش وقبل زولش سامحيني يامش بس ابي لش الزين انا بعد ماقدرت اهدي اللعب شوي كاني مادري انها ماتحمل شي....الله يلعنك يابليس الهيتني من الصلاه وقامت تصلي .............................. .. في نفس المكان بس تحت ابوناصر يالله مشينا نايف:لحظه يبه ناصر مابعد جا ابوناصر يخفي ابتسامته:اخيك اليوم مهوب في حالك يمكنه يصلي في شقته نايف بابتسامه:اجل يالله قبل نتأخر على الصلاه قده بيقوم واتجها للباب اكن اوقفهما صوته:لحظه خلوني ازين ثوبي تبادل نايف ووالده النظرات ناصر: شفيكم ابو ناصر وهو يفتح الباب ليخرج:ابد سلامتك يالله مشينا(وخرج) نايف وهو يهمس لناصر:صباح الخير ياعريس ناصر وهو يخفي ابتسامته: اصبح اصبح وتبعا والدهما الذي سبقهم للمسجد .................................................. ... . الجد وهو يلكز فلاح وفهاد وعساف وبداح بطرف عصاه:قومو الصلاه الصلاه دخل لطام الذي يغطي وجهه بغترته بعد انتهاءه من الوضوء:استغفر الله استغفر الله....(قبل رأس جده) صباح الخير يبه بو سعد بحب:صباح النور يبوي ها نصلي لطام:لحظه ابواني عادهم يتوضون ابوسعد بعصبيه وهويلتفت على العيال اللي ماصحو:وذا الجعاريه مابعد قامو(الجعاريه=الكلاب) ثم اردف:عطي جركل الماء لطام وهو يبتسم لعلمه بما سيقوم به جده:ابشر(اعطاه الجركل) ابو سعد ويصب الماي على العيال:قومو خلصوني استيقظ الجميع وهو يجري باحثاً عن الماء للوضوء لطام:خلك وياهم ابوسعد:اندبهم من يوم قمت ولامنهم اللي تحرك دخل ابولطام وابو نهار وابوضيدان ونهار:السلام عليكم الجد ولطام:وعليكم السلام الجد:يالله نصلي الجميع يالله استوى الجميع للصلاه...اتى فلاح مسرعاً ليصطدم بنهار الذي كان على طرف الصف ثم اتى فهاد وعساف وبداح يجرون لينظمو للصف .................................................. .......... كانت تقف امام الغاز الارضي وهي تضم شالها على كتفيه وتنفخ بين كفيها باحثةً عن الدفء شاهه وهي تنتفض:يالله متى يدفا الماي جمدت دخل عليها وهو خائف:ساهه شاهه بفجعه:شمقومك من فراشك من غير هدوم(انحنت عليه وحملته وهي تغطيه بشالها متجهه لخيمتها هي واخواتها وجدتها) وضعته على فراشه وغطته:يالله ارقد انا بروح اجيب حق ماما جده ماي واجي ضيدان:بسلعه شاهه وهي تضمه:ابشر بس انت لاتقوم م فراشك الين اجي ضيدان وهو يعود للنوم:انذين دخلت عليا ترتعد برداً وتهمس:صباح الخير شاهه وهي تضمها لتدفيها وبهمس مماثل:هلا صباح النور...وين اختش عليا:برا توضا شاهه وهي تبتعد عنها:احرصي على اخيش توه جايني في المطبخ لحاله عليا وهي تفرش سجادتها للصلاه:اني قبل اظهر توعى ونشدني منش وقلت شوي وتاتي الظاهر ماصدقني وجاش يدورش بس ماعليش خلاص انا عنده شاهه وتتجه للجد لتوقظها:يمه ...يمه الجده وهي تفتح عينيها:لبيه شاهه وهي تمد كفها لتعين الجده على النهوض:يالله يمه الصلاه الجده:اصبحنا واصبح الملك لله شاهه وهي تعدل جلالها وبرقعها:لحظه يمه بروح اجيب الما الدافي عشان توضين في الذرا(الذرا=حاجز) الجده:الله يجزاش خير يابنتي ويكبر حظش ذهبت شاهه وماهي دقائق حتى دخلت ومعها الماء:يالله يمه الجده:تعالي قوميني يامش ............................................... .. وبعد شروق الشمس استيقظ الجميع في بيت الشعر والكل جالس بانتظار اكتمال الفطور ضيدان الذي يجلس بجانب فهاد كالعاده:فحاد فهاد:لبيه ضيدان بحماس:اليوم تلوح ويانا عند الوحوس(الوحوش) فهاد:ههههههه اسمها الابل فلاح وهو يغمض عين ويفتح الاخرى:هذا حضيري ماتنفعه حياتنا ابوضيدان وهو يضم ابنه:اقول احترم نفسك لاتغلط على الرياجيل بداح:ههههههههه من الرياجيل لاتقول بابا سنفور ضيدان بصدمه لأنه يعرف ان فلاح وبداح وعساف ونهار لايسمونه سوى بابا سنفور:بابا انا سنفور فهاد:الاهم السنافر ماعليك منهم ابو ضيدان:سمعت فهاد شقال هم السنافر الجد وكأنه يخاطب الكبار:لاتشره عليهم وانا ابيك حطو دوبهم دوب البزر فلاح:حلوه يبه النغزه الجد:اقول تلايط يارجال ضحك الباقي عليه اكتمل الفطور وبدأ الجميع بتناوله ................................. ... شاهه وهي تضع آخر طبق على السفره:يالله سمو الكل:بسم الله (وشرعوا بالاكل) وبعد مرور نصف ساعه الجده:الحمالله جعله يكثر خيركم الكل:فيه العافيه(وبدو البنات يشيلون الصحون) عليا:تسلم ايدش ياشوشو على ذا الريوق اللي كانه ريوق ملوك الجده:جعلني قبلها بنت ناصر راعية بيت جيده عليا:يمه مايصير كذا كل ماجبنا طاري شاهه قمتي تمدحينها وحنا مالنا رب الجده:كلاً غالي بس شاهه غير عليا:هذا بلا ابوك ياعقاب الكل:هههههههههههه ............................................... دخلت عليها للمره الثانيه جواهر بحزن:السلام عليكم ام شاهه وهي تشاهد التلفاز دون ان تنظر لها:وعليكم السلام........ها طاح مافي راسش جواهر وهي تقترب منها لتلقي نفسها في احضانها:والله اني ندمت على حكيي ام شاهه وهي تضمها بشده:انا ماسويت ذا الشي الا عشان تدرين انش اغلى من سار على الارض عندي جواهر وهي دافنه وجهها في احضان عمتها:رضيتي علي يمه وضحه:وانا زعلت اصلاً جواهر:والله يمه اني مانمت من امس وضحه:انا شكلي بزعل مره ثاننيه جواهر وهي تمسح دموعها:من اللي بيخليش تزعلين ام شاهه:هههههالرضوه غصيبه يعني جواهر:ههههههوالله عاد كيفش بس زعل مره ثانيه مافيه ام شاهه:طيب امشي نروح نسوي ريوق لاني لذا الحين ماتريقت جواهر:لا قومي البسي عشان بنتريق انا وانت وامي برا على حسابي ام شاهه:تراش قلتي على حسابش جواهر وهي تخرج لتستعد للذهاب مع عمتها .................................. ابو سعد بعصبيه:يالله اخلصن علي ابطيت على ذودي حصه ومن داخل الخيمه:ياناس من يرضي ان حنا نركب في البدي كن حنا غنم عليا:هههههههههههه اخلصي جدي ضايق واتجهن ليركبن في (البدي) كانت سيارة الجد شاص وماكان يشوف عدل بس هو مايرضى ان احد يسوق فيه كان راكب قدام وجنبه الجده وشاهه وفي حضنها ضيدان وفي البدي نوره وثمينه وحصه اللي تحلطم وعليا وام نهار وام لطام اللي ركبن باختيارهن رغم اصرار شاهه على انهم يركبون قدام بس هم مارضو يقولون (نبي هوا ربي) حصه:يافشلتي ان شافوني رفيقاتي وانا في ذا الحال المزري نوره:وابشرش ترا العيال يضحكون علينا عليا وهي تتطنز:يافشلتش ياحصيصه العيال واقفين ويتمصخرون عليش ام نهار:الله يقطع بليسش ياعلوي لاتزيدينها عليها ثمينه:خلها وياها حصيصه بنت ناصر وذابحتها الحضاره ........................................... .. فلاح وهو واقف برا بيت الشعر ويضحك على اللي في البدي فلاح:هههههههههههههه ياعيال تعالو شوفو جدكم وش سوا في النشوان طلعو وفقعوها ضحك عساف:اما اشكالهم تحفه فهاد:فليح الظاهر المدام معهم فلاح وهو يمثل انه بيغمى عليه:يالبييييه ظربه نهار على راسه:احترم نفسك فلاح وهو يدخل:لالالا انا لازم اتمم الموضوع راح عند عمه ناصر وقام يحب راسه وخشمه:طالبك يبه ماتردني ابوضيدان:والله انه تم فلاح:انا ابي اعرس ولاني معين احسن من بنات عمي وخصوصي حصه ابوضيدان نزل راسه وهو يبتسم وبعد فترة صمت رفع راسه:يابيك لوانها ذبيحه ماعشتك ابو لطام بفرحه:اجل شوفو لاتجيبون طاري عند ابي الين اقوله ونخطب رسمي لانه بيزعل ان درى ان ذا الخبل المرعوش خطب وماعلمه بداح اللي واقف جنب عساف عند باب المجلس وبصدمه:سواها المدموغ فهاد وهو يضحك بصوت واطي:هههههه اشهد انه اجيدنا الحين حنا اللي اكبر منه ماسويناها وهو في دقيقه خلص الموضوع عساف:ياويله من جدي لوانه يدري والله ان يمحق ذا العرس على راسه .............................................. وصل الجد واللي معه الجد وهو ينزل من السياره:يالله انزلن ونزلن الاغراض نزل الكل حصه الغاضبه:آآآي ياكبي آآي ياراسي رايحه ملاهي مهوب رايح للبل نوره:ههههههههه اقول اخلصي بس جيبي الاغراض الجد ينادي شاهه اللي كانت تنزل الاغراض الثقيله لان البنات مايقدرونها:شااااهه شاهه وهي منهمكه:لبيييه يبه الجد:يابيش ادخلي الشبك واحلبي لنا من الابل شاهه اللي معروفه بعدم خوفها من اي شي على عكس الباقي الا الجده:ابشر يبه عليا وهي تمسك ايد شاهه:احرصي على عمرش شاهه بابتسامه:ماعلي شر انشاالله(وخذت الطاسه ودخلت ) اول مادخلت استنكرت الفحل اللي يراقبها مع انه مهجور(مهجور=مربوط) راحت عند وحده من النوق وبدت تحلبها وبدت تسمع هدير الفحل اللي قام يتحرك بقوه يبي يقطع الخيط........... فجأه ماشافته الا وهو يشلع المركابه من الارض وجاها يجري حذفت الطاسه وقامت تركض تبي توصل باب الشبك بس |
| الساعة الآن 06:24 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir